勝博殿日式炸豬排

營業中

休息中

第三次來這裡，每次想吃炸物時總會來這裡。今天6點不到就早早來到店門口排隊等著，開門後迎賓說七點半交檯，唉，只有一個半鐘。。。今晚點了兩人套餐，有米飯和味增湯，小菜是青瓜和醬蘿蔔，也是可口，不過最愛玩的還是磨芝麻的過程，手動磨成粉，加入醬料，蘸上椰菜絲，正好解了炸豬排的油膩。其實炸豬排也不會油膩，今天的豬柳尤其出彩，又嫩又多汁，太美味了！不過大蝦反而不如平時水準。服務很好，一直會主動添茶，茶更是好喝！還特意問了這是什麼茶，可惜店員說不知道外面哪裡有賣。

勝博殿@#foodki銅鑼灣特上級炸豬排套餐(7/10)($198)其實之前foodki都已經食過，質素明顯比100蚊以下既炸豬排好食，豬排麵包糠厚度岩岩好，外脆內軟，超嫩口。但價錢真係有啲貴，加一要二百幾。勝在白飯，菜，麵豉湯任裝，點都會食得飽先。

前菜先上來，任添任吃。芝士千層錦期間限定至七月上旬！以一塊一塊的薄豚肉卷着芝心再炸，加入了黑椒調味，沒有想像中的Juicy。芝士流心程度不遜色，但芝士份量不是每件都均勻，這件是比較多芝士的了。反而旁邊的蟹餅不錯，酥脆外皮、Creamy內涵，可惜只有一件。另點了一份炸豬柳。炸得酥脆，但豬扒不算十分厚身，而且偏乾。炸豬扒我還是更喜歡丼吉的。

來到勝博殿日式炸豬排就一定要去食吉列豬排啦。呢間店鋪其實已經開咗一段日子，但係都仲係keep 到呢個水平，真係好難得。今次我叫既就係滑蛋吉列豬排。一入到去，就有一D開胃小吃（如青瓜，蘿蔔粒等），全部都係酸酸甜甜咁，好令人開胃。好啦！主角上場喇！就係呢個滑蛋吉列豬排，吉列豬排炸得剛剛好，金黃色既，外表已經加足分。吉列豬排既外層非常之香脆，而入面既肉質就好滑，而且仲係有肉汁添。吉列豬排再加埋滑蛋，令到整個菜色昇華，配搭得非常好。而每個餐都配有味噌湯同飯，令人非常飽足雖然呢餐飯都幾貴下，但係不但D 食物好好味，而且服務水平都好好。每個serve 我地既人都好professional 同 好有禮貌。貴D都值得啦！

其實好耐以前已經聽過勝博殿既吉列豬扒好好味,今日終於有機會食下lu.我地成班10個人左右去食,叫左幾個併盤share一齊食.味道真係唔錯,啲豬扒炸得啱啱好,食落脆bo bo,啲肉又彈牙而且份量都好足.不過就要唔少時間等.整體黎講都推薦大家一試=)

《炸物-勝博殿》上星期有一日出銅鑼灣工作，大概三點先食Lunch，想食日本菜，但間間都落場😭好彩比我搵到佢-勝博殿😌一於就食餐豐富啲獎勵下自己😳（藉口多多😒）每個set都會有漬物、椰菜絲、珍珠飯同麵豉湯而炸物今次我揀左豬肉芝士火腿卷拼豬柳同蟹肉忌廉餅，會不會太多😂但呢度既炸物一啲都唔會油淋淋，點埋甜甜酸酸既豬扒醬，最岩我胃口🙊而我最鍾意個芝士卷係啲芝士溶溶地😍正呀！而我呢個大食怪，當然全部食清光啦😁食飽就繼續返Office努力啦💪💪

愛吃日式炸豬排的你，相信早已熟悉這間歷史悠久之食店， 於日本及海外已有多間分店之"Saboten 勝博殿"。難得各地分店亦能保持相同高品質水準。相較於其他日式炸豬排專門店，這裡的食物選擇來得多元化，除了套餐，還有多種單點炸物追加，美味之外，價錢亦相當大眾化。當晩美食，雜錦炸物餐，一次就能品嘗三種炸物，有炸海蝦、一口炸豬柳及忌廉蟹肉餅，各樣炸物外層同樣香脆金黃。完隻海蝦，肉質結實可囗。炸豬柳肉質軟嫩。至愛忌廉蟹肉餅，內裡綿滑忌廉醬混入鮮味蟹肉，蘸上手磨芝麻醬汁，咬一口，再來一口白飯，實在大滿足地説讚。( 還沒吃罷，已追加海蝦及忌廉蟹肉餅 )再來，蘿蔔泥豬柳，同樣外層香脆金黃，內裡肉質軟嫩，配上大量水潤蘿蔔泥及葱花，切記淋滿醬油，一併咬下，層次豐富，葱花及蘿蔔泥味道清新輕盈，炸豬柳味道香濃實在，兩種味道於嘴裡互相交織，極之對味。吃罷全件豬柳，再來一片水感飽滿之粉紅西柚，口感清爽鮮甜，確實能去油解膩。當然，還有這個幾乎是炸豬排專門店之指定動作，就是所有套餐可自由添加椰菜沙拉、漬物、白飯及味噌湯，讓你吃個痛快飽滿。( 要説一下這裡的味噌湯，用料除了一般的昆布、豆腐外，還有囗感滑溜溜的滑菇，味道

剛剛去完日本，但意猶未盡，今天晚餐就來個日式炸豬扒吧～在香港雖然有很多吃吉烈豬扒的食店，但品質好的，實屬不多，其中一間有質素又好吃的就是勝博殿。星期五晚上九點多，需過了晚飯時間, 但仍有人等候，大概等待10分鐘便安排就坐。坐下後，看到厚粒鮮蝦餅的圖很吸引，所以便點了炸蝦餅伴吉烈豬扒套餐，另一個則點了千層錦伴豬柳卷套餐，豬柳卷可選芝士/露荀/紫蘇烏梅味，我們點了芝士味。點餐後隨即送上餐前小碟，有青爪和醃羅白，其實我是很怕吃這種醃漬物的，因為通常都是做得酸酸的，但這𥚃不但沒有過酸而且都做得爽爽的很好吃椰菜絲的份量一大碗，超級多的份量，而且可以無限添加。椰菜切得很幼細，而且很新鮮，每一條都充滿著水份，咬落清脆爽口，混和芝麻醬和柚子醋一同吃，兩者可平衡彼此間的味道。黑白芝麻，一邊磨，陣陣的芝麻香飄香撲鼻磨碎後便加上特製醬汁到芝麻中，建議落兩羹的份量便剛好，太多會蓋過芝麻的香味無須長時間的等候，主菜很快便送上千層錦伴豬芝士柳卷套餐 $178建議先趁熱吃芝士卷，芝士溶溶的，但味道不是太重，配上火煺和千層肉一同吃，多重口感交疊在一起，口感一流，千層錦豬排外層的脆醬很薄，炸得很脆而鬆化，油也瀝得很乾淨

之前聽左幾個同事話呢度好食，特別係沙律菜，就趁我的生日週黎同朋友聚下先~食得好趕，因為得個半鐘~叫左兩個2人set, 分別有炸豬，蝦，蠔，沙律蝦等等~主角黎之前就，食下好多人話好食的菜先其實只係椰菜，但好新鮮，加埋柚子醋或麻醬食好夾，令人食唔停至於炸物，其實款款都好食，唔一定要豬扒每一款都炸得好鬆化，炸"張"唔厚，食落啖啖肉~同埋點tartar saurce好味過點豬扒醬~

勝博殿@28/12友人話食炸豬扒，就去試下呢間啦！黎到既時候竟然都唔算太多人(*☻-☻*)！假日 + 七半+銅鑼灣，本身以為排大半個鐘係基本啦！今次去到拎飛，只有幾張枱係前面咋！好快就有位luuu真係熱烈地彈琴熱烈地唱因為都唔係太餓，所以友人點了炸豬柳（中），我就點了炸豬扒（中），另外再散叫了炸蠔share黑白芝麻磨下芝麻先^_^越磨越香 正正正！椰菜沙律(°_°)這是兩人份量嗎？雖然沙律係任食，但有可能食晒嗎？為左我們的地球著想，要製造少點廚餘呀！如果此店一開始俾少點，要加先再添會唔會好d？Anyway._. 講返味道先，佢有兩種dressing，日本芝麻醬同柚子。味道都不錯，我就比較中意柚子醬，fresh d無咁heavy前菜（青瓜和蘿蔔）青瓜好好味，有少少似中菜既拍青瓜。好味到refill左一次炸豬扒賣相不錯，但食落去就...太dry了=_= 太乾身，仲要皮肉分離... Oh為什麼 同銀座梅林同丼吉比的話，呢度就真係不合格了！(´･_･')之後食左友人一塊炸豬柳，又不錯wor！所以下次記得叫豬柳！皮肉分離 乾爭爭 =(炸蠔兩塊要$68，並不便宜。食落味道唔錯Miso soupUm

It was a Sunday evening and 2 families were hungry wanted to find a walk in. We gave Saboten a try as we have 2 10 year olds whom love Japanese cuisine. All tables were full but we were told that the wait should not be long. Within 15 mins, a table left and we got our table. Our table of 4 adults + 2 childern ordered a Premium Pork Loin Set, Pork Loin and Egg in Clay Pot Set , Mixed Seafood + Pork tenderloin Set, crab croquettea and 2 salads to share.Each set comes with shredded cabbage, rice an

在香港有水準的日式炸豬扒店真係實在不多，而且當中大部分其實跟日本的炸豬扒店還有一段距離。一早已經聽過這間勝博殿的炸豬扒大受好評，十分期待。想見識一下炸豬排既犀利既地方，之前一直都話想食，但工作都比較困身，一直都搵不到機會品嚐，早前難得有假期，便決定到訪拜會朝聖一下，終於有機會可以試一下期待已久的炸豬扒。我知道銅鑼灣分店是位於地庫的，一進店內，地方寬敞而已環境憂靜。當然，本人首先點了一份炸豬扒，畢竟是為了炸豬扒才會出現這裡，而且其實主菜絕大部份都是吉列食物，然後我還點了其他炸物，例如蟹餅、蝦。再講，一開始就有一大盤的沙律菜還有小菜作為前菜。旁邊有麻醬及黑醋， 可讓客人根據自己的口味調節一下份量和喜歡的口味個人認為，豬食品比其他出色，各位第一次到訪可以先考慮先試一試這裡的豬扒，真是頗值得推介比大家品嚐。

今日同fd慶祝生日, 大家又鍾意食吉列豬扒, 就揀左黎呢度食我叫左個豬扒拼豬柳卷豬扒同係東京食既炸豬扒一樣咁外脆內鬆軟, 唔洗咬就係口入面溶化豬肉唔老, 成舊豬扒炸得好好, 皮同肉係相連, 麵包糠厚度岩岩好豬柳卷個皮炸得幾好, 都幾好食, 雖然我唔係幾鍾意入面既調味料fd既炸豬扒無影到其他人食咩, 不過其他fd都對呢度既野食讚不絕口, 話會再黎食埋單平均每人$160左右, 咁好既食物質素, 一定會再黎

早幾年前，係日本東京食過勝博殿之後，一直覺得日式吉列豬排店佢係best of the best呀! 好彩，勝博殿一直係我信心之選呀，我食過十幾廿次喇，每一次水準依然，”好味! 豬排好鬆脆!” (其實呢間吉豬開左好耐，唔係咩新店，不過佢保持到水準，真係抵讚!) 呢排趕緊tax deadline，稅務組的同事都叫哂救命!尋晚做到9點幾再去銅鑼灣搵個客簽文件，搞掂左見到Henry House的勝博殿，Good!都成半年冇食過吉豬，就同同事一齊食啦~成9點9去到，剛好有2位，唔洗等，入到去都full house，好彩! 我都唔洗睇menu，我要招牌吉列豬柳，同事點左吉列豬排蛋煱。 點好餐，立即送上沙津椰菜絲同醬油漬小吃，全部都用上新鮮日本材料，好爽甜!仲可以無限添加! 我的主角黎喇，吉列豬柳，外觀見到炸粉剛好，金黃色，好肚餓，忍唔住食左佢，我鐘意揀豬柳，有入口溶化的感覺~ 點埋等製醬油同麻，好match! 同事的吉列豬柳蛋煱都到左，蛋汁滿滿，配吉列豬排好好味，感覺冇咁熱氣~ 每款套餐都跟味噌湯、白飯/燕麥飯，呢個份量對兩個女仔係非常滿足了~ Menu中還有其他選擇，不過，勝博殿吉列豬柳係我m

不嬲都好like食吉列食品， 呢間看到好多好評， 已想試好耐， 但每次夜晚去都大排長龍， 所以都無試今日lunch突登過去試， 不用等位， 叫了普通吉列猪扒， 另一份吉列猪柳， 還有吉列雞扒， 說實話， 猪肉好dry， 又唔係話好香肉味， 好失望，雞扒用雞胸， 又係勁dry, d肉死實實， 說實話， 若匿埋眼食， 真不知道食的是雞肉。。。 這價$, 勁唔抵，比起另外既吉列專門店食到既稍遜， 唔知佢其他吉列食品係咪會好味d, 但最basic既吉列猪都唔ok, 其他的都不敢其望。。。。