勤興茶餐室

營業中

休息中

入秋天氣涼D，在街市熟食中心没有冷氣也覺舒服，今次飲咖啡加奶醬多，啡不很濃，多士脆（不像快餐店D多士，唔脆，吸番濕氣），地方很清潔，老闆娘很好人，坐得舒服，又冇人趕你走（長沙湾某間名茶記，會趨你走），呢度，chill下先落街市買餸，一樂也。

今日到保安道熟食中心食午餐，中心是沒有冷氣供應，而且裝修比較舊，座位似大排檔的，環境一般，所以夏天在這裏用膳就會非常焗熱，這間餐室已經很久，價錢實惠，食物質素一般。每次來都是叫特餐，餐室的午餐都算價廉，份量都OK。冬天可以堂食，夏天叫外賣好D。

［#熟食中心 ］#勤興茶餐室好耐冇嚟保安道街市，諗住去德發幫襯，點知冇開😫 唔想白行一趟，於是就去咗對面度食。望見午餐餐牌唔係咁啱食，正價餐牌又略嫌唔太抵，最後都係叫咗個午餐，$38+1。#咸魚雞粒炒飯 ，上檯時未至於出晒煙，不過都可以接受。味道夠晒，始終咸魚香都帶咸味，雞粒都算多同大粒，都算唔錯。#凍檸茶 我次次都會叫 #少冰 ，所以唔需要擔心冰係咪比得唔夠🤣 有四片唔薄嘅檸檬，茶味都🍋，正常發揮。其實我好少喺出面叫 #炒飯 ，因為多數都係自己炒嚟食😀 不過鹹魚雞粒炒飯就例外，今日碟飯整體味道唔會過咸。推介指數：6/10勤興茶餐室長沙灣保安道市政大廈3樓CF23舖@foodiehck2022#港飲港食平靚正#海南雞飯🐔 #長沙灣 #保安道街市 #午餐

➖ 特餐｜沙爹牛肉麵·腸仔·煎蛋·牛油方包唔記得左呢個熟食中心無冷氣超怕熱既我夏天係唔黎得呢啲地方，不過好在我食麵好快手食完應該都係濕左一半到。個麵一黎到就撈一撈個汁試左啖湯先，沙爹味唔係好香濃果隻但佢亦都唔淡，唔甜亦唔鹹感覺好溫柔食完成碗都唔會滯。牛肉有5、6塊到正常份量，肉質似打邊爐既鮮滑牛感覺好實淨但咬落好淋果種。個麵幾好食不過好快淋，我食得都算快但就係追唔到佢淋既速度，我都係鍾意食到尾都仲有小小硬果啲麵🪧 係街坊group見啲人話呢間先係長沙灣最好食既沙爹牛麵，不過咩先係最好食我諗都係睇個人喜好，我就唔鍾意呢到個麵底但又鍾意佢個牛同沙爹汁咁不如打和啦

很久沒有到來這個熟食市場，遲下都可能難以到熟食市場，於是今天再來埋齋。沙嗲牛肉的沙嗲醬略冷😨，放麵條面頭還不熱，浸落湯方會熱，誠意欠奉，一味夠快。腸仔煎蛋，煎蛋已穿，輕微失望🙍🏾，腸仔香口。茶走夠大杯，茶味香濃，火喉夠重，以餐廳來說，這杯奶茶份量十足，因此即使煉奶有這麽厚，仍覺濃香，就知道它的茶味多濃香。很多時候，到熟食市場都是享受氣氛，或是免費🆓wifi，旁邊的男子，坐下知道結帳都不足10分鐘，其實有意思嗎？

浪漫，喺種感覺，而呢種感覺係冇定義嘅， 呢種感覺因人而異 ; 有人覺得歐洲宮廷式嘅華麗先可以稱為浪漫，亦有人認為用草織一隻戒指係浪漫，但係對我嚟講，飽肚嘅一刻先至係最浪漫。今日就同朋友去咗一間歷史悠久嘅茶餐廳，食佐個佬飯我食嘅佬飯並唔係乜嘢男人的浪漫 ，而係呢間餐廳嘅每日精選飯餐，3號 : 滑蛋牛肉飯 $30 包飲品。滑蛋牛肉飯， 超大碟，相信只係地盤工友先可以食得曬，飯同餸嘅比例係一半半，牛肉嘅比例又超多，而且牛肉有牛肉味，個滑蛋芡汁非常之好味。呢個滑蛋牛肉飯食起上嚟，真係男人的浪漫。

平時逢星期一係長沙灣返工，放lunch都會去長沙灣市政大樓搵好嘢食，之前一路都食開對面椒鹽豬扒飯，我鍾意佢有辣同埋夠野未，點知新年應該冇咁早開，所以就試咗對面呢間叫做勤興茶餐室。一坐低見到佢有五樣lunch 食物揀，呢個lunch都係包餐飲同埋一碗例湯，跟住我就揀咗「咖喱汁火腿雞扒飯」，碗湯雖然冇對面嗰間咁大碗，但係都夠火喉，啲飯仲係熱辣辣，對於呢個冬天來講，熱飯係我哋打工仔食落肚最緊要嘅元素，咖喱飯嘅味道剛剛好，唔會太辣，而且雞扒非常新鮮，所以我食完，呢個lunch都好滿足！

打8號風球前一日, 適逄這天午飯時間可以長一點, 走到距離工作地點遠一點的順寧道街市樓上熟食市場, 這個三樓熟食市場是沒有冷氣只用風扇的舊式熟食市場, 但打風前夕氣溫只在24-25度之間的好天氣情況下感覺良好, 看了一遍後隨意地座下了一間, 反正一個人哪一間座低都分別不大, 座低望一下牆上那營光紙上寫的午餐是什麼吧! 竟然寫住$29/ 連熱飲重要包例湯!凍飲才加$1 , 汽水加$2, 有點唔多相信我眼睛見到的這個價錢, 我工作的荔枝角那邊外賣都$33-35啦, 好多時見同事落街買回來的飯肉多,飯多菜唔多, 所以自己一般都帶沙律返工, 我那天在這熟食快餐店點了:豉椒排骨飯, 份量雖說不是頂大但足夠一個普通男生食量, 豉椒汁份量亦足夠食晒一碟飯, 米飯都唔太削, 排骨都係半肉半骨, 醃味唔太怪, 例湯清清地可以接受, 杯茶重要係大杯裝的不是厚身瓷杯嗰隻! 

小女士孤陋寡聞,好像是最近十,數年才知道街市上面有熟食中心,最熟識是旺角妹記,然後還有深水埗,跑馬地, 九龍城,銅鑼灣,灣仔,柴灣,北角,西灣等等等等等...本來還怕會像深水埗的環境一樣,不過全然不同,乾淨,明亮,除了店鋪最前端老公話有點地滑之外,我行既路都幾乾爽.剛好天氣涼快,唔知夏天會唔會熱.是旦午餐$27,配飲品/紅豆凍1.干炒牛河.正常之作,牛肉偏少,河粉份量剛好一個人.未係好大好大鑊氣的一種2. 西炒飯, 有點濕,正常,我笑說像老公飯煲煮的蕃薯飯.話說是日午餐還有雞扒火腿飯,蘿蔔白腩飯,有點後悔叫了這個普通之選,不過免加錢配的紅豆凍,仍是挺快樂.看見好多人叫公仔麵餐,當附近新華沙嗲牛麵餐加到$36時,依到好抵食,下次都想試試..附近還有好多餐廳都有點人氣,都想試下.

21-3-2013(四)小時候，媽媽常帶我往保安道買菜，那時候的市政大廈還未興建，只光顧擺放在街邊兩旁的檔口；03 年，我一人搬出來居住，選址在元州街的某大廈內，一住便四年了。。。近月來，我一人不知不覺常重返長沙灣，漫無目的在逛遊，或是上月辭掉工作，生活變得空洞起來；又或是數位較好的友人已移民外地，在港已沒有可交心的朋友，生活變得寂寞起來；又或是，我對長沙灣一處，早已種下一份解不開的情感。。。真的不清楚！「勤興茶餐室」至今已屹立二十多年了，我曾在這兒度過不少的青春歲月。今天下午，我決定舊地重遊，再次來到這兒。這裡的茶餐，絕對夠經濟！今天，胃口有點悶熱，所以我點了一個茶餐 - 火腿沙津配熱檸水，希望能把胃口打通。沙律的賣相一般，更可說沒有獨特，但勝在味道佳。我最怕吃到的沙律是只有半冷、沙律醬更在溶掉的狀態內！這裡的沙律，真的十年如一日般長情，就算這熟食中心沒冷氣，但其沙律的溫度，就算上桌後五分鐘依然夠保持冰凍。沙律汁酸酸甜甜，很滋味，薯仔、果粒吃起來加上沙律汁的，完全不覺得肥膩，好吃。火腿切片後加入，我向店員取少許牛油及黑椒粒，撒上牛油及黑椒粒的火腿片，味道更優勝。一個這般簡單的茶餐，足

在長沙灣的老街坊可能記得, 勤興茶餐室在搬進市政大樓前, 是在市政大樓附近的街邊鐵皮屋擺檔的.在1989年市政大樓開幕後, 勤興也跟著一起搬進去.市政大樓始終已經有廿二年歷史, 設施已經有點跟不上時代的需要, 熟食中心沒有空調, 只有牛角扇,在天氣炎熱的夏天, 食客光顧都會吃得出汗. 以前食客坐滿的熟食中心, 現在顯得有一點點冷清.光顧了勤興這麼多年, 很多時都是點它的特餐, 貪它是全日供應, 而且已經包括了飲品.特餐有沙嗲牛肉麵, 腸仔煎蛋, 牛油方包及一杯飲品.以前此店是使用大光麵, 但可能成本上漲問題, 看見廚房內已不是大光麵的紙皮箱, 而是另一款(好像是日東牌), 可能成本比大光麵更便宜吧.雖然如此, 麵質吃下與以前差不多, 沒有太大分別. 沙嗲牛肉只是數塊. 由於個人口味, 叫阿姐放下大量蔥花, 她亦滿足了我的要求.腸仔是普通的廚師腸, 煎得有點焦. 煎蛋不錯, 保留了蛋黃. 但是碟底有很多油, 顯得不太健康.牛油方包砌得薄薄的, 雖然知道成本上漲, 但麵包這麼薄, 若果用來飽肚是不能滿足的.凍檸茶只得檸檬4片, 茶味有點苦澀, 可以有改善的空間.勤興的價錢與外面的茶餐廳差不

身為燕京學子,有好幾間餐廳為"學校飯堂",蘇屋茶餐廳(已執),杜鵑茶餐廳(晚年),李鄭屋超群(已執).尚有保安道市政大樓的"勤興".此檔在正龍頭位,近水樓台,所有客人差不多比勤興的侍應拉得一乾二淨.多年來,此街市的食檔翻了數翻,唯獨此店,一生不變.招牌字體依舊,只是略多點蒼桑味.由$8.5特餐,踢到今天$17.有特餐,當然有快餐,後者當然係碟頭飯飽肚物之類,面前久違的特餐,如老朋友好久不見.仍是老樣子.菴列煎得不錯,切開火腿連蛋油流出,實在不要浪費件牛油方包,點上蛋液吃,不知多好.叉燒湯意十多年如一.湯底沒有曖昧的顏色,味道幾清.叉燒外來貨,以地域來推斷,在廿幾碼之遙的洪慶,應該係最大嫌疑者.不過,當年市政大樓最愛之一,並非勤興,而是開在最尾的..名字已忘記,在1989年的生活指數,此店的一個快餐有西湯,會意粉,餐飲,$8.5一客,抵唔抵?只怪勤興實在太好生意.其他檔口,一律被邊緣化,最後漸漸消失.同今日北角渣華道,東寶獨大的形勢雷同.