冠華冰廳·阿爺燒鵝

營業中

休息中

星期六假日中午跟媽媽到這間已開張數個月的新燒味冰室。當然要試試他的燒味就揀了燒味四寶飯$64 有叉燒、燒肉、油雞、鹹蛋半隻 包中湯，我跟媽媽都不愛吃肥的叉燒便跟落單姐姐說要瘦叉燒 果真叉燒夠晒瘦 但肉質亦不會很柴 我最喜歡有點燶邊的叉燒！另外要了一個常餐$49 叉燒公仔麵配煎熟蛋 牛油多士，也是瘦叉燒其實索價不算便宜，可能燒鵝燒鴨更好吃 下次可以試試！

下午兩點十分進入店舖，眼見明明佢有好多吉枱，想坐近門口嘅坐位，門口收銀阿姐指明要搭枱，仲要指定我坐某個位。又話四人坐要搭枱，我想坐嗰個位佢就即刻放個留坐牌。如果係爆場時間要搭枱我明，但疫情下而又有吉枱點都想坐鬆啲，去過嘅人都知間野好細同窄。坐低仲有3分鐘到下午茶時間，落單阿姐又唔出聲，落單落個正價，你話差十幾分鐘我都明吖，我早入黎我抵死，但就同我隔離枱嗰個客就話仲有幾分鐘就到下午茶時段。問返阿姐仲要好唔願意話部機未到兩點十五分就唔係下午茶時段，唔係好想同我轉返下午茶價。最後到我離坐畀錢，個收銀又畀一個單丁男食客坐我原本想坐個位。我同個收銀阿姐講，最後你咪又係要俾人哋坐，收銀阿姐一句「關你咩事吖」無問題最錯係我入左去幫襯，我自己拿黎貼錢買難受。

冠華冰廳·King Well Restauran柴灣柴灣道345號金源洋樓地下19-20號舖冠華冰廳就是港式茶餐廳, 兩者CROSSOVER , 好處就是一間食肆入面, 個MENU 好多選擇, 又可以試曬兩家店的出品啦!燒味同小炒, 炒飯麵什都有, 令到我都唔知點乜好, 太多使人心大心細。半斤燻蹄$70, 連埋個醋汁食簡直一流呀, 佢是冷食夏天唔想食熱野岩曬。個皮又多COLLAGEN 彈下彈下, 鹹香一流。$75 脆皮燒骨腩，鹹香惹味，且有脂肪層及瘦肉層相間，骨位鹹香濃味配飯或啤酒都絕襯。皮燒得香脆可口。冠華冰廳 CROSSOVER 是正的，門口掛曬燒味睇見都流口水。

熟食中心對面就係阿爺燒鵝啦，見到佢門口掛住一排一排嘅燒味，就俾佢吸引咗過嚟。雖然佢個名叫阿爺燒鵝，但其實佢係一間冰室嚟，除咗有燒味Menu之外，仲有茶餐。金鐘罩叉燒飯 $50其實我都唔知乜嘢係金鐘罩，不過見到餐牌上面有兩個叉燒飯，呢個平$5所以就叫咗。金鐘罩叉燒偏瘦，有小小燶。啱晒啲想食得健康啲，唔食肥叉燒嘅朋友。我見到佢另外一個叉燒飯應該係肥叉燒，肥啲燶啲！如果要食肥叉嘅，就千祈唔好嗌金鐘罩啦！阿爺燒鵝髀飯 $117一打開個盒，睇到成隻燒鵝髀真係好滿足！燒鵝髀嘅皮充滿着油脂，食落塊皮好脆，啲肉好滑，咬落啖啖汁。呢個飯同我頭先個叉燒飯比較，簡直就係大咗一倍！夠我食兩餐阿！今餐仲會送餐湯，個湯入面仲有好多湯料！真係好認真，好大份！

這家燈火通明的茶記，為何座無虛席？原來又是阿爺燒鵝插旗。看樣子雖然是茶記，但非常衛生，地面沒有多餘的油漬餸漬，行走正常阿姐的服務相當不錯，笑容滿面，令人覺得茶記也不一定沒有服務的呢，讚今天外賣回家瑤柱清遠雞$98清遠雞以瘦，會隨處行走故雞味濃郁聞名。這隻雞非常大隻，拿回家還有些累！雞肉入口不過肥，帶點雞味肉質不會散，而且還佛心地加入瑤柱調味質素合理，性價比不俗$50肥燶腩叉為什麼要又肥又燶？原來用上腩位，把脂肪燒溶再加蜜汁再燒，口感外脆內軟，味道甜而惹味，無論過多咀嚼，難怪這是招牌！$50 這份量也是相當多，非常難得

到父母家聚餐, 家父高興, 見眾孫兒到家晚飯, 下午到 "阿爺" 加餸.買了半斤叉燒和1/4燒鵝, 叉燒在柴灣呢個 "叉燒城" 中尚可有立足之地.  可是一打開1/4燒鵝個盒, 只見裡面有十多件叉燒墊底, 上面只有約十件好似食剩既燒鵝.  家人登時嘩然!我叫家人冷靜, 問清楚是否鋪頭臨收鋪前將剩底既叉燒, 燒鵝等并埋一盒, 以低價銷售. 家父話1/4燒鵝係以$158正價買, 係睇住師傅即時斬, 我反了一下白眼, 再望清楚墊底既叉燒, 叉燒係一般茶記將較乾, 難以賣出既部份, 切粒做炒飯嗰種, 明白一般墊底既食品都係下價貨, 但1/4燒鵝用叉燒墊底, 並收正價$158, 是否有點那個?我吃了2件燒鵝, 和以前食過其他鋪頭收鋪前賣剩的沒差別.  半斤叉燒屬正常貨, 正常價錢.相信家人今後會明白, 既然柴灣區有咁多高質素既叉燒店, 不會再貼錢買難受.

今日去柴灣朋友屋企打牌，冇理由空手上去，有人負責買酒水，我自薦買燒味上去送酒，佢話屋企樓下餐廳已經有得買，仲要好食，可以黎到先買，夠哂方便呀!去到餐廳門口已經好多人，有人等外賣有人等堂食，見到廚窗既燒味好吸引，樣樣都好似好好味，最後選左2款送酒脆皮燒腩骨燒腩仔既皮仲好脆，有一層肥肉，再到瘦肉，底下再有小小燒腩骨配埋黃芥末醬好岩送酒佛山燻蹄燻蹄好抵食，半斤就已經一滿盒，啖啖肉，個皮仲好Q彈，而且厚薄適中，凍既燻蹄配搭埋蒜蓉醋食就好似涼拌咁

冠華冰廳.阿爺燒鵝話說作為一個新界人，好日都唔會過嚟港島區😂😂，即使會過嚟港島，最多都係去銅鑼灣同中環或者灣仔呢啲地方，筲箕灣柴灣呢啲地方真係比較少去。中學同學因為新居🏠🏠入伙，邀請我地一班同學去佢新居🏠🏠。所以就過到嚟呢邊。朋友新居🏠🏠入伙當然唔可以兩手揈揈上去啦。見佢屋企附近呢間燒味舖好多人等外賣🥡🥡。於是乎就走入去買隻下莊🦢🦢。一打開🥡🥡，隻下莊好香。鵝皮勁脆🦢🦢。而且充滿着油脂嘅香味。肉質亦都好嫩滑。啖啖肉，啱晒食肉獸🍖🍖🍖嘅我。每一啖都充滿着油脂嘅香味。雖然係油份充足但係亦都唔會話好漏。整體成班同學都覺得好好食，雖然價錢唔算平，但係一分錢一分貨，佢多人排隊叫外賣係有佢嘅理由。

聽講係柴灣漁灣邨嘅呢間冠華冰廳都幾出名，喺柴灣地鐵站行過去大概5至10分鐘。當差唔多行到嘅時候，已經見到餐廳門口排着長長嘅人龍，心諗唔係咁誇張呀麻。冠華冰廳出名阿爺燒鵝，本身想食燒鵝，但係見到做緊瑤柱清遠雞既優惠，$98有一隻，又比佢d瑤柱吸引咗，所以就叫咗一隻外賣番屋企加餸。另外見到啲叉燒好靚，都叫左半斤叉燒。返到屋企一開盒瑤柱清遠雞見到好多瑤柱，同埋隻雞都好大隻，$98黎講算抵食，先講佢啲肉都幾滑，唔會話好多好多肥膏，同埋好有雞味，雞肉都幾爽，唔會話好林，又唔會話好韌，配埋啲瑤柱食都幾好味，一啖瑤柱一啖雞。另外份叉燒好林，燒到好香口，啲蜜汁同舊叉燒好夾，同埋舊叉燒啲色水都好靚，中間啲肉唔會白白淨唔夠味咁。果然係幾好食，難怪係下午茶時段都要等位入。下次可以試吓去堂食，應該都幾好味。

放工路經柴灣，留意到這餐廳人氣暢旺，食客絡繹不絕，食物質素一定有保證，於是買一些外賣回家吃。看一看餐牌，食物也很多元化，有燒味，碟頭飯，焗飯及小菜，總有一款合符你心意。肥燶腩叉叉燒肥瘦均勻，蜜汁味香濃，非常入味。叉燒份量很多，吃得滿足，津津有味。脆皮燒骨腩皮燒得香脆，口感脆卜卜，不算太肥，且入口即溶，鹹度也適中，每一啖都感受到師傅的用心，真的很美味。今次實在太匆忙，只能買外賣帶回家，下次再去柴灣，必定留點時間再幫襯這餐廳。

柴灣附近大把好野食，而呢間阿爺燒鵝都好出名，每次行過見到佢d燒鵝都流哂口水，今晚想斬料即刻諗起佢。本身諗住食佢既招牌燒鵝，但見到佢推介瑤柱清遠雞，諗到d瑤柱好似好夾隻雞咁，就即刻吞左啖口水，仲要做緊特價$98一隻，於是就決定試下佢。另外見到啲燒腩仔好靚，就叫多半斤。番到屋企已經忍唔住要即刻食，雖然外賣返屋企啲雞會凍咗，但係啲雞好滑，仲好juicy，有啲部位仲好嫩滑。仲要勁多瑤柱，我自己就好中意食瑤柱，而家配埋落隻雞度食落都有鮮甜味。燒腩仔半斤都幾多份量，皮夠脆，五花腩既部位，一層肥一層肉，加埋好脆口，啖啖肉好開心🥳

柴灣地鐵站附近柴灣道兩邊都好多美食，有條街可以有掃街feel，而係另一邊都有好多美食，成日行過見到有間燒味既冰室，見到d燒鵝好靚，而且都幾出名，鵝油撈面，聽到都心思思想食。於是今日係附近行過就去試下。到去見到都人山人海，都幾多人，堂食外賣都多人，見到menu都好多選擇，好多元化想食咩都有，見到啲炒飯都好有鑊氣咁。阿爺燒鵝，咁當然要試下招牌野，叫左份下庄，今晚加餸。番到屋企仲暖暖地，急不及待就試一舊，真係好好食，好有鵝味，小肥有埋鵝油，肉唔會好乾，皮又唔乾，而且仲食到小小柴香味，果然犀利，下次再去真係要食埋佢個鵝油撈面。

其實除了燒鵝之外其他廣東燒味也很出色。今天點了燒鵝乳豬飯。並不便宜盛惠$90。 雖然份量並不大，但是做到乳豬脆皮燒鵝炭香也值回票價。價格包括飲品。如果想轉例湯要加$8。下次試吓個湯。離開時發覺叉燒原來有兩種。何謂金鐘罩，好奇心驅使之下下次我會叫來吃！

今日過嚟柴灣拜山，完咗就係附近搵嘢食。見到呢間茶餐廳門口勁多人等位！為食嘅我，見有人排緊即係代表好食啦所以就緊係排隊等食✌🏻餐廳午飯時間真係好多人，卡位都要搭枱，我地就坐2人枱。睇下有咩好食先，聽到個個都食燒味飯，所以我都要試下😬燒鵝五寶飯：哇，一上枱見到全部都係燒味，正呀！五寶當然有燒鵝，叉燒，紅腸，豉油雞同咸蛋！老公邊食邊話今餐膽固醇超標啦，但又不停話好好食。燒鵝做到皮脆肉嫩，唔會食到成口油，肉有陣香味又嫩滑，一啲都唔柴，真係好耐無食過咁好食嘅燒鵝，完全唔係平時街市燒味檔軟料嘅貨式。真係好好好好食另外，咸蛋又係無得輸！見唔見到咸蛋漏油㗎！真係有油咇出嚟，平時好難買到囉。咸蛋又唔會過咸，漏油起沙燒鵝燒肉。鵝油拌麵呢個真係一試難忘，首先份量應該有1.5個粗麵。其次佢個粗麵做得好好食，爽口彈牙 ，唔會癡住一pat。鵝油拌麵個粗麵一啲都唔會覺得油，你地睇下我食哂成碗麵個碟底都唔會好油 。燒肉個皮好香脆鬆化，肉質又嫩。我係燒肉控都覺得好食，脆卜卜，沾埋芥末醬完美！果碗湯我就飲左一啖，覺得鹼水味重啲同偏咸，所以個人就唔太中意飲。。午餐都包一杯飲品，我地嗌左熱菜蜜同龍鳳檸樂。整體上，呢間餐廳燒鵝

Grandpa 👴 阿爺燒鵝 冠華冰廳旺場 勁多人🤣😂漁灣街市及熟食中心對面門口位置有幾個停泊位置揸車人士心心眼🤣堂食外賣都好好生意😼 咁就唔擔心啦一定唔會難食 另外有班人排隊買燒味斬料加送飛天頭抽雞 貴妃雞 金鐘罩叉燒 金鐘罩 好搞笑🤣肥燶腩叉脆皮燒骨腩佛山燻蹄蜜汁燒排骨霹靂火腩仔仲有色澤好靚嘅阿爺燒鵝可能因為恢復四人堂食 真係好多人今次選擇外賣自取拎返屋企食廚師推介 外賣精選五香肉丁炒飯 ——肉丁份量足夠 鹹香帶有點辣椒風味乾炒牛肉米粉——炒得夠鑊氣 牛肉與米粉 兩者都夠乾身瑤柱蝦球炒飯——炒飯炒得金香 蝦🦐球大粒值回票價 爽口彈牙