劉興記生煎包專門店

營業中

休息中

劉興記專做上海小食，環境簡單但人情味十足，價錢親民。麻醬手撕雞絲粉皮粉皮夠薄夠滑，每一條都吸滿咗濃濃嘅芝麻醬香，入口又香又順滑。手撕雞絲嫩滑又帶少少鹹味，配埋爽口嘅青瓜絲，整體口感清新又唔膩！排骨蔥油拌麵必試之選！蔥油醬拌勻之後鹹香味十足！排骨份量多，肉質鮮嫩又唔會乾，仲帶有少少焦香，有驚喜。蟹黃生煎包絕對係係一大亮點，蟹黃嘅鮮味同肉汁混合喺一齊，一咬落去有滿滿嘅肉汁湧出嚟，真係一試難忘！原味上海小籠包小籠包皮夠薄，包住滿滿嘅豬肉餡同鮮甜嘅湯汁，一咬就感受到湯汁爆出嚟嘅快感。原味生煎包底部煎到金黃香脆，肉餡鮮嫩而且調味適中。涷豆漿豆味濃郁又唔會太甜，冰凍嘅口感非常解渴。