公和荳品廠

營業中

休息中

公和荳品店，深水埗這間更加是老店，家住附近所以由細食到大。豆腐每天早上新鮮製造，豆味又滑又濃，坊間不是太多食店可以相提並論. 裝修後，更加推陳出新，顧客的選擇越來越多，有口福了 😋

公和參寶($16)煎釀豆腐最好食，超有豆味。黃金魚腐雖然好薄，但口感唔錯，好有趙口。煎釀豆朴炸得偏硬，俾豆腐同魚腐比下去。我地既排序都係煎釀豆腐>黃金魚腐>煎釀豆朴。(個人口味S: 3.2/5)(個人口味E: 3.5/5)瑞士汁雞翼($10)$10有3隻雞翼真係好抵，仲要3隻雞翼好大隻，肉質煮到好腍唔鞋口，味道都唔錯。(個人口味S: 3.2/5)豆腐花(大碗)($12)豆腐花比普通更滑好食。(個人口味E: 3.5/5)豆漿(大杯)($10)我地都覺得好甜。(個人口味E: 3.5/5)整體食物都ok，唔係難食又唔係特別好食。勝在價錢相宜，都係抵食既小食。但係環境真係一般，但都未去到不能接受既程度。如果去開深水埗行，我諗我都會再幫襯，因為真係好抵食，特別係雞翼。

孩童時代住响深水埗，算係見證過香港最地道嘅街頭美食輝煌年代。傳統美食價廉物美，重質素，重口碑，全手工製造百分百嘅誠心誠意。鮮打魚蛋、脆皮燒鵝、缽仔糕、豆腐花。以前住响深水埗唐樓，夏天跟嫲嫲去樓下買餸，行到身水身汗，最鍾意食公和嘅凍豆腐花配冷凍豆漿，公和陪咗我屋企人四代人。佢樓底好高，即使冇冷氣都涼浸浸，地方小，座位唔多，而家租埋隔離鋪，堂食地方就多咗好多喇！公和係一間豆品店、賣豆腐、豆漿、豆卜、芽菜、腐乳。以前公和嘅豆漿，豆腐花嘅豆味好濃，特別係豆腐花有熱有凍，凍咗都唔嚡口，係夏天嘅消暑妙品！煎豆腐都好香脆，簡單醮上豉油，甜醬已經好好食。之後有炸豆卜，又香又脆，同樣出色！但好可惜，最呢十年嘅質素素真係愈來愈差，可能係材料唔同咗，或者製作人變咗啦！豆腐花嚡口，豆漿冇味，連衛生都差咗，張枱甜笠笠，服務就咪提啦！但價錢就愈來愈貴！係咪紅咗，有名氣咗就忘記初心呢！

今日嚟咗呢間以豆類食品而聞名的店。店外做門市生意會賣豆類製品，例如豆腐、豆卜、豆漿等等。店內就做食市生意，環境都算衛生。雖然坐位不多，但客人流動都算快，等左一陣就有位坐。叫左煎釀豆腐和黃金魚腐。油拿捏得剛剛好，不過太大油溢味。煎釀豆腐，就不過不失，味道有啲淡，配上酸辣醬就剛剛好。煎釀魚腐，我個人幾中意，好傑出，食落好脆口，但又唔會好油膩，調味做得好好，食落口，好好食☺️最後，當然要試一試呢到最出名的豆腐花啦！有大小和凍熱揀。叫咗熱豆腐花食，真係好好味。豆腐花熱辣辣，食落口好溫暖，仲好滑。而且本身加咗糖漿，所以一食味道已經剛剛好。如果想再食甜啲，可以令加紅糖😉

豆漿有甜度選擇，適合不同的人👍雖然已經係少糖，我仍然覺得佢既甜度可以再減啲。另外，豆漿夠新鮮亦夠凍，夏天岩哂用來解渴！😋..一盒總共有5件。記得裝修前食過一次，魚肉味好重，多汁，好好味的。但係今次再食番，感覺有少少失望☹️成件食落味道好淡，就算落左豉油仍然覺得無咩味道。比較好嘅係魚肉面煎得幾香口同埋豆腐夠軟滑。

未食過公和，你都吾好同人講你住係深水埗，公和真係陪住深水埗長大，而且普天豆腐，莫非公和；深水埗應該冇咩人冇買過公和的豆腐，曾經兩年前有間野想用平加大舊豆腐打贏公和，的確一開始係搶左好多客，但豆腐價格差距大極都係幾蚊，最後舌頭正常的街坊最後當然番番去公和，隔離間店都變左買其他野。📍冰凍豆腐花（$10）🔸豆味十足。🔸超級冰凍。🔸凍豆腐花而言非常滑。.備註：🔸如果想食滑的豆花，熱豆花就勁滑。🔸除左豆花、豆漿同豆腐賣，公和其中一樣名物係釀豆腐同釀豆卜。🔸隔離有間小分店賣埋炒麵炒米。🔸仲有可選冷熱的羅漢果水同薏米水足料吾甜，麵係$10.😋味道：8/10🙃回頭：9/10（食左廿幾年）💰消費：$10

我已經有好長一段日子沒有在 open rice 寫食評了。因為我發现所以被我大贊的酒店 buffet 餐廳要嘛是因為 cost cutting 的關係而品質下降，要嘛就是因為价錢便宜無法維持盈利而關閉。所以我現在決定只為小店面寫食評，好吃又便宜的餐廳就不公開了。今天要評價的是深水埗無人不知，無人不曉的煎釀豆腐鋪。在店鋪還沒有裝修之前，這裡的豆腐非常美味可口，而且价錢公道。裝修過後，雖然地方乾淨了，可是價錢也水漲船高。以前的豆卜會先浸在上湯裡面，讓豆卜吸滿湯汁才上桌，現在已經沒有這一個程序了。聽夥計話，顧客要求他們才會浸。我也發现鋪在豆卜和豆腐上面的魚肉獎也少了許多，所以再也吃不出魚肉的鮮。店裡除了賣煎釀三寶，也售賣其它小吃，如:炒麵，炒米粉，豬腳等等，這是以前沒有的。我當天叫咗煎釀三寶，炒米粉和凍凍豆漿，一共$33。因為我覺得香港的炒米粉實在太淡了，所以吩咐店員在米粉上面淋一些沙爹辣醬。總體來說，裝修後的公和是令我失望的。我以後應該不會再去吃了。

今天在深水埗行街街，天氣有點熱，行到身水身汗，來到這間老字號豆腐花店吃一碗冰凍的豆腐花。這裏以前只有一間舖位，現在已經發展到旁邊的店舖也有冷氣位可以坐。覺得這碗豆腐花不算滑，豆味也不重，名過其實。

老字號 公和荳品廠 見到呢個嘜頭就好似有信心保證咁細個個陣已經好鐘意食～個時飲杯豆漿、食碗豆腐花已經好開心今次特登過嚟搵返童年回憶坐低即刻叫返碗凍豆腐花先大大碗都只係$10充滿豆香 一食就知係真材實料細個淨係識食甜 所以一定落一大匙羹黃糖～依家知道要食嘅其實係佢嘅豆味 所以淨係會落少少黃糖點綴下就心足啦而家除咗豆腐花、豆漿 仲有好多其他煎豆腐豆卜既小食 價值全部都好平民抵食！今次食飽咗先過嚟所以下次再試試餐廳嘅其中一部份 仲有得買新鮮豆腐、芽菜、豆卜等其他豆製品 買返屋企自己煮返一兩道菜都OK

去開深水埗一定會來公和食下野，我約6點多d到，咁啱又見到盧覓雪來公和拍節目😬叁拼$16叁拼有d咩呢，有煎釀豆腐、豆卜及魚腐各2件，果煎釀豆腐魚肉有加入陳皮調味，所以食落會有好清香陳皮味，而果豆腐好滑同好香豆味，而豆卜及魚腐都煎得好香脆可口。豆漿 （大）$10我就叫左杯豆漿，佢可以選擇少甜，啱我而d減肥中的人。豆腐花（大）$12豆腐花入口滑溜，食落好濃豆味。

尋日去深水埗，食完麵之後想食甜品，於是去咗好出名既公和食豆腐花。上次嚟既時候仲係得一間鋪，而家用埋隔離鋪，闊落好多。點咗碗凍豆腐花，豆香濃郁得嚟又好滑，係水準之作。

任何時間經過深水埗的公和豆品廠都是坐了很多街坊遊人，今天竟然有位，但可惜我今日是買外賣。~公和雙拼 $24 八件雙拼選了黃金魚腐和煎釀豆朴各四件。魚腐果然是煎到黃金色，免治豆腐和魚茸壓或圓形的餅，然後煎到外脆內軟，味道又適中，絕對是老幼咸宜。喜歡吃濃味的話，可點豉油來吃，喜歡吃辣的，又可添加辣椒醬來吃。~香滑腸粉 $12 七條腸粉的價錢相當便宜，腸粉亦算滑。沾了醬油、甜醬、芝麻醬的白白腸份更美味。再灑上粒粒白芝麻更惹味和香。吃的時候，混了各種醬汁的白滑腸粉一點也不油。不消一會兒，便吃掉了一盒腸粉。現今香港，能夠用三十多元便感覺到滿足的食物已買少見少，但在公和店舖，便能找到。

係家姐推介畀給嘅店，就自己過來試下。點咗一份煎釀豆腐，哇呢個就真喺有畀驚艷到ｗｏ，塊豆腐煎得好熱辣，裡邊好嫩好滑，兩件先１３蚊超抵食。招牌豆花一碗１６蚊，都冇失望到，都喺好滑，荳味好香，甜度都啱啱好。３０蚊嘅下午茶食得好滿足。

如果話要食豆腐花 豆漿 豆類制品既話一定會諗起公和 今日係深水埗附近食完晚飯 行去搭車途中經話公和 突然間想食豆腐花 甘雖然晚飯食飽 但飯後應該有個甜品 所以有入左去叫左豆漿 同豆腐花 黎個鐘數唔係太多人實有位 公和老字號公和既豆制品係公認好食豆腐花公和既豆腐花好滑 好有豆既味道 其實唔加黃糖都已經好好食 加左又係另一種感覺豆漿公和既豆漿可以顧客到唔同客人既需要同口味 依定既豆漿除左冷熱 仲有正常 少甜 無糖 三種選擇除左豆類制品之外 公和仲出左小食 好似咖哩豬皮 雞翼尖之類

一直以黎都覺得公和荳品廠嘅豆腐花好滑好香所以之前黎親都係食豆腐花為主但今次黎到 又接近lunch hour於是乎決定叫啲豆腐花以外嘅野食今次叫左煎豆腐 蘿蔔糕同豆漿其實佢以豆花出名 豆類嘅產品都一定唔會差得去邊我覺得煎豆腐加左豉油好清 當加上左辣椒醬後 味道升上左另一個層次 成個組合好好食 上面有一塊超薄嘅魚肉 所以呢塊肉有同無都唔係好大分別 主打食豆腐就唔緊要啦 豆味好香濃 豆卜炸得黎好香口 其實唔係到到都有 所以都覺得唔錯呀而蘿蔔糕只算係不過不失 只係單純今日想食 有更多好嘅選擇 佢就唔多蘿蔔嘅講真有臘味味嘅 想食都可以順便叫埋嘅豆漿就好濃厚豆味 好好飲嘅但服務態度好參差 有陣時佢會記得你叫啲咩 但有時啲單會錯 但因為佢主打街坊生意 所以可以接受嘅