公車泰國餐廳

營業中

休息中

原來西菁街呢到開咗間泰菜估唔到晚市都幾多人 餐廳都係卡位 Menu好多選擇 全部都係地道泰國菜式泰式燒豬頸肉 $88豬頸肉厚薄適中 燒得外皮略脆 肉質嫩而爽口配上自家製醬汁 酸中帶小小辣 夠哂惹味泰式小食拼盤(細) $128好豐富嘅炸物拼盤 炸蝦餅、炸魚餅彈牙 魚餅好重香草味炸春卷酥脆 裏面有粉絲及雜菜 口感豐富串燒沙嗲雞肉 沙嗲香濃 重奶香及花生香炸蝦片大大塊 脆卜卜帶少少咸味炸物配上泰式甜酸醬一流泰式乾炒牛河 $78加上蛋 雜菜 牛肉 河粉炒至乾身 夠鑊氣亦唔太油膩泰式凍奶茶 $18好好飲👍🏻👍🏻 甜度適中 濃香茶香好快飲完又再叫多杯😋😋😋😋

今日經過元朗梗係搵好西食啦，經過一間泰國菜又大又環境乾淨又坐得舒服就入去試試，睇餐牌價錢又好合理前菜嗌咗酸辣鳳爪沙律，鳳爪好爽口同好入味，d汁唔會太酸太辣，係一個好好嘅前菜10分開胃。主菜我哋嗌左青咖喱雞，燒豬頸肉同泰式炒通菜青咖喱既椰汁將好香 雞肉好滑配個白飯真係好開胃。燒豬頸肉個邊好香脆d肉又煮到剛剛好林，再配上燒豬頸肉既汁令到更有泰國風味最後嘅泰式炒通菜，炒得好香口，小小辣辣地嗌一碗白飯都真係唔夠，好好食，上菜又快手見隔離枱嗌冬陰功湯都好似好正，但我已飽到上心口，下次一定再返黎試其他野

係元朗搵野食 見到呢間全部好評心諗有冇咁犀利？抱住期望入來一試 結果好失望-同朋友兩人食叫左幾樣野 埋單390-泰式海蜇 $88未試過 已經上網睇定圖 知道賣相望落奇怪都諗住試下 點知.. 口感似鼻涕 又咬唔斷一啲都唔爽 可能泰式海蜇係咁？我見識少味道係ok 偏酸同辣-生菜包 $88正常份量 味道正常覺得啲肉過濕 有少少一pet野咁-金邊粉 $88正常味道 蝦算新鮮-雞翼 $22/啲醬有啲鹹 燒得一般-青檸茶同青檸梳打係今餐最好味-唯一好處 晚飯時間可以任坐食完真心唔明點解全部好評…..

難得係茜菁街泊到錶位，梗係喺附近搵吓食，叫左午餐menu 上既泰式豬手飯，肉質軟腍，醬汁多翻啲會更好，豬手皮唔會太肥膩，配飯食一流。比較重口味嘅話，旁邊有啲泰式辣椒粉可加。夏日炎炎，椰青唔少得，清熱解渴，肉多而且甜。青咖喱味道偏淡，少少辣，內有泰式茄子和各種配料，另外叫咗個薄餅配青咖喱汁食，烤得好好，外皮酥脆，有啲似以前係許留山食開果隻。最後必叫椰菜苗，每次去食泰菜一定要食，係泰式果種做法先好食，外國果種Brussels sprouts做法反而本人不太愛。

星期日大清早在家中大掃除後，揸車出元朗睇下有無特別的餐廳，剛好在西菁街有間門口好吸晴的泰國餐廳，又好似好耐無食過泰國菜，就想也沒想就走進去了。好有泰國風味的泰國餐廳，連植物都擺到十足泰國，加上泰國旗同泰文的背景，令人非常有種置身於泰國的日子首先來到的是新鮮熱辣的炸蝦餅：新鮮不油膩，而且炸得非常鬆脆，值得一試必試之大頭蝦冬蔭公湯：有手掌大隻的大頭蝦，湯很鮮同惹味，夠哂濃味，是我最愛味道，最特別的是配上舊式炭火爐，畢竟這麼大碗慢慢渴也不怕很快涼香葉辣肉噲飯：辣椒同肉碎難得炒得均勻有火喉，配上一隻很有特色的小碟別有一番風味呢碟沙嗲豬同雞都十分之大份，加上好入味的沙嗲醬，如果唔係身邊那位制止都可能引不到要多一碟，太好食了總括來說：是一間環境十分有泰國風味的餐廳，而且食物都是大件抵食之選。另外一提大家可以等下午茶時間這來吃，因為會有好多平靚正的餐點

到元朗逛街，午膳也在元朗新張不久的「公車泰國餐廳」。 椰青、珍多冰讓我們消消暑氣！先嘗小食：串燒和牛配蒜蓉包，和牛與醬汁味道很配合，蒜蓉包的蒜蓉包舖得滿滿，吃得滿口腔蒜香。另一款小食泰式炸蝦餅非常美味可口，有鮮蝦肉味又彈牙，十分推介！除了三款小食，還點選兩款下午茶：泰式濕炒牛河、泰式豬頸肉湯河。我喜歡吃泰式濕炒牛河，河粉大大片的往嘴巴送是很有滿足感，而且會有很多蔬菜又不油膩。泰式豬頸肉湯河，豬頸肉燒得有少少焦香，外脆肉滑，泰式湯底有香茅香味，我蠻喜歡的。兩款下午茶河粉份量不少，我們吃得飽飽後，繼續逛街散步幫助消化。

元朗的泰國餐廳都幾多，星期日中午最啱就係去試吓啲新嘢，依一間泰國餐廳大約5月新開業，見佢裝修幾靚仔，今日入去試一試啲嘢食。餐廳裝修得幾靚，都有泰國feel，有明顯係新裝修，所有嘢都好新淨，午餐時間12pm，都坐滿8成，但都不用等位。店員安排卡位俾我坐，坐位寬敞。今日只係簡簡單單嗌咗兩個午餐，一個係豬手飯，一個係泰式蝦醬炒飯。先講下豬手飯，都幾足份量，豬手件數也多，味道幾好，而家食物夠熱，只係我自己覺得啲汁太多。跟住講下泰式蝦醬炒飯，幾香口，食材豐富，可惜要等成25分鐘但仲要啲飯唔夠熱。希望下次安排可以好啲。午餐加$3有泰式特飲，讚。青檸冰偏酸，青檸茶好好味。總結：$60一個午餐有裝修，坐得舒服，午餐份量足夠，特飲又好飲。性價比極高。

好友新屋入夥，大伙兒今晚決定去她家作客，由於時間尚早，一於跟好友提早在附近先吃午餐再到附近買定酒水，上去好好玩返晚。好友提議不如吃泰國菜，夏天最愛吃泰國菜，特別開胃。椰汁冰本身打算叫椰青消消暑，點知未夠三點已經賣晒，超傷心💔，不過好在椰汁冰都非常消暑解渴，而且椰子味香濃，飲完成個人舒服😌菠蘿冰菠蘿冰清涼透心，加上打碎了的菠蘿肉放便用吸管吸啜，超貼心呢！泰式紅咖喱雞紅咖喱味道不算太辣，有陣陣椰汁香氣，雞肉鮮嫩可口，如果可以再辣一點應該會更好。蒜蓉包配上咖喱簡直絕配，烤到香脆內軟，蒜蓉味香濃，沾上咖喱汁，令人食指大動。泰式火車炒飯入口香口惹味，材料豐富，有雞肉、蛋、芥蘭頭、蕃茄等等，炒飯粒粒分明，乾爽不油膩，而且鮮味十足。泰式乾炒牛肉河一向最愛泰式濶身河粉，米香味俱全，入口滑溜，加上醬油、牛肉炒勻，香口又充滿蛋香，鑊氣十足。冬陰大頭蝦湯酸辣度兩者之間平衡得恰到好處，湯頭酸酸辣辣，刺激味蕾，大頭蝦蝦肉鮮甜爽彈，而且份量十足。

朋友介紹我去元朗一間地道又抵食嘅泰國餐廳，鍾意食泰菜又鍾意試新野嘅我，梗係要去試一試。試咗以下幾款菜式，樣樣都好食，果然冇介紹錯！泰式酸辣鳳爪沙律鳳爪嘅量都幾多，menu寫住係微辣，果然唔太辣，我比較喜歡重口味，如果更酸更辣就正啦！乾炒香葉辣椒肉碎河一見呢個河粉係闊身嘅泰式河粉就知道正宗炒得好有鑊氣，又唔會太油膩，好好食！海南雞飯油飯味道香濃豐富，雞肉嫩滑有肉汁，有雞翼雞髀雞胸，樣樣都有啲，非常之好。泰式小食拼盤（細）小食拼盤樣樣都好好食，尤其係魚餅，裏面有好多泰式香料，味道非常地道。仲有串燒都好好食，沙嗲醬惹味，雞肉同豬肉都大大塊，唔會燒得太乾，keep到juicy。泰式珍多冰椰奶味好重，口感creamy，透心涼。泰式青檸梳打泰式嘅玻璃樽梳打水，配上青檸，清新解暑。

今日同女朋友黎到元朗食泰國菜，簡左呢間公車泰國餐廳，一入去到就覺好光孟，好闊落，環境好好侍應服務都好好。我地嗌左一個沙嗲串燒，一豬一雞，2串都好味，唔會鞋口，唔會燒到好乾。沙嗲醬好好味，有大大粒既花生粒，好有咬口另外嗌左一個香矛豬扒河粉，香矛豬扒好好味，大大舊，嫩口蒜蓉包份量超多，一份有六塊厚厚既蒜蓉包，食到好飽仲有酸辣鳳爪，都係一樣份量好多，好好味道，唔會太辣呢間元朗既泰國餐廳都幾高質，地方大得黎又可以慢慢坐，食物質素都好好

早一星期訂了今日(8月14日)8:30,7位8:30準時到達，全場爆滿職員有禮貌請我們等等👍🏻10分鐘有枱環境坐位舒適👍🏻食物質素中上✅價錢超乎想像👉🏻平😍❌上菜次序需要調整下先上飯，後上湯，最後才上沙律😅❌冷氣差少少，有待改善6⭐️滿分服務⭐️⭐️⭐️⭐️⭐️價錢⭐️⭐️⭐️⭐️⭐️⭐️環境⭐️⭐️⭐️⭐️食物⭐️⭐️⭐️⭐️⭐️地點⭐️⭐️⭐️⭐整潔⭐️⭐️⭐️⭐️⭐️回頭⭐️⭐️⭐️⭐️⭐️⭐️7個人埋單$1,417-適合三五知己聚會但每人$200-又有咁嘅質素🎊值得推介🎊(以上內容只供參考)

公車泰國餐廳位於元朗美食集中地，最緊要有大玻璃，可以從店內觀察到外面的交通情況，因此我今日都想試一試這間餐廳的質素。泰式豬手飯（$58）是日靚午的海南雞已經售蟿，不過豬手飯六是不錯的選擇。除了有層次分明的豬手，咸酸菜和肉碎做伴碟。豬手入味夠淋，層皮都可以輕易用匙羹𠝹開，而咸酸菜和肉碎上碟前都炒過，不會太咸或太酸，味道一流。泰式炒金邊粉（$58）炒金邊粉味道不錯，配合蝦乾，有獲氣。黃咖喱配牛肉（$88）三種咖喱中只有青咖喱帶一點辣，紅咖喱、黃咖喱都不辣。而黃咖喱的椰奶味重，而且份量十足，是合家歡之選。牛肉味道不俗，但下次應該會試試青咖喱雞肉。泰式海蜇（$88）泰式海蜇比茶樓海蜇更為大片更嫩，配合酸酸甜甜的泰式汁醬，十分新鮮。泰式青檸茶 泰式啡噢靚 （+$2）甜甜的青檸茶和齋啡，東南亞的口味。

好耐冇落元朗千色行街，行完街我地去千色後面西菁街搵食。我同朋友都好耐冇食泰國菜，我地就去左公車泰國餐廳食晚飯。餐廳光猛企理，以卡位為主，座位寬敞，坐得舒服。蒜蓉包-有5件，蒜蓉包口感軟熟，我喜歡如果再脆一點會更好，每件蒜蓉包都有勁多蒜蓉，蒜味勁香濃。泰式小食拼盤-有泰式蝦片、兩串串燒、雜菜粉絲春卷、泰式炸魚餅。炸蝦片炸得非常香口，另外魚餅食落幾特別有冬陰公味道，串燒肉質軟腍，串燒配搭沙嗲醬，無得輸。泰式肉碎生菜包-新鮮生菜洗得夠乾淨，肉碎炒得乾身，酸中帶辣，清爽可口的生菜包著香辣惹味的肉碎一齊食，口感清新又開胃，而且還中和了油膩感，如果生菜不夠亦可以添加泰式蝦醬炒飯-用上蝦醬炒飯，炒飯炒得粒粒分明，火喉十足，每食一啖都食到鹹香味。冬陰大頭蝦湯-好大兜，足夠3-4人份量，湯的材料非常豐富，有菇菌、海鮮和大量香料，好足料，裡面亦有好大隻大頭蝦，辣味中帶點酸味，絕對令人胃口大開。紅豆冰&珍多冰用椰奶製成的紅豆冰，椰味香濃，甜度適中

元朗千色附近逛街, 走著走著, 突然想吃泰國野, 於是便前來上openrice呢個偉大的食家平臺一查, 便搜到了這間泰國食店.門口2樽泰國佛的擺設, 別有一番味道. 進店茶餐廳的格局,如果裝修得幽暗像泰國食府的味道會更好. 泰式美食,海南雞,生蝦,冬蔭公這是是必不可少. 我們一行3人點了半隻海南雞, 雞蒸得剛好  夠嫩滑, 肥美.配以雞醬能特出雞的鮮味.而生蝦, 大大隻的虎蝦,共六隻, 肉色晶瑩剔透, 咬下去十分爽口彈牙,顯得額外新鮮. 配以蒜片及辣椒,再加上綠色的醬汁,能減輕蝦的腥味且仍能保留蝦的鮮甜味;滋味無窮.泰國菜,冬蔭公大蝦湯是我最喜愛的其中一道菜.大蝦,肉厚, 吸收冬蔭公的精華, 為蝦肉的味道增添多一份味感.蝦頭,蝦糕豐富, 冬蔭公湯味濃及帶點兒酸辣,十分醒胃.飲冬蔭公湯, 飯是少不了, 我點了一客火車炒飯,炒飯金黃色, 以菜粒,肉碎,雞蛋相伴炒,十分香口;若配以冬蔭公湯,減輕冬蔭公的鹹味之餘也能為炒飯增添多一份味感.泰國菜, 以多重味感見稱, 一餐能吃足甜酸苦辣, 可是十分滿足.

今晚剛好走到元朗吃晚飯，口痕痕想食泰國菜，選擇了一家泰菜餐廳吃。「公車泰國餐廳」裝潢新淨，空間超大，餐廳內設有舒適卡位，整體環境都予人舒適悠閒，不會太侷促。泰式生蝦吃生蝦非常喜歡生蝦的口感及泰式醬汁了，生蝦刺身新鮮，蝦肉起膠，口感爽彈，配上泰式的醬汁，辣辣地好開胃。泰式炒金邊粉 每次食泰國菜必叫，每一條金邊粉都炒至橙黃色的，配上3隻大大隻鮮蝦，賣相非常豐富，好足料。馬拉盞炒芥蘭這個馬拉盞蝦醬本身不會太辣，適合大部人口味，也十分惹味。芥蘭口感超爽，而且不會太多渣，吃過不停！三色冰必叫的泰式飲品!! 椰漿香甜，是最近的消暑良伴。整體來講，價錢相對便宜，上菜也很快，食物質素都很不錯！