196
17
6
| 餐廳: | 凱悅軒 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵尖沙咀/尖東站 N2 出口, 步行約1分鐘
繼續閱讀
電話號碼
37217788
開飯介紹
凱悅軒融合現代藝術與20年代傳統茶館的精髓，是品嚐地道中式佳餚的理想地點。
凱悅軒呈獻一系列令饗客難以忘懷的經典招牌菜，另同時炮製多款時令佳餚以供品嚐。無論是清新怡人的夏日菜式，還是豐盛暖胃的冬日美饌，均能將多元化的粵菜精髓發揮得淋漓盡致。
凱悅軒環境優雅舒適，落地玻璃令主廳更見開揚。餐廳另設兩間分別可容納8和12位的貴賓廳，前者更附設迷你酒吧。
繼續閱讀
特色
同客食飯
適合大夥人
附加資料
午餐: 第一輪: 10:00 – 12:00第二輪: 12:30 – 14:30 晚餐: 18:00 – 22:00
營業時間
今日營業
10:00 - 14:30
18:00 - 22:00
星期一至日
10:00 - 14:30
18:00 - 22:00
公眾假期
10:00 - 14:30
18:00 - 22:00
公眾假期前夕
10:00 - 14:30
18:00 - 22:00
以上資料只供參考, 請與餐廳確認詳情
有關獎賞計劃
優惠
相關文章
食評 (258)
自從上次與朋友前來挑戰點心放題，都有一陣子沒來拜訪 尖沙咀凱悅酒店 既中菜廳 凱悅軒，是日相約友人前來餐聚，原來已換上了用「蔘」製作新餐目，以人蔘入饌，很特別，亦很期待 前菜選了人蔘餐目中既 紅棗人蔘豬手凍，賣相精緻，Q彈的口感，入面則是切粒的嫩滑豬手並滲出紅棗和人蔘的獨特香氣，還有黑醋啫喱，味道層次極為豐富陳皮脆鱔 也是大讚的！加入陳皮燒製，味道芳香無比，鱔肉厚身又爽口，一點泥味也沒有，真的很好吃！滋潤一下，有 杞子人蔘花膠鴿吞素翅，利用原隻頂鴿並釀入金華火腿、關西遼蔘及素翅等名貴材料來燉，再與花膠和人蔘燉三個小時以上，湯頭是極其清甜，並滲出陣陣人蔘香氣，加上厚身花膠，實在是滋補良物梅檻骨 乃這裡的名物，先將排骨蒸至軟腍，再炸至酥化，最後加入大廚自家製作的梅膏醬及檻角，入口肉質軟糯，酸中帶甜的，更是佐飯良伴哩豉汁蘆筍炒帶子 大大隻的日本帶子，爽口鮮甜，配以新鮮蘆筍，很清新的一道窩燒麒麟鮑魚人蔘雞飯 用鮑魚片、三黃雞件和北菇片等材料製作，並於飯內加入人蔘鬚粒，並再以鮑魚醬汁來焗，最後以「金華玉樹雞」的排列方式呈現於大家眼前，味道香濃人味，令人吃不停口再嚐甜品，吃完 蓮蓉焗布甸，無憾了
繼續閱讀
母親大人生日，同佢出去酒店食吓中菜先，呢間餐廳我之前食過幾次，同埋飲過茶，覺得無論環境同味道都唔錯，所以想同母親大人慶祝，點知朋友仔話質素差咗好多，因為已Book位，原本唔抱太大希望。有啲菜式真係冇以前咁好味，例如：叉燒以前燶邊半肥瘦，以前入口後好甘香好好食，但而家好似燒得麻麻。但值得一讚嘅係片皮鴨同以前一樣，都係咁好味又唔會太肥。
繼續閱讀
星期二放假又去食好西！今次跟老婆大人同埋朋友一齊去食人蔘嘅菜式，啱晒我呢啲有年紀嘅人食補補佢嘛哈哈。再次嚟到尖沙咀凱悅酒店嘅凱悅軒開餐，我同老婆大人都好鍾意呢度招呼周到又坐得舒服。先嚟第一樣人蔘嘅頭盤紅棗人蔘豬手凍！個樣靚到好似甜品咁，其實佢係用咗人蔘雞湯整出嚟嘅啫喱凍。人蔘雞湯啫喱食落又爽又滑，入面仲擺咗有皮嘅豬手肉、鮮人蔘粒、紅棗同埋蜜豆，口感超級勁豐富個味仲好鬼甘香，人蔘味有得嚟又唔會太濃好易接受到。老婆大人最鍾意食鱔所以就叫咗呢個陳皮脆鱔過佢嘆！白鱔燒得個皮好香脆魚肉仲好鬼彈牙夠晒新鮮呀，最特別嘅係佢加咗陳皮嚟燒，食落去多咗一份甘香嘅味道出面比較少食到。跟住就要食呢個杞子人蔘花膠鴿吞素翅！大大隻嘅頂鴿入面有金華火腿、關西遼參同埋素翅，放入去花膠人蔘湯道一齊燉，就算你係一「翅」唔食嘅朋友都可以盡情咁食。一次過可以食到香滑花膠同濃郁鴿肉，仲可以飲埋嗰啖甘香嘅人蔘雞湯，話唔滿足都係呃人嘅。呢個時候梗係要整碟正菜嘆吓！豉汁蘆筍炒帶子夠晒惹味喇啩，大大隻嘅帶子好有彈性同鮮味，加埋翠綠嘅清甜蘆筍好食到不得了。如果你係食肉獸呢個梅欖骨就一定要試！呢個排骨肥瘦啱啱好咬落去勁彈Q仲好有肉香，重點係嗰個自家製嘅梅膏醬味道酸甜開胃，加埋鹹香嘅欖角一齊炒好食到停唔到口囉。繼續送俾食肉獸有呢隻脆皮香雞！呢隻新鮮龍岡雞真係雞有雞味，不過我覺得佢嘅煙燻味仲出色，除咗雞皮好香脆之外嗰朕煙燻味去到雞肉入面勁濃香。雖然食晏晝但點都要整個飯先至夠飽肚嘅！呢一煲係窩燒麒麟鮑魚人蔘雞飯，除咗三黃雞之外外仲有鮑魚同埋北菇，個樣睇落好似中國名菜金華玉樹雞，但其實佢係一個人蔘雞煲仔飯。雞肉夠鮮嫩鮑魚都好彈牙，最正係吸晒鮑魚汁嘅飯仲混咗甘甜嘅人蔘粒，加埋係令到我冇可能食淨一粒飯嘅好味道。呢個酥皮流沙盞有菠蘿皮又有酥皮仲要有奶黃湯丸，成粒啪口感勁豐富層次感強勁真係好鬼正。最近天氣唔好成日雨粉紛飛好容易令皮膚氣管出現問題！呢個時候嘆碗香滑無比嘅蛋白杏仁茶抵抗皮膚氧化亦可潤肺止咳強化支氣管，呢度嘅蛋白杏仁茶做得好香濃勁多滑嘟嘟嘅蛋白，賣$58碗隨時平過喺出面糖水舖食。
繼續閱讀
好友約食午餐，選址在她最愛的凱悅軒，無可否認這裏環境舒適、位置方便、最重要食物水準出色，難怪她會這麼喜愛！👍🏻原來每隔一段時間這裏也會有新的主題，而今次的主題係「人蔘的菜式」，有效日期由即日起至4月30日供應。首先上場的是這味「紅棗人蔘豬手凍」，外形和水晶肴肉有點相似；不過選用嫩滑肥美的豬手作為餡料，大廚先把連皮帶肉的豬手切開，再把鮮人蔘切粒、加入紅棗和蜜豆籽一同放進人蔘雞湯內製成果凍，最後在表面放上黑醋啫哩，增添口感。第二味是「陳皮脆鱔」、鰻魚食落鮮嫩肥美，火燒過後表皮酥脆，配上陳皮獨有的甘香，不但有效減低油膩感，而且非常好吃。第三味是「杞子人蔘花膠鴿吞素翅」、據說靈感來自懷舊手工菜「仙鶴神針」；大廚選用體型效大的頂鴿，首先去除鴿內的胸骨，再把金華火腿、關西遼蔘絲及素翅釀入其腹腔之中同燉；鴿肉嫩滑多汁，湯底清甜滋潤，加上味道甘香又濃郁的遼蔘，頗有驚喜。第三味是「豉汁蘆筍炒帶子」，採用大大隻刺身級的帶子，肉質肥美，軟腍鮮甜；蘆筍爽嫩翠綠，味道調配適宜，不錯吃。第四味是「梅欖骨」，大廚先將排骨蒸煮約三小時至軟糯，再以大火酥炸至鬆化，配上自家製梅膏醬及欖角，口感酸酸甜甜，什是開胃；如配上一碗白飯更好。 第五味是「脆皮茶香雞」，大廚首先將原隻龍崗雞慢油炸熟，把香片及普洱混入白飯之中，再將雞隻燻製大約十分鐘，令雞肉吸盡白飯及茶葉中的茶香；最後把整隻炸至金黃酥脆，食落肉質細嫩又多汁，令人回味無窮。第六味是「窩燒麒麟鮑魚人蔘雞飯」，以鮮嫩的鮑魚片、配上三黃雞件、甘筍片、北菇片，舖在加入人蔘鬚粒的米飯之上，再拌入甘香濃郁的人蔘鮑魚醬汁焗製而成；新鮮熱騰上枱，飯粒飽滿分明而且入味，令人有添食的慾望。😋甜品選擇太多，除了每人各自點了一份之外(我選了薑茶湯圓)，另外加多件這裏最出名的酥皮流沙盞及軟糯煙韌的椰汁棗皇糕。薑茶湯圓～大大粒的芝麻湯圓，外層軟糯香甜，配上微辣的薑茶，食完全身溫暖又飽肚，𣎴錯。開開心心和好友談天說地，又可同時享用美食，真是人生一樂也！😋#凱悅軒(香港)地址: 香港尖沙咀河內道18號香港尖沙咀凱悅酒店3樓電話: +852 37217788
繼續閱讀
📍尖沙咀凱悅軒✨餐廳環境優雅、服務一流，今日同一眾好友一嚐全新人蔘主題菜式，真係好有驚喜😍😍🔹紅棗人蔘豬手凍嫩滑豬手連皮切片，再放入人蔘雞湯內製成凍盤，口感非常滑嫩。豬手肉質鮮美，搭配鮮人蔘粒同紅棗，味道清甜而不膩，表面嘅黑醋啫哩更有助增添清爽感，每一口都令人感到清新。🔹杞子人蔘花膠鴿吞素翅靈感來自懷舊手工菜「仙鶴神針」，選用之頂鴿體型較大，肉質厚實多汁，去除胸骨後釀入金華火腿、關西遼蔘絲及素翅，再與花膠人蔘湯同燉，湯頭入口香醇濃厚，啖啖清澈鮮甜，滋潤養顏。🔹梅欖骨由祖籍潮州黃師傅所製之潮州家常菜，排骨先蒸三小時至軟糯，再以大火酥炸，外皮酥脆，內裡軟嫩。配上自家製梅膏醬及潮州菜常用欖角，味道酸甜開胃，食落非常過癮。🔹脆皮茶香雞靈感源自日本玄米茶之炒米芳香～先將原隻龍崗雞慢油炸，再用香片及普洱混入白飯燻製。雞肉外皮香脆，肉質細嫩多汁，茶香濃郁，令人一試愛上，真係好特別。🔹陳皮脆鱔鱔魚炸得香脆，搭配香氣十足嘅陳皮，令整道菜更加提味，口感豐富。🔹豉汁蘆筍炒帶子巨型帶子味道鮮甜，搭配脆口蘆筍，入口清新。🔹窩燒麒麟鮑魚人蔘雞飯以經典「金華玉樹雞」方式呈現，有齊爽彈鮑魚片、滑嫩三黃雞件、鮮甜甘筍片及清香北菇片，鋪滿加上人蔘鬚粒嘅米飯上，再拌入香濃人蔘鮑魚醬汁焗製而成。飯粒飽滿又入味，好快就俾我成碗清晒！總括而言，凱悅軒人蔘主題菜式無論味道、口感上都表現出色，絕對值得一試👄如果喜歡精緻嘅中式料理，呢度一定唔會令你失望🤟🏻🤟🏻凱悅軒✨📍香港尖沙咀河內道18號香港尖沙咀凱悅酒店3樓
繼續閱讀
您可能會有興趣的...