加多娜天然酵母手作麵包店

營業中

休息中

平時經過油麻地，都冇咩留意呢間街坊小店，看似平平無奇的港式麵包店，但入面竟然有有紫薯包、芝士Bagel、台式3Q餅、芋頭酥等，款式多樣，咩都想試下台式3Q餅買左個係香港都幾少見到既3Q餅，攞上手仲係暖，酥皮有點似老婆餅質感，夠酥化，上面鋪上大量黑白芝麻一切開就見到豆沙、肉鬆、咸蛋黃、麻糬，層次感同口感都好豐富🤤蛋黃濃香，鹹香肉鬆，仲有軟綿的紅豆餡，麻糬佔左一半位置，幾樣配料都不可缺少紫薯麻糬包紫薯包手掌size咁大，入面既麻糬每日炒，唔係隔夜保證新鮮，麻糬比較軟身，唔會好甜，紫芯蕃薯磨成蓉，好快就食哂一個

平時是但買個鬆餅，閒閒地都十幾廿蚊🙉依間超出名，又超大個，都係$7個😦我諗冇乜女仔可以抗拒到🤭~•~•~•~•~•~•~•~•~•~•~•~•~•~•~•~•~•~•~• ▪ 咖啡鬆餅 ($7)☕️🍫一打開個膠袋，陣咖啡香味真係撲埋黎😌外層脆脆，不過食落咖啡味冇嗅落去咁出🤨☕️中間濕潤，口感比較似蛋糕mix麵包🧁🍞但係d朱古力粒粒係真心勁爆多👍🏻👍🏻啖啖都食到朱古力粒粒🤤🤤食完隻手又唔會油😋~•~•~•~•~•~•~•~•~•~•~•~•~•~•~•~•~•~•~• $7真的性價比超高🤩咖啡&朱古力控表示好滿足🤪可能我鍾意食朱古力啦，我又唔覺得太甜。總結就係$7，係超值🥰超值🥰超值🥰

支持小店❤️呢個紫薯麻薯包冇得頂！只係賣💲1️⃣8️⃣➡️3️⃣個買咗已經聞到超級香🤣完全忍唔到即刻食哂佢仲有提子鬆餅都係超好食😋都只係💲7️⃣超香濃牛油味嘅鬆餅🥞又平又抵食

小編其實係一個碳水化合物愛好者，而且比起米飯，小編更愛麵包類既食物!今次因為機緣巧合下認識左喱間餅店，佢仲成為左小編最近經常幫襯既鋪頭~😝
.
#手工鳳梨酥 🍍
其實小編本身唔係咁鐘意食鳳梨酥，喺台灣我都只係食某一個牌子嫁炸! 但係今次鋪頭姐姐誠意拳拳推介比我，話好多街坊都會喺新鮮出爐個陣幫襯一盒，我就比左個機會佢啦~🙈 點知一試，個層外皮酥脆既口感我好鐘意，唔會實的的，但又有少少曲奇既感覺，好味🤤 另外，個餡又唔會太甜，真係有鳳梨一絲絲既口感同清新既味道!難怪咁受街坊歡迎啦!!大家都一定要買黎試!!🙌🏻
.
#芋頭酥 💜
芋頭酥係小編喺喱三個糕點入面既最愛~😚 不過唔知大家同我既口味又會唔會一樣呢?🙊 我覺得佢個幼滑既內餡帶出陣淡淡既芋頭香味，配上大概只有四分既甜度，係恰到好處!👍🏻 不過小編既同事仔試左佢就有D保留，覺得可以甜返多少少…所以都要睇你地既喜好嚕😂
.
#台灣3Q餅 🥸
喱個係小編覺得最吸引既一個，因為來自台灣既3Q餅，餡料係有﹕蛋黃、肉鬆、紅豆、麻糬，超級豐富啊!!🤩 而且喱D餡料都係小編鐘意既，所以真係好期待呀~~ 不過…因為餡太多野既關係，搞到味道上同口感上都有D

話說早前有朋友買咗3Q餅比我試，覺得都唔錯。今日經開諗住再買黎食。去到見到櫥窗有兩個3Q餅，咪同呀姐講要兩個3Q餅同兩個芋頭餅。佢問多一次我要咩之後見佢執緊我咪諗住行去比錢。點知佢執完袋野唔係比我，而係比咗第二個人，我咪問佢唔係執緊比我，佢仲要用好差既語氣問番我要過啲咩，我話佢頭先明明應咗我，佢仲要串爆咁講：我應咗你咩呀！你要既話就要等，等8分鐘！我心諗頭先仲應得我好地地，全程我朋友都在場睇住！呢啲咁既小店似住自己生意好啲受歡迎就串到死，好似唔食佢唔得咁！真係冇下次！

之前見到一位好喜歡的做餅師傅介紹呢間麵包店然後見到好多人留言讚好多款產品都好好味好正於是放工就去朝聖一下可能因為都夜喇，麵包款式淨返較少選擇我最想試嘅車輪包就見唔到（終於知道有車輪包唔係用提子乾，我內心不知幾咁感動同激動😂🙈）反而見到一樣好吸睛嘅，就係炒蛋餐肉包！好少會見到係用炒蛋已經覺得好有誠意的出品嘩食落去… 😮😍 有驚喜喎首先重點係口感，好正！炒蛋係綿滑的即係完全唔鞋口而且唔係咬落去“實的的”仲有…個麵包都好鬆軟即係成個包相對嚟講最實就係塊餐肉😂😂😂而又好巧妙地薄切餐肉就可以大大減低個“實在感”呢個薄切餐肉又帶出第二個重點就係成個麵包整體的味道因為麵包同埋炒蛋係淡味，而餐肉的鹹味就增加返個食入口個味道但如果厚切就over了，薄切就剛好口感同味道都配合到 睇落好普通的餐蛋包，其實食落都感受到用心製作呢 😄

3Q酥💛入面有蛋黃 肉鬆 麻薯 紅豆蓉食嘅時候仲暖暖哋麻薯仲係流心狀態😍我仲買咗芝士貝果🥯同抹茶貝果食過呢間之後 完全唔使上網買廿幾$30嗰啲芝士入面仲有乳酪定唔知酸忌廉抹茶貝果有多到漏嘅紅豆粒粒真係食極都唔會厭冇記錯嘅話三個包加埋$25平時下晝就會賣晒呢啲熱賣款估唔到俾我七點都仲買到👍🏻仲要係新鮮整！香港仲有呢啲小店真係要珍惜！希望各位多多幫襯

炒蛋餐肉包😎$14早排見到有傳媒訪問過佢哋🧐一早Bookmark咗😆下午去到，見到仲有😏即刻買個返嚟試🤗個包的確好足料😋帶點微暖，仲係新鮮嘅😁的確係快靚正之選🤣唔使等，即買即食🙃嘉多利天然酵母手作麵包店 (油麻地)油麻地碧街54號地舖

嘉多利天然酵母手作麵包店地址: 油麻地碧街54號地舖電話: 29888018台灣的餅食好好食，無奈香港只買到工廠製的，且來到香港一個迷你酥都要$15-$20 相信呢間架芋頭酥同3q餅要定係全港唯一手工。$8 一個大大個，一食上癮，買時剛出爐仲熱的我買了椰香芋頭酥，酥皮薄如蟬翼，且芋頭餡是好低甜度，健康好食，芋頭泥外食到一粒粒芋頭粒，實係多餡到爆 3q 餅有紅豆泥，豬肉鬆同mochi 鹹蛋黃，酥皮出面仲有好多黑白芝麻添加了香味，層次要流，外酥內裡mochi qq 而且甜被帶鹹，完全是神的組合，美味到搶住食，買2件3q 太低估家人食量 ，下次要一人一件。呢個甜度略高，沖左杯茶享受到爆。

嘩，前日睇fb見到有人話香港有得食台灣既3q餅，間鋪仲係良心店 tim! bookmark入openrice 之後，行街時諗起佢係附近就搵地圖過去。我買咗三q餅做買咗鳳梨酥同埋一個芋蓉酥，再加多一包好出名嘅芝士吐司。前面嗰三樣嘢呢都係要請店員幫你夾出嚟嘅，而芝士吐司就係畀錢個收銀機隔離 (我搵左好耐先見到) 所以寫比大家知~返到去即刻拎出個三個甜品嚟食先講鳳梨酥我就覺得鳳梨酥比起其他三樣嘢一般，鳳梨比較酸個酥係比較實，比起平時台灣食嘅冇咁鬆。聞落去冇乜特別嘅香味。芋蓉酥：酥皮今次就比較香口，裏面滿滿嘅芋頭蓉真係一個大滿足，啖啖都有芋頭香。不過食完好飽~~3q餅：3q餅真係名不虛傳，佢唔單止有少少甜嘅紅豆蓉有麻薯，有肉鬆亦都有鹹蛋黃。呢幾樣嘢嘅口感加埋真係不得了，我好鍾意佢哋嘅紅豆蓉唔係太甜而肉鬆聽講喺台灣嚟香港嘅真係好香好香，所有嘢嘅比例啱啱好。食完第一次, 我已經再去買左2-3次  太正芝士吐司：話說我喺油麻地買咗一包芝士吐司之後，裏面嘅芝士同麵包嘅比例係1比1，不過中間有少少空心。咁多芝士, 真係食得好開心。所以下次經過窩打老道嘅分店時, 就買多一次芝士吐司。我發覺兩間餅鋪嘅芝士

嘉多利餅店熱門之選 咖啡鬆餅☕️$7咖啡味唔算好濃郁，咖啡愛好者可能會失望，但勝在朱古力粒粒夠多！每一啖都食到朱古力粒粒。外皮係偏硬，比較似合桃酥既口感，入面係紮實，所以食完都幾有滿足感。芝士乳酪 🧀 $6有驚喜！真心推心！本身食完個咖啡鬆餅都想停口，但又聞到陣好香既芝士味！正正係呢個包散發住好似芝士條麵包既個陣焦香芝士味。外皮同芝士條無異，一咬到內層既餡，又係另一個驚喜，滿滿既芝士乳酪🧀️，絕對唔係空心包。另外都試咗芝士軟包同芋頭酥，芝士軟包就普通正常，而芋頭酥就有點失望，因為味道太淡。但係都仲有好多想食既包未試，都會繼續支持！亦一定會回購芝士乳酪🧀️😋😋

嘉多利餅店熱門之選 咖啡鬆餅☕️$7咖啡味唔算好濃郁，咖啡愛好者可能會失望，但勝在朱古力粒粒夠多！每一啖都食到朱古力粒粒。外皮係偏硬，比較似合桃酥既口感，入面係紮實，所以食完都幾有滿足感。芝士乳酪 🧀 $6有驚喜！真心推心！本身食完個咖啡鬆餅都想停口，但又聞到陣好香既芝士味！正正係呢個包散發住好似芝士條麵包既個陣焦香芝士味。外皮同芝士條無異，一咬到內層既餡，又係另一個驚喜，滿滿既芝士乳酪🧀️，絕對唔係空心包。另外都試咗芝士軟包同芋頭酥，芝士軟包就普通正常，而芋頭酥就有點失望，因為味道太淡。但係都仲有好多想食既包未試，都會繼續支持！亦一定會回購芝士乳酪🧀️😋😋

麵包店位置十分方便，喺油麻地地鐵站A2出口一出右邊直行就見到🙌🏻所有麵包皆有膠袋個裝入好👍🏻🔸台式3Q餅 ($7) 8.5/103Q餅外層酥皮鬆化，表面的⚫️⚪️黑白芝麻增添了一份芝麻香味。餡料勁豐富🤩😍，當中有肉鬆、紅豆、黑糖麻糬、鹹蛋黃，鹹甜適宜，煙煙un un，好好味！ 🥳💖下次試埋佢個芋頭酥先😽

最近係ig見到有間不得了嘅麵包舖係油麻地，叫嘉多利餅店，就咁睇門面可應以為只係普通街坊麵包鋪，原來內有乾坤呀！經過分店一定要買黎試下啊😆芝士吐司 ($24)一切開就睇到芝士份量好多😆，好澎湃呀！！吐司仲要非常鬆軟😌，麵包撕開有拉絲添啊，焗番熱黎食，麵包面頭脆脆地，芝士軟綿綿😋，唔會好乾，啖啖都係芝士，好有咸香芝士味👍🏼，正啊！哩個價錢絕對係物超所值😆 大推！❤️

🎈嘉多利麵包西餅台式3Q餅 ($7)3Q餅入面包含左紅豆蓉 鹹蛋黃 肉鬆同麻糬⚪️外面嘅一層酥餅好鬆化 紅豆蓉軟腍但略嫌太甜🤭鹹蛋黃嘅份量唔太夠中間有鹹鹹地嘅肉鬆中和下 加埋有少少拉絲既麻糬 以呢個價錢來講 絕對值得一試👍提子鬆餅($8)鬆餅食落較為甜同漿牙 最好飲番杯咖啡 又或者茶黎中和返個甜味 但真係比較漿牙🙈下次有機會真係想試下佢哋嘅咖啡鬆餅☕️