凱悅軒

營業中

休息中

月前因私務在深圳入住同集團酒店，品嚐過兩間中菜廳，想不到家陣又可以再次欣賞到凱悅軒的菜色。是晚雖然是平日，但客量不少，看來潛藏的消費力仍在，或許要等市面氣氛緩和後先釋放。而由於今年是凱悅軒十周年，所以特意推出「凱悅軒十周年紀念套餐」（$1,380 / 2位)。凱悦軒特色拼盤 : （茶葉燻蛋、杞子黃酒雞、陳醋雲耳海蜇頭及四川風味鴨舌） 品嚐時，當然由淡至濃，陳醋雲耳海蜇頭清新爽朗，正好清清味蕾。隨後的杞子黃酒雞肉質嫩滑，但酒香稍薄。至於鴨舌滷得入味，陣陣麻香傳來，真係好啱送酒。而燻蛋煙味強勁，蛋黃呈少許流心，不錯。花膠嚮螺頭燉海馬原個紫砂茶壺上，斟起湯好方便，壺耳位有專用套包裹，不怕燙傷手，夠細心，湯色透明而幽香，入口醇厚，好滋補。石窩扣南非鮮鮑配千層腐皮 石窩上檯時超熱，真係要小心，鮑魚炆得入味，但肉質依然柔韌，置底的千層腐皮蘸滿了鮑汁，變得非常惹味。由於鮑汁實在太吸引，忍不住另外單點了一碗白飯撈食，正。 頭抽百花煎釀龍躉拼黑白蒜西冷牛肉粒炒蘆筍一碟兩款，份量恰好，而且是一肉一魚，好啱心意。先試龍躉肉，釀上了蝦膠，煎得金黃又彈牙，頭抽的豆香，令味道更鮮；而西冷牛肉粒

都幾個星期無同媽媽飲茶，諗住搵個好地方同佢飲番餐，就揀咗尖沙咀 Hyatt 凱悅軒。尼度環境，食物味道一般，未至於唔好食。叫左個點心套餐，係好多款點心，不過味道真係好一般，美心嘅點心不會比佢差。頭盤叉燒係好淋，但食到第三舊就好喊。$328 一位 再加一再加茶錢，去半島嘉麟樓 or 利苑好好多。係 much much much better.個人意見，呢度食小菜應該會好啲。個點心套餐就真係唔使試。尤其係普通打工仔（我)，尼餐真係好心痛同唔抵。亦都係因為咁，本人係第一次寫食評。

冷盤款色唔算多，不過三文魚鮮，有我最愛帶子刺身，已夠滿足 食左2轉。四圍大哩食，一條柱邊都有冷盤嫁。天婦羅有蝦，但蕃薯都好，夠乾身。隔離就係燒味，本來無唸住食埋呢D，好似太飽，但見好靚，所以食左3舊叉燒。佢又衰喎，一比3舊。龍蝦，有時要等嘅，當然你可以食左嘢一陣再黎攞，又食左3轉。甜品一向最吸我，基本上全部都試左，反而豆花同雪糕無食，因為佢係自制嘅。cake好在唔算甜，唔覺太“漏”嘅。無影到檸檬沙冰，好味，但反而呢個太甜了，冰溶左仲覺甜。佢嘅甜品款色真係多仲要無啦啦又有新款放上面，又試左cheese cake又係唔太甜，好味，最好味都係拿破崙，甜品真係覺得自己未姇夠囉。下面款色都無試晒，真心覺得唔抵，下次安排得好D，唔好ancore其他嘢咁多次住。試晒甜品先

娘娘生日，我哋啲兵仔梗係要搵噠地方同佢食飯慶祝下， 娘娘要開ot，咁我啲cheap精就可以慳下錢，用網上apps訂些有五折的餐廳， 娘娘只喜愛食日本菜及中菜，所以選了這一店。估不到味道有驚喜，廚藝出色，用料也不錯。四寶燉萬壽果 4.5／5 湯水清甜，多料，萬壽果又十分甜 乾逼龍蝦粉絲煲 4/5 調味出色，可惜龍蝦有一件味道不太好，是料的問題，不是廚藝問題 蒸蟹鉗 4.5/5 多肉結實，又鮮甜， 蛋白也有上湯香味，又夠滑黑白糯米煎遼參 3.5/5 賣相就一般，遼參發得幾好夠骨膠原，米煎得香脆，好味道 叉燒 2/5 就一般啦，我不喜歡這種多汁的，我喜愛表面蜜糖多一點的叉燒 如大家不介意九點半才開飯，這間確是不錯的選擇，招呼都有禮，但尾段時間冇乜侍應在場。

今天在尖沙咀 凱悅酒店 吃點心 🥢、豬年第一次飲茶，點心OK，蘿蔔膏、蝦餃 幾好食，，不過侍應的服務水準只有「美心」的級數(可能請不到人？) 有些侍應好似大牌檔工作人員一様，説話有點粗，經理們反而好專業 🤷🏻‍♂️ The internal dining environment - its after all a five star hotel, so it’s peaceful and pleasant to dine therein. 👍🏻

同學仔訂左呢度同我慶祝生日兼新春團拜，餐廳安排左個四人卡座俾我地，椅背間隔是封頂的， 所以私隱度好高，大家可以安心又輕鬆咁嘆下茶傾下計。佢地有個點心任食套餐，每位起，有廿六款點心粉麵飯任君選擇，味道都唔錯。而且我地咁啱四個人都冇食早餐，所以可以差不多試暈哂餐牌有嘅點心， 我個人推介九款精選點心俾大家啦：蜜汁义燒、肉厚但腍軟，有好香蜜汁味道。老火例湯（髮菜蓮藕煲豬脷）、新正頭呢個太好意頭了。XO醬炒蘿蔔糕、蘿蔔糕外脆內軟，XO醬夠濃味， 香口又惹味。香芒沙律蝦角、脆卜卜，配個芒果清香味沙律醬，大細路實啱😝。煙三文魚韮菜薄罉、估唔到煙三文魚嘅咸香味會同薄罉咁夾，而且薄罉慢煎至脆口👍。咸水角、炸得漲卜卜皮薄饀多，好味。肉鬆皮蛋豆腐、豆腐好滑，皮蛋濃郁質糯，配埋肉鬆，單吃或配飯都好。陳皮沙鯭粥、粥底都幾綿，有陳皮淡香，魚肉味就偏淡，不過好啱好似我咁唔食粥嘅人。最後呢味豬腳薑係同學至愛，見佢咁油光滿身就知幾有骨膠原啦🤣，啲薑好腍好入味，冇渣，係靚薑，如果多番啲醋汁更好，因為我愛呷醋嘛🤭。另外仲有春卷，蝦餃燒賣咁都好有水準架。餐廳坐得非常舒服，又唔使趕住走， 11：00am至2：30pm，夠哂時間

同姊妹聚會，梗係要搵個舒服、食物又好味嘅地方！今次我哋唔食西餐嘅tea，轉食中式tea - 飲茶！😁好耐之前已經聽過呢度有點心放題，所以提議嚟呢度，話晒都係凱悅酒店，點都會有信心嘅保證！點心放題係11:00-2:30供應，我哋12點到嘅時候都已經滿座。坐喺卡位好似自成一角咁，椅背好高，唔洗擔心比人偷聽！🤣🤣點心套餐每位$308加一，餐牌上每樣都想食，分開幾次落單，唔經唔覺差不多試晒 (除咗飯同麵！)先嚟蜜汁叉燒，厚切叉燒肉質好稔，完全無筋，而且蜜汁好入味，好食！椒鹽炸魚仔上枱時係暖暖地，似係啱啱炸起，好香又卜卜脆，不過鹹咗少少。我哋最欣賞就係呢個肉鬆皮蛋豆腐，本人其實唔食皮蛋，但呢個完全唔覺有皮蛋嘅味道，醬汁甜甜地，豆腐好滑仲好有豆味，我哋仲encore咗一次！😂呢個涼拌東北雲耳，超級爽口，麻油味重，但如果可以多d醋會比較好。大大粒嘅飛魚子燒賣，蝦肉爽口彈牙，感覺新鮮，因為好友如果食到唔新鮮嘅蝦會即刻敏感，佢今次無事，證明新鮮！筍尖蝦餃皇，皮薄餡靚，相信都係即叫即蒸！另外仲有煎炸類 - 煙三文魚韮菜薄撑、鮮蝦春卷、香煎蔥油餅，薄撑粉厚咗，有d油，食唔出有煙三文魚。春卷香脆，脆卜卜。而蔥

不好意思各位，以下大家提及的北京佳餚已經沒有。剩下的只有普通中菜館點心的水準，普通中菜館的服務，昂貴的賬單。我在weekday 的一天lunch 來，地方不算太大，飯廳基本上坐滿，侍應基本上只有兩個，態度不太友善，好幾次舉手很久才能招他過來，實在是沒有服務可言，堪稱酒店。可能點心是即叫即造吧，每次點菜等很久才上菜，而且是擠牙膏式，每碟普通點心基本上是二人份量。由於第一次到來，想問問份量如何，夠不夠，侍應覺得差不多。但事實上這種份量跟擠牙膏式得上菜方式實在不夠。味道是可以。總括來說，要找一個優點是地點比較方便，但絕對可以有更好的選擇。

難得平日放假，梗係同屋企人歎番個靚茶啦，今次去左尖沙咀HYATT 既凱悅軒試一試個任食點心，任食時段由11:30 – 2:30，每位$308。我推介下列食物: 蜜汁叉燒(夠入味，豬肉鬆軟，夠新鮮)、椒鹽銀魚仔(唔油，熱辣辣，好正)、老火例湯係蓮藕鲫魚湯(無咩油，夠味，無味精)，我一連叫左兩碗黎飲。相反，豬腳薑好淋，但唔夠入味、肉鬆皮蛋豆腐個醬汁有d杰，豆腐唔夠滑，味道一般，其他點心都算水準之上。如果幾個人想試哂所有點心，點心可以一件件咁叫，每類試哂就已經好飽啦。環境清靜，服務態度良好，想渡過一個休閒上午係一個唔錯選擇。

幾年前開始已經一直係我心水的中菜館生日月的飯局當然少不了畀訂枱時間早了半小時到達點了簡單的香片茶 茶味香醇今天兩個人 我點了喜歡的菜式 凍鮑魚 酥炸素卷 竹笙鼎湖上素和乾扁粉絲龍蝦煲每次都會食凍鮑魚 鮑魚軟硬適中 連伴菜的海蜇和酸薑絲也十分好味酥炸素卷 裏面的蔬菜超過六種 吃起來脆脆的 十分香口竹笙鼎湖上素 裏面有多種素菜包括竹笙 黃耳 冬菇 草菇等等 味道適中摯愛的乾扁粉絲龍蝦煲 粉絲乾身 龍蝦清甜 彈牙 雖然肚子已經很滿足 最後也加了喜愛的蛋白杏仁茶 為這頓飯或上了完美的句號題外話星期一至五匯豐信用卡有九折

時至今日，酒店的F&B Outlet，不論中菜廳定還是西日餐廳，邀請客廚來獻技，已愈來愈普及。 就連我常光顧的凱悅軒，本月亦邀得北京Grand Hyatt 『長安壹號』的徐晉大師, 擔任客席主廚。 長安壹號，於老饕而言，應該未食過都聽過，我期待左呢餐地道北方佳餚好耐了。 先來的幾款小食，蒜香皇帝菜，非常之北方的前菜，爽嫩的皇帝菜以腊八蒜作調味，來得清爽醒胃。 另一款小吃，辣白菜拌鴨絲，鴨絲口感好，加埋泡過的辣白菜，辣度幾強，有如在吃韓國Kimchi。 醬香牛展，圓圓的形狀明顯是師傅下了手腳，牛展軟滑而入味，出色。 前菜都咁好，主菜有期待也很正常吧！鐵板扒蝦皇，用上緬甸大虎蝦，隻隻有我手臂咁粗，難免換來大家的嘩嘩聲，以鐵板上自當更吸引。 蝦頭多羔，蝦物肉爽彈牙，配以師傅秘制的咸香汁醬，一啖蝦肉，再呷一口芬芳白酒，不羨仙。 紅燒肉乃北方的家常菜色，加入了鮑魚，將之變得矜貴。開半的鮑魚煮得軟腍入味，然而，我始終更欣賞鬆化的紅燒肉，尤其是頂頭肥美的部份，都係果句，膽固醇萬歲～ 以前叫乞兒雞，家陣俾個好名佢，叫富貴雞，以慰借大家的玻璃心。繁複的工序不在此長氣，總之師傅扑開紅泥，掀開荷葉，陣陣香氣

說起來，K11內的凱悅軒已有好一段日子沒到訪了，餐廳往往在不同日子，邀請內地同集團名廚來港交流，而近日就邀請了來自北京「長安壹號」的客席主廚徐晉師傅來港，日前跟幾位朋友，找個空檔，齊齊品嚐徐師傅的手藝。 蒜香皇帝菜 皇帝菜新鮮翠綠，加入蒜香汁及陳醋，吃起來爽脆，口感清新，非常醒胃。 辣白菜拌鴨絲 味道帶韓式泡菜風味，鴨絲切得幼細，每口都辛勁十足。 醬香牛腱 一般都處理得比較乾身，但今次出奇地，有嚼口、肉味濃卻不會乾巴巴的，就算是前菜都做得一絲不苟，令人留下好印象。 鐵板扒蝦皇 選用超大隻的緬甸蝦，一份兩隻，就連鐵椒都容納不了，真過份，蝦身部位的蝦殼早已褪去，不單食得方便，而且蔥蒜汁可以完全蓋住蝦身，蝦肉好惹味，而且爽口彈牙，食中菜要用刀叉品嚐，真是有趣的體驗。 鮑魚紅燒肉 好有濃油赤醬的風味，紅燒肉肥美，而南非五頭鮑吸收了油脂後，除了柔韌有彈性外，口感豐腴，只可惜醬汁不夠，否則用來伴飯，又是一道人間美味。 富貴雞 先將新鮮龍江雞用醃料醃好，然後把蓮子、板栗、南北鹹菜、洋蔥、蘑菇及五花腩

這週與凱悅集團實在緣分不淺，繼香港君悅酒店 Tiffin 下午茶，以及品牌下半年新酒店開幕預告活動，週四又在尖沙咀凱悅酒店 凱悅軒，品嚐了北京東方君悅大酒店 「長安壹號」主廚徐晉先生的驚艷菜式！ 凱悅軒已非首次邀請星級客廚來訪，為香港饕客帶來幸福美食；這次經驗豐富的徐晉先生會由7月11日逗留至31日，炮製一系列富傳統風味的「長安壹號」北方佳餚，令人期待！期限盛宴是以自選菜譜形式供應，內容包括前菜、主菜、主食及甜點。以香甜白酒喚醒味蕾後，令人期待的風味前菜率先上檯！ 首先是 辣白菜拌鴨絲 Marinated shredded duck, spicy Chinese cabbage, Sichuan style ($108)，辣白菜頗有韓式泡菜的影子，但辣度更勁，拌上酥香的鴨絲，十分刺激又開胃～ 接著是超新鮮超爽口的 蒜香皇帝菜 Tong Hao vegetable, minced garlic, Chinese rice vinegar ($108)；其實平時我不愛皇帝菜那濃烈氣味，但當拌以米醋及蒜頭後，剛好中和並帶來超清新滋味，非常讚！ 還有 醬香牛腱 Braised soy flav

再次踏進優雅的「凱悅軒」， 全因一對順風耳和一張饞嘴。當順風耳接收到來自北京東方君悅大酒店「長安壹號」的徐晉主廚，於七月十一日至三十日期間會在「凱悅軒」擔任客席主廚的消息，一張饞嘴便巴不得馬上品嚐徐師傅的北方佳餚！ 辣白菜拌鴨絲 HK$108 先挑來數款開胃菜式。 這道辣白菜拌鴨絲，沒想像那般辛辣，反而酸辣的平衡來得恰好，入口惹味而不嗆喉，拌入富嚼感的鴨絲，令口感層次豐富起來，味道亦佳！ 蒜香皇帝菜 HK$108 難得在盛夏可找到如斯翠綠和幼嫩的皇帝菜，以自家製的蒜香米醋汁拌吃，可謂既清爽又原汁原味的嘗試，第一次生吃皇菜，感覺不俗！ 醬香牛腱 HK$128 再來是醬香牛腱，每片圓形牛腱均佈滿如雲石的筋膜，口感柔韌之餘，更吸收了美味的醬汁，非常滋味！ 辣白菜拌鴨絲、蒜香皇帝菜和醬香牛腱成了我們最漂亮的前菜！ 鐵板扒蝦皇 HK$528 超級巨形的鐵板大蝦，光是健碩如保鏣的身材已令我們驚訝，加上吱吱作響的鐵板，氣勢迫人！ 鐵板扒蝦皇 不只蝦肉豐厚，連蝦頭也充滿邪惡的蝦羔，加上香蔥和醬汁，蝦皇的滋味實在難以形容！ 鮑魚紅燒肉 HK$628 在紅燒肉內加入鮑魚，身價明顯矜貴得多！ 鮑魚紅燒肉

嘿嘿！邪惡勢力正在尖沙咀Hyatt Regency 的凱悅軒彌漫著！皆因酒店邀請了來自北京東方君悅大酒店客席主廚徐晉師傅，呈獻長安壹號頂級的北京菜色給香港的老饕們，令大家可享受師傅的徐心所肉、大快朵頤一番！ 北京菜式濃油赤醬大塊肉，而最佳伴侶必是杯中之物，紅、白大賽肉肉至愛嘛！ 先來涼拌菜式美味的蒜香皇帝菜＄108揭幕，皇帝菜是我喜歡的蔬菜，師傅以米醋、蒜頭來調味，吃下清香酸爽不含青澀味，絕對能媲美西式沙律更有過之！ 接力的是辣白菜拌鴨絲＄108滿帶四川風味的菜式中正我下懐！香口惹味不死辣的味道很吸引，還勁想用生菜包來吃呢！ 最後有醬香牛腱＄128見身邊識食的清麗村姑吃得滿意點頭，不吃牛的我也感受到有多好味道了！ 吃罷開胃涼菜係時候進入激戰模式，先來鐵板扒蝦皇＄528，肉質結實的野生緬甸海虎蝦皇足足有我手掌般大，香噴噴的放於鐵板上奉客更巧妙的墊上蔥段，增添香氣之餘更可令虎蝦皇不會因置於鐵板中過熟！ 師傅特意將虎蝦皇沒多作調味，只用焦香令鮮甜彈牙的蝦肉原汁原味哋呈獻，入口那回彈感很深厚，鮮味Juicy的蝦肉加上甘香的蝦膏足以叫人興奮莫名！ 再來一味矜貴的鮑魚紅燒肉＄628，將五