公車泰國餐廳

營業中

休息中

心血來潮入元朗逛街食晚飯﹐教育路西菁街是元朗食街之一﹐有一間燈火光明的公車泰國餐廳吸引了我們﹐抱著不妨嚐嚐﹐餐廳內食客也不少﹐店內主要以2人及4人卡位為主﹐可能要配合限聚令關係﹐店內中心有一個大電視不停播放餐廳內食物的介紹﹐非常吸引增加不少食慾﹐很多菜式也想嘗試﹐可惜只有老公和我2人﹐可嘗的款式不多﹐只能選了泰式生蝦、馬拉盞炒通菜、泰式濕炒冬蔭河和肉碎生菜包這幾款。泰式生蝦一碟有7大隻﹐入口爽甜新鮮配上秘制海鮮汁一定能滿足到喜愛食生蝦的人﹐馬拉盞炒通菜微辣帶濕濕地好惹味, 泰式濕炒冬蔭公河夠 juicy﹐河粉又滑﹐肉碎生菜包帶微酸辣酗配上爽口生菜令口感一點都不會有肥膩感覺。而這間份量都比一般泰國餐館多﹐因此我倆最終要剩餘的泰式濕炒冬蔭公河打包。

好掛住泰國呀不過好彩香港食泰菜都好高質，可以解下鄉愁今晚一家三口食泰菜無book枱等左一陣入得有卡位坐，而且環境唔會太逼餐牌上嘅lunch同tea set都好吸引下次可以黎食店員推介左今日嘅前菜係泰式海哲頭見佢誠意推介就試下啦飲番杯青檸梳打先 大大杯夠解渴個泰式海蜇頭一上枱，嘩！勁大碟個汁係似生蝦嘅汁，酸度比較高辣味較少好惹味，不過我就覺得大舊左少少如果細舊d會比較容易咬每次食泰菜必點燒豬頸肉呢度份量夠多又燒得好味一d都唔乾個汁都好夾，我哋三兩下清左串燒可以一串串叫，唔一定一叫叫半打和牛串賣晒，叫左豬同雞串同雞翼雞肉串最好食熱辣辣又滑滑 沙嗲汁比得好大方炒飯叫左呢個火車頭炒飯入面有雞肉同蔬菜粒炒得粒粒分明，我仔食左一大碗食泰菜一定要叫咖哩點左個黃咖哩牛肉，以為係牛腩原來係牛肉片 不過佢唔鞋口夠滑入面仲有蔬菜同炸過嘅薯仔，好香口叫咖哩主要係點蒜茸包蒜蓉包好脆口又夠蒜茸 正！因為太耐無飲冬蔭公湯喇又見到隔離枱個大頭蝦冬蔭公湯好吸引果然無失望我唔食得太辣點左少辣，酸度同辣度都啱啱好隻大頭蝦好大大大隻呀而且爆膏同埋肉質爽脆夠新鮮值得推薦總括服務態度好 食物上菜快 環境舒服下次會再嚟

以後食泰國菜唔使去到九龍城，元朗都有一間地道又抵食嘅泰菜餐廳！今日無意中喺元朗發掘到一間高質泰國菜，價錢又大眾化，非常推介泰式炒金邊粉呢個橙紅色嘅炒金邊粉，真係同我喺泰國旅行時食到嘅味道好相似，酸酸甜甜味道好好海南雞飯油飯調味得非常好，配上脆片，多一分口感。雞亦都非常出色，有雞胸肉，又有雞髀肉，配上醬汁，好好味！串燒 豬+雞串燒係大大串，比較鍾意食雞肉，雞肉比較嫩滑同juicy。沙嗲醬好香好好食，而且分量毫不吝嗇。椒鹽鮮海蝦非常香口，幾乎連殼都可以食埋。蝦肉亦好厚實，共有六大隻，價錢都OK。泰式香茅雞全翼雞翼啱啱烤好，熱辣辣，香噴噴，配上美味沙嗲醬，好好食！泰式椰汁燕窩比較少見嘅泰式甜品，所以試一試。可能泰式嘅甜品都係偏甜，呢個對我來講甜咗啲。泰式香茅茶泰式青檸茶

朋友說千色店附近開了一間泰國餐廳，午市食客相當多，相信水準也不俗，提議到那裡用餐~甫到餐廳大約2pm，最繁忙的午市剛過去，可以坐到舒適的卡座. 餐廳以清新的綠色為主調，全間餐廳大部份餐廳都是卡座，座位濶落舒適. 原來餐廳2pm已開始供應下午茶餐，店員姐姐好好客，向我們表示雖然茶餐食物寫着Q版炒飯/ 炒河，但份量與午餐是一樣的，只是價格更為相宜~泰式火車炒飯 (下午茶餐) (奉送熱飲，也可加$轉配特飲) ($42)炒飯即叫即炒，熱辣辣，相當吸引~ 內裡有番茄、雞蛋、菜粒配雞肉等，材料豐富又美味! 泰式炒金邊粉 (下午茶餐) (奉送熱飲，也可加$轉配特飲) ($42)同樣是即炒的金邊粉，份量也是相當多. 櫻花蝦乾配以雞肉及香口花生混和的金邊粉，香口惹味，略嫌金邊粉偏硬身，如果軟身一點更為好吃~泰式小食拼盤 ($128)下單後店員說蝦餅剛好缺貨，可改為魚餅/ 春卷，我們選擇了前者. 小食拼盤包括: 炸魚餅、春卷、雞肉串燒及炸蝦片. 炸魚餅相當厚身大件，內裡有香茅且相當彈牙; 春卷以蔬菜為主，香口惹味; 雞肉串燒相當嫩滑，配上沙嗲汁更錦上添花; 炸蝦片香口亦不油膩，我們全部吃清光，哈哈! 馬拉

今天難得嚟到元朗 突然間很想吃泰國嘢 就來到這間泰國餐廳 有別於一般的泰國餐廳裝修這裏的格局比較新穎 環境開揚 坐得比較舒服夏日炎炎首先來兩杯凍飲分別是龍眼冰給椰汁冰 龍眼冰非常多龍眼肉 而且不是很甜 非常消暑 椰汁冰則比較甜 如果少甜就更好再來就是招牌的公車炒飯火侯十足用料充足 味道更加是良好他是屬於濕炒飯那類 吃來不會好乾 很有泰國風味去到泰國餐館必點的就是炒金邊粉 這間的炒金邊粉亦非常不錯 能吃得出是即炒 鑊氣夠 沒有太多的配料但味道出色 很滿意另外還叫了小食拼盤 串燒稍為乾了一點 但其他都很不錯包括蝦餅魚餅另外還有蝦片 總括嚟講是非常豐盛的一餐

元朗出名多嘢食 咩國家嘅嘢食都有 今日同朋友揀咗食泰菜"公車泰國餐廳"流心榴槤炸彈 一定要試下 因為全元朗僅限此店出售 榴槤波波即叫即炸 外皮香脆 中間軟糯 煙煙靭靭 幾好拗口 食到裏面是香濃的榴槤蓉 一粒波波球有多重口感明爐烏頭 星期一做特價所以試一試 價錢好似差唔多平一半 但係條魚嘅size完全冇縮水 超巨型 啖啖肉 鮮甜又美味 爐火在底下不停加熱 極具風味 而且可以減低魚腥味 最鍾意食熱辣辣嘅嘢泰式生菜包 肉碎炒得夠乾身 肥瘦均稱 而且很香口 食得出加咗檸檬葉在內 香味很突出 感覺清新 生菜新鮮爽脆清甜 整體非常高質素無骨海南雞飯 雞飯充滿雞油香味 雖然邪惡但飯很香 飯粒粒粒分明 帶有米香海南雞已經去骨 啖啖肉 雞件沒有多餘脂肪 雞皮很爽脆 雞皮和雞肉之間有一層啫喱是雞的骨膠原 雞肉緊緊熟 所以肉質很嫩食泰國菜不能沒有象啤 邊食邊飲 很爽

放假和男友到元朗逛街，晚餐也在元朗食。我們二人都喜歡食泰國菜，於是上網找找元朗有什麽泰國餐廳，發現最近是這一間而且評論也不錯的，所以就決定食這一間啦。泰式炒金邊粉金邊粉呈好看的橙紅色，剛炒好，所以熱氣騰騰。材料十分豐富：有鮮蝦，櫻花蝦，炒蛋，雞肉，豆芽等等。將材料拌勻後進食，每一口都酸甜中帶有鮮味，因為加入了不少櫻花蝦。如果再滴幾滴青檸汁，就增加了味道的層次，更為清新。泰式豬手豬手厚身多肉，煮得很軟腍，淋上鹹香的滷水醬汁，賣相吸引。和酸菜一齊食，味道很夾。黃咖喱配牛肉黃咖喱顏色鮮艷，質感濃稠。一上枱就覺得份量很多，牛肉有十多塊，蔬菜有洋蔥，青紅椒，甘筍和薯仔，營養均衡。味道濃郁，有椰奶的香滑，亦有咖喱的辣味。餐飲點了青檸冰和泰式奶茶。青檸冰酸味突出。泰式奶茶就像出名的泰國手標奶茶般，甜又帶有茶香，不苦澀，我很喜歡。

元朗周圍都係小店，新開左呢間泰國餐廳，見似坐得幾舒服咁，就入咗去。第一樣叫咗男朋友最鍾意嘅豬頸肉，豬頸肉呢用咗香茅醃製，所以食嘅時候特別香，而且個邊邊烤得焦香，個汁都唔錯，不過唔點汁都好食。馬拉盞通菜 就偏濕身少少，辣度係微辣，所以都岩大人細佬食。泰式火車炒飯 炒得唔油膩而且都幾香嘅，如果雞肉多少少調味呢會完美，但係因為整體個炒飯調味都幾惹味泰式檸茶就用青檸去代替檸檬，冇檸檬嘅苦澀味，而且茶底係用泰茶底，所以特別香濃。

泰國菜係其中一種我非常喜歡食的菜式，但在香港要找到地道口味的泰國菜非常少，所以我跟網上社交媒體推介來到這間店舖試一試，但係體驗一般。整體菜式味道還可以，但是有一個致命的缺點就是太過遷就香港人的口味，酸味不夠酸，辣味不夠辣，還有就是地道口味的泰國菜會添加很多種不同的香料味道層次豐富，但這裏的菜色味道比較單一，整體只是感覺到酸酸甜甜辣辣的感覺，但在香港要找到地道風味的泰國菜已經越來越少，總體而言，價錢合理，但沒有泰國風味

新開咗公車泰國菜館， 一路都想嚟試下，環境好有泰國feel😛地方好大 環境乾淨、企理！附近仲有得偷雞泊車添😝😝星期一至五都會有特價菜式👍 今晚是 我最愛嘅海南雞雞好嫩，份量大$78真係超值雖然少少肥， 但雞皮都好爽 醬汁非常惹味 ，雞肉仲好嫩滑添！炒飯香口，燶邊雞蛋 🥚正呀🥰叫番幾串串燒，飲泰國啤酒先🥳🥳燒和牛串，火候剛剛好，外焦內嫩😌燒雞串和燒豬串 較大串，加上自家製嘅bbq汁非常惹味😎😎用嚟送啤酒真係一流食埋個 芒果 糯米飯就更加有泰國feel 芒果夠清甜🤩人頭百五蚊左右食飽飽🤪🤪食物都算正宗 而且仲好抵食添

假日約了同學在附近吃下午茶，聽說這間泰國餐廳份量多又便宜，所以這次我們來嚐嚐。店內座位充足，沿窗邊也有不少卡位，下午兩時正仍坐滿了人，至三時才有比較多座位空出。餐廳最遠處可看到大量泰文，令人略感受到泰式風情。先點泰式海蜇($88)，厚身海蜇煙韌度如啫喱，澆上微酸的汁，在夏天吃特別開胃。這款汁同樣可與撈檬攪拌，比原先撈檬的汁更惹味。下午茶餐香茅豬扒撈檬($45)，即點即製的炸豬扒比炒飯的等候時間略長。撈檬汁足夠，店員會同時遞上酸甜汁，可隨喜好添加，吃前把檬粉與汁攪拌，香脆豬扒煙韌，面層是香脆口感，內裏則嚐到豬扒肉的纖維。泰式火車炒飯($42)是我倆最喜歡的茶餐，份量與平時外面吃到午餐一樣。以一個泰式風味的碗碟盛上，吃下去時，炒飯的香氣會在口中散發，鑊氣足。茶餐附飲品，我們轉了椰青(下午茶+$25)。椰青比一般嚐到的大，汁也比一般的甜，而且因為是大椰青，椰水也比較多。喝完椰水，還可刮出當中的椰肉，內部的椰肉比較鮮嫩，又帶點啫喱嚼感。另外點了兩個甜品，凍泰式鮮奶燉燕窩($68)，以燉壼盛着，少量燕窩碎沉低。主要喝鮮奶，喝到底才會嚐到少量燕窩。凍泰式椰汁燉燕窩($68)，同樣是以椰汁為主，椰汁

之前屋企人同我慶祝生日，嚟佐元朗新開既呢間泰國菜試下😍 5個人人多好嗌餸，可以咩都試下👍🏻 覺得佢啲擺盤顔色都幾靚，勁吸引人食☺️🔸泰式生蝦 $108第一味黎既餸係我至愛既生蝦😍 比起出面其他地方食既生蝦，佢大隻厚身好多，而且好新鮮，推薦！🔸冬蔭海鮮湯 $108足夠每人飲一碗，可惜冇火慶住個爐，所以好快會凍晒，個湯小小辣偏酸啲！🔸蒜茸炒通菜 $78媽咪唔食得辣，所以今次嗌佐蒜茸炒，炒得幾靚幾香蒜味，通菜都勁快比我地清晒🤣🔸泰式炸蝦餅拼炸春卷 $78佢個炸春卷超出色，而且係即炸起熱辣辣超好食👍🏻 🔸泰式豬手 例牌 $88其實份量都算幾多，真係舊舊都啖啖肉，而且整得非常淋同入味，佢個汁係酸梅炆酸酸甜甜超好食🥳 伴碟有埋滷水蛋同酸菜，正！🔸泰式菠蘿炒飯 $128超多肉鬆好香口，入面真係有好多大粒新鮮菠蘿，好甜超足料！🔸古法烤焗槽魚 &168呢個係我本餐最推介‼️落單店員話呢個需要啲時間整要等，所以最後先上呢道菜！上菜店員會幫我地起佐錫紙，見住啲煙湧出黎啲魚質好光滑🤩 食落去係超滑溜，點埋個泰式辣汁，完美！好少食到咁好食既槽魚！👍🏻🔸泰式生蝦 $108最後餐廳仲有椰汁西米糕甜品送😉 好滿足碟碟清既

元朗泰國菜有很多選擇，這間剛開了幾個月，平日晚上7 時不用等，7.30pm 後都有少許滿座。裝修以綠色、簡約風格為主，多數2 人、4 人卡位。電視不停播著推介食物。價錢大眾化，每日都有一款優惠菜，職員說優惠每2 星期更新一次，保持新鮮感。生蝦$108 超新鮮肥美，夾住蒜片，配綠色辣汁，非常juicy!冬陰功大蝦湯，辣味不會搶過酸味，大蝦爽口彈牙，新鮮大隻，蝦膏澎拜，值得推介。和牛粒不會過熟，味道不錯。馬拉盞炒芥蘭，醬汁非常野味，芥蘭幼嫩，少許辣！燒豬頸肉，又香口又大塊，不會乾，燒得恰到好處，上面灑上花生碎，突出口感。職員有禮，服務態度好，會幫忙換碟，推介特色飲品。

泰式乾炒豬頸肉河，泰式乾炒牛肉河，泰式炒粉絲，泰式香葉辣椒肉碎燴飯，雞絲撈㩚幾值得食。馬拉盞通菜肉片配飯反而不值得推介， 十分難食。環境舒服，可以朋友享受美食傾計的好地方

好多人都讚呢間好抵食！咁啱係元朗收工！就黎試下啦大約7:30去到 無乜人！兩個人都俾四人枱！坐得幾舒服Menu都幾多選擇！花多眼亂我哋叫左個馬拉盞炒通菜份量超多仲好好食！又唔會過辣仲叫左個春卷炸蝦餅拼盤個蝦餅超脆！食泰菜當然要食濕炒河！呢到ge炒河係闊果隻河粉！雙眼發光份量又係勁多！食極都食唔完咁！雖然堂食ge人唔多！但佢好多外賣生意！好適合一家人食！因為太多選擇！乜都想食下！最後仲叫左個豬扒湯金邊粉！加15元轉做冬陰功湯底！😆佢個冬陰功湯底勁酸！又夠辣！都幾惹味個香茅豬扒又係勁多！真係誇張完全食唔哂飲品都唔錯！叫左個龍眼冰！好夠凍！又勁多龍眼肉椰青都夠甜！不過再凍d會好飲d整體上呢間泰菜非常抵食！好啱大班人黎食！店員態度幾好！不過呢到無得用信用卡付款架！留意啊