公車泰國餐廳

營業中

休息中

呢間公車泰國餐廳我覺得係少有元朗市中心性價比幾高嘅泰國餐廳，款式多之餘味道都唔差。泰式炒金邊粉有平價版同貴價版，分別在於有蝦同冇蝦嘅分別（呢個都係店員講我先知），我諗味道兩者應該相差不大，而價格就相差$30 。泰式炒粉絲調味調得唔錯，而材料亦都好多，炒亦唔會炒得一PAT PAT。沙嗲串燒我就叫左豬同雞，相比之下雞肉比較嫩滑我個人就覺得比較好，而沙嗲汁濃而不辣亦非常岩我口味。蝦餅春卷雙併兩樣都係新鮮炸起熱辣辣，蝦餅肉質彈牙唔錯。香茅冰甜度好足，岩晒鐘意甜野嘅我。泰式奶茶顏色睇同聞都同港式奶茶有出入，朋友飲完都話覺得幾好味。