其匠燒

營業中

休息中

唐楊魷魚圈：炸粉厚底適中，香脆可口。牛小排串：牛味較濃郁，大約半熟的程度，食落有𡁻口亦唔會太乾，外層焦香。牛肋肉串：牛肋肉雖然唔係貴價肉，但處理得好好，牛味唔差，含有滿滿肉汁及油脂香，十分出色，性價比亦高。燒雞腎串： 雞腎大小適中，一口一粒，亦唔會太乾身，食落爽口彈牙。燒五花腩串：頗有驚喜。豬味十分濃郁，腩位充滿油脂香，油脂位入口即溶，食落唔會覺得膩口，非常推薦。紫蘇墨魚滑：燒過既紫蘇葉 帶有清香，並同墨魚滑融合一齊，估唔到又幾夾。墨魚滑爽口彈牙，食落有墨魚粒。黑松露野菌炒烏冬：非常出色既一道菜。上碟時熱騰騰，松露及菇菌味不斷散發，食落有鑊氣，亦唔會太多油。饅魚炒飯：同樣即叫即炒。飯粒分明，配上饅魚食落唔會太油，同樣好有鑊氣總結：串燒水準頗高，炒飯及烏冬有驚喜，價錢合理，值得一試。

今日喺厚福街去咗食串燒居酒屋朋友晏晝食過 午餐好抵食夜晚星期一至四又有75折，所以就夜晚嚟聚一聚Asahi 加牛肋條牛肋條多汁牛香味濃鬱， 有串燒的焦香燒雞腎大大粒食落係彈牙口感燒大啡菇上面仲有啲木魚碎， 燒汁配埋大菇多汁， 覺得好好食送酒一定要叫炸物就叫咗個魷魚圈炸起鬆脆， 非常熱辣辣燒茄子真係每次串燒店都必食今次餐廳有個特色食物係加多一隻蛋 原條茄子太陽蛋蒜蓉茄子出奇地加埋蛋撈落去茄子更加滑唔會覺得唔夾芝士年糕燒起外脆內軟，裏面芝士流心燒醬油飯糰係心機菜， 要慢慢燒，完全燒香每一個表面外面嘅飯焦，裏面嘅飯都調咗味一人一個剛剛好食咗咁多熱氣嘢最尾當然要返個和牛洞庭烏冬烏冬係嗰種煙煙韌韌嘅烏冬牛肉質素高，唔係普通肥牛， 牛肉都幾嫩口， 牛油味香口星期一至四嚟食真係抵食75折兩個人埋單400蚊左右仲可以加錢任飲啤酒， 是日明天要上班就節制節制飲兩罐，放假過嚟飲酒吹水都幾爽皮另外餐廳侍應好友善，感覺同食客都打成一片有真正日本居酒屋的歸屬感

喺尖沙咀居酒屋好多，但係搵到一間能夠感受到正宗日本風味嘅居酒屋都唔容易～但係「其匠燒」就係超出色! 一入到去，已經感受到輕鬆自在嘅氣氛，夜晚都坐滿客，服務員都好熱情，亦會同客人傾計，係我鍾意嘅居酒屋vibe～首先要講下免治雞肉棒，必點之選~ 真係太好味! 雞肉鮮嫩多汁，啖啖都係享受厚切牛舌肉質厚厚實實，但口感好嫩，牛肉香味好濃，出色~日本五花腩串，五花腩肥瘦適中，燒到微微焦脆，咬下去就有啲油香味，超級好味 蘆筍豚肉卷都好正，豚肉嘅香氣配埋清脆嘅蘆筍，係一個味覺平衡~一啖咬落去，口感一流!油甘魚鮫估唔到有兩大件，好抵食肥美既魚腩味道鮮甜，燒烤後外層呈金黃香脆味道更加出色~雞胸軟骨，咸度剛剛好，有嚼勁~明太子玉子燒真係要大推超滑，好鍾意呢d 綿綿嘅口感加上軟滑芝士同埋明太子嘅海鮮香，口感超豐富!柚子乳酸梳打酸酸甜甜，解渴得好開心，係燒得熱嘅美食之後嘅最佳搭配值得encore 的一餐!

今日喺尖沙咀厚褔街藍馬大廈搵到一間日式串燒店——其匠燒，真係唔可以錯過！✨首先，我哋叫咗燒提燈，味道香脆，外面酥脆，內裡卻保持住濕潤，真係食到停唔落口！🍢接住就係大熱梅醬雞髀肉，梅醬嘅酸甜味同雞肉嘅嫩滑完美結合，食完根本唔想停！😋再嚟就係秘製汁燒雞肝，味道豐富，雞肝煮得啱啱好，口感滑溜，令人一口接一口！😍原條明太子就好鮮，配上酒盗芝士，真係食到爆汁，味道層次感十足！🍣仲有爆汁吉列炸蠔，咬落去外脆內滑，裡面嘅蠔肉鮮美，真係一流！🍤鰻魚炒飯亦都唔錯，米飯粒粒分明，鰻魚味道濃郁，完全唔會油膩！🍚最後飲咗柚子乳梳打，酸酸甜甜，真係好解膩，為一頓豐盛嘅餐點畫上完美句號！🥤整體嚟講，呢間串燒店無論係食物質量定係味道，都非常出色，環境舒服，服務又好，下次一定會再來！👍🎉

心思思想食串燒，搵到呢間喺厚福街嘅樓上居酒屋，就打電話上嚟留位試下先！宜家做緊$100任飲啤酒清酒兩小時😱可惜第二日要返工試唔到🥹好吸引呀！bar枱上都有啲今日限定menu食物種類都幾好，以尖沙咀嚟講價錢合理宜家做緊sapporo生啤$68兩杯😱食串燒梗係配生啤啦厚條蒜蓉太陽蛋燒茄子🍆出邊冇試過食燒茄子係會配蛋🤣但老闆娘強烈推薦，所以我哋就叫咗嚟試吓！生蛋配上茄子，令到茄子更加嫩滑，好似一嘢就sir左入個口到🤣蒜蓉味都好香，燒得好入味燒雞腎燒雞腎真係一門學問嚟架！呢度嘅雞腎圓轆轆，外皮燒得香脆，一咬開入邊會爆汁，好出色免治雞肉棒食串燒梗係要叫呢一個啦！口感實在，食到雞軟骨一粒粒嘅口感喺入面雞頸肉、牛舌芯、明太子雞腿肉呢度嘅雞肉比較忠於原味，口感嫩滑牛舌芯非常厚切，生熟度啱啱好，好juicy燒菠蘿、燒雞翼燒雞翼個皮燒到好香脆，但入邊都仲係保留住肉汁食咗咁多肉，食串焦糖燒菠蘿可以平衡返啲味道清酒牛油煮蜆呢個我會稱之為係成人界嘅清酒煮蜆😂清酒落得一啲都唔手軟，個湯底飲落嘅味道就係九成清酒、一成牛油，飲咗幾啖feel到有啲wing😂啲蜆肉好飽滿，好鮮甜👍🏻呢個吉列蠔就正常發揮，新鮮炸起，外脆內

雞腿肉（燒汁） $32雞腿肉煎得外皮微脆，肉質鮮嫩多汁，燒汁的甜鹹比例恰到好處，不會過於濃郁而掩蓋雞肉本身的鮮味 唯一一個就係得一串 的確有少少貴黃金蟹膏玉子燒 $98玉子燒的口感綿密細膩 裏面含有蟹膏嘅玉子燒真係第一次食南蠻炸雞 $78南蠻炸雞的外皮酥脆，內裡多汁，搭配沙拉醬汁，唯一的小缺點是醬汁稍多，可能會讓外皮變得稍微軟化，建議可以分開蘸取鰻魚炒飯 $98鰻魚炒飯香氣撲鼻，米飯粒粒分明，鰻魚的分量充足且肉質鮮美。炒飯的調味適中，不會過鹹 鰻魚嘅油脂炒出嚟舍香口評分：4/5**推薦理由**：適合喜歡日式料理的食客，菜式多樣且品質穩定，適合朋友聚餐或家庭食飯

係呢間店食左幾款野,大滿足。燒菠蘿既天然甜味係燒既過程被保留左,表面形成左一層金黃既焦糖,口感香脆,咬左一啖已經汁液四溢。聽師傅講佢既煮法有d特別。吉列炸蠔金黃酥脆,保留左蠔鮮嫩既口感,仲有濃郁既海鮮風味,加埋沙律醬食,好正!日本枝豆有蛋白質、纖維、維生素同礦物質,好健康,煮熟後加左鹽調味,保留到個鮮味同營養。原條魷魚筒肉質鮮嫩,咀嚼時充滿彈性，令人滿足。油甘魚鮫含Omega-3脂肪酸同埋多種維生素,真係好健康,呢種魚有豐富既油脂,而且味道鮮甜。

今日喺尖沙咀行街，之後搵地方食晚餐，喺厚福街H8附近，無意中搵到一間樓上舖，你食日式串燒。舖頭喺10樓，細細間，裝修精緻、簡約，座位舒適，唔使等位。晚餐我哋叫咗「吉列池魚」，外脆內軟，魚肉非常Juicy，好香魚肉嘅鮮味。另外「吉列蠔」同樣出色，生蠔香滑，Juice而且新鮮、外面沾上炸粉，脆卜卜，外脆內軟，入口鬆化嘅感覺。串燒方面，我哋揀咗多個款式，每款是一串，有：串燒牛舌芯、脆皮燒白鱔、燒雞皮蝦、燒雞翼、燒雞皮、燒大蔥雞腿串、蘆筍豚肉串燒、五花腩肉串燒… 其中牛舌心非常爽口；雞皮蝦裏面嘅蝦肉好彈牙；大涌雞腿串好惹味，雞肉非常嫩滑。全部串燒即叫即做，保證新鮮熱辣，調味適中可口。另外仲叫咗一款熟食「黃金蟹膏玉子燒」，嫩滑嘅炒蛋入邊包咗好多蟹膏，上面加咗蛋黃醬，味道好特別。飲品方面，happy hour特價時段啤酒好抵。我哋揀咗「白桃梳打」，大大杯，冰凍又解渴。

今日同朋友去尖沙咀聚，嚟咗食呢間居酒屋！芝士年糕嘅外皮焦脆，咬耐啲就比較軟糯有咬口，芝士係流心嘅，有淡淡嘅奶香味，好有驚喜！魷魚彈牙，帶有韌性，外面脆得啱啱好唔會太油膩，加埋沙律醬更加特顯魷魚嘅鮮味，好食！青蘋果梳打好特別，唔係好甜，淡淡清香嘅青平果味，配炸物一流。而且大大杯，份量好足！牛舌需要細微嚼勁，肉汁鮮嫩，唔會過於煙韌咬唔到。燒得啱啱好，牛味濃而不騷。配埋附上嘅汁，更特出牛嘅質感。配埋少少沙律，可以解膩嘅同事又可以換吓口味！牛小排食落牛味好重，食到有啲膩嘅時候，食佢隔離嘅沙律就啱啱好可以平衡返😋

今日係尖沙咀想食日本野，就揀左間坐得舒舒服服，環境氣氛都幾好既其匠燒Happy hour時段仲有啤酒優惠Sapporo $68 兩杯好抵飲呀蟹籽沙律 $68先食個前菜，蟹籽沙律好大盤，成個配搭好fresh好開胃唐揚魷魚圈 $48呢個新鮮炸起熱辣辣，個皮好脆，魷魚都好爽口日本五花腩串 $38三色雞頸肉 $38紫蘇蟹籽墨魚滑 $48西班牙豬肋肉 $38雞翼串燒 $32串燒燒得好有心機，都會有d焦香既感覺，會脆脆地，得別係雞頸肉，用左3種唔同既雞，好有心思黑松露野菌炒烏冬 $88烏冬夠哂彈牙，配埋松露雜菌炒得好香

呢間尖沙咀樓上日式居酒屋，真係大開眼界！淨係講室內裝修都覺得好high class，一入去見到bar枱全部sake勁興奮！呢到主打日式串燒，店長推薦仲有好多特式野，其他地方無得食首先前菜胡麻醬豆腐沙律，豆腐嫩滑凍冰冰好爽口免治雞肉棒，底下加左豉油同蛋黃撈埋一齊食，中間食到啲雞軟骨碎勁有咬口，好濃味出色三色七里香，其實即係雞屁股，真係得呢到先有得食，比想像中出色有驚喜，食落好彈牙，油脂味勁出燒白鱔外皮卜卜脆，食落有聲，內裡魚肉keep到軟身玉子燒重蛋味，面頭加上蛋黃醬味道更上一層樓其他仲有好多款串燒，全部都係即叫先即整新鮮熱辣辣，睇得出好用心製作，下次黎一定要再試下其他野食，再小酌sake慢慢enjoy!

其匠燒位於尖沙咀厚福街，是一間簡約時尚的串燒店，絕對是聚會的好去處！店內充滿親切的氛圍，特別適合與朋友一起共享美好時光。特別係而家星期日至四75折、星期五至六都有88折！原條蒜蓉茄子 $68茄子的鮮嫩配上香濃的蒜蓉，再配上太陽蛋，十分開胃，正是絕佳的配菜選擇！芝士年糕 $38這道小食的糯米年糕經過滋味四溢的芝士包裹，不僅口感滑順，食落去仲有滿滿既爆汁芝士！燒牛小排串 $68這道燒牛小排串以其豐富的肉味和恰到好處的烤香令人滿意。每一串牛小排經過精心醃製，肉質鮮嫩多汁，咬上一口，肉汁立即在口中散開，伴隨著微微的煙燻味，讓人不由自主地想多點幾串。性價比相對合理，絕對值得一試！爆脆噴汁吉列蠔 $78這款爆脆噴汁吉列蠔可謂別具一格，外脆內嫩，使人驚艷。每顆蠔經過精緻的油炸處理，表皮金黃酥脆，裡面的鮮嫩蠔肉則保持了最佳的鮮甜。當你咬下去時，豐富的鮮汁瞬間湧入嘴裡，完全是對味蕾的饗宴。黃金蟹膏玉子燒 $98蟹肉與蛋的絕妙結合，外觀精緻，口感滑順，令人難以抗拒，是一道不可錯過的美味小食。黑松露野菌炒鳥冬 $88這道以野菌為主的特色小菜，完美襯托了鳥肉的鮮甜，層次分明，吃了一口就讓人著迷。「其匠燒」的串

我最推薦嘅係「一口牛舌芯串」，牛舌切得厚身，燒得啱啱好，外層有少少焦香，咬落去又軟又彈，牛味好濃。😋之後試咗「燒鷄皮蝦」，燒完外脆內彈，雞皮同蝦肉嘅香氣一齊爆出嚟。火候控制得好好，蝦肉唔會過熟，保持到彈牙，雞皮又夠香脆，配搭起來好夾，食落有層次感。🦐我地仲點左「三色七里香」同「三色雞頸肉」，七里香係雞尾，肉質嫩滑，啖啖肉都好入味。另外雞頸肉口感爽爽的，唔會太韌，調味平衡得宜。🐔「脆炸白蝦」炸得香脆，調味啱啱好，蝦味濃而不鹹。咬落去外層脆卜卜，蝦肉彈牙又多汁，配杯啤酒簡直係完美。🍤「雞翼」燒得外皮脆口，肉汁鎖得好，調味鹹香，咬落去肉質嫩滑，唔會乾柴。「雞肉棒」配咗生雞蛋汁，雞肉混咗軟骨，滑溜又有咬口，沾咗蛋汁之後味道更美味。🥚「露筍豚肉卷」露筍爽脆，豚肉帶少少油香。🥬「鰻魚炒飯」份量好多，鰻魚肉厚實，炒飯偏軟淋，味道甜甜地。🍚「大啡茹」燒得香口，菇味濃郁，肉質厚實多汁。簡單嘅調味突顯咗食材嘅原味，食落好滿足。🍄

尖沙咀嘅樓上餐廳其匠燒，係一間日式居酒屋，主打串燒料理！炸物同埋玉子燒同樣出色！🍺Suntory生啤 $78/2杯價錢實惠，可自由選擇黑/白啤！另設Free Flow 2小時Plan，只需$100/位！🐷吉列黑豚豬扒 $78做到外脆內軟，切完件嗰層吉列皮都唔會散開，水準之作！🥚明太子芝士玉子燒 $88明太子同埋芝士嘅份量啱啱好，有鹹香而且唔會膩，Very Nice！🍗燒汁雞腿肉 $32｜三色雞頸肉 $38雞腿爽口有肉汁！雞頸肉前中後段都有唔同嘅調味，極具特色！🥩美國牛肋條 $38｜日本黑豚腩肉 $38牛肋條香口惹味！腩肉帶油香！🍳原條太陽蛋蒜蓉茄子 $68燒茄子mix生雞蛋，茄子充滿川燒嘅感覺，生雞蛋帶來滑溜嘅口感！🍲鰻魚炒飯 $98做到粒粒分明，醬香滿滿！

尖沙咀樓上燒鳥居酒屋, 同時亦有多款串燒選擇. 而且消費滿$200就可以加$100任飲啤酒/清酒 2小時, 同朋友放工嚟happy hour最適合不過!🍽️ 一口牛舌芯串 $78肉質軟腍外脆內軟, 而且因為厚切仲會有小小咬口, 唔會過熟一啲都唔韌.🍽️ 燒雞皮蝦 $48雞皮燒到脆卜卜, 入面包住既蝦都幾大隻而且唔會燒到好柴, 咬落啲蝦肉仍然保持彈性.🍽️ 三色雞頸肉 $38精選咗三款不同雞肉例如走地雞等,去串成呢個雞頸肉串燒, 所以肉質嫩滑, 入口亦有香濃既炭烤味.🍽️ 原條日本五花腩 $188份量都幾多, 而且五花腩既脂肪分佈平均, 完全唔會覺得油膩, 豬肉味道香濃, 煎得非常香口、惹味! 🍽️ 南蠻炸雞 $78一咬落去係juicy到會咇汁, 外皮炸得鬆脆唔係硬脆, 內裡真係勁juicy, 肉質一啲都唔柴, 熟成度剛剛好.🍽️ 鰻魚炒飯 $98勁大碗, 份量十足, 非常抵食, 食到入面有一塊塊鰻魚肉, 炒得亦夠乾身, 粒粒分明.另外, 見到佢地門口有個牌寫住lunch set 一律$48免加一, 有吉列池魚定食、滑蛋豬扒飯等, 都幾抵.