初味

營業中

休息中

乳豬皮脆肉嫩，海鮮🦞新鮮煮法特別和中餐中餐館做法清新不油膩突出海鮮本身的鮮味！那一道鴨肝多士（做法更能發揮到外，外脆個多士先鮮嫩嘅鴨肝，好野味，完全食唔到蘇，可以的話會飲酒的話（威士忌和白餐酒飲吃更可口)更想到他們的甜品🍮都很清新好味不會甜跩跩！順便提一提佢哋啲沙律菜做得與一般西餐廳做法唔同醬汁教得很好味！之前睇過係有阿拉斯加蟹食嘅好大隻嘅 如果有糖水食就更加好啦提供埋糖水紅豆沙係我最鍾意呀糖水希望佢哋有呢下次來！

以前經過見到好多次，今日唸住買飯返屋企食嘅途中又經過。睇到佢嘅午市餐牌，一開始以為係一間西餐廳，但原來除咗西餐都幾多嘢食下，仲有鰻魚食，我唸起自己都一年幾無食過鰻魚啦，雖然佢個set對於午餐嚟講價錢都唔算平，要百幾蚊，不過都想過下口癮。蒲燒鰻魚石鍋煲仔飯：鰻魚肥美，無骨。口感唔會太淋，太棉，仲有點“生氣”，呢點做到真係幾好！仲要分量好多，鋪滿一碗，而唔係得幾塊。同埋我食鰻魚飯好唔中意有勁多汁淋係面，我個飯就OK嘅，啲汁都啱啱好。飯都好香口，好食。環境都唔錯嘅，雖然空間係有啲細，不過勝在座位舒服，又幾靜下。、下次會想試下佢啲西餐多啲。

I was waiting for a rather late dinner appointment at Tin Hau and sort of need to find a place to kill some time. So I was wandering on the street after exiting the MTR. Bumped into this place and saw that they have a Happy Hour discount on promotion so I went inside for a drink.A Strawberry Daiquiri was in my mind in these kind of weather. It maybe a simple drink but it really is a summer drink and most importantly, I want to be chilled.The drink was nice and it went down smoothly. $48 for a co

今晚同5個好姐妹黎左聚餐傾下黎緊Big day既安排~所以想搵間坐得舒服又靜靜地既餐廳一齊食個飯5個女仔其實都叫左好多野食...不過有我係度又點會食唔哂呀我地叫左紫蘇醬波菜配牛腹肉沙律、鵝肝醬多士、黑松露薯條、日本帶子海膽燒、海膽意大利飯、黑松露意粉配燒帶子、肉眼扒等等...沙律比想像中大份，仲有勁多燒香左既牛腹肉圍住，真係睇到都流哂口水....波菜好嫩滑，配合紫蘇醬酸酸地真係好醒胃，牛腹肉有燒過所以有少少焦香味，牛腹肉肉質幼嫩富有香濃牛味。帶子海膽燒同海膽意大利飯都好抵食...海膽非常鮮甜，特別係帶子海膽燒，燒過後既海膽原來都好好味，好香好Creamy，帶子都好厚肉。黑松露意粉除左有濃厚既忌廉味之外仲有好重黑松露味，鐘意食黑松露既話真係唔好錯過。

朋友話帶咗我去食好嘢，佢就好嘴刁嘅，所以我都唔問佢食乜啦，因為通常佢話食得過嘅都唔會係難食架喇，差極都有個譜。約咗喺炮台山站等，咁我就跟住佢行啦。邊行邊問係食咩國家嘅菜式，佢就話係食西餐，話水準好高，價錢又合理。每人大約3百蚊都已經食到好飽，可以叫到幾道菜，講到好抵食。餐廳喺條小街入面，門口唔大不過內裡都有唔少枱，walk-in都唔怕無位。環境寧靜舒適，感覺可以坐好耐慢慢傾計。點咗龍蝦湯，味道濃郁，飲得出係用炒過嘅龍蝦去煮，好好味。牛油焗田螺，驚喜係薯蓉，吸埋牛油嘅香味。乳豬皮脆肉嫩，不會過肥，必食之一。牛扒我就無食啦，因為我唔食牛肉嘅，不過朋友就食到好滋味。

點安排好友嘅生日飯？因為識咗十幾年，都知道佢嘅喜好。歡喜去食D精緻嘅食物，有環境嘅餐廳。我生日時佢帶咗我去食西餐，到佢生日時一於都係食返西餐啦。揀到呢間咁有驚喜嘅餐廳，都算係禮尚往來啦。頭盤叫咗我地都鐘意食嘅生蠔，pacific rock海水味適中，唔會過咸，少少爽脆，夠新鮮，食到lamlam脷。主菜order了一份牛扒及一份燒春雞。牛扒係帶骨嘅一骨燒，medium rare，較為生，好友唔食得太生，食邊邊位置就啱啱好。燒春雞肉質嫰滑有肉汁，rosemary醃料非常清新，好好食。雖然2個主菜都係肉，但係食晒都唔覺得膩。2個人食咗$7xx，食物質素非常好，相信好友都enjoy呢個選擇，可以邊食邊傾，度過愉快的晚上。

今日不得了，兩條友仔去食西餐，真係唔慌唔尷尬啊（即係好尷尬）呢個故事就真係幾長吓，簡單嚟講就係佢唸住同女朋友紀念日嚟呢間食，但又驚唔好食會影響女女嘅心情，於是就捉我嚟試下味先。我都唔知應該比咩反應佢，都唔知點話佢好，所以就嚟話下啲嘢食。我哋試咗兩款沙律，兩款肉。味道都唔錯，一個係番茄魷魚沙律，一個係軟殼蟹沙律，我就推介佢到時就叫番茄魷魚沙律，味道更加清新，同埋擺盤幾靚，適合女仔打卡。一個係炭燒牛肉，一個係燒雞。我自己比較喜歡食燒雞嘅，因為外皮香脆，內裡就香滑，好味！但我就推介佢地最後叫牛肉啦，因為燒雞無食牛肉咁浪漫啊嘛。所以話啊，出街食飯食咩都係好有學問㗎。由於今餐佢有求於我，所以我係唔洗比錢嘅，食完就可以兩手fing fing走人，正！

星期六都要開工真係戥自己難過....六點鐘收左工決定食好少少!醒起初味有我最愛既西班牙乳豬食，趁佢六點鐘未有太多客，即刻入去坐低先。單叫一份西班牙乳豬就唔夠填飽我個肚既...於是叫多一個炸軟殼蟹青瓜蟹籽沙律。【西班牙乳豬】乳豬係新鮮熱辣即叫即燒嘅，難免要等耐少少。不過等待過後總會遇見美好嘅乳豬如我想像般皮脆肉嫩，帶有少少脂肪先係最好食！有人鐘意食中式乳豬個種爆皮嘅質地，而我就鐘意食西班牙乳豬呢種又薄又脆嘅質感！點埋佢地自家製既醬汁，完全表達咩叫油而不膩！連伴碟既燒波蘿都好好食！燒完之後波蘿既糖分完美咁揮發哂出黎，件件甜美又多汁咩邪惡感統統掉走哂！份量剛剛好夠一個人慢慢品嚐【炸軟殼蟹青瓜蟹籽沙律】炸軟殼蟹份量都幾大，軟殼蟹炸得金黃鬆脆，炸粉上仲有少少調味。沙律部份都做得唔錯，青瓜絲切得夠幼細，蟹籽都落得夠多，增加口感。醬汁酸甜醒胃，確係唔錯。

今日本身係去朋友屋企食飯，點知佢話屋企突然之間有親戚嚟咗，就話不如都係出去食啦。唸咗下食咩好，中西日韓泰……我地就一致都想食西餐。*軟殼蟹蟹籽沙律*：以前食軟殼蟹壽司總會覺得油膩，食一舊仔就唔想再食。但軟殼蟹沙律就唔同，香酥的軟殼蟹配搭蔬菜再加上酸甜嘅番茄同醬汁一齊食就感覺清新好多。*龍蝦意粉*：意粉係用扁意粉，我自己就唔係特別鐘意啦，因為食慣幼身啲嘅麵。但朋友就特別鐘意食，話煮得口感適中，唔會太軟或太硬。啲醬汁我覺得都唔錯嘅，同埋有兩邊龍蝦，我地一人一啖，啱啱好夠分。配料都幾多架，仲有啲菇同蘿蔔，食落口感豐富。*炭燒美國頂級牛肋排*：呢排好耐無食牛啦，特登叫嚟過下口癮。表皮燒到焦脆，內裡肉汁飽滿，正！*鵝肝醬多士*：呢個真係一試難忘。上軟下脆的口感搭配好正，好香。仲令我唸起討論區睇過嘅一個POST，話鵝肝多士究竟食唔食多士好，有啲人話下面嘅多士係用嚟索鵝肝啲油唔會食……我就覺得食得嘅就會食，唔食好浪費。我覺得呢間小店的食物質素真係幾好，我出去食飯都係比較中意搵一啲隱秘嘅小店，我認為真正的美食都係藏身於呢啲小店之中。小店嚟講可以保證返食物質素的穩定，用心烹製的食物，食客係食得出食得出食

每次出街最煩就係諗食乜…幾個男仔食飯其實就無乜講究既，最緊要食得飽，又可以吹水。每次同女朋友食煩就係我最煩惱既時候，特別係Ｄspecial day，食咩又話你揀啦，揀得唔好又會話我無planning。上星期係anniversary, 今次佢就講明要食西餐，始終西餐就有格調Ｄ， romantic D。下午我地去左坐摩天輪，之後去天后食呢間初味．Bistro.上網睇過呢度係創意fusion多國菜，應該可以滿足三心二意既佢。主菜叫左燒波士頓龍蝦扁意粉配龍蝦汁。意粉係用龍蝦湯為湯底煮熟意粉。龍蝦湯夠creamy，Linguine煮既硬度剛剛好索曬Ｄ龍蝦汁，香濃入味。波士頓龍蝦雖然唔係成隻，但係啖啖肉，肉質陣牙，都幾新鮮。我就要左流心蛋海膽意大利飯。無諗過意大利飯可以配海膽，而味道出奇地夾，唔會覺得好膩。意大利飯既汁同左海膽煮成，意大利飯充滿左濃郁嘅海膽香味。只賣$188,　價錢好抵食，如果係海膽迷一定要試下。兩個人食下野，傾下計，氣氛一流。女朋友都相當滿意，總算交倒功課！

兜兜轉轉，尋尋覓覓，終於俾我搵到份啱心水嘅新工作朋友見我係屋企做量地官做咗咁耐終於重見天日，話要請我食飯賀一賀我喎咁就約咗去朋友公司附近嘅「初味」啦餐廳環境幾舒適，空間感夠，枱與枱之間唔會好窄，呢樣我幾滿意侍應服務態度都幾好，會主動向你推介菜式同會問下你意見，今時今日呢種服務態度要係好高級或者酒店先會見到。首先黎左個「比利是黃番茄凍配魷魚沙律」黎開下胃先黃番茄仔其實我都係第一次食，味道比起紅番茄甜，對於平時唔太鐘意食番茄嘅我黎講都幾易接受到。加上黑醋汁酸酸地確係幾醒胃！開胃前菜首選！然後其他食物都分別上枱啦我哋叫咗香草牛油焗磨菇田螺、燒波士頓龍蝦配龍蝦汁意粉同埋香草燒春雞。焗田螺用咗好多薯蓉墊底，薯蓉仲好香滑好Creamy添!! (雖然知道薯蓉係好肥好肥...T^T)燒龍蝦好好食!肉質彈牙!仲好鮮甜!而個意粉係用咗扁意粉，軟硬程度啱啱好，扁意粉如果煮得太淋會唔好食!係要Keep住有少少硬先好食!龍蝦汁都好香濃，同扁意粉勁夾!香草燒春雞又真係做皮脆肉嫩嘅效果喎!份量比我想像中大隻，侍應話有大約900g。燒雞肉質好軟滑多汁! 最後食埋個心太軟，真係甜到入心埋單都係$675左右....都算幾

平時都係港島出沒多，最近經朋友介紹發現左呢間餐廳。一入去就見到好大個水吧位，放滿各式各樣嘅酒，所以未決定食咩就先要叫定杯嘢飲！Mojito係最易入口又好味，實冇死～結果都冇揀錯！味道調得啱啱好，好清新！前菜叫咗個炭燒牛舌，驚喜十足！平時食牛舌通常都係喺日式燒肉店，多數都係食一片片嗰種，點知呢道係切成一粒粒！牛舌加沙律菜、黃蕃茄同芝麻醬組成嘅前菜，感覺好fusion菜。就咁睇落去牛舌好乾，點知食落去軟林林好juicy！淨係食牛舌會好膩，夾埋沙律菜絕對可以中和返。另外仲有呢個龍蝦意粉，落單嘅時候覺得都幾貴㗎，成$218...上菜嗰時發現龍蝦同預期比有啲細隻，不過肉爽口鮮甜！扁意粉絕對可以掛到啲好濃味好creamy嘅龍蝦汁，份量啱啱好唔會太少，所以$218都唔緊要啦～侍應仲同我地講歡迎自備酒水，不過我見佢哋咁多酒品，下次都仲可以再試下佢地嘅手勢～希望呢啲有heart嘅小店繼續努力啦！

好耐以前同朋友食過大圍一間酒吧餐廳的西班牙燒乳豬，對呢個味道念念不忘。呢個菜式唔係普通西餐有。所以上網見度呢度有得食，所以就專程去試下。加上呢間餐廳專係食海鮮同西日fusion菜，生蠔﹑意粉﹑牛扒……全部都係我最鍾意食既野！首先食左頭盤先，我地叫左法國同愛爾蘭生蠔。法國生蠔食得多，今次特別試下愛爾蘭生蠔，味道新鮮creamy之餘，肉質脆口鮮甜。其實我可以自己一個食晒成碟！我最最最期待既主角就係呢碟西班牙燒乳豬，亦都係呢間餐廳最推介既菜式之一。同行既朋友之前未食過，佢地唔明點解我會咁興奮。當朋友們食左第一口之外，個個都話好好食！外皮同食開中式乳豬係完全唔同！新鮮出爐西班牙燒乳豬，皮薄但非常脆口，仲要一Ｄ都唔油膩，肉質嫩滑，有入口即溶既感覺，加上秘製的醬汁，無敵！之前原全無諗過會專登黎天后食西餐，今次真係意外驚喜。係西班牙燒乳豬會比較貴之餘，其實意粉呀，意大利飯﹑牛扒果Ｄ真係唔貴。加上環境幾靚，朋友gathering黎呢度真係唔錯選擇。

係銅鑼灣行完街，唸唔到食咩好，朋友話天后多嘢食。於是我們便搭電車前行！在街上邊遊蕩邊討論食咩好，我講起上次有一次去一間西班牙餐廳食燒豬，燒得又乾又無味。佢就話之前同屋企人係天后食過一間西餐廳嘅燒豬好正。不過唔記得邊間餐廳。於是乎我跟住佢憑記憶搵路，兜兜轉轉，終於嚟到呢間初味。今次主要目的係試下佢嘅燒豬，加上我地都唔太肚餓，所以我地叫得唔多。一個前菜紫蘇醬嫩菠菜配美國腹肉牛沙律，一個小食蘑菇田螺，一個主菜西班牙燒乳豬 ¼。前兩個就唔特別提啦，都係幾好食嘅。燒乳豬我真係需要提別提下佢。皮燒得好焦脆，皮薄肉多，肥肉少，肉質鮮嫩，惹味！加上醬汁配埋一齊食，哇，正啊！真係唔似上次食果間 又乾又無味……由於間餐廳係天后，令我唸起一首歌，我仲改編咗歌詞：“站在燒豬前，細心嘗嘗佢的味。”（真係食到唱埋歌仔）我見佢午餐仲有個燒豬薑黃飯，好抵食啊！如果我住附近就可以成日都過嚟食啦。

之前係海港城一間葡國餐食過燒乳豬，點知一試難忘，因為真係好難食... 男朋友知我深深不忿，於是突登搵過另一間帶我去食！最後就去左天后呢間初味，其實佢係比較近炮台山，距離地鐵都只係5分鐘倒～一去到已經鋪滿晒白色枱布仲有餐巾，真係估唔到小店都有種咁grand嘅感覺！呢隻係真正嘅乳豬仔，份量唔太多，但勝在好食！肉嫩多汁，就算放耐左凍左都仲好脆口，一份係1/4隻豬仔，連埋個橙色汁一齊食都好夾。不過宜家又諗唔起個汁係咩味，好似微微辣再加少少酸，總知就係好特別嘅味道啦！食西餐當然要叫埋甜品作結啦，雖然今次得兩個人但都破戒叫咗個甜品拼盤餐牌上甜品拼盤係檸檬芭菲、心太軟、焦糖燉蛋同埋雪糕，不過當日冇芭菲轉咗做檸檬撻。四樣入面有三樣都係我嘅至愛，雪糕係超好食嘅提子冧酒味，坊間都好少會做，不過呢個雪糕相對較易溶，唔知係餐廳自己整定係買返嚟呢～ 心太軟上枱時熱辣辣，第一步要做當然係切開一半啦！係流心㗎！！配埋雪糕一齊食我真係比一百分！另外我哋仲叫咗沙律同埋燴飯，不過乳豬同甜品就最值得推介，餐廳細細但服務就好好，臨走時仲同我地講可以有包場服務，我一定會返嚟再食其他嘢！今次男朋友終於有個讚啦～