柚子大蝦沙律$118
好大兜沙律😳，啲蝦肉開哂邊大大隻卜卜脆，
入面有好多芒果肉同柚子碎，面頭重有啲炸蒜碎，係一個唔錯嘅開胃菜。 篤篤卜卜炒蜆 $128
炒蜆肉又係好大兜! 用咗好芡汁同三色椒去炒，炒得幾惹味。覺得佢最出色係佢面頭有好多炸羅勒葉。蜆肉連埋啲炸羅勒葉食，好好食👍🏼 泰式虎蝦金邊粉$138
好足料嘅pad thai，係正中pad thai嘅味道，酸酸甜甜，愈食愈開胃😝 上面有兩隻開咗邊嘅大虎蝦，入味得嚟又容易剝殼，鮮甜又爽口。揀食咩嘅時候仲可以要求少鹽少油, very good👍🏼

日本Tabelog百名店之⼀嘅CaliGari喺中環開咗分店，咖哩飯果然名不虛傳，好食!  吉列豬扒配日本米飯$158 吉列炸蝦配日本米飯$158
所有咖喱飯都有兩款咖哩可以揀，包括”元祖椰汁咖哩”同埋”特級香料咖哩”
今次就試咗”特級香料咖哩”，成件事係完全結合咗印度咖喱同埋日本米飯。咖哩味好濃，比想像中辣，入面加咗好多香料調製，味道層次好豐富，再配粒粒分明嘅日本米飯，係好質嘅咖啡飯，好好食🥹
炸豬肉同炸蝦都好出色，外脆內軟，炸粉唔算厚，亦炸得比較硬身，點咖哩汁食唔會好易變軟，一樣係脆卜卜。

下次會試”秋葉原定番”，咁就可以試哂兩款咖哩☺️

醉香鮑魚$98
都算大隻，⼀啲都唔un, 入味啲酒味，好食👍🏼 蠔餅$138
好大份，蠔仔大大粒，味道唔錯。蛋漿同平時食開嘅有啲唔同，炸得比較鬆化，食得多都唔會飽，唔洗留肚食其他野😝 滷水鵝片$178
鵝片好入味，肉嫩唔鞋身。墊底嘅豆腐都好出色。不過食多幾舊就會偏鹹。 上湯腿絲蘿蔔$58
唔好睇佢樣普普普通，白蘿蔔入味得嚟唔會好咸，食落去清清地，再配埋脆口嘅炸蒜頭一齊食，好食🤌🏼

*難book枱，記得預早book

Cheddar Cheese Burger $85
好大個burger! 係有quality嘅Bun🤌🏼 底同面都有加牛油煎過，令到個包無咁軟身，可以hold住個structure。牛味未算好重，但好多汁好juicy，再配Grill Onion同新鮮嘅菜一齊食，好食。

Japanese Tempura Shrimp Burger $105
係一個出色嘅蝦堡，重好食過cheese burger! 入面起碼有5條天婦羅蝦，令到個包好高身，想一口咬哂都有啲難🤣。食落去卜卜脆，入面有足夠嘅醬，唔會覺得dry，

Truffle Fries $65
又係好大份🤣! 超多黑松露係面，好滿足🥰

嚟到深水埗, 食all day breakfast食到悶悶地又想食得健康啲嘅話，可以試下大南街嘅Poke Go~ 其實就係一碗健康version嘅魚生飯，可以揀壽司飯底，白飯，brown rice底。想cut crabs嘅話，重可以揀沙律菜底。 今次試咗808嘅signature bowl $118 超級大碗! 超級多料! 有大大舊嘅吞拿魚魚生粒，有好多支仁豆，三文魚籽，木魚絲，黑白芝麻，青葱，洋蔥，菇。最鐘意佢用wasabi yogurt sauce嚟撈哂成個飯，每一啖都辣辣哋，好食👍🏼 係好大碗的，女仔嘅話，建議你嗌少飯或者揀沙律菜底。

Portobello Pizza $168
新鮮出爐嘅pizza，份量好啱兩個人share食。
大磨菇加墨魚汁再加少少橄欖嘅combination都係第一次見，個味出奇地夾，係略有少少咸。 Lobster with XO sauce pasta $248
用中式嘅材料配合喺西式嘅pasta到。佢話係XO醬但完全係四川style，而個pasta就真係好麻同好辣🤣，再配有爽口彈牙嘅龍蝦肉，帶出少少鮮味🤏🏼 舖頭唔大，座位唔多，係分round咁入，記得book咗枱先呀~

一間又平又抵食又高質嘅Bagel Cafe店，weekend都咁少人嚟，大家真係要好好支持香港嘅小店~ Pret.gel其實係店主自創嘅名，簡單啲嚟講就係combine version嘅pretzel同bagel。 蛋牛Pretgel $38
Pretgel每日新鮮製作，保留咗Pretzel嘅外脆，味道帶有點咸味，口感就有bagel啲煙靭。厚厚嘅半熟炒蛋再配Pretgel好食👍🏼 Hojicha Latte $46
正常水準

*店舖係dog friendly，可以帶埋狗仔入去

紅色嘅大門嘅Bistro Du Vin非常容易搵倒，入面樓底高，空間感十足。 Crispy Suckling Pig $320 乳豬個皮卜卜脆，肉質嫩滑，不過肥膏亦都唔少，食到第二舊就會有啲膩，所以佢會配個炒洋蔥。洋蔥有好重嘅檸檬味，可以解咗油膩嘅感覺，好啱同乳豬一齊食👍🏼 Chicken in Red Wine $290 有半隻雞嘅份量，雞肉好入味，完全吸收哂湯嘅精華。佢會配埋個薯蓉，可以連埋啲湯汁一齊食。 Lobster Bisque $180 超濃嘅龍蝦味! 起碼有半隻龍蝦肉嘅份量 湯底又唔會太過潔身，好飲👍🏼 Snial $180 法式蝸牛嘅肉質比平時食開嘅有口感，唔會話係一坺嘢咁樣。蕃茜醬汁有好重嘅牛油味，無論係點蝸牛食或者點麵包食都好好食。 *係張枱細咗啲，有啲啲野食要食完先上得菜

香港嘅拉麵舖越開越高質，今次試咗喺太子啱啱試業嘅泓一拉麵。 豚x雞白湯拉麵$105 雞白湯底會首先打到起泡，飲落去唔會太結身。湯底味道濃得嚟唔會過咸，配幼身嘅拉麵食好食👍🏼 豚肉比雞肉做得出色，薄切嘅豬肉味好出，但雞肉相對起比較細舊，肉身唔夠滑。糖心蛋亦做得好出色，半熟嘅蛋再同白湯一齊食好好食。 唔好唔記得試佢放係枱上面嘅蒜蓉，超級濃! 同辣! 完全係刺激會五官，個蒜味係12個鐘內都唔會散🤣 舖頭座位唔多，目測有12個位。

喺長沙灣嘅大丈夫由佢細舖頭食到佢變大舖頭，食物仍然保持水準，一樣係咁高質，仲加咗唔少菜式。 南蠻炸雞定食$75 之前食開炸豬扒飯，都知道佢炸物係做得出色。今次試咗佢嘅南蠻炸雞，果然不負所望，好食! 新鮮炸起嘅大大舊雞塊，肉嫩多汁，再點沙律醬一齊食係完美嘅配搭。成個set有湯有菜有蒸蛋先係$75 好抵食，真心推介👍🏼 火炙魚背壽司(2件) $29 正常水準，無乜特別 蝦天婦羅 (4件) $42 + 茄子天婦羅 (4件) 正常水準，無乜特別