公車泰國餐廳

營業中

休息中

鍾意食辣嘅我🌶🌶去元朗搵嘢食.元朗真係有好多好嘢食. 教育路跟西菁街一帶好多食肆， 特別係泰國菜，見到有間光鮮又大間泰國菜館就入去試下。無book枱等左一陣入得有卡位坐，而且環境唔會太逼, 餐廳最遠處可看到大量泰文，令人略感受到泰式風情。店內環境好寬敞，空調溫度舒適, 感覺好乾淨衛生。多款套餐，價格不貴，基本的泰國菜都應有盡有。首先，一入餐廳店員已非常友善，你會感受到店員帶笑容上班。沙嗲串燒，一豬一雞，香口惹味，沙嗲醬有大大粒的花生粒，好有咬口。不論味道口感都非常好！正！相比之下雞肉比較嫩滑我個人就覺得比較好，而沙嗲汁濃而不辣亦非常岩我口味。食泰國嘢梗係要叫返個冬陰功啦 ，我唔食得太辣點左少辣，酸度同辣度都啱啱好大頭蝦大隻新鮮蝦膏多，酸酸辣辣的好開胃。值得推薦  物超所值！呢一個冬陰功就非常之足料，睇吓我隻蝦🙈仲有個火熱住。 飲品珍多冰椰汁非常之多，濃郁椰汁味，又香又濃！泰式奶茶，朋友飲完話覺得幾好味。呢間公車泰國餐廳我覺得係少有元朗市中心性價比幾高嘅泰國餐廳，款式多之餘味道都唔差。總括服務態度好 食物上菜快 環境舒服呢間餐廳仲有推出晚市套餐，有主食、飲品同平均價都係二百零蚊位，都幾抵

今日難得放假，訓到晏一晏再出去屋企附近搵食！作為大西北人既我，其實就真係好少係元朗區覓食🤗今日就行左去西菁街附近，比間泰國餐廳吸引左！見佢入面擺哂啲熱帶植物，又掛哂吊扇咁，充滿住南洋風情🌴所以決定入去試一試🌝見佢都有好多set lunch同下午茶套餐，但作為大胃王既我，都係決定散叫😂😂我地兩個人分別叫左3樣野🤗1. 海蝦沙律 $88如圖所見海蝦份量超多，而且隻隻都大大隻，肉質爽彈，非常新鮮🦐配合芫荽香茅調配而成既醬汁，酸酸甜甜少少辣🌶非常開胃👍🏻👍🏻芫荽控必點☘️2. 蝦膏炒飯 $88炒飯粒粒分明帶住淡淡的蝦膏味及蛋香不會太油膩，蝦仁非常爽口大隻配合蝦乾，非常惹味👍🏻3. 馬拉盞炒椰菜苗 $88份量非常之多😯椰菜苗鮮嫩配上香濃微辣的醬汁岩哂我口味🤤另外仲叫左兩杯兒時至愛珍多冰同椰汁冰😍分別$28一杯埋單總共$320又係一個幸福既brunch 😊推介大家喔😉

鍾意食辣嘅我🌶🌶今次同朋友入佐元朗食泰國菜🇹🇭🍴講到泰國🇹🇭就令我諗起酸酸辣辣嘅冬蔭功🥘而呢間嘅✨大蝦冬蔭功海鮮湯 👍🏻👍🏻真係夠晒香濃足料😍🦐🦑🦪🍋🌶🌿🥘睇吓我隻蝦🙈真係同隻碟差唔多咁大嫁😜✨細泰式小食拼盤 推介👍🏻👍🏻係好豐富嘅小食拼盤，入面有有蝦片、春卷、蝦餅、魚餅、豬肉串燒同雞肉串燒，兩款串燒嘅肉質都好嫩，唔會燒到乾爭爭，配搭埋沙嗲醬，好惹味😋✨泰式炒金邊粉 金邊粉的口感煙韌彈牙，味道酸酸甜甜加埋大蝦🍤辣椒乾、花生碎同青檸汁更香口、開胃😋呢間餐廳仲有推出晚市套餐，有主食、飲品同甜品平均價都係二百零蚊位，都幾抵食😜下次一於約埋屋企人一齊食先得

相聚一刻上星期朋友聚會，去了元朗西菁街公車泰國餐廳食泰國菜，人均消費$173，環境舖頭闊落，空調溫度舒適本來見到餐牌寫住星期二有原價$128嘅泰式菠蘿炒飯可以特價$98，真的幾想試，但可惜當也並不是星期二所以不能用這個優惠，不過最後我們都叫了泰式菠蘿炒飯，用了正價的價錢$128，結果都好滿意，半隻菠蘿盛裝住炒飯，炒飯上面有好多肉鬆，肉鬆的份量是佈滿整個炒飯，菠蘿的頂部全部都是肉鬆\(//∇//)\泰式菠蘿炒飯味道酸酸甜甜，酸味應該是來自菠蘿，可能因為這個菠蘿偏酸，\(//∇//)\所以令到這個泰式菠蘿炒飯有點酸甜感覺，不過並不影響口感和食慾，酸甜的感覺再加上有肉鬆，炒飯每粒都吵到好分明，而且好乾身，酸酸甜甜都幾開胃(#^.^#)黃咖喱雞，$88再叫薄餅，$42這個配搭相信好多人都會叫，薄餅配咖喱！咖喱不辣，小朋友都食到！雞肉不老，有咖喱配着，幾惹味！有少許洋蔥青椒做配菜！薄餅比較薄，入口脆薄感強！沾咖喱汁配食，好味！飲品椰汁冰$28珍多冰$28兩杯椰汁非常之多，濃郁椰汁味，又香又濃！

今日難得放假去咗元朗玩，玩完之後成個人嘅熱辣辣，我哋玩完之後就嚟咗呢一間泰國菜食嘢。一嚟我哋就帶咗泰式奶茶同埋椰汁冰先，至少呢兩樣嘢係唔錯嘅。我哋分別叫咗一個泰式炒肉碎飯，個肉碎飯有少少辣但辣得來好過癮，撈埋飯食啱啱好。其實我哋自己就好少嗌呢一個飯今次都覺得己有新意。你都食泰國嘢梗係要叫返個冬陰功啦，呢一個冬陰功就非常之足料，佢係酸酸甜甜咁樣仲有個火熱住。同埋係有隻好大嘅虎蝦最後真心推介但係呢一個烏頭佢係有啲湯熱住，同埋下邊有個火爐仔。最正嘅係佢會叫你食到一半嘅時候倒少少青檸湯落去，嗰一個湯先係精華

經過西菁街，見到一間新開的泰國菜館，見到裏面裝飾充滿泰國風情，一於入去試吓！多款套餐，價格不貴，基本的泰國菜都應有盡有。點了個咖喱蝦，味道香甜，有陣陣椰汁香氣，蝦仁鮮嫩可口，如果再辣一點更加惹味。蒜蓉包烤到香脆內軟，蒜蓉味香濃，沾上咖喱汁，令人食指大動。沙嗲串燒，一豬一雞，香口惹味，沙嗲醬有大大粒的花生粒，好有咬口。木瓜沙律，配上大量青菜，夠晒清新。椰汁冰，裏面有一疏疏的椰汁糕，和泰國喝到的味道一樣。香茅冰，小小甜，清新的香茅味透心涼，勾起了在泰國按摩的回憶。點少得名物芒果糯米飯 ，好大碟呀！糯米飯熱辣辣軟淋淋 ，好在有留肚食呢個！服務員好好人， 我點錯咗椰汁冰，其實我係想要珍多冰，佢地都肯幫我改返！

呢間公車泰國餐廳我覺得係少有元朗市中心性價比幾高嘅泰國餐廳，款式多之餘味道都唔差。泰式炒金邊粉有平價版同貴價版，分別在於有蝦同冇蝦嘅分別（呢個都係店員講我先知），我諗味道兩者應該相差不大，而價格就相差$30 。泰式炒粉絲調味調得唔錯，而材料亦都好多，炒亦唔會炒得一PAT PAT。沙嗲串燒我就叫左豬同雞，相比之下雞肉比較嫩滑我個人就覺得比較好，而沙嗲汁濃而不辣亦非常岩我口味。蝦餅春卷雙併兩樣都係新鮮炸起熱辣辣，蝦餅肉質彈牙唔錯。香茅冰甜度好足，岩晒鐘意甜野嘅我。泰式奶茶顏色睇同聞都同港式奶茶有出入，朋友飲完都話覺得幾好味。

元朗真係有好多好嘢食去完錦上路影相打卡夜晚再去元朗市中心呢間餐廳主打正宗🇹🇭泰國菜Menu嘅菜式選擇多每日仲有唔同嘅特價菜式🔸泰式燒豬頸肉 $88絕對係抵食之選！份量比平時喺其他餐廳食嘅豬頸肉多左成倍🤣本來以為得面頭一層，點知原來疊住左有兩層。豬頸肉燒得十分香脆，肉質厚身啖啖肉😋附送嘅醬汁酸酸甜甜，十分開胃！🔸泰式炒金邊粉 $88呢道pad thai炒得相當有水準，唔會太濕或太乾身，金邊粉十分彈牙。味道方面，酸、甜、鹹都恰到好處👍🏼配埋蝦、蛋、芽菜、硬豆腐及花生碎嘅配料，好正🤩🔸泰式明爐烏頭魚 $148色香味俱全！剛上菜時已香氣撲鼻，烏頭大大條，十分好肉！肉質好嫩滑，仲要完全唔腥🤩重點係爐火不斷幫條魚加熱，keep住熱辣辣嘅同時亦可以保持鮮味！同配送嘅酸辣醬汁好夾，點醬食十分美味😋🔸椰汁冰 $28有濃郁椰汁味，甜度適中。啱晒食完酸辣野後飲呀👍

最近心思思成日想食泰國菜，所以就同老公落元朗搵食。元朗餐廳好多，今次食呢間公車泰國餐廳，門面好光猛，入到去仲有唔少卡位，卡位仲要好闊落，坐得夠舒服。我倆兩個都不算大食，所以點了四樣野，分別去大蝦冬陰功湯、馬拉盞炒通菜、泰式炒金邊粉和明爐烏頭魚。先上菜的是泰式炒金邊粉，酸酸甜甜，擠上青檸汁，極之開胃，而且份量好大，好彩我們兩個沒有眼闊肚窄，要不然就浪費了。再來馬拉盞炒通菜，通菜十分掛汁，醬汁沾滿每一條菜，但又不會覺得太鹹太辣。全晚最欣賞是這個明爐烏頭魚，烏頭魚肉滑，肉質不會太實，湯底不會搶味，吃得出魚本來就十分新鮮。最後便是這個大蝦冬陰功上菜。幾欣賞這個湯有小火爐暖住，那就不怕吃到最後湯已經變冷了。值得一提，這間店有一個年青男店員十分有禮貌，說話溫柔，而且態度極好，他看見我們有一杯水用來浸餐具，再加水的時候便主動再提供多一杯水給我們， 細心度值得加許。

今天週未，郊外下，相約了朋友出元朗影相同飯聚，我們前一天Search看去那兒吃，朋友看到了這間泰國餐廳，大家覺得不錯，下午茶決定在這兒吃，環境好有寧靜神廣神怡感，今次叫了幾樣野食泰式生蝦蝦大片同好有泰國蝦海水味，好有鮮蝦味泰式炒金邊粉泰式醬好香，金邊粉幼身，炒得乾身同爽椰青椰青大個，特別甜椰青水，椰青肉厚身，好有咬口感菠蘿雞絲炒飯大碟，菠蘿好甜，飯配菠蘿，炒得好有菠蘿香，雞絲絲滑泰式香茅雞亦雞肉嫩滑，好香香茅味燒豬串豬肉霖，濃燒汁味椰汁糕杯仔糕，好香椰奶味

泰國菜集合酸、辣、鹹、甜、苦五味所以很多愛吃辣或不愛吃辣的人，都會喜歡泰菜。今日來到元朗西菁街「公車秦國餐廳」吃我喜歡的泰國菜。餐廳地方寬敞，坐位舒服😌食物也不錯👍這裏的串燒（雞、牛、雞翼）燒得剛剛好，肉質不會乾身，入口嫩滑，配上它的沙爹醬汁，味道香濃惹味😋泰式炒粉絲，配料（有：青椒🫑洋蔥🧅雞蛋🥚鮮姑、芽菜、芹菜等）炒得十分香口，好好味😋泰式黃咖喱海鮮，材料（有：青口、魷魚🦑薯仔🥔青椒🫑蝦）咖喱汁微辣，加上香濃奶香，配飯簡直絕配。大沙白，其實是白蜆，它的煮法與其他店舖略有分別，它採用了像五層塔的香葉及辣椒🌶️切碎混合於微甜的調味汁中，配合大沙白蜆同吃，味道特別，有清新之感😋

今日放假，入元朗搵朋友們食下午茶，佢地帶左我黎西菁街呢間「公車泰國餐廳」，話係佢地係元朗首選食泰菜既地方餐廳地方幾大，都幾多枱，地方乾淨，環境光猛又坐得舒服，幾唔錯下午茶時段真係超級抵食，價錢平，一個炒粉/飯先$42，包熱飲，話就話Q版下午茶，但一d都唔Q版，份量明明就係晚市正價d份量，所以絕對超值！蒜蓉包連熱飲$35：色澤靚又好夠脆！泰式炒金邊粉$42炒得好靚，色澤同味道都好均勻，金邊粉好夠彈牙，好好味泰式火車炒飯$42好夠鑊氣又好夠味，飯又多餸又多，每啖入口都好充實好豐富串燒$35/2串（豬＋雞）呢個串燒真係大大推，超好食大大串，雞肉好嫩滑，好juicy，一d都唔乾，個沙嗲醬充滿花生香及椰香，完美之作豬係豬頸肉黎，非常爽口，一樣咁芒果糯米飯$68芒果酸了一點，中和返椰汁既甜也剛好，糯米飯軟綿香滑整體好滿意，好食得黎又抵食

下午嗰陣想搵泰國菜食，見附近就有公車泰國餐廳，都幾多人食就過嚟試吓泰式串燒呢個簡直係超厚串，啖啖肉，沙嗲雞翼都好正，仲要俾咗勁多沙嗲，食唔停黃咖喱牛肉鍾意佢唔太辣，好易入口，牛肉都好林，加埋菠蘿好清新嘅感覺炒金邊粉佢個金邊粉蕃茄味好濃，我出面都未試過咁勁嘅蕃茄味，酸酸地好開胃，最緊要係超足料基本上去泰國餐廳我都一定嗌泰式飲品，珍多冰一定唔少得，泰國奶茶都係必選同埋佢坐嘅位好舒服，夠晒大，唔怪之得咁多人幫襯

平日嚟到元朗國探朋友，唔知食乜好然後朋友推薦試吓呢間泰國菜，估唔到好有驚喜。肉碎生菜包肉碎炒得好香，香料味亦好足，生菜都俾咗好多塊，食晒d 菜之後老細好主動問我哋要唔要加多啲生菜，我食唔想食得太飽所以冇要到泰式火車炒飯見到Menu呢個係推介就叫咗黎試吓，雞肉好大塊，火候亦都好夠，朋友兩三下已經將成碟炒飯食晒泰式咖喱大頭蝦啲大頭蝦成隻手掌咁大，成個頭都係蝦膏，蝦肉又超彈牙，咖喱汁都好好食，專登叫咗個蒜蓉包黎點汁食埋佢珍多冰&青檸梳打去泰國餐廳基本一定要點嘅飲品，真多冰椰汁味好夠，青檸梳打亦都好refreshing

今日在元朗工作，經過西菁街附近，順便在這裡吃晚飯。西菁街食店選擇很多，見<公車泰國餐廳>門面光亮， 便不再猶豫。餐廳內座位闊落，還有綠色植物作座位間格，有園林feel，很舒適。點了半隻泰式海南雞，份量很足，98元很可以啊!雞肉是全熟的，但入口依然軟嫩，雞皮爽口，皮下一層雞汁凝結成啫喱狀; 還有原粒脆口花生伴碟。附上泰式醬汁，酸酸辣辣的，很刺激味蕾。青咖喱牛肉，牛肉很鬆軟，青咖喱味濃，少少辣。除了有很多片牛肉外，還有豆角，青豆，紅椒等配菜，配白飯應該一流。(我已點了炒飯，所以沒再點白飯)泰式火車炒飯，炒飯中有 雞肉，切粒芥蘭，蛋，蕃茄肉，飯粒不濕不黏，乾爽不太油膩，我最愛。今晚餸菜較濃味，這杯咸檸梳打正好，清熱，解辣。