勁餃笑

營業中

休息中

間唔中都會口痕想食下餃子。煮得好食嘅話，唔理係煎餃定水餃，都係好餃～我都鍾意食～而呢間就係一間煮到好餃同好食嘅港式粉麵嘅餐廳！環境相當簡潔乾淨，以木系裝修同貓咪做主題，十分舒適，而服務都唔錯～絕對要推介俾大家！˘ ³˘✎ 煎餃套餐 (8隻) ($132) 叫咗白菜豬肉煎餃同黑松露豬肉煎餃。白菜豬肉煎餃嘅豬肉味勁香濃，粒粒白菜增加層次感！表皮煎得好香脆濃郁，而啲餡都算多，唔會偷工減料 ˉ͈̀꒳ˉ͈́ 黑松露豬肉煎餃亦冇令我失望，黑松露味勁重，勁香口～粟米增加口感之餘，亦增添爽甜度，減少黑松露帶嚟嘅膩嘅感覺，表皮同樣都煎得好香濃脆口，餡料好豐富。另外仲叫咗麻辣雞絲拌麵($30)、涼拌菠菜($15)、醉雞翼($23)同埋凍羅漢果白茶($10)。拌麵好好味，亮點係嗰浸麻辣味，味道夠辣夠麻，好惹味～鍾意食辣嘅朋友仔一定要試。涼拌菠菜爽口新鮮，唔知加咗啲咩汁落去，食落好鮮甜，令人食到好開胃。醉雞翼酒味唔會太濃烈，只係起到點綴嘅形式，唔鍾意酒味嘅客人相對容易接受～羅漢果白茶嘅茶味相對較濃，伴隨淡淡嘅羅漢果味。✎ 花膠雞絲湯麵套餐 ($60) 湯麵材料有雞絲同埋兩塊花膠。花膠質感都算綿滑可口，拉麵軟嫩彈牙，湯

一間門口看似日式料理店，走簡約清新木系風格，原來係一間餃子店😳與它的名子一樣勁餃笑😝 位於黃埔人氣手作餃子店，有傳統餃子，創意餃子，甜品餃子，涼拌小食，飲品😊 店內佈置都幾有特色， 一排吧枱位，另一邊有三張四人枱。吧枱上有自助斟水區同自助醬料區。餃子筷子座很特色可愛🤩 廚房門上面一排櫃放滿不同動漫模型。枱邊不難見到貓貓公仔陪食😊 收銀枱一排喵喵公仔跳住舞嚟收錢🤣噌味大根好入味好夠腍無渣無根👍碟邊有一小舊味噌可以點少少更添香味😋涼拌菠菜涼涼地十分開胃😋 醉雞翼十分入味帶有淡淡的花雕味，肉質偏實可見浸足時間😊自家製辣菜圃 。 入口小心❗真係辣架🤯 唔係小辣咁簡單😎湯餃叫咗雙併，湯底是香濃的雞湯，韮菜豬肉餃皮薄餡料平均 併 大蔥牛肉餃是外面比較少見的款式，牛肉味濃鮮嫩多汁。皮蛋醬拌扁麵。 有細細粒皮蛋，皮蛋醬，辣椒幾新穎嘅口味，有驚喜😊煎餃熱辣辣，皮唔會煎得太乾餡料足😋煎大葉雞肉餃 。大葉是紫蘇葉，配埋雞肉好夾好清新，入口勁香紫蘇味😋 煎黑松露豬肉餃 入口即食到黑松露味好濃😋 餡內加咗栗米令口感更加豐富😋以餃子作甜品都幾有創意😋 煎朱古力餃，皮煎到薄脆卜卜內裡的朱古力漿唔太甜有流心感覺。有點

夏日炎炎，到午餐的時候有些時都未必想吃飯，因為夏天天氣太熱，胃口不佳。看到餐牌這裏主要食餃子為主，餃子可以煎可以湯，總有啱自己的口味。而且好喜歡這裏的配搭彈性較多，餃子可以點選六隻、八隻或十隻。而且口味仲可以雙拼。如果怕餃子有點意猶未盡，還有麵食和小食可以點選，十分多元化。今日我跟老公便點了一份十隻的煎餃套餐和一份十隻的湯餃套餐。餐廳環境乾淨舒適，而且仲有自助調味料區，可以因應自己的口味加豉油、加醋或加檸檬汁等等。而且仲有辣辣菜脯可以免費點選，菜脯又香又辣十分惹味，愛吃辣的朋友不用錯過。飲品方面，點了羅漢果白茶和洛神花茶，都是自家製的，甜度剛剛好不會過甜。羅漢果白茶的羅漢果味出眾感覺很消暑。洛神花茶酸酸的十分開胃，啱晒炎炎夏日。急不及待要為大家分享當天吃了的湯餃，選了鮮蝦帶子餃和黑松露豬肉餃。餃子相當足料，鮮蝦帶子餃內有原隻鮮蝦和原粒小帶子，吃起來鮮味十足，十分爽口，好味鮮甜。黑松露豬肉餃，黑松露香氣四溢，餡料豐盛，豬肉跟黑松露配合起來，十分惹味同足料。湯餃配埋獨特的湯底，每一口的湯餃子跟湯汁都相當合襯和美味。另外如果想吃香口的餃子，也不妨試試煎餃子。煎餃子，我們也點了雙拼口味。一款是

呢間鋪名食曬字咁，非常易記，第一次聽已經記得。今日去開黃埔，即刻去試吓先！餐牌見到有好多未聽過嘅口味，選擇困難可以揀「唔知食咩好」😂餐廳幫你諗埋唔使煩💡🥟水餃套餐(8隻)大蔥牛肉餃併鮮蝦帶子餃，蠔油時蔬，醉蝦湯餃配嘅湯頭濃郁，個人比較喜歡大蔥牛肉餃，京葱成功吊出牛肉香。小食選擇多，竟然有醉蝦。🥟煎餃套餐(8隻）煎黑松露豬肉餃併煎大葉雞肉餃花膠雞絲湯麵(拉麵)未試過食餃子可以配花膠湯麵🍜黑松露與豬肉完美結合，香氣撲鼻，大葉餃就較重紫蘇味，參考咗日式串燒做法，好特別。🛎️必試指數：9/10🔆

放工約咗舊同事食飯，去返舊公司附近揾野食😋黃埔有好多特色小店，同事大力推介我去食「勁餃笑」，個名夠晒特別😆係一間食餃子嘅小店，裝修充滿日式風格，入邊仲有好多貓貓嘅裝飾🐱店家提供多款特色餃子、湯麵同小食，特別一提佢地嘅自家製辣菜圃，香辣爽脆用黎撈麵一流👍🏻水餃套餐白菜豬肉餃湯餃皮薄餡料夠多，白菜豬肉餡十分紮實，入口啖啖肉，咬落去仲食到白菜爽脆嘅質感，口感豐富花膠雞絲湯麵我地轉咗扁麵，大大片嘅花膠加上雞絲配搭鮮甜嘅清雞湯，湯底金黃色，味道鮮味濃郁，表面面質特別掛湯，推介👍🏻飲晒成碗湯都唔會有口渴嘅感覺，絕對係冇味精，有家的味道😋煎餃套餐鮮蝦帶子餃煎餃皮薄底部煎到脆卜卜，每粒餃子入邊都有帶子、蝦肉、豬肉同粟米，口感更為豐富，咬落去仍然充滿肉汁，煎餃就較為香口，迎合不同口味人士嘅喜好😋皮蛋醬拌麵拉麵上鋪滿剁椒同皮蛋，味道香辣刺激，鍾意食辣嘅朋友仔必定要試吓，我再加入店家自家製嘅辣菜圃，辣上加辣，正👍🏻醉雞翼醉蝦兩款小食入口有淡淡嘅花雕酒香，酒味濃度適中帶甜口嘅味道，雞翼大大隻夠晒入味，醉蝦爽口彈牙，兩款小食一樣做得出色👍🏻洛神花茶羅漢果白茶必試兩款店加自家製嘅飲品，洛神花茶酸酸地不會太甜，開胃

黃埔又係一個好多小店臥虎藏龍嘅地方，身為餃控嘅我哋，知道最近有間餃子店就係呢個地方插咗旗，聽聞仲幾多人食添，所以我哋決定特登入去試一試😌水餃套餐 $60我哋叫咗最基本嘅韭菜豬肉餃再併鮮蝦帶子餃，韭菜豬肉餃正常發揮，餡料都幾足嘅，鮮蝦帶子餃就每隻入面都有粒帶子仔同蝦仔，食落都幾鮮甜，湯底就偏清淡，主要食返餃子嘅味道醉雞翼 +$23一共有四隻，都幾入味，酒香都有，細嚐下仲可以食到少少嘅酒苦，整體味道都係偏甜😗羅漢果白茶 +$10羅漢果甜甜地，白茶又有啲回甘，好清熱洛神花茶 +$10飲落酸酸地都幾開胃煎餃套餐 $64煎餃就叫咗大蔥牛肉餃併芝士辣雞餃，強烈推介呢兩款食煎餃，餃子煎到半香脆，食到個底脆脆地但又保持到啲啲煙韌嘅口感，大蔥牛肉夠濃味，蔥味夠突出，牛肉味都幾濃，芝士辣雞就夠惹味，辣辣地，正😚胡麻醬拌麵 +$15我哋轉咗冷麵，係菠菜冷麵，胡麻醬都係正常嘢，麵質偏硬啲有咬口啲自家製辣菜圃免費加配，辣辣地，食吓食吓，唔覺唔覺好快就食哂🤣

🥟餃子呢樣野好正，有碳水、有肉、有菜、仲可以包各款你諗到嘅食材，一粒仔野就有齊各種營養，仲可以襯不同湯底，價錢又大眾化。勁餃笑新開左係黃埔紅磡區，堂食外賣都好多街坊幫襯。餃子有多款選擇，見到現場有姐姐即包，有d都幾有特色 。鮮蝦帶子餃併大葉雞肉餃（$48）呢度嘅餃子皮係帶煙韌，不厚不薄，鮮蝦帶子比較鮮，大葉雞肉呢個組合真係第一次見。花膠雞絲湯麵（$35）、涼拌菠菜（$15）、醉雞翼（$23）餃子可以另加錢無限add-on，當中最抵係花膠雞絲湯麵，只係$35就有花膠食。煎餃套餐（$40）🧀芝士辣雞餃（+$6）併椰菜豬肉餃，芝士餃咬開係有拉絲架～ 呢款新派餃子絕對推介。@gaomoshiroi 。@gpighunghom

見到紅磡新開咗間餃子專門店，餃子fans嘅我即刻去試試。首先叫咗個水餃套餐 （8隻餃子）椰菜豬肉餃子口感清新爽脆, 我配咗鮮蝦帶子餃子，帶子鮮嫩。水餃嘅湯淡淡地，食落喉嚨幾舒服，我個人就更愛水餃。另外追加咗醉雞翼。雞翼肉質結實，散發出濃烈的酒香,為整個套餐增添了層次感。另一道選擇是煎餃套餐 （10隻）餃子煎至金黃酥脆。芝士辣雞餃子充滿住濃濃嘅芝士好滿足😭🐷配上黑松露豬肉餃子，松露味都好濃郁。我配埋清爽順口嘅羅漢果白茶,為餐點增添清新。辣菜圃係佢地店自家製，配餃子嚟食色香味俱全。睇得出佢地對細節的重視。總括嚟講餃子份量足，味道唔錯同價錢合理，會再回購。👍🏼

呢間新開嘅人氣餃子店性價比都唔錯，店內有好多貓咪嘅蹤影，喺店舖中間會有個自助醬料區～除咗湯餃同煎餃，仲有其他湯麵同小食，另外仲有啲自家製嘅飲品！叫咗10隻煎餃套餐，好多人推介大葉醃雞肉餃，大葉係紫蘇葉，配雞肉非常夾，而且煎香左更加好食！仲加配咗多人推薦嘅胡麻醬拌麵，好味！而且落完單後無耐已經sold out！自家製嘅洛神花茶都好好飲，除咗洛神花味之外，仲有陳皮味～另外叫咗花膠雞絲湯麵，味道清淡，配惹味自家製辣菜圃，平時都食得辣都覺得辣！加配麻辣牛腱及紅豆麻糬餃，推介呢個甜品！皮薄好脆！⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾Like+分享給愛吃嘅朋友仔啦( ´͈ ᗨ `͈ )◞‎♡⃛⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

平時都好鍾意食餃子，但係超市買嗰啲有時真係唔係好搞得掂。今日見到紅磡呢一間新式餃子店，佢嘅裝修係木系同貓貓系😹，周圍都可以見到貓咪嘅身形。入邊有自助醬料區同斟水區，可以自由選擇你要啲乜嘢醬汁，見到除咗傳統嘅醋之外，仲有檸檬汁，辣油等等可以選擇。٩(˃̶͈̀௰˂̶͈́)و水餃套餐（大蔥牛肉餃拼鮮蝦帶子餃）（冷面）（羅漢果白茶） $96今次叫咗佢八隻套餐嘅系列，見到佢餃子選擇方面好多，有傳統嘅豬肉餃、韭菜餃等等之餘仲有新式嘅特色餃子。本身想試佢嘅芝士辣雞餃，但係見到淨係煎餃先可以選擇，而我又好想食湯餃，所以就冇揀到佢。今次都係叫咗比較有特色嘅大蔥牛肉餃，佢嘅大蔥非常之香，而且牛肉好實身，每一啖都有滿滿嘅香氣。而鮮蝦帶子較方面，真係好真材實料，每一粒餃子入邊剩係得鮮蝦、帶子、同粟米三樣嘢，仲要佢嘅餡料有少少調味，感覺口感十足。另外我仲追加咗麻辣冷麵，佢唔係用普通嘅冷麵，而係用綠茶麵，加上真係新鮮嘅雞肉，喺咁熱嘅天氣真係非常適合。最後佢嘅飲品我就叫咗羅漢果白茶，雖然係自家製飲品，但係餐廳嘅包裝都非常有儀式感，係用鋁罐嚟裝，超有特色啊！🙂‍↕️

餐廳門口已經唔同其他餃子店入去好多貓公仔🐱餃子款式除左經典最常食嘅白菜豬肉之外仲有鮮蝦帶子；芝士辣雞餃～如果唔知食咩仲可以等餐廳幫你揀添🫢甜嘅餃子都好特別有創意！有興趣嘅可以試下！餐廳提供水，紙巾，自助區👍🏻醋，辣油，豉油，青檸汁都可以自己添麻辣雞絲拌麵套餐 面底，份量，辣度都可以選擇👍🏻平時唔太食得辣揀少辣都食得好過癮🤣拉麵煮得啱好唔好太淋份量都啱啱好😚洛神花茶係自家製！少少似酸梅湯咁幾清新醉雞翼酒味唔會太重而且雞翼都唔會太鹹👍🏻唔錯煎餃套餐（10隻）韭菜豬肉餃併鮮蝦帶子餃韭菜豬肉餃入面有埋蘿蔔粒幾爽口而鮮蝦帶子餃嘅餡食得出原粒細粒帶子🤣蝦肉都彈牙兩款餃子調味都唔會太鹹底都煎得幾脆唔會太油膩加花膠雞絲湯麵：湯底少少當歸味但唔會太重藥材味都幾好飲😋花膠都比想像中大條。揀左扁麵幾特別但都好夾！兩個餐都可以要自家製辣菜圃配餃子/面食好好食🥹如果可以好想買返屋企繼續食！辣度夠之餘蘿蔔都好爽而且唔會好油仲有少少蝦米好香🤤

香葱豬肉餃+大葱牛肉餃$46 (6隻）水餃皮煙靱，香蔥同大葱味都好重，牛肉就配大葱，豬肉就配香蔥，兩款都有唔同嘅效果，雙拼仲唔使加錢添。佢會比埋辣菜脯做配菜，都唔錯，後勁重好辣。芝士辣雞餃$46 (6隻)呢個combination比較少有，就嗌嚟試試佢。煎餃煎到好日式咁，有脆皮底，餃子口感煙靱扎實，入面有芝士絲同都幾辣下。麻辣麵雞絲拌麵$30 (加購價)又麻又辣呢個辣係比⼀般辣嘅辣，麻嘅感覺都重，完全係刺激味蕾嘅面，配湯餃食都唔錯

前排紅磡開咗間新餃子店，之前經過都好想試下，咁岩去開紅磡就順便試下佢； 店鋪走簡約木系風，有分bar檯同普通餐檯位，當日就坐咗普通餐檯位，都坐得都幾舒服。🥟水餃：水餃嘅湯底好有家嘅感覺，飲完都唔怕口渴，最尾都忍唔住飲哂啲湯；如果食得辣嘅，建議加埋餐廳自家製嘅菜脯一齊食，會更加惹味！湯餃皮薄餡多，個人特別推介黑松露豬肉餃，黑松露味非常濃，而另外兩款餃子都推介大家試下，其中牛肉餃喺出面嘅餃子店比較少見，牛肉餡料鮮嫩多汁，一啲都唔覺得乾。- 韭菜豬肉餃- 黑松露豬肉餃👍- 大蔥牛肉餃👍🥟煎餃：煎餃同湯餃一樣都係皮薄餡多，仲要每一隻都煎得岩岩好，外皮煎到脆卜卜，內裡嘅餡料亦都非常juicy；個人比較推介芝士辣雞餃，芝士呈拉絲狀態，鐘意食辣嘅一定要叫！紅豆麻糬餃都好特別，佢係甜嘅餃子，麻糬嘅份量都幾好，口感都幾煙韌，值得一試。- 鮮蝦帶子餃- 芝士辣雞餃👍- 紅豆麻糬餃👍🍜麵類：- 花膠雞絲湯麵👍湯底偏杰身，所以麵條好掛汁，而麵條口感都有嚼勁，配料嘅份量都幾多，特別係雞絲。- 胡麻醬拌麵拌麵好適合熱辣辣嘅夏天食，配料都有好多青瓜絲，可以中和胡麻醬嘅膩。🍴小食：麻辣牛𦟌牛𦟌切成粒狀，再配上青瓜粒，

作為紅磡街坊見到新餐廳梗係要試吓咩味道啦我同朋友都好鍾意食餃子🥟哩間餐廳真係性價比非常之高👍🏻👍🏻👍🏻隻隻餃子都非常之飽滿🤩🤩餃子 + 麵食+ 飲品 + 小食 （自己可以配搭）餃子煎得非常香脆 賣相都好掂🤤大蔥牛肉餃 真係啖啖肉 大蔥增添咗牛肉嘅鮮味店員介紹檸檬汁 可以去除煎餃嘅油膩又真係比點醋更好食🤤鍾意食煎餃點會少得白菜豬肉餃呢個係最正常嘅配 肉汁可以保留起餃子入面 鮮蝦帶子餃呢一個就比較少見到有啦帶子粒同蝦肉都好平均 粟米增添咗口感麻辣雞絲拌麵 都算大碗 可以揀正常辣 / 大辣 正常辣都比其他餐廳既辣椒辣 yummy 麵條質感好好 帶點煙靭味噌大根 好入味 外皮帶小小渣 自家製辣菜脯 好有驚喜 好好食 菜脯脆口 鍾意食辣嘅朋友一定愛❤️最值得一讚係個洛神花茶酸甜味配搭得好好

勁搞笑就成日都聽，紅磡黃埔有間餃子舖剛剛新張兩個月，名字就係叫 「勁餃笑」🥟，顧名思義主打就係手包餃子，店舖裝潢有別於一般餃子店，以木系設計感覺和諧又舒服，設有自助斟水和醬料吧，非常乾淨整齊，睇睇餐牌價錢非常親民，餃子套餐可以左拼右拼，包括小食、麵食、飲品都可以用優惠價錢加配👍自家製餃子每日新鮮即包，有多達10款可以選擇，而且可以選擇湯餃或煎餃，特別一提，佢哋嘅湯底係用新鮮雞每日熬製，非常清甜絕無味精，仲有自家製辣菜譜免費俾顧客配合餃子一齊食，香辣又惹味，另外飲品除咗一般汽水之外，仲自家製作養生飲品，例如羅漢果白茶、洛神花洛神花，煲製之後入落鋁罐，非常用心今日我哋揀咗兩個套餐，分別有八隻餃子、兩碗麵、一個小食和兩軟飲品，加埋都唔使 $200▪️水餃套餐（8隻） $ 81🥟白菜豬肉餃拼鮮蝦帶子餃 餃子皮厚薄適中，煙煙韌韌，鮮蝦帶子餃真材實料，大大隻蝦爽口又彈牙，帶子鮮甜，整個餃味道鮮香，白菜豬肉餃食得出豬肉好新鮮，配合帶點爽口的白菜，最原始的美味🍜胡麻醬拌麵 （拉麵）估唔到咁大碗，拉麵軟腍腍適中，帶一點點爽口，換上花生味十足嘅胡麻醬和青瓜，夠惹味🥤羅漢果白茶好欣賞呢一貫自家製嘅飲品，味道就