加多娜天然酵母手作麵包店

營業中

休息中

呢間麵包店嘅法式布丁包都出咗名一段時間，屋企人想試好耐但一直無機會買到，終於有一次成功排到由於返屋企都要大約一個鐘頭，拎到返去都已經凍哂，但係都一樣咁好食聽講將佢放入氣炸鍋翻熱會仲正，但一返去就忍唔住開咗黎食布丁包內餡唔係Sell香滑，質地同滑係扯唔上關係而係好香甜好綿密，蛋香同奶香都相當濃郁，仲會隱約食到雲喱拿籽香味，確實係唔錯呢間麵包店除咗呢個人氣產品之外，其實佢其他麵包都相當出色屋企人都有幾次買過佢嘅麵包返黎食特別係有一款叫「芝士乳酪包」真係非常非常正絕對可以媲美高級麵包店賣三四十蚊嘅同款麵包佢size唔算大，當早餐或下午茶配一杯咖啡奶茶都相當滿足外層麵包質地鬆軟不失彈性芝士乳酪餡其實係分開嘅芝士就係一粒粒芝士粒會分佈係內外兩層，份量唔會太多，幾粒就剛剛好佢係屬於偏乾同咸味嘅芝士粒，剛好同味帶酸甜嘅乳酪餡恰好配合乳酪餡就相當澎湃，個包咬第一口就可以食到滿滿嘅乳酪餡，令人感到非常滿足聽講餐蛋包都唔錯，搵日經過必定要試試

芝士多士🧀小店既招牌麵包就係呢個芝士多士 真係超級足料 外層曬咗啲芝士碎 内層一切開就見到超多粒粒芝士 好邪惡呀 烘完更加好食 啲芝士處於微溶狀態 麵包鬆軟OVERALL: 大推薦🤩 (9/10)機緣巧合下見到有人推薦呢間老店 係橫街入面真係唔係特別顯眼 雖然係老店 但係推出嘅麵包都幾貼近民情 見到有啲麻薯麵包都同樣好出名 而且啲麵包真係真材實料 價錢經濟實惠 好值得支持下

終於食到喇😍😍成個碗咁大既布甸麵包$15🤤唔知大家細個既時候食蛋撻會唔會要用匙羹呢？ 正正童年回憶出哂嚟😂唔怪得每日都排長龍啦，仲每人只可最多買4個，以呢個價錢，的確係底食，布甸香滑挺身，偏甜，當甜品絕對接受👍🏻個包就韌咗小小，但重點係布甸，所以我都比好高分💯大家要留意，暫每日只做6:00pm , 千祈唔好一大早去呀🤓

路經嘉多利麵包店，諗住買多次法式布甸麵包，不幸嘅係未到6:30，但係條隊已經出咗彌敦道行人路🤣🤣。後尾先發現油麻地呢間唔係派籌，係真係要排隊。所以如果大家諗住去朝聖食布甸，都係去返佐敦嗰間啦。既然嚟到，就試吓佢嘅麵包係咪真係咁天然先。於是就買咗好出名嘅芝士吐司、台灣3Q餅、咖啡鬆餅、芋頭酥。食晒咁多隻味之後，發現佢真係唔係淨係法式布甸出色，而係佢啲麵包糕點真係真材實料！我最鍾意嘅係芝士吐司。芝士多到你唔信，鹹鹹甜甜，超鬆軟！食咗塊都好飽肚，絕對唔係食空氣。超級真材實料，相信佢真係冇落膨脹劑。媽媽吩咐落，下次經過要幫佢買兩條。咖啡鬆餅係媽媽嘅favourite，勁重咖啡香，食落都有咖啡味，而且外脆內軟，做到KFC鬆餅嘅效果，但係係咖啡味。台灣3Q餅有肉鬆、鹹蛋黃、紅豆蓉、麻薯。層次好分明，味道好特別，有好多種唔同嘅口感係邊。好飽，同甜左少少。芋頭酥芋頭超級多，軟綿綿，芋頭味如果可以再濃啲就好，唔太甜。媽媽好鍾意食，不過食一粒都飽。總括然而，其實佢啲包嘅性價比真係好高，好足料。我覺得可以因應返自己鍾意啲咩口味就揀啲咩包，唔需要睇咩特別推薦。因為平均質素都好高！P.s: 呢間買法式布甸啲時間

🍞芝士吐司💰$24😈嘉多利既芝士吐司同埋丹麥吐司都係超難買😭平時收工去到買就一定會無哂😣不過今日放假2點幾鐘去到都唔算太多人😍仲見到有3條芝士吐司即刻拎起先😭怕無得買😬呢個芝士吐司真係好好食性價比超高而佢個芝士粒粒餡真係好好食同個吐司真係好軟熟

#超人氣法式布甸#今日經過油麻地碧街🤪見到有條小小人龍🥳於是行去睇吓😌原來係排緊人氣法式布甸🥰咁我都排下🤩🤩排左差唔多一個鐘先可以有啲買😛一望過去個龍尾🤣差唔多排到去油麻地地鐵站出口😲😲😲好彩我排咗第十個左右到達😂我都算幾好彩一入到去舖頭見到熱辣辣嘅布甸出爐😍見到都好想食😘由於每人限買四個咁我當然唔例外😊我都買咗四個啦😆我即刻急不及待返屋企返到屋企就食咗半個溫室嘅法式布甸☺️另一半同媽咪share 溫室嘅布甸啲蛋都幾滑 🙃不過個外皮就冇咁好食😛有啲硬之後我用焗爐用200度焗返熱佢（大約焗5分鐘）熱咗嘅法式布甸好食好好多😋外層好脆😚啲蛋仲要係流心😉😉😉真係好好食排一個鐘買佢都值嘅

偶然經過，看見店內人頭湧湧， 便湊熱鬧買了幾款麵包試試看， 沒有特別的期望下，好有驚喜，各款麵包也很好味，每款麵包也用料十足，味道很可口，其中的芝士（流心）包尤其特出，下次有機會必定會試吓其他款式。

黎到呢期好出名嘅嘉多利餅屋！咩咁出名吸引到我特登去買麵包呢？係「法式麵包布甸」！可惜我唔夠啲粉絲瘋狂…..17:30出爐，我17:40去到……布甸影都見唔到一個🙄九秒九賣晒？！So sad～見其他麵包都幾吸引，都買啲試試啦！抹茶紅豆貝高幾好食喎👀細細個咁樣岩晒唔係好鍾意食太多包嘅我！紅豆粒粒分明有咬口，抹茶味Ok出！朱古力杯仔蛋糕呢個都唔錯，有少少朱古力粒！咖啡鬆餅交左比MY FD，對食有一種執著既佢話好食😛合桃栗子包交左比呀媽，佢話好食喎～咖啡卷蛋OK！都幾鬆軟！咖啡味都出～終有一日我一定會食到法式麵包布甸嘅…….

一直都好想試這款法式布丁麵包，每日限時供應（每人限買4個），每次都大排長龍，應該有啲料到，排咗一個鐘，終於買到啦！梗係買晒4個啦！因為屋企有3隻餵食👻我覺得這個算係甜品，所以麵包size剛好，太大個就會膩；布丁口感比較杰身、好重溫尼拿香草味，個人覺得略甜（不過這個甜度是可接受的）；法包做得不錯，外皮唔會太un，淡味包配甜味布丁，配搭不錯👍🏻睇見都覺得要用好多時間和功夫做出來的麵包，只賣$15/個🤭，真係佩！非常抵食😋

係呢間餅店因為法式布甸爆紅之前已經有個foodie朋友同我講佢嘅麻薯3Q餅抵食兼好食，早幾日經過油麻地附近就買返幾款畀屋企人試下～我買咗五個椰汁麻薯3Q餅，兩件手工鳳梨酥，提子鬆餅同咖啡鬆餅各一🤣其中一個麻薯Q餅我係買完即刻食，仲熱熱地，食到微微椰汁香味，唔會太甜太膩👍但冇我印像中咁好食，可能因為肉鬆唔夠多，蛋黃有點乾身同埋麻薯比較淋，不過呢個價錢既無添加特色台灣手信性價比已經非常高👍👍 無得投訴😅😂反而個鳳梨酥令我非常驚艷！😱我買完隔咗大約一個鐘先食，外層牛油香濃郁，酥脆到一拎起就裂開 (真心感受到佢既手工，絕對唔係機器整出黎既手感👍👍) 鳳梨餡料食到絲絲既口感加微微嘅酸，我自己覺得超好食！但係屋企人覺得個皮厚左啲同埋酸咗少少😅另一個屋企人試咗咖啡鬆餅就覺得幾好食，外層脆口，咖啡味濃郁，口感有啲似鬆軟版司康😋提子味亦都唔會太甜，但相對無咁特別～但我覺得佢門口個櫃既呢啲特色烘焙食品價錢比起麵包好似化算啲😯 (印象中佢既腸仔包/菠蘿包$10一個，但鬆餅$8，3Q餅同鳳梨酥就$9😅)我諗以後路經油麻地我都會買返幾款返屋企食下🤣

🔸法式布甸麵包 $15 （每人限買四個）當日五點、六點、七點都有出爐詳細情形以餅店為準（出爐約150個）油麻地長期大排長龍，佐敦店較容易買到🔸翻熱食👍🏻👍🏻👍🏻👍🏻👍🏻用氣炸鍋/焗爐翻熱幾分鐘翻熱後還灑上了黃糖，用火槍微微一燒，口感極像creme brûlée ，中間流心啊！麵包烘得香脆，中間極熱，小心辣親啊🤪個人認為這個最好吃🤪🔸室温食👍🏻👍🏻👍🏻👍🏻麵包較煙韌，布甸較挺身，能吃出蛋香，布甸夠滑，不算太甜。🔸雪凍食👍🏻👍🏻👍🏻賣相與室溫相近布甸部份口感像奶凍🔸後記：平日下午5:05到達，已經全部售罄。平日下午6:40排隊，已經大約有10數人，等了20分鐘便成功買到了當天下午7:05左右再排隊，還能夠買到呢不過好像現在越來越難買啊🙊留言朋友仔話佐敦店比較容易買到呢。🔸小貼士：如非當天食用，店員建議要放在雪櫃內

油麻地早餐之日常4冬天嘅時候個被竇暖粒粒，唔想起身；其實夏天開大個冷氣，舒舒服服又咪係唔想起身。趕頭趕命洗面刷牙出門口，好多時候買早餐除咗好食之外，都要就腳方便快脆啲。依間早餐店除咗真係好鬼好食之外，喺正地鐵站出口，幾步就到，超級方便。佢依度最出名係佢個腿蛋/餐蛋/煙肉蛋包。重點就係佢嘅炒蛋。嗰炒蛋加咗花奶炒，奶奶地好滑，個麵包軟綿綿得黎甜甜地，加上煙肉/餐肉嘅鹹，味道好夾。個包嘅份量唔算太大，女仔食啱啱好，如果男仔嗰朝太肚餓，可能就唔太夠。同埋，我覺得稍為甜咗少少，通常我食呢個包，我會買支凍齋啡，平衡返。我食個菠蘿油，味道都唔錯，塊牛油都幾厚🤤同埋依度嘅布甸好出名下，每次放工都大排長龍。下次搵機會買個試吓。Mcmug綜合評分：8/10 除左個麵包底甜咗少少之外，個炒蛋真係好好食，行過路過唔好錯過

依排嘉多利麵包店嘅法式布丁麵包好受歡迎！⚠️之前摸過一次門釘，所以特登問咗老闆每日咩時候有布丁麵包買！原來而家每日只做一轉，6:30pm出爐，每人限買四個！（不過唔知老闆會唔會再改時間，所以建議大家打電話問一問）⚠️我試咗兩個食法，強烈推薦大家熱食！凍食：法包煙煙韌韌。布丁好滑，好creamy，味道偏甜。凍食嗰陣布丁質地都已經好軟有啲似食緊crème brûlée。熱食：我睇其他foodie指引，200度焗4分鐘。最大嘅分別就係法包變得香脆，口感一流！布丁表面變得平滑，而且仲脹卜卜。布丁會變咗流心，蛋味更濃郁。其實依家麵包店仲有好多有特色嘅麵包，我都買咗幾款嚟試，好似係紫薯麻薯包、芝士乳酪包、芝士吐司、芋頭酥等等！所有麵包嘅味道都唔錯，好滿足！

29號下午2點幾去到嘉多利餅屋，本身諗住淨係買布甸包，但見到有咖啡味蛋糕卷就買埋， 回到家已經馬上將蛋糕卷放雪櫃，30號早上準備食，好彩望清楚先放落口，原來已經發霉，再望下過期日係寫住8月1號🤢🤢🤢

終於終於都試到呢個人氣布甸喇。呢個布甸出咗咁耐一直都未試過。唔係撞唔啱佢出爐時間，一係就咁啱排丁就無晒。今次終於比我買到喇。急不及待返屋企即刻拎出嚟食。睇相以為係熱食。點知原來係凍食。首先講啲布甸，布甸口感勁滑，而且唔會好甜，滑嘟嘟咁。勁透心涼。麵包本身睇個樣以為會好厚身。但食落又唔係。配埋布甸嚟食可以話十分之夾。難過咁多人推薦。如果唔算太多人排隊嘅。我都覺得值得大家去排隊試一試下。我自己都會再買嚟食。