加多娜天然酵母手作麵包店

啱啱第一次排隊買完未食，唔知道好唔好食，但秩序混亂，門口兩條隊無指示無貼告示無職員維持秩序，入到去俾錢有人從另一邊走埋櫃位話係另一條隊的就算再好食我都唔會再幫襯，俾我感覺只係做成生意就得，顧客感受唔重要。建議參考Bake House等其他多人排隊鋪頭嘅做法。…查看更多

🥖嘉多娜 𝑲𝒂𝒅𝒐𝒓𝒂𝒓 𝑩𝒂𝒌𝒆𝒓𝒚✿芝士吐司 $29Crazy!!!!芝士份量差唔多同吐司係1:1比例🤩包體口感鬆軟🍞表層撒上帶鹹香的芝士絲🤌🏿內餡放有爆多高融度的芝士粒🧀底部更有原嚿芝士的呈現💛一條$29的芝士吐司足料重手🤩🤩三重芝士的滿足🧀🧀🧀實在CP值太高🥰…查看更多

唔少reel激讚嘉多娜的黑芝麻忌廉筒爆餡、好食，於是，同狗狗爸爸講話想試下，冇幾耐，佢就買咗1個返屋企，可以一齊食。黑芝麻忌廉筒：$18，以忌廉筒嚟講，佢唔平，屋企附近有舊式餅店的奶油忌廉筒傳統又出名，只係$10；呢個忌廉筒唔係cone形，係圓筒形，入面填滿黑芝麻忌廉，但不至於爆餡，冇漏出嚟；買完隔2-3個鐘先食，佢應該冇原先咁脆，一刀切落去，唔係「咔嚓」咁脆到散開，但亦唔會擺到腍曬，佢有少少似軟咗的拿破崙酥皮；黑芝麻忌廉冇忌廉咁輕盈、空氣感重，有人形容話佢似芝麻糊，咁又未至於咁杰，佢的質感界乎忌廉同糊之間，味道略甜而帶濃濃的黑芝麻香；作為忌廉筒，佢唔平，但佢唔係一般奶油忌廉筒咁普通，而作為飯後甜品，佢就超級經濟實惠，只係$18，已經夠2個人止到少少甜品癮；如果唔係忌廉筒愛好者，可能唔會主動回購，但如果有得再食，又完全唔會抗拒…查看更多

琴日咁岩出開旺角整野， 之前成日聽到哩間 嘉多娜餅店，D人講到好好食咁， 見到油麻地有， 就過去一試…可惜既係， 本身想買布甸包， 不過去到門口已經見到一張紙， 布甸麵包要下午4:30 先開始有， 我去果時係中午… 所以唯有放棄..不過來都來了 HAHA，無理由白行一趟，就入去睇下， 不過內部實左太細， 客人有4個人都已經好逼， 所以基本上 冇得你慢慢揀， 一有目標即夾即走…而且價錢唔算平， 可能出名啦始終，最終買左佢6條忌廉筒咁。開心果味: 幾香開心果味, 不過口感較漿，唔會甜芝麻味: 好食好食， 好香芝麻味，微甜，口感好。榛子味: 好似食緊繽紛樂咁，不過食落比較膩，不過榛子味係一定足夠既整體個人鐘意食芝麻味多D。 不過間唔中一兩次就可以， 唔會專登去逼。。haha…查看更多

好鍾意呢度嘅芝士包、燒餅、芋頭酥、藍莓bagel….成日都會特登嚟買今日就遇到喺門口執酥餅嘅後生女店員，我只係話唔該兩樣嘢分開放，佢竟然發老脾大力掉啲食物😮我問佢：你掉野嘅，佢仲要話：我又唔係掉你。吓，而家你係掉緊我要買嘅嘢喎😮仲要話黐線 又藐嘴藐舌毫無禮貌嘅人嚟買嘢仲要受氣 …查看更多