加多娜天然酵母手作麵包店

營業中

休息中

以前係附近番工成日都會經過呢間麵包店，佢地既3Q餅更加係經常成為我既小食🤭本身以為係一間小店，普通賣下麵包蛋糕，點知原來係深藏不露，一到6點半就會開賣好高人氣既「法式布丁麵包」法式布丁麵包🍮🍞 $15/1個麵包煙韌，唔似傳統法包硬身既口感，布丁好creamy，充滿奶香，有種想變流心既感覺。一個有成個手掌咁大個，食一個都夠哂飽肚🔸每人限買4個🔸六點半準時開賣，售完即止🔸星期日及公眾假期沒有賣🔸可凍/熱食（熱食更佳）

每次去旺角都一定會去左嘉多利買麵包先，今次有幸見到有人排緊法式布甸麵包，麵包店又差唔多開賣，於是我都排埋一份，每人限買四個。個布甸麵包好大個都係賣15 蚊，好真材實料。 除左布甸，佢地既迷你包都好好食，especially 迷你芝士乳酪包，迷你貝果。迷你乳酪包/迷你紫薯麻糬包都係18 蚊3 個，迷你貝果15 蚊2個。除左包類，佢仲有撻類如流心芝士撻同酥類如3Q酥。佢地既包/酥都係唔甜，感覺健康啲又好味。值得一買再買🤭

嘉多利餅屋 嘉多利餅屋呢間餐廳應該大家都熟悉。由天然酵種麵包，傳統港式麵包，餐肉炒蛋包，造型蛋糕到法式麵包布甸，呢間餐廳有好多地方都吸引到人來消費。 我去到為咗法式布甸，山長水遠出到去油麻地。我睇網上寫話油麻地分店五點鐘出爐，你知香港人幾L鐘意排隊架啦，所以我4:20就去到。去到就見到一早會預咗嘅長龍，但點知條龍4:35咗右就開始移動，說好的五點出爐呢！?當時我排到頭4位，但點知己經賣哂，最後空手而回。 第二次我己經唔再相信網上嘅野，所以我四點鐘就到，條龍比上次長，但點知4:05分己經開始移動。4:15分就好好彩地買到啦。返到屋企連五點都未到。 我為咗將呢個近期熱物品嘗得徹徹底底。我準備咗四種食法。 1.原味(室温) 布甸其實材料好簡單，得奶，糖，cream，同vanilla。但比例同整法就非常博大精深。 布甸質感非常滑溜，用口一索就會化開。亦過篩過得夠，中間冇D好細嘅bubble。聞落有非常香嘅vanilla 同蛋味。至於味道，佢將所有食材嘅比例都調得恰到好處。一入口先有奶，蛋同cream 嘅味打頭炮，之後就有一浸淡淡然嘅vanilla 香散播出黎。味道豐厚，奶味，蛋味非常濃郁，甜度

想食好耐不過依家買件西餅都好講緣份🧘🏻‍♀️ 第一日去到夾唔啱時間唔憤氣，第二日再去買過😤 7:40左右去到，8點新鮮出爐🥧食完第一啖覺得真係值得排隊🥺💛 同埋超級抵食！！屋企兩老食完都話正，佢哋估$25件（我心諗終於有一次估得貴過實價，佢哋唔係好知市價，成日問我買翻黎嗰啲bagel係咪20蚊個🙏🏻)。Anyways~ 15蚊就買到一個咁特別咁好食嘅甜品，真係唔encore都唔得👊🏻 法式布丁 $15/1涷食同熱食，個人prefer涷食。雖然包包質地冇咁軟熟，但都超級煙韌！個心涷冰冰，creamy啲，夏天食啱晒😍 焗熱返之後會太過液體feel, 冇咁有口感。開頭以為係好似蛋撻咁，食先發覺係似吉士，好香雲呢拿味🤤 Rating ⭐️: 10/10 (係第一個滿分^^) 肉鬆芋泥貝果 $15/2開頭唔expect有芋泥，冇諗過飽仔細細咁足料😍 貝果質地好紮實，入面好多肉鬆，啱晒我呢個肉鬆控😋Rating⭐️: 8/10 抹茶紅豆貝果 $15/2 呢個嘅質地就比較煙韌同有彈性。Bagel配 Cream Cheese 永無出錯！抹茶味都好濃，同甜甜地嘅紅豆餡好夾，本身我麻麻地紅豆都覺得OK🤍Rati

每次經過嘉多利油麻地分店都好多人買緊包👯‍♀️👯雖然就唔到時間買法式布甸🍮但都會試其他包包🤤芝士乳酪-無蛋 $6.5@1 $18@3依款係dpz必買之選♥️邪惡嘅化身😈入面包咗芝士餡同芝士粒口感豐富 芝士迷必試🧀紫芯麻薯-自製椰汁 $6.5@1 $18@3軟糯帶椰香嘅麻薯加上微甜嘅紫薯蓉填滿晒成個包🍠每一啖都咬到餡 幸福感滿滿💜另外仲有綠茶紅豆貝果🍵同芝士吐司🍞都係一試難忘🤤

係油麻地返工，見住嘉多利餅屋開業，由無名小店變到今日咁有名氣真利害其實嘉多莉鋪位前身都係一間麵包小店黎，點解嘉多利可以咁成功？因為佢會keep住創新，帶比我地好多元化既麵包/酥餅 值得一讚宜家最創新既莫過於｛法式布丁麵包｝，每日大約18：00到就開始有人龍排隊排到18：30，終於開賣啦每人限買4個，每個$15，排得咁辛苦緊係買4個啦麵包係煙韌，仲宜為法包係好硬添，原來唔係布丁好creamy，能吃出蛋奶香，又夠滑，不算太甜。咬一口，就知布丁幾重料，creamy得黎又唔會流出來喎，呢個包真係創新得黎味道又好希望嘉多利再創新多D包

今天睇一睇手錶大約6點30分 身處在油麻地當然唔可以放過咁出名既嘉多利天然酵母手作麵包店 咁係天熱天時低下排左30分鐘都算係。咁點解為左乜呢？ 就係因為法式布甸 亦都係令到佢咁出名食物之一 當然仲有3q餅同餐肉蛋包咁我覺得等左咁耐都幾辛苦嫁啦 咁個回報咪就係透心涼既布甸 食落去個包邊比較軟啦 （我覺得烤到脆邊仲正）中間個蛋汁 香濃 棉滑 （如果上面加d 砂糖再用火槍燒下佢緊加香）整體我都覺得好好 唔算太甜 岩晒好多香港人既口味。有機會都會再試多次

呢間麵包店裝修懷舊，但麵包款式都好新式位置非常方便，油麻地地鐵站一出就係之前朋友買過俾我試，咬落去層次豐富，一試難忘今次行過再去買黎食!台灣3Q餅 (肉鬆咸蛋麻糬豆沙酥餅) ($8/粒)買既時候新鮮出爐，熱辣辣我放左隔夜食，食之前放入氣炸鍋200度翻熱6分鐘外皮酥脆，但整個餅皮偏厚，好彩內涵搭救入面有肉鬆，咸蛋黃，豆沙同麻糬，層次十分豐富🥧熱食非常好食！另外朋友亦推介佢既咖啡鬆餅☕，下次有機會再試!

每日出爐門口一定大排長龍😂當日六點去到排半個鐘就買到☺️一人限買4個，售完即止😣既然兩個人黎，就買8個番去食😂😂😂一拎到手就啪番個，原來係凍嘅😂說好的出爐呢？？😂凍食布甸好滑好creamy☺️似冰凍燉蛋☺️但唔夠流心，反而有少少膩😣法包仲有啲韌😣但番到屋企焗熱食就真係好好味🤤🤤🤤法包脆卜卜，布甸甜度up☺️☺️☺️☺️流心感超重！！😍睇住佢流出黎超治癒！！❤️試過用微波爐翻熱，但個法包都係好韌😣最後淨係刮哂入面啲布甸食😂其實都值得去食，因為$15一個都幾抵食☺️因為份量真係好足，焗熱成個食好正🤤

星期一至星期五路過都係排丁好長龍，大家都係為左買佢既布丁面包。平日甘多人我就唔會去排啦，但係星期六就無甘長龍，所以就走左去買黎一試。面包比較硬身，但佢布丁好好食，配埋一齊口感好特別。難怪甘多人去排隊不過依家太多人買，佢個包細左好多，唔洗成日去食了

未有法式布甸包的時候，我已經是這間店的常客最近多了好多人幫襯，人流好多，有時收工時間都要迫入去，非常誇張難得昨天去西九野餐，便先過來買幾個3Q餅椰汁麻薯3Q餅，3Q餅裡要有椰汁麻薯，紅豆，肉鬆，咸蛋黃3Q餅外皮酥脆，內裡煙韌，吃起來不會太甜膩，餡料超多，吃一個都好飽肚！新鮮而且無添加，個人覺得好抵食咖啡鬆餅，見很多人推介口感比較實淨，咖啡味很重，再配上一杯茶/咖啡最適合不過不知道幾時有機會試下最近大熱的法式布甸包

每日都大排長龍，吸引一眾食客慕名而來的法示布甸這個法示布甸主要由蛋漿和外層的麵包組成。先講蛋漿部分，整體而言蛋香四溢，口感綿滑細膩，味道甜美可口。師傅用上德國淡忌廉加丹麥全脂牛奶，用料脂肪愈豐富代表味道愈邪惡，事實上的確如此。至於麵包部分，食落口感頗像傳統法棍🥖，煙韌有咬口有撕扯感，但又比傳統法包鬆軟唔硬身，原來當中又有巧思。與傳統法包相比，師傅開粉時用多了一定比例的水，以致麵團濕度增加，故焗起的成品更加鬆軟。總括而言，嘉多利的法式布甸蛋香四溢，口感綿滑，味道甜美；法包鬆軟，煙韌可口。15蚊見小店巧思，性價比十足。備註：星期日及公眾假期法式布甸暫停供應，有興趣的食客請留意。#sj_foodmap

I like transitional bread and bakery house. everytime I go to ham tsim kong district, I go to this bakery house.$15 french style budding , queue for 20 mins and allow to purchase max 4units for each person. only supply on weekdays and sat (except sun and public holiday)filing is smooth , taste like condensed milk ,rich in favour.

📍嘉多利餅店📍身為麵包愛好者嘅我要同各位分享呢間小店📢📢 嘉多利餅店 📢📢雖然係一間街坊麵包店，但佢地賣嘅麵包好好食，性價比都好高💛真喺臥虎藏龍！每次經過都忍唔住要買！今次要介紹最近仍然好hit嘅法式布甸包🍮($15)！上網已經見到好多食評，幾經辛苦終於食到！依架只有佐敦同油麻地分店先有，售賣時間都唔一樣㗎！佐敦下午一半開始派籌，油麻地就四點會出爐一轉🕺🏻今次喺油麻地買，未到四點已經有一條長長嘅人龍，店員會預先將布甸包裝好，所以只可兩個或四個咁買。法包外層脆得嚟又有咬口，裏面嘅布甸好出色，又滑又香，屋企人食完都讚好！（p.s 布甸包雪完用焗爐或氣炸鍋加熱一陣都好好食，外暖內凍！）除咗法式布甸包外，我仲好欣賞小店嘅丹麥吐司同芝士粒吐司！芝士粒吐司好足粒，每口咬落都有芝士，好滿足！丹麥吐司都好出色，稍為烘熱已經口感鬆脆🤤圖中嘅3Q餅就較為普通，入面有肉鬆、豆沙、麻糬同鹹蛋黃等。總括而言，身為麵包愛好者嘅我真係食得開心又滿足，仲要係良心小店💛.推薦指數：🍞🍞🍞🍞🍞（5/5）

唔太起眼嘅一間麵包舖～ 都係經朋友介紹先至發現原來呢間自己成日路過嘅舖頭係人氣麵包點！😋🤤所以就即刻去咗試喇～果日就買咗栗子同紫薯包兩款包都係一咬落去就係餡 滿滿嘅栗子同紫薯蓉🤤 紫薯包入面仲有麻薯 口感好豐富個人私心中意栗子🤤🤤 真係好少有栗子包係咁足料 有唔會太甜🤩🤩平平哋就食到鬆軟足料嘅麵包 真係超級推薦！下次都想試埋個布甸麵包😍 睇下係咪咁好食！但係次次經過都排長龍 可能要買真係要出爐前早啲排定！