加多娜天然酵母手作麵包店

營業中

休息中

每次見到scone都好想買👅咁啱經過人氣嘉多利 緊係要試下佢嘅名物💓真係超級平好抵食 $7大大個 平時冇$20都買唔到‼️兩款都係新鮮出爐 暖笠笠🥰外面好硬脆 入面偏鬆軟 唔夠鬆化有啲似麵包🙈口感唔會好乾 幾濕潤😋食落冇乜牛油香 所以摸上手都唔會好油🧈雖然佢食落唔太似scone 但係當麵包食都唔錯🤣.咖啡鬆餅☕️ $7我個人鍾意食呢款多啲❣️個咖啡味都出 不過就唔係好濃🧐成個鬆餅都佈滿朱古力粒粒🍫翻熱咗食溶溶地 真係好正😚咖啡同朱古力真係好夾🤤但係因為都幾多朱古力 搞到咖啡味更加薄弱 同埋食落有少少漏🤏🏻.提子鬆餅🍇 $7提子乾冇朱古力粒粒咁多🤔但係呢個份量啱啱好🤤呢款個scone 底係原味 食落幾香蛋味 不過就好甜 再加埋提子乾就更甜😢整體有啲似食緊脆皮嘅提子包🤓

⚪️🟠芝士吐司 $24🟠⚪️😧第一個感覺係重手！已切開六小件，每件都有至少十幾廿粒既芝士粒🤩🤩🤩勁多餡勁足料勁興奮！！🤣忍唔住消毒完隻手係條街到鯨吞🙈🙈吐司質地鬆軟，裡面有激量芝士粒😍😍所以食落非常非常鹹香好食！！😍面頭亦有芝士碎，包你每啖都咬到芝士香，直頭好似俾芝士輪姦🤣🤣🤣⬛️🟫椰汁麻糬3Q餅 $8🟫⬛️😂😂😂純粹見到個樣幾Q所以都買黎試，放左係熱櫃keep warm😙台式3Q餅我未食過，以為成個質地係煙煙韌韌似糯米糍😯咦！又唔係喎！😋外皮係中式酥皮舖滿芝麻，裡面有海量肉鬆，大大舊麻糬，唔太甜既豆沙同大約1/4既蛋黃😍😍原來呢個配搭咁好味！！爆足料口感好好👍🏻👍🏻最重要係唔油！！又唔會太甜！！性價比勁高😎呢個麵包舖我真係好鬼鍾意🥰🥰🥰價錢公道！製作認真又有良心🥺🥺住係附近既人好幸福丫😫😫😫

買咗今次後，我明白點解要去第3次先見到紫薯同芝士包仔！•包仔細細個，大概係大人手掌心左右；摸落軟綿綿，我放多咗一晚先食，都仲好軟熟；三個包都係皮薄、餡多•$18 /3個，揀咗2甜1鹹：🍠紫薯麻薯：表面有紫薯粉，麻薯有陣陣椰香，口感俐落唔黐牙；紫薯餡多，少甜，食到薯味；🧀芝士：表面有芝士，咬開入面係cream cheese 但light 一啲嘅味道；麵包雖小，但飽滿度高🌰栗子味快快手食咗，無影相，餡多程度可以參考紫薯，但無麻薯嘅；栗子味幾自然•#嘉多利餅屋 #kadooriebakery

嘉多利天然酵母手作麵包店 (油麻地)06:30-21:00芝士🧀吐司🍞 $24 (芝士控福利!!!)激量芝士粒🧀🧀🧀 多到好似成本5洗錢禁👀，絕對係良心小店🥳啖啖芝士，啖啖滿足💛芝士粒味道香濃😋😋麵包🥯質地鬆軟Cp值極高，絕對值得要回購😋推薦度; 😋😋😋😋😋 (5個😋為滿分)#麵包 #麵包控 #吐司 #旺角美食 #油麻地美食 #麵包店 嘉多利天然酵母手作麵包店 (油麻地)油麻地碧街54號地舖

係旺角返工，成日lunch time或者收工會專登過去買。去過幾次，1點幾最多麵包款式買紫薯包($6.5)麵包皮好薄，紫薯同麻薯都好多老公餅($5)老婆餅就食得多，老公餅就第一次聽，原來係紅豆餡，標榜用日本麵粉，酥皮都幾實，mit開一半都唔會散曬椰汁芋頭酥($7,而家$8）唔知係咪食完鳳梨酥同3Q餅後先食影響味覺，覺得無咩椰汁味鳳梨酥($7,而家$8）好好食，係土鳳梨酥，真係有一絲絲嘅菠蘿，酥皮好香好鬆脆，好似曲奇皮3Q餅($7,而家$8）面粘滿黑白芝麻，餡料豐富，有紅豆、黑糖麻薯、鹹蛋黃、肉鬆

有冇人同我一樣都好鍾意食麵包，日日都可以當早餐咁食🙌🏻 🥖椰汁芋頭酥 ($𝟕)細細舊但超級足料！幾香椰奶味，芋泥好綿滑，食得出天然芋頭嘅甜味，酥皮亦好香口😋🍠紫薯麻薯包 ($𝟔)好多人都大讚但我就覺得還好🙈🤔紫薯有啲太甜，麻薯亦唔算好煙韌，不過咁嘅價錢已算不錯👍🏻☕️咖啡鬆餅 ($𝟕)我買完拎返屋企途中隔住咗個膠袋都聞到濃濃嘅咖啡味，但食落就偏重朱古力味，有少少蓋過咗咖啡。scone外層幾脆，入面濕潤鬆軟，有少少似食緊曲奇🍪

芝士腔大愛一份大概有6片！每一片都超多芝士！！吐司軟熟，外面仲有烤過嘅芝士，而每片面包都有超過10幾粒芝士，真係名副其實啖啖滿足！$24一份，性價比超級高！鐘意芝士嘅朋友必試！

買唔到芝士多士買左提子鬆餅 咖啡鬆餅幾好吃 夠鬆軟 唔難吞之前吃過d鬆餅 好硬好乾身 唔係幾好吞咖啡鬆餅 －咖啡味唔係幾出， 朱古力粒可以唔加，感覺唔太需要不錯甜度剛好 夠鬆軟鬆餅會再回購台灣3Q餅 －番到屋企仲係微溫，紅豆蓉肉醬麻糬 ，但個人唔太中意麻糬 。都幾好吃的價錢都親民

本身呢間野都頗出名嫁啦(酥餅同迷你包)我之前都介紹過佢嘅台式Q餅但好似從未有人介紹過佢啲方包聽到店員話今日啲芝士包好正好奇之下 拎上手睇下 嘩 咁重手嘅🤯係非一般的墜手🤣.🧀🍞芝士吐司$24🍞🧀一打開個包真係嚇親😳啲芝士仲多過嗰包喎 仲要3片都係咁😍頭尾嗰啲都好多芝士粒真係一片麵包都多過曬美x個款🤪甚至覺得芝士粒濃味過美x個隻🤪麵包非常鬆軟 但唔空氣我會話 咁多芝士就一定會膩啲嫁啦🤭但好在佢唔油 食一塊都幾飽👏🏻面頭仲有燒芝士芝士控一定勁爆愛🥰🥰CP值爆燈🤩🤩自己唔係scone控 亦極少食scone因為以前食開都覺得好乾同乏味🤭呢個算係難得 我會想食完嘅scone因為佢唔乾 咖啡夠香 仲要好多朱古力粒🍫重點係佢一直放係烘爐上 所以個外層係脆口同暖手Scone的確好飽肚 所以性價比算高😍😍.🥧酥皮蛋撻 $6🥧雖然我係牛油餅蛋撻派但呢個酥皮真係做得幾出色👍🏻因為佢係無油溢味 仲要唔油膩酥皮鬆化 具層次感 咔嚓咔嚓咁蛋漿唔死甜 幾香蛋味細細一個 過下口癮都好好🥰

鋪面冇乜特別亦唔顯眼，唔係睇過介紹專程嚟試真係行過咗都唔知。不同麵包款式擺滿架上都算係幾琳琅滿目，聞說炒蛋包出名，今次專程嚟買。佢哋出品嘅麵包每個都獨立包裝，你可以話衛生，亦都可以用環保角度去批評，見仁見智。絕對要澄清，啲蛋比我搞到一Pat咁係因為我喺個背囊度攞返出嚟影相，而且因為佢有透明膠袋包住所以水氣凝結喺包上面睇落濕粒粒咁樣，都係我處理嘅問題，同麵包舖無關。餐肉炒蛋包塊餐肉10分之香口，如果表面有啲焦脆就更加一流，雞蛋份量相當足夠但略嫌蛋味唔夠，亦唔係話好滑流嗰隻口感，但味道配搭得宜，整體感覺良好。無添加手工吐司可以話係我係香港生活左咁多年食過最好嘅方包，軟綿綿質感細密，唔係好強嘅麥香，但口感之佳令你不禁食完一塊又一塊都唔知飽。食完你就清楚超市買嗰隻X頓其實有幾垃圾。台灣3Q餅，餡料有麻糬、豆沙、肉鬆、鹹蛋黃。聽講肉鬆由台灣訂製供應。餅面鋪滿芝麻，黑白兩色，賣相相當吸引。餅皮係酥皮。裏面嘅餡料唔係講笑，真係可以分開逐一去品嚐，四樣餡料水準都相當之高。鹹蛋黃唔會死實太鹹，麻薯清香煙韌，豆沙唔會太甜太搶，最出類拔萃係嗰少少好香嘅肉鬆，令我深深體會少少對於整體可以有幾重要。

芝士乳酪($16/3個)細細個包有9成都係芝士乳酪🧀🤤包身軟 餡多又好味 細細個食完都唔覺太heavy!味道：🌖 (評分：正🌕🌖🌗🌘🌑不了).芝士軟法($16/3個)呢個有少少搞笑 包身都有啲芝味但估唔到入面得一條仔芝士🤭味道：🌗 (評分：正🌕🌖🌗🌘🌑不了).紫芯麻薯($16/3個)呢個食完都好滿足😋有麻糬又有紫薯蓉餡份量都好足料 而且紫薯甜味天然 仲好美觀味道：🌖 (評分：正🌕🌖🌗🌘🌑不了).整體分數: 📒✍🏾7.5/10🤓⛅️

好少見香港有台灣3Q餅食有日行過油麻地既餅舖竟然有 就買黎試下呢到既台灣3Q餅有肉鬆 麻糬 蛋黃同豆沙咁多餡料都只係$7/個 算好抵到手都係熱辣辣😍個餅外面舖滿黑白芝麻 好煙un 內餡料好足 每啖都有滿滿既肉鬆同豆沙 加埋麻糬好有口感 食埋蛋黃都唔會覺得膩真係好好食既台灣3Q餅🥰🥰🥰估唔到香港都揾到台灣正宗原味道👍🏻😆呢到除左3Q餅 仲有椰汁芋頭酥都只係$7/個 見到有人半打3Q餅 半打芋頭酥咁買下次我都要試下！🤤🤤🤤

包控必定要bookmark！下次去可能見緊小編大掃貨🤣！ btw唔知大家仲記唔記得#麵包清單 呢😢-1️⃣「咖啡鬆餅☕️($7)」-性價比好高 好大粒🍪聞落咖啡味幾香 有好多朱古力粒粒 食落外層鬆脆 入面麵包同蛋糕質地之間偏向麵包~The coffee scone is very large in size with a crunchy shell. The texture of the inner part is quite similar to a bread.-2️⃣「明太子多士🤎($8)」-食落明太子鹹鹹香香同海苔幾夾麵包質感係有彈性似海綿咁🙈～There are lots of cod roe on the mentaiko toast. I like the seaweed on the top. The toast is quite spongy.-

已經留意了幾次員工的做法，總結：很不衛生！儘管他們一隻手戴了藍色手套，但戴了手套既手用途廣泛，除了拿起麵包放進包裝袋外，還有拿起價錢標籤機，篤收銀mon 同埋收銀紙！ 看著佢地上手收完錢，下手就拿起麵包/蛋撻遞結客人，這讓我看得目定口呆，我覺得非常惡心。為什麼在這肺炎疫症時期，大家既衛生常識仍然那麼低？希望老闆能多教導員工，即時不是疫症期間，處理食物也應該要多注意衛生吧？！ 不然，麵包有多吸引也好，市民也不會再購買！