初味

營業中

休息中

因為我阿媽去咗旅行，於是今晚就同爸爸去附近嘅餐廳搵嘢食，見到呢一間初味係新開嘅就入去試吓，因為見佢啲生蠔唔係好貴，所以我同爸爸都叫咗四隻食，我覺得個味道係幾好嘅，海水味唔重，食落個質感比較乾身，唔太creamy，依個價錢來講係值得一試嘅($20幾左右），我同爸爸之後仲叫咗薄餅同埋燒乳豬。個薄餅嘅材料係青瓜同埋煎三文魚，首先食落去唔油膩已經係一個好好嘅賣點，而且啲三文魚算係滑嘅，配埋青瓜感覺係好清新；之後個乳豬係重點，我覺得非常好食，首先個乳豬嘅肉汁係好多好濃的，基本上唔使點任何醬已經會好好食，跟住仲要啲肉係肥同瘦嘅比例啱啱好，一來識落唔會變得太油膩，二來有咬口之餘亦都有肥膏嘅感覺，我覺得係一流嘅。之後我同爸爸仲叫咗兩個甜品，一個係芝士心太軟， 而另一個係用酥皮包住蘋果嘅薄餅。個芝士心太軟就唔係太過突出，一來芝士味好濃，所以食物會有啲濟，二來其實個心太軟效果唔係好勁，啲芝士唔係好流出嚟；但個蘋果薄餅就真係好好食啦，一來其他餐廳冇，我覺得可以話係依間餐廳嘅signature，二來個酥皮首先係真係好脆，亦都好夾蘋果，而且入面嘅蘋果餡係真係好多所以每一啖都好有口感。我個人覺得間餐廳最令我印象深

見佢新開，見佢鋪頭又不在大街上，返工放工經過都話想去試下，於是便約老公同细佬妹去試下，叫左海鮮拼盤👍🏻👍🏻估唔到海鮮甘鮮甜，簡直係好新鮮(一定會再帶其他好友黎encore ），蟹肉餅好正（見到係一絲絲蟹肉，足料).......另外，侍應推介燒牛肉同乳豬，連細佬甘嘴刁，真不停地食......，細妹話要食飯，於是叫左龍蝦泡飯，好足料👍🏻👍🏻大家都話飽到食唔落甜品🤣🤣下次一定會再黎，其實真的好食過好多連鎖店，價錢公道，下次一定會再黎，支持小鋪........