今次去元朗公車泰國餐廳，主打貼地實在啲泰菜，價錢親民之餘選擇夠多，啱晒朋友拍拖放工輕鬆食一餐☺️ 二人套餐$338份量好夠，兩個人食得啱啱好又有驚喜，加埋店內氣氛舒服，坐得鬆動，成晚都食得開心滿足😋先來木瓜沙律開胃，清清爽爽一拌就好醒神，做前菜一流，慢慢食慢慢傾都唔怕膩呢🥗。跟住係泰式豬頸肉，份量實在，係套餐入面嘅人氣之選🤤原本想試泰式炒蜆，不過餐廳話今日冇晒，貼心即時轉咗咖喱海鮮，入面有蝦、有魷魚同青口，換得啱位又豐富，抵讚👏冬陰功海鮮湯都包埋，夠晒熱辣惹味，湯料齊全，飲一啖就暖笠笠，兩碗白飯就啱啱好襯返，啖啖滿足🍲飲品方面有青檸冰同香茅冰，冰涼清新，食完辣辣地嚟一口，瞬間解膩又醒胃，配搭周到🧊最吸引係一蚊加購優惠，冬蔭醬燒骨或者泰式海南雞半隻二揀一，我哋就揀咗半隻泰式海南雞，份量豐富，食落更覺得套餐性價比高👍除咗套餐，我哋仲另外加咗泰式菠蘿炒飯、蒜蓉炒芥蘭同細嘅小食拼盤📸。菠蘿炒飯粒粒分明，夠晒吸引，一上枱就已經有滿滿泰式氣息，岩哂happy share🍍。蒜蓉炒芥蘭清爽爽脆，齊整又見心機，成餐有菜有飯有湯，均衡得嚟唔失滋味🥦小食拼盤就好有驚喜，集合串燒、蝦片、魚餅、蝦餅同春卷，細份但款式齊，啱哂邊傾計邊夾住慢慢試，超級豐富又滿足🤩 如果人多少少，其實仲有泰式四人餐$598，餐點會升級之餘，都可以用$1加購冬蔭醬燒骨或者泰式海南雞一隻，影餐牌就搞掂，幾班朋友分攤就更抵食🧡呢度真係高質抵食，想搵元朗泰菜據點，呢間值得收藏✅…查看更多
