劉興記生煎包專門店

營業中

休息中

今天天氣又熱又焗，和朋友看到招牌寫着豆漿任飲就立即入去。其他餐廳一杯飲品根本都唔夠飲。雖然是生煎包專門店但菜品也很多選擇，亦見到很多人一起包生煎包同小籠包，真係新鮮，叫咗幾個嘢食，包括原味小籠包、麻醬手撕雞粉皮擔擔麵、雞絲酸辣湯、蟹皇生煎包。4粒小籠包，粒粒外皮薄透，餡料豐滿，調味帶有微微咸，肉餡鮮香，最鐘意咬下去時鮮美的湯汁爆晒出嚟，好飲好食。搭配埋少少醋和姜絲更加好食，做得幾傳統。麻醬手撕雞粉皮啲麻醬香濃、粉皮的Q彈。手撕雞肉質鮮嫩，令人食唔停。朋友食咗招牌擔擔麵，擔擔麵花生高湯底濃郁，麵條索汁又有咬口，每一口都充滿了花生的風味，非常滿意。雞絲酸辣湯的酸辣平衡得非常好，湯底清爽卻又帶點微微的辣意，初次嚐試嘅我覺得幾特別，而雞絲令成碗湯更加豐富。蟹皇生煎包外皮金黃酥脆，內餡鮮美，湯汁濃郁，而且食嗰陣仲見到好幾大粒蟹膏，真係有啲驚喜。特濃豆漿口感滑順，濃厚的豆香，任飲都做得一啲都唔求其。

聽聞呢間劉興記係喺荃灣開始起家，分店亦都越開越多，今次就嚟到荃灣元老店試一下。除咗生煎包係招牌以外，都有好多款上海菜可以試試。見佢有幾款唔同嘅套餐，價錢都幾優惠，仲包埋飲品。.麻醬手撕雞絲粉皮 ($35)麻醬好夠味，粉皮幾爽滑，唔會太腍招牌上海排骨菜飯/湯麵 + 生煎包一隻 ($54)排骨大大份，唔會太油，炸得幾酥脆菜飯嘅份量好多生煎包 皮厚肉鮮，湯汁滾燙，真係要攤一攤先好食豆漿應該係低糖，唔會太甜，幾滑.

呢間食左一次已經榮登我最受喜愛生煎包特登再去其他分店睇吓質素有冇唔同 生煎包依然好出色啊 粒粒爆汁！包底脆 但唔會太硬太厚皮 肉餡好鮮好多汁 最緊要係熱辣辣 真係食到焫親個嘴仔 哈哈原味生煎包其實已經好正 但食咗一次蟹黃味就返唔到轉頭啦 有大量蟹絲有蟹黃 蟹味好濃郁 大推！小籠包一樣勁多汁 真係皮薄餡靚蔥油拌麵都好食 麵條爽口入味 炸雞扒軟嫩唔厚粉最開心係叫套餐或者滿$60有得任飲豆漿 仲要比得好慷慨 唔使你舉手 店員已經主動幫你添飲飲落唔會太甜 豆味好濃好香滑 我飲左3杯 哈哈哈.✿ 蟹黃生煎包(2隻) $③⑧✿ 小籠包(4隻) $④⓪✿ 麻醬手撕雞絲粉皮 $④②✿ 炸雞扒蔥油拌麵 $④②✿ 雞湯小雲吞(12隻) $③⑤

劉興記生煎包專門店已經聽過唔同朋友推介去呢間度食, 果然好抵喎! 已經開咗六間分店! 因為親民嘅價錢都見到好多人幫襯, 堂食同外賣都有🥡————————————————食物:❆ 麻醬手撕雞粉皮 + 生煎包 (2隻) $54上枱嗰時份量都有啲驚人!😯原本以為係小食嘅份量, 點知原來已經係一個主食嘅份量! 麻醬香濃, 襯埋手撕雞同好清涼嘅粉皮一齊食好啱! 粉皮仲幾厚身,食落好有質感 so nice!❆ 上海排骨湯麵 $42湯頭清澈滋補, 排骨好大塊🔥肉質鮮嫩,搭配入味既麵條, 濃濃既排骨風味出晒嚟❆ 手功豆沙窩餅 $28有8塊, 全部外皮炸至金黃酥脆,內餡豆沙香甜鮮嫩🥰口感豐富, 每一啖都帶來滿滿幸福感!P.S. 惠顧任何套餐/滿$60或以上豆漿任飲! 嗌一個餐加小食已經達到呢個標準實現冰涼豆漿自由既時刻到啦!🥳 小編嗰晚自己一個人都飲到四杯, 喺香港晚市完全係意想不到既驚喜!————————————————整體:✦ 價格: 4.5/5✦ 味道: 4.2/5✦ 服務: 4.2/5✦ 環境: 4.0/5✦ 再訪指數: 4.1/5劉興記生煎包專門店 (荃灣)地址: 荃灣荃灣街市街37號地舖營業

今天中午， 我們去到荃灣街市街劉興記生煎包專門店(荃灣) 午餐。在這家餐廳，滿60元，豆漿任飲，讓人驚喜。我們叫了排骨蔥油拌麵，美味無比。麵條搭配香氣四溢的排骨和新鮮蔥油，讓人忍不住一口接一口。另外雞絲酸辣湯，也讓我们印象深刻。湯酸辣適中，雞絲鮮嫩，十分開胃。生煎包和小籠包是必點的美食，熱氣騰騰的包子，咬下去汁液四溢，讓人回味無窮。特別是蟹黃生煎包，蟹肉的鮮美和包子的酥脆完美結合，讓人欲罷不能。這裡的服務也相當周到，店員熱情親切，讓每位客人都有賓至如歸的感覺。客似雲來的場面，正是這裡美味的最好證明。

今天在荃灣買菜，便到附近的上海店午餐，這光顧了好幾次了，長期人氣滿滿要排隊啊招牌上海排骨湯麵這裏排骨就是豬扒的意思，火喉甚好，脆卜卜而有肉汁，味道不錯。麵條有咬口不會太淋，很好地吸納了湯汁的精華。生煎包:必須襯熱吃，包皮酥脆微黃，內餡飽滿多汁，小心咬下去會隨時爆汁，容易彈到別人啊。餡料鮮美，吃上2個也不肥膩。酥炸小雲吞:湯小雲吞常吃，這次點酥炸的，外層酥脆，內餡雖小但也飽滿，口感層次豐富。沾上醋或甜辣醬後，味道更佳呢。原味小籠包:即叫即造，非常非常多汁，還好包皮薄而有韌性，能完整包住肉汁。咬開後湯汁馬上流出，與肉餡的鮮美完美融合。百步香葱餅:餅皮外酥內軟，大量的香葱餡料馥郁濃郁，清新可口。吃起來有層次感，不僅餅皮香脆，餡料的清香味也撲面而來。這店真的是百吃不嫌，還提一下免費提供的豆漿也不錯啊。

今日終於去了朋友極力推薦的劉興記生煎包, 品嚐後, 真的只想說一個字" 正" 原味小籠包, $40四隻- 細膩的皮層包裹住肉汁四溢的內餡- 一口咬下, 滾燙的湯汁會順勢流出蟹黃生煎包,$36 二隻- 薄薄金黃酥脆的麵皮包裹住香滑的蟹黃餡料- 每一口都能感受到海鮮的鮮甜味 招牌擔擔麵, $42- 麵條Q彈有勁, 配上濃郁的肉醬- 加入芝麻碎和蔥花, 簡單但口感很好鮮雞湯小雲吞 - 湯頭, 配上餡料- 一口咬下, 細細粒真是好易食, 好有新鮮感總括來說, 呢間野性價比超高, 平靚正, 加上最近仲做緊豆漿任飲, 真的推薦大家去此店品嚐一下

之前勁多人排隊，而家熱潮無咁勁，唔洗排隊，仲要做緊推廣，堂食就有豆漿任飲！低糖豆漿，夠豆味，唔會太甜。試左佢個蟹皇生煎包（$18/1隻）咬開爆汁，而且食到蟹肉，同埋蟹皇汁，值得食呀！見咁正，試下佢個蟹皇小籠包（$80/4隻）好多湯汁，熱辣辣，好香呀！天氣咁熱，整個麻醬雞絲粉皮（$35），好解暑，粉皮彈牙，青瓜絲新鮮。生炸排骨菜飯（$42），個排骨炸得好食，肥瘦合宜，拌菜飯好食。加埋個手工豆沙窩餅（$28）滿足哂。

每次經過街市街都好多人排隊，經過劉興記比發哥張相吸引左入去食😂😂天氣熱加上唔洗排隊，就入去試一試生煎包同小籠包啦。惠顧任何套餐或滿$60以上豆漿任飲，雖然杯細細，但有得任飲豆漿又幾抵。兩個人這份量剛好，一碗粉皮，四款小吃。蟹皇生煎包 1隻 $18蟹黃生煎包好特別，生煎包底帶少少脆口，𥚃面的蟹黃味道好濃郁，帶少少湯汁，很不錯。原味小籠包(4隻）$40皮都薄肉汁都鮮味，但小編略嫌湯汁不夠多。喜歡醋的你一定要加醋和薑絲一齊吃，味道會更昇華。不過小編不太喜歡醋的味道，不加醋也可以。酥炸小雲吞 （12隻）$25一口雲吞，可沾泰式辣醬吃。秘製上海炸排骨 $22炸排骨炸得一般，去骨方便進食。麻醬手撕雞絲粉皮 $35小編比較喜歡吃多麻醬，青瓜份量算多，雞絲份量普通。

荃灣老字號生煎包專門店-劉興記，自從佢重開返之後，人龍冇停過。今日早咗收工，終於有機會食到～食物選擇好多，最近仲做緊豆漿大放送，食滿人頭$60/套餐就可以任飲豆漿～呢度嘅豆漿係自家製，豆味好香濃，健康唔甜～麻醬手撕雞絲粉皮+生煎包兩個 $54手撕雞新鮮嫩滑，份量好多，接近有1/3隻～麻醬好重芝麻味，好香好滑～粉皮晶瑩剔透，非常掛汁～招牌生煎包 蟹黃生煎包嚟到必定要試，仲好味過好多連鎖大集團！每個生煎包都有滿滿嘅湯汁，所以食嘅時候要小心慢慢咬開～特別大讚蟹黃生煎包，肉餡係蟹膏再加蟹肉，誠意之作，絕不欺場～鮮雞湯小雲吞12粒 $30雞湯係新鮮熬製，清甜好飲，飲完完全唔口渴～小雲吞有滿滿嘅餡，抵食～上海排骨菜飯 $42又係必食！上海排骨炸至酥脆，肉質仍然保持juicy，好香脆好惹味～菜飯都係誠意之作，菜粒係充滿菜味，主打一個新鮮～手工豆沙窩餅 $28叫嗰陣都有啲擔心會唔會好油膩，點知一啲都唔會，紅豆餡好香微甜，鍾意豆沙餡嘅朋友唔可以錯過～

超級人氣餐廳🍴，點可以唔黎食❤️完全係高質又抵食既平民美食☺️必食（其實好多都好好食🤤）招牌生煎包 $45/6隻超級爆汁juicy，真係要小心食☺️，熱辣辣又juicy鮮甜既湯汁真係唔講得笑，生煎包底部仲要帶脆口，超級好食😋原味小籠包 即叫即蒸，皮薄餡靚，入面既肉餡係無敵，肉汁鮮嫩飽滿，又係一啖一滿足🥰小雲吞湯麵（12粒） 湯頭清甜，好屋企既味道，好舒服好順口，小雲吞會忍唔住一粒一粒咁食招牌擔擔麵 好濃郁既味道，小小辣咁勁惹味任何套餐 或人均滿$60 都有得豆漿任飲🥰店員仲會Keep住巡場，自動添加豆香味濃既豆漿

呢間開係排晒隊糯米糍的民豐旁邊的生煎包人氣小店，上次食完之後對佢嘅菜飯同酸辣湯念念不忘。今日帶埋朋友過嚟一齊食。點咗兩隻招牌生煎包$20 ，咬開入面真係超多湯汁。上海排骨菜飯$42上次食完呢個排骨菜飯真係好難忘，炸到金黃酥脆之外，而且係薄切一啖一舊，今次係變咗厚切，賣相好似炸豬扒咁，食落依然好酥脆，而且好夠味，不過個人都係鍾意薄切。雞絲酸辣湯$30呢個係我最喜愛嘅菜式之一，味道唔會太辣，重點係好足料又大碗，有好多冬菇、豆腐、木耳、筍同雞絲等等。鮮雞湯小零吞（12粒）$30小雲吞細細粒，但係食到鮮甜嘅肉味，入口嫩滑。麻醬手撕雞絲粉皮$35呢個份量都幾多，無論係雞絲、粉皮、抑或麻醬嘅份量一啲都不吝嗇。配埋青瓜絲撈埋一齊食，真係啱晒夏天食嘅開胃菜。

🦀蟹粉小籠包 - $80新品,極具人氣!包餡豐富,蟹粉香氣撲鼻,湯汁鮮美可口。皮薄餡多,入口即化,絕對稱得上是"爆汁",美味程度與份量相當值得。✨招牌生煎包 - $30/6隻外皮金黃酥脆,內餡飽滿多汁,肉餡鮮嫩可口,性價比高!人氣招牌食品之一✨🦀蟹黃生煎包 - $18/1隻蟹黃香氣濃郁,與生煎包的口感完美結合。湯汁濃烈，包底脆口🤤適合喜愛蟹黃的顧客選擇。🍜上海排骨湯麵 - $42麵條Q彈有勁,配上分量十足的排骨肉,是＂填肚子"選擇。適合想要來點暖心暖胃的顧客。🥠酥炸小雲吞 - $25/12粒- 外酥內嫩,餡料飽滿,作為小吃或開胃菜都很適合。🥢麻醬手撕雞絲粉皮 - $35- 雞肉鮮嫩多汁,配合麻醬口味,別有一番風味,粉皮Q軟有嚼勁,與雞肉完美融合,清爽開胃!🥛荃灣呢間分店買滿$60以上，就可以實現豆漿自由！豆漿任你飲！

每次經過荃灣街市街，都被呢條長長人龍吸引了眼球，個個都為左隻爆汁生煎包而嚟！今晚有時間，排左陣隊就有得食喇！如果一個人想試唔同款，都有套餐提供。坐低左仲發現驚喜，而家做緊無限添加豆漿。真係一坐低就放低兩杯，飲到差唔多店員就會主動再添加，好好服務。我試左個 蟹黃生煎包好濃郁，有點蟹黃味，配埋個醋更帶起個蟹味。唔係講笑，真係要小心食，熱騰騰又爆汁，唔小心就會噴汁。而個 原味小龍包也不比大品牌遜息，皮都薄肉汁都鮮味，一樣都系要小心食，小龍包更有預先準備好嘅醋,很貼心.排骨蔥油拌麪本身不是太喜歡拌面的， 但呢個面蔥油撈得好香，嚟會太乾身，有微微的濕潤，面身都好滑唔係太油底。仲有專為呢個排骨而點嘅排骨汁，完美.麻醬手撕雞絲粉皮好大份，唔係小食份量，個粉皮好滑身，又爽，醬汁份量啱啱好。手工豆沙窩餅細細份嘅甜品更顯誠意，個邊煎到剛剛脆，但又嗰係燶，豆沙微甜，高質。

今次行經荃灣，特登入去試下🙌🏻 Lunch時段坐滿人，今次我試左：雞絲酸辣湯麵 $34蟹黃生煎包（1隻） $18原味小籠包（4隻） $40（凍）低糖豆漿 $8手工豆沙窩餅 $28招牌生煎包（2隻) $20生煎包嘅豬肉無筋，唔用太多糊椒粉調味，因為肉味夠鮮唔洗重調味掩蓋，肉質軟嫩。包子點外皮厚薄適中，煎到面頭脆卜卜，咬開湯汁流出來，香濃湯底真係精華所在🤤 蟹黃生煎包，餡料加入蟹膏，香味再上一個層次！小籠包隻隻飽滿靚仔，皮薄圓潤，裝滿湯汁。豬肉餡料鮮甜，調味清淡已經好好味👍🏻雞絲酸辣湯麵水準之作 🍜🌶️ 雞絲、木耳絲、筍同豆腐份量超多，舖滿碗面。湯頭調味唔會太辣，啱曬我😁 我仲叫左豆沙窩餅，甜度恰當，餅底軟軟地又有啲煙韌，味道討好。歎埋杯豆味滿滿嘅涷豆漿，真係好滿足！埋單價位仲好親民，一定要揾機會再黎食😋