劉興記生煎包專門店

營業中

休息中

今日中午去食，排左大概15分鐘~店內座位唔多，滿場時要搭枱，但贏在夠乾淨，每位店員亦好nice🥹今時今日好難得遇到好食又好態度既小店了‼️🩷-💕 招牌生煎包 $20/2隻👅好味指數：9/10果然好爆汁💦即叫即煎❗️包底超香脆，食完唔會成口油❗️豬肉內餡超足料又唔肥，湯汁都好鮮甜，包皮厚薄適中，唔會過厚，係正既！-💕 蟹皇伴麵 $150👅好味指數：9/10超足料份量多！蟹皇夠伴哂成個麵有突😂，蟹膏蟹油味道濃郁又夠香，上海麵好彈牙唔易碎同腍👍🏻又好入味🥰份量多，2人1碗剛好！-💕 豆漿 Free❗️👅好味指數：9/10免費仼添豆漿❗️無糖解膩🥰店員會自動自覺睇有冇客人需要添加，值得一讚🥰👍🏻-環境：9/10服務：9/10整體味道：9/10回頭率：9/10

呢間開係排晒隊糯米糍的民豐旁邊的生煎包人氣小店，主打上海美食，有生煎包、菜飯、酸辣湯等等，每款都好抵食。點咗🥟兩隻招牌生煎包$20，煎到外脆內軟，咬開入面真係超多湯汁。🍜上海排骨湯麵$42新鮮即點即炸，炸到金黃酥脆之外，而且係薄切成一條條，賣相好似炸豬扒咁，食落好酥脆，份量都幾多。湯麵口感偏軟，仲有條菜喺度。🌶️雞絲酸辣湯$30呢個係我最喜愛嘅菜式之一，每次都會點！味道唔會太辣，重點係好足料又大碗，有好多冬菇、豆腐、木耳、筍同雞絲等等。今日啲雞絲份量特別多同大條😋。

劉興記的生煎包真係好正，外脆內嫩，咬下去仲會爆汁😆 作為一個愛食蟹的人，當然要試下佢哋嘅蟹黃生煎包。招牌生煎包已經好味，但蟹黃生煎包更添鮮味，真係冇得輸！另外，麻醬青瓜雞絲粉份量勁大，粉皮滑滑的，加上大量青瓜，完美減低油膩感。再配上免費任飲嘅豆漿，真係解油膩必備！手工豆沙鍋貼脆脆地，最重要係唔甜，對於怕甜又鍾意食甜品嘅我來講，真係岩晒😍最後提醒大家，食生煎包嘅時候要小心啲，唔好像我咁差啲被燙親。

今晚經過劉興記，見到咁多人排隊，就入去試吓先，我哋點咗幾款試吓。**蟹黃生煎包** 🥟：呢款生煎包真係爆汁，每一啖都係蟹黃嘅香味，肉餡嫩滑多汁，外皮煎得金黃香脆，好好味。**上海小籠包** 🥢：呢四隻小籠包皮薄餡靚，每一口都係滿滿嘅肉汁，味道非常豐富，真係好食。**小雲吞湯麵** 🍜：呢個湯麵非常清新，雲吞皮薄餡多，湯底味道清甜，麵條彈牙，真係想吃多碗。**麻醬青瓜雞絲粉** 🥗：呢道菜清爽開胃，青瓜同雞絲配埋香濃嘅麻醬，味道層次分明，好有口感。**香蔥油餅** 🥞：呢款油餅外脆內軟，香蔥嘅香氣撲鼻，每一啖都好香，好值得一試。整個用餐經歷非常滿足，每一道菜都係精心製作，非常美味。劉興記真係值得再嚟，希望下次可以試更多唔同嘅菜式！😋🥢🍲😊

今次黎到荃灣 見到呢間食生煎包講到一口爆汁 唔夠熱又可以換豆漿仲可以任添🤭決定入去試下！蟹皇生煎包兩個生煎包送到上黎出曬煙熱辣辣一咬落去啲肉汁已經係咁流出黎食個陣真係要睇熱！個皮又煎得好香脆咬落去脆卜卜加埋好香既蟹膏蟹肉味成個包既層次都好豐富！上海小籠包小籠包隻隻都包住滿滿既上湯佢既豬肉餡好夠味一咬落去 又係熱辣辣同爆哂汁比起煎 蒸既更清甜不膩 都好值得試糖醋炸排骨湯麵炸排骨都好出色肉多過骨！糖醋醬既酸甜度調較得好好唔會甜到嗱喉又唔會太酸暫時係我食過最好食既糖醋醬！麵底就用上海麵鋪頭煮熟得岩岩好 超彈牙湯底好清甜 飲完都唔會頸渴麻醬青瓜雞絲粉皮麻醬好夠香 而且好多 足以撈哂成碟粉皮粉皮既厚薄都做得好好唔會太厚 但又有咬口百步香蔥油餅呢個蔥油餅上枱已經聞到好香蔥味佢望落去好似春卷皮但食落起係完全另一個口感！係好酥脆而唔係春卷個種脆皮既口感呢個反差俾到我好大既驚喜亦都超級好食加埋啲蔥香 成個蔥油餅真係可以再食多個！呢間價錢好親民又好食已經入左我既回頭餐廳list入面！

🔹️蟹黃生煎包🦀🐷呢度嘅蟹黃生煎包實在係太好食，超多汁勁juicy，要小心啲咬🤣，唔係就會爆汁，入面係好多蟹黃💛、蟹肉🦀配嫩滑嘅豚肉🐖，蟹黃嘅鮮味令人回味🤩🤩，一定會返來encore。🔹️招牌生煎包🐷(表面係黑芝麻個款就係)雖然我地覺得蟹黃生煎包好咪啲，不過招牌招牌生煎包🐷都好食，而且平啲。🔹️麻醬手撕雞粉皮：超級大碗，手撕雞份量好多，味道配搭得好好，食落好清爽🐥🥒🔹️上海小籠包🔹️酥炸小雲吞12粒

荃灣街市對面其中一間大排長龍的就係劉興記生煎包專門店，劉興記有好多分店，雖然顧客多，但職員好有禮貌安排我地入座。蟹皇小籠包(4隻)招牌之一，蟹粉小籠包皮簿得能見到内裏的肉餡，咬落去爆發了啖啖肉汁，配上醋能有效中和肉的油膩感。招牌生煎包(2隻)生煎包即叫即煎，包皮煎得香脆可口，咬開超級多肉汁，而且容易爆汁出來，食既時候要小心辣到嘴。蟹粉生煎包（2隻）蟹粉生煎包同樣即叫即煎，包皮煎得香脆可口，咬開超級多肉汁，而且容易爆汁出來，咬落開有陣陣蟹粉鮮味，一試愛上。雞絲酸辣湯麵雞絲雞味濃郁，酸辣湯麵開胃提神，辣度適中，容易入口。麻醬手撕雞絲冷麵手撕雞味濃郁，配上惹味的麻醬，麻醬超多，雞絲加入青瓜絲使冷麵口感更為豐富，增添層次感。

久唔久會見到身邊朋友都去依間人氣生煎包店食佢地名物-生煎包~ 適逢大甲蟹季佢地仲出左蟹皇拌麵同蟹皇生煎包!!!星期日上完兩堂瑜伽拉左男朋友去荃灣分店食~✅蟹皇拌麵(HK$150)一大碗蟹皇醬,大量蟹肉蟹皇!!! 蟹皇醬入面雖然有少量蟹殼碎,可見係人手折殼,誠意十足!!!搞勻食真係好邪惡😈😈✅招牌生煎包(HK$10/粒)聽落好似有貴,但一咬滿滿肉汁~大大粒肉餡😍😍 ✅上海排骨菜飯(HK$42)正常水準!!排骨新鮮滾熱辣~男友表示菜飯所有野都剛剛好👍值得一提,係每位客人一坐低佢哋一杯豆漿仲要無限飲!!!!男朋友好欣賞佢地既豆漿係低糖Version😂😂

成日聽人講去荃灣，絕對不能錯過劉興記生煎包和糯米糍店，今次我地去左。劉興記生煎包人氣好勁，$54有大大碗麵+生煎包，豆漿任飲，性價比好高，真係好岩上班族的午餐首選。只需消費任何套餐或滿60元，就能享用無限量豆漿。這豆漿口感濃郁，豆香四溢，低糖配方讓人喝得安心。人氣小籠包，四件一籠，皮薄得幾乎透明，內餡的湯汁清晰可見。一口咬下去，湯汁瞬間爆發，鮮甜的滋味，好正。而招牌生煎包更是讓人驚喜無比！不小心咬破的瞬間，汁液會彈到對面，真是既尷尬又好笑。我最愛蟹黃生煎包的底部脆到剛剛好，蟹黃的濃郁滋味，鮮香肉餡，脆口包皮，口感層次佳。除了生煎包和小籠包，這裡的酥皮蔥油餅也非常受歡迎，外酥內軟，香氣撲鼻。而招牌上海排骨菜飯更是必試美味，排骨鮮嫩，飯香四溢。鮮雞湯小雲吞，外皮厚度適中，滑溜可口，內餡好足料，每啖都有滿滿肉的鮮甜，好食！超值的價格，十分惠民，值得再來大快朵頤！

今日行過荃灣呢間有得食上海生煎包，出面poster都幾吸引，生煎包嘅相爆晒汁，睇睇餐牌，價錢大眾化，所以就入去試吓。未點菜，店員已經比咗杯豆漿比我地，佢話免費任飲，豆漿質素都唔差，好香豆味，好滑，冇渣，甜度適中，店員見我地飲完，又即刻refill，服務非常好。麻醬手撕雞絲粉皮呢個涼菜，份量非常多，雞絲好嫩滑，仲有大量青瓜絲，勁多麻醬，粉皮都彈牙，都幾好食。招牌生煎包主角生煎包上枱，熱辣辣，出晒煙，一篤開個生煎包，入面d湯汁湧出黎，勁多湯汁，湯汁好鮮味，而入面肉涵都好嫩滑，外皮煎到脆卜卜，好香口，勁好食。上海排骨拌麵配生煎包豬排炸到勁脆，豬排都好嫩，完全唔鞋，而d麵都好彈牙，個餐仲有1隻生煎包，都幾抵食。

劉興記生煎包專門店 (荃灣)荃灣荃灣街市街37號地舖蟹皇生煎包外皮香脆，內餡鮮美，每一口都係濃郁嘅蟹皇味道，令人一試難忘。上海小籠包薄皮內包裹住豐富嘅肉汁，一口咬落，湯汁四溢，味道鮮美無比。葱油雞扒菜飯嫩滑嘅雞扒配上香濃嘅葱油，再加上清香嘅菜飯，每一口都係極致嘅享受。麻醬手撕雞粉皮香濃嘅麻醬同嫩滑嘅手撕雞，再配上Q彈嘅粉皮，味道豐富層次分明。雞絲酸辣湯酸辣嘅湯底配上嫩滑嘅雞絲，每一口都充滿驚喜，令人食過返尋味。無限添飲豆漿清爽嘅豆漿，無限量供應，為整個餐添上清新的感覺。

生煎包一直都係我鍾意食嘅美食，真係無法抗拒！上次同朋友去食過「劉興記」，今次路過荃灣，當然要再去食一次啦！招牌原味生煎包： - 呢個生煎包真係必試！外皮金黃酥脆，咬下去就會噴汁，內裡嘅肉餡超juicy，味道鮮美，真係一口接一口，根本停唔落嚟！蟹黃生煎包： - 呢個蟹黃生煎包更加令人驚喜！蟹黃嘅鮮甜味道同肉餡完美結合，口感滑嫩，食落去真係好滿足，絕對係海鮮愛好者嘅最愛！擔擔麵： - 擔擔麵嘅味道濃郁，蝦米嘅香味超級吸引，麵條彈牙，搭配上特製嘅湯汁，真係好開胃。蔥油雞扒拌面： - 呢道蔥油雞扒拌面，雞扒嫩滑，蔥油香氣四溢，搭配上麵條，味道非常搭，簡單卻又好味。今次再去「劉興記」食生煎包，真係冇令我失望！每一口都充滿驚喜，無論係生煎包定係其他小食，都好有水準。食完之後，心情都好好，期待下次再來探索更多美食！如果你都鍾意生煎包，真係唔好錯過呢間店！

最近喺荃灣行街，見到有間新開嘅餐廳主打生煎包同小籠包，諗住試下，結果整體感覺幾唔錯。.蟹黃生煎包🦀🦀係其中一個亮點，皮煎到脆脆地，咬落去餡料同蟹黃嘅味道幾鮮香，肉汁唔算爆得太誇張，但都幾滿足。.原味上海小籠包🐷🐷🥟🥟方面，皮薄餡靚，汁水多，味道有驚喜。.排骨蔥油拌麵🐷🐷🍜🍜就算係穩陣之選，麵條彈牙，排骨味道唔錯。蔥油香氣夠但唔會過重。.麻醬青瓜雞絲粉皮🐔麻醬味道濃郁，粉皮滑溜，青瓜雞絲帶出少少清爽感，食落幾解膩。.雞絲酸辣湯🍲🍲🥣酸辣適中，雞絲嫩滑，湯底暖胃，辣度控制得好，唔會太刺激。.整體嚟講小店出品穩定，食完感覺唔錯☺️，尤其係生煎包及小籠包。.❤️❤️必推食物❤️❤️-蟹黃生煎包-小籠包

呢排分別係唔同區都見到呢間劉興記生煎包，店員係門口推介話生煎包如果冇爆汁都可以免費更換，咁有信心我就入去試下。生煎包即叫即製，可以揀招牌（原味）口味或者蟹黃口味。我就兩款都點1，2隻試下。再食埋小籠包真係飽到加零一，但又超好味！重點一提係佢嘅豆漿係任飲。生煎包（$20/2隻；$35/4隻；$50/6隻），食落個底煎得香脆，咬落去真係會爆汁，要小心食。湯汁味道濃郁，入埋嘅肉飽滿又唔夠鞋口，表面有黑芝麻和香蔥，香口好食。蟹黃生煎包我就更加鐘意。餡料加入滿滿蟹膏同蟹肉，個種濃濃香味真係不得了，鮮味十足，蟹黃餡料口感更加豐富！至於小籠包，一客4隻。佢個皮薄得嚟又唔會好易爛，入面嘅湯汁非常之多，熱辣辣蒸氣配埋薑絲非常好食！豆漿任飲真係太慷慨啦，豆味濃，唔會因為任飲就質素差，太滿意啦呢餐！

荃灣呢間生煎包都開咗一段時間都係keep住好多人流今日呢終於約咗朋友嚟一齊食吓！佢嘅招牌生煎包，估唔到咁有驚喜！有別於平時食開嘅生煎包，佢個底係超級脆，但係又同時保留住好多肉汁！上枱時仲係熱辣辣㗎！蟹黃生煎包蟹黃份量都多食得出有啖啖的蟹味！麻醬青瓜雞絲粉皮麻醬超級濃厚，配上青瓜絲同埋雞絲令到成件事咁口感更佳！上海小籠包呢度除咗有生煎包，仲有小籠包見到隔離婆婆嗌咗一份賣相都唔錯，於是我哋都試左！皮薄！仲有啖啖湯汁，配上醋食一流😍百步蔥油餅啖啖香蔥，真係真材實料值得一提嘅係呢度嘅豆漿姐姐會主動添加超窩心！