加多娜天然酵母手作麵包店

營業中

休息中

我次次放工經過油麻地間人氣麵包黃店都會買一兩個包走~但我從來朝早都冇時間過去!所以一直都係聽人講有個<<餐肉炒蛋包>>($14)大受好評!連天王嫂都推介🏆多謝好同事賜我呢個大家熱棒嘅名包🥰雖然已經放涼咗!但無損佢嘅炒蛋仍然係好滑~煎得好香嘅午餐肉都有半寸厚! 口感一流!最出色嘅係個芝麻餐包係甜甜哋😍我相信新鮮出爐熱辣辣嘅時候食會更加正🤩下次我要自己去買!

布甸麵包我會加多多2個字"流心", 見有其他朋友仔的相片中間都比較傑/硬身一d。因為咬左一口已經勁呢hea,所以冇影到中間。但可以參考下圖的水狀布甸creamy 得黎偏流心， 因為佢比paul lafayet 個 creme brulee 仲要流心/水狀，因為我都幾中意食佢個 creme brulee, 又有雲呢拿籽香味，個人覺得甜左少少。反而麵包不錯（翻焗），外脆內軟。但因為出爐時間加上限購等問題， 我相信試一次就夠了😂

🔥人氣爆燈法式布甸🔥推介指數❤️❤️❤️❤️❤️(CP值爆❤️)愈來愈難買到 #油麻地手信，只要晏咗啲啲大部分包包都無哂，咁即係好食而又多咗人支持小店啦，最重要係唔係食完都唔飽嘅空氣包！新品想食都好正常，不過熱潮愈來愈熱，睇怕都等唔到條龍會短嘅一日😂第一次遲咗，排到一半已經賣晒。第二再排，排排下先知是日改咗17:30出爐，仲好緊張叫男友子數下前面幾多個人，其實都好炆水🥲入到去店員同前面幾位客人4個4個… 咁我呢？我呢？🙋🏼‍♀️🙋🏼‍♀️店員確認有最後2個🥳🥳💛法式布甸HKD15✨買完急不及待偷望下，聞落好香雲尼拿、蛋同奶味，再夾雜新鮮法包出爐嘅麵包香。可惜疫情關係，唯有返到屋企先食啦。✨經過一輪車河遊，返到屋企布甸跌咗半出嚟😢布甸同法包仍然香噴噴！✨𢳂咗啲布甸食好香滑濃郁，法包比平時成條嘅法包🥖軟身，連埋一齊食大滿足～💛小貼士：每日出爐時間有兩次，分別為17:00或17:30 同19:30，逢星期日同公眾假期無賣㗎～😊💛小店出名價錢親民，哩款法式布甸只賣HKD15，size有拳頭咁大，好食又平，廣東話叫超抵食❣️.··🏠嘉多利天然酵母手作麵包店 (油麻地)📍油麻地碧街54號地舖開嘅哂

終於食到近期爆紅嘅佢😭排左兩次先買到😚食完都覺得值得一試🤩我地3個強烈推薦焗熱食🧡媽咪不顧儀態好常見🧑🏻但舔碟上面嘅布甸真係咁多年都無見過🤯📍油麻地分店有兩輪：17:00 & 19:30～第一次去早15分鐘排失敗左😗之後試下早20分鐘就得左😆想食就早啲啲去ready喇😉圖4有出貨量👀🌟🍮法式布甸 ($15)大概一個拳頭size✊🏻外層係微煙韌嘅法包🍞唔會好硬或者咬好耐，最頂嘅邊位好脆😍重點嘅布甸非常滑溜😱入口雲呢拿味香濃，同蛋味互相平衡😭質感同燉奶比會濃厚少少，係幸福感啊🤤💁🏻‍♀️為食食法👍🏻1️⃣焗熱食🔥200度焗5分鐘後，布甸同雲呢拿味最香濃😋流心到好似半熟芝士蛋糕咁🥰麵包都焗到脆哂，非常推薦咁食!2️⃣室溫食：買完緊係即食😈布甸雖然無焗熱咁香，但都唔差😏包包比較煙韌🍞3️⃣雪凍食❄️似返平時日超布甸嘅質感，較為固體無咁流質～但個麵包會乾左啲🙈我下次都係唔雪🤣

此鋪位於油麻地A2出口附近，每日放工都會途經此鋪，人龍非常長，但街道狹窄，顧客不懂基本禮貌讓路人行，店員為了顧客不會塞滿鋪內而不讓頭幾名顧客進店內等候出爐，非常自私。有一些顧客在地鐵上樓梯時更爭先恐後的沖上地面。 在地面排隊的顧客和沖上地面只為排布丁的顧客不梗阻礙了真正趕時間的人，而且令原本已經很狹窄的道路更加狹窄，變成了單程路，令很多途人都要行出車路/或者是要待迎面而來的途人行了才能夠通行。非常希望店舖附責人可以另覓舖位/控制人流/把出爐時間改為非繁忙時間。既然店舖如此大排長龍，本人相信就算貴店另覓一間比較小人流的舖位也會有很多人來光顧。 請不要再危害其他途人的安全。

最近喺各大社交媒體都見到呢個法式布甸，成日望落好吸引。門口癡住話一日會賣兩輪（星期日及公眾假期冇）第一輪係5:00開賣（150粒）第二輪就係7:30（250粒）咁啱公司喺附近，趁着食飯時間走咗去排隊，都排左成半粒鐘先買到。每個其實都有拳頭咁大，原本以為係熱嘅，攞上手先至知原來佢係凍嘅。佢出面層麵包皮煙煙銀銀，幾有咬口，而入面嘅布甸甜度都適中，好香蛋味！$15 一個其實都算幾抵，不過個人認為佢美好味到值得用半個鐘去排隊。經過見到冇乜人排嘅話其實都值得一試嘅！

諗住過來買麵包布丁，但係又要指定時間，時間唔岩唯有下次再買，今次就試下另一招牌，餐肉炒雞蛋包，雞蛋份量好多，而且仲好滑，但我又覺得雞蛋既蛋味唔夠香，蛋肉亦好厚身，麵包有小小甜，而且好軟熟，面層仲有芝麻香，麵包好實在，唔係食空氣，佢主打用日本麵粉同天然酵母，食得健康，用芝麻甜包配合埋一齊食仲好食過用方包整既餐蛋治，因為個包好新鮮熱辣，疫情關係麵包已經包裝好出售，所以袋入面仲有水氣，但係無影響到麵包整體，值得一試

一日一黃店-油麻地人氣良心法式布甸麵包 呢排幾多人講呢間 呢日平日1830嚟到 布甸麵包賣哂 佢話下次出爐要等到1930 竟然已經有唔小人排緊隊 $15一個 每人最多買4個 排緊隊嘅時候試買咗其他包試試 排咗一陣最後1900就開始賣啦😆.⭐️法式布甸麵包$15👍🏻都算大個 外層幾煙韌 口感似bagel😋布甸 好香滑 有蛋撻類嘅蛋漿係中間蛋漿好香甜 有雲呢拿香第一次試 幾有特色 唔錯唔錯.⭐️抹茶紅豆貝果$8 $15 2個👍🏻呢個好邪惡 bagel中間加左大量cream👍🏻紅豆大粒 原整 但唔會覺得硬 有起沙感🤔抹茶味唔重.除此之外 試左其他包 都好好食😋⭐️原條芝士吐司 😱入面芝士量極多⭐️紫薯麻薯包 🥰賣相靚靚 中間紫薯都勁軟熟就唔一一講啦 留比大家試整體評價 係一間幾有質素嘅平民價麵包店係油麻地地鐵站出口位置 完全理解點解咁多人排隊可以一試 值得支持.#嘉多利天然酵母手作麵包店 (油麻地)地址：油麻地碧街54號地舖.⭐️評分：味道：4/5環境：-/5服務：-/5抵食：4/5

本來知道老闆們用心做麵包來支持一下。但是否覺得產品好，一定有人買就不顧客人感受嗎？麵包再好食，但員工態度差都會令客人卻步。請些C奶做舖面也應該提供在職培訓，如何面對客人吧！

布丁麵包🍮🍞布丁真係用足料～好creamy好滑有很重的奶香味，感覺是用很好的材料。麵包好有韌性，有點係鹹法包，好食好食😋。芝士方包好多好多芝士～未試～不過覺得應該會好食🥰好

谷友介紹，話好好味！唔止一個谷友講，係好多位。最受歡迎的應該係依個 「麵包布甸」。因為下午買，回家後再氣炸。麵包中上、軟棉棉又脆口，不是在空氣中飄走。主角：布甸，好多呀，好正呀，微暖香甜。要買就注意時間：油麻地店：5時（平日）；6時（周末）佐敦：2時買之前打去問問最穩陣每人限購4個

原本只有佐敦店先買到既麵包布甸，，終於可以係油麻地買到啦！！好感動！！但係每天出既時間不一定，店員表示每天會在門口貼售賣時間或者打去店鋪查詢佢特別之處係用真麵包盛裝住個雞蛋布甸，原本我以為係熱食，原來係凍既，店員表示可以自行加熱，麵包似農夫包，比較硬身，如果熱左應該會脆身，布甸十分香滑，好重雲呢拿香味，質地似蛋撻既蛋漿咁，麵包又唔會吸哂d布甸淋哂，仲keep到乾身，$15一個其實好大個，食完好飽好滿足，值得再買

這間餅店最近大熱,難得一早經過沒有太多人,入去買咗幾款試下。滑蛋餐肉飽~ $14, 蛋幾滑,餐肉就平日茶餐廳食的一樣明太子多士 - 多士上塗咗明太子醬,咸咸的都ok紫薯麻薯 ~ 呢個要推介,紫薯微甜,配上一個小小軟滑的麻薯,加埋個飽,有幾重口感又唔太甜芝士飽- 呢個無乜太特呢,全因外表靚先揀佢,裡面有幾粒芝士,不過飽都鬆軟栗子 - 內裡有幾粒栗子,係呢趟買的幾款入面最麻麻的,不過個飽身都夠鬆軟搭救。芝士乳酪 - 呢款個餡似台式乳酪飽,都不錯今次可惜未有傳聞中的布甸飽,希望下次遇到。總括質素唔錯,下次經過再買

呢間麵包店出名用天然酵母做麵包，食得健康之餘仲要係好食，而且價格親民，必定要試！！今次我買左芋蓉肉鬆貝果，肉鬆同芋頭配搭好夾，蒜蓉多士比較普遍，冇咩特別，紫芯麻薯好香紫薯味，而且麻薯非常軟，口感好好，芝士乳酪竟然出奇地好食，乳酪有d似食雪糕既感覺好cream又唔漏，菠蘿油既牛油超厚又大舊，好邪惡但好港式，我鍾意，咁多款都係買左$44，我覺得紫芯麻薯同埋芝士乳酪係必試，迷你版$18有3個，佢仲有其他不同口味，下次要試埋先

放工專登過嚟買台灣3Q餅，聽聞挺出名🙃返到屋企仲係微暖，只係酥皮碎晒，唔大影響，咬開發現餡料滿滿好足料，有豆沙、鹹蛋黃、麻糬、肉鬆，外層鬆軟內裡煙韌，味道有甜有鹹，食完會覺得口感同味道幾多層次同好飽滿。最意想不到只係$8 一個，好抵食！而家疫情無得去旅行，如果掛住台灣Q餅嘅話可以買個食下，值得一試！另外亦都買咗椰汁芋頭酥比朋友，佢就話爆多芋泥但味道淡，如果甜啲嘅話會好食啲。