劉興記生煎包專門店

營業中

休息中

呢間上海嘢好勁，中午12點已經排晒長龍！不過啲人都走得快，等咗十分鐘左右就有位。價錢非常合理，有套餐嗌，仲有豆漿送，唔怪得知咁受歡迎。招牌生煎包（$20）一定要嗌，係鎮店之寶！一咬落去，啲肉汁爆曬出嚟，非常之juicy。蟹粉小籠包（$80）有好香嘅鮮味，同埋真材實料，蟹肉好多，呢個都大推！雞排蔥油拌麵（$42）麵條有驚喜，粗身偏好彈牙，好味～雞排份量唔少，性價比好高。招牌擔擔麵（$42）呢個都ok，我覺得如果再辣啲會惹味啲😆 不過呢個價錢就已經好高質了。