公和荳品廠

營業中

休息中

公和豆品我相信好多香港人都係就久唔久就會想食次次行過深水埗 幾飽都想返一兩樣野先安落煎豆腐 好香豆味 食落唔會散俢修 不知不覺間會自己食晒四件🙈🙈但最近發覺豆卜仲正 炸得乾身又脆 好鍾意呢種質感！加埋佢啲辣醬真係好滋味 當然唔少得佢啲豆腐花 滑到咕一聲就吞左 但豆味又好香濃 同啲豆品一齊食真係好正！每次我都會買支豆漿走 覺得好清甜又解渴 豆味濃但不會太甜 好香港人口味 希望可以繼續水準做落去 等我哋多啲口福 食到啲平靚正既美食💜

真係好耐冇嚟呢度食豆腐花啦，嚟到竟然係隔離開咗分店，新舖裝修新淨闊落d但係我都係去咗舊舖食一坐低叫咗2碗熱豆腐花（$10）同煎釀雙拼（$14），係煎豆腐同豆卜。之前不嬲都係食開煎釀豆腐，原來煎釀豆卜仲好食，脆卜卜，下次可以叫淨豆卜。豆腐花熱辣辣，入口順滑😋友人幫我加得太多黃糖，甜咗小小，但依然好味。食完好似唔係好夠，再叫咗碟炒麵，叫完之後聽到有客人叫淨炒大豆芽，友人話下次可以試吓。公和荳品廠有多年歷史，風味依舊，宜家仲有新加嘅食物等客人有多種選擇，價格相宜，物超所值，值得一去再去。

深水埗應該冇人唔識既公和荳品廠，記得上次嚟佢都仲未開分店😆我哋今次坐咗喺新店，環境裝修得好整齊好靚😊由於太肚餓，我哋就嗌左人氣豆腐豆卜同魚腐豆腐花同豆漿😋我最鍾意食佢個豆卜，咁多年仲係咁脆，但我記憶中佢係甜甜地，反而今次冇咗嗰種味道。另外仲有豆腐花同豆漿肚餓食小食真係一流另外最欣賞佢有無糖黑豆漿，我每次都會買一支返去，因為黑豆漿唔容易買，仲要無糖板更加少，味道濃郁😋價錢咁多年依然咁親民😊真係好難得！

公和豆腐花幾乎每次去到深水埗都會食，雖然今日34度熱到成身濕晒！我都嗌左碗熱豆腐花，又香又滑。 見到佢哋仲有煎豆腐都好想食（下次先啦都係），不過都係再飲多杯豆漿先走😋😋 完滿

喺公和食左好多年的豆花，一直睇住鋪頭的轉變，由以前細細間，到而家隔離間鋪都係佢地的。今次黎食碗熱豆腐花 ($10)， 豆花依然滑溜，簡直有種入口即刻直接滑入喉嚨的感覺，想停留耐啲都唔得，俾我慢慢品嚐下你的滋味丫嘛。 陰左滑溜之餘，豆味亦足夠。間唔中快食碗豆花，小食係ok的，唔好預要坐得得耐吹水嗰種。但環境比我以前細個黎已經光猛左好多，而家唔知係咪疫情關係，啲枱放鬆左，闊左，所以坐得舒服左啲。今次無食到啲小食，之後仲要去食飯，下次黎再食埋個煎釀豆腐。

公和荳品廠  Kung Wo Beancurd Factory原店地址旁邊租多了一間分店專做堂食,比起舊鋪更舒服,更乾淨豆腐花有分冷熱/大細識食一定食大豆腐花,冷熱就隨你口味啦熱食豆香更突出,更嫩滑 $12一碗大SIZE豆漿 也有分冷熱,個人最喜歡飲凍豆漿,甜香順侯易入口豆味香濃餘香濃而不散最近加添了薑汁豆腐雪糕 $13一球豆腐花細緻嫩滑,口感極嫩,啖啖豆香參拼,煎豆腐,煎豆卜,魚腐 各2件 $16看似平平無奇賣相普通但同樣自家製豆腐煎炸而成咬開有如豆腐花一樣的滑嫩質感,豆味更濃香外脆內嫩薑汁豆腐花雪糕外層是薑汁做既糖漿,豆腐雪糕因為凍食,味道無咁突出最好食始終都係豆腐花!但可以一試!

公和荳品 (深水埗)三拼 有魚腐 煎豆腐同豆pok😆3樣都唔會有好油膩的感覺煎豆腐非常滑 差d滑到夾唔起無銅鑼灣個間人和咁實 黎度豆腐味重d而且仲滑d豆pok鬆脆 熱辣辣係口 加埋甜酸醬真係無得頂最後的魚腐都好重魚味 香口 彈牙 有咬口 但未係好突出Overall🌟: $ 13 ( 7 /10)

公和荳品廠係香港一間老牌豆品店，已經有一輪冇食，今日行開深水埗又食返，水準果然好穩定，嗌咗個煎豆腐，豆腐花，豆味好香濃，反而特別想讚下入serve 我地個姨姨，好有禮貌好好人

很久以前就聽講過深水埗公和豆腐花好正。食過九龍城既，係好正, 一路都想試埋深水埗, 今次終於有機會。佢係濕貨街市入面, 比九龍城既難搵, 也更迫人。 好唔容易, 同朋友終於搵到位坐。地方好古雅, 似九龍冰室既feel。 佢堂食, 賣貨都係舖面處理, 可想而之更加迫。 但佢地都處理得井井有條。 最犀利係店員一邊工作, 一邊經過客人身邊亦可跟手落單, 每個員工都有這個神技, 仲可以計埋數幫手結算。 香港有這種老店和老員工都係買少見少。不過講返豆腐花, 都係好好食, 夠滑, 加埋佢地既糖粉, 糖水, 一流。仲有好好味既釀豆腐, 豆漿，喜歡豆品既真係不妨一試。

📍深水埗 Sham Shui Po📍...平均一年大約去深水埗都無5次， 因為太太太太太多人😱今日俾個朋友捉左黎買棋😯😯😯 成日聽人講深水埗好多野食， 終於有機會explore下🤩👏🏻👏🏻公和豆荳品廠原來已經有百年歷史， 仲設有自己既工場， 一站式製作😯😯創辦人係90年代移左民， 一開始係分左兩個家族持有各自管理同兩間店的😯現時既店門保留有有舊香港既味道， 都係一間要排隊既食店， 排左5分鐘👏🏻👏🏻...📍豆腐雪糕💰HKD 13.00📌味道 7.3 / 10分豆腐味既雪糕， 真係香港唔多😯😯😯除左香港另一間叫手作之店有個水豆腐味既雪糕外我都唔識了🤔🤔🤔🤔我第一次食到呢個質地既雪糕， 佢質感好似食極都唔溶咁🤭🤭🤭唔會好大杯， 似一般雪糕店既小球size. 雪糕面會有薑汁既糖漿係面🥺🥺🥺🥺 雪糕係好有豆漿既味道加埋個薑味糖漿真係好好好好食😭😭😭😭同埋佢呢個雪糕食完唔會覺得滯住， 有d雪糕店好似 city super入邊既日本綠茶雪糕 CHA CHA咁， 味道幾好但食完好滯好眼訓😂😂😂🙏🏻我自己忍唔住食左兩杯， 我中意呢個雪糕呀🥰🥰...📍招牌豆花💰HKD10.00📌味道 7 / 10分豆花

時代的洪流沖走了剩餘的小店風味。木檯木櫈變成立食，小瓷碗變成了膠碗子。食客的逗留時間縮短了不少，人情味也迅速消逝中。仍然香滑的薑汁豆腐花是僅餘的丁點昔日情懷。可惜！

來到公和豆品廠，除了要買豆腐製品外，還可選擇其他的小食如腸粉、炒麵、魚旦、燒賣、牛肉球、瑞士汁雞翼、雞腳、雞翼尖和豬手等等。今天我選的外賣除了豆製品外，我還買了瑞士汁日本豬手。瑞士汁日本豬手是一盒四塊，只售二十元，非常便宜。買的時候還可要求店家給我將盒封好，攜帶較方便和衛生，值得一讚。回到家後，我將豬手翻熱，又可為晚餐加餸了。瑞士汁日本豬手非常入味，但又不會過鹹。雖然豬手肉不多，但骨膠元豐富的豬皮又滑又腍，一點也不覺膩，確實好送飯。

行開深水埗玩具街買過年用品, 少少餓又口干. 見到元洲街百年老店公和荳品廠, 正~!!!以前去九龍城踼波買餸必食, 深水埗呢間就未食過, 唔知有無分別。好似裝修過, 應該話係翻新, 設計保留原有特色, 叫左2個豆花, 一凍一熱, 一大一細, $12, $10 我諗住差2蚊梗係要大啦, 點知真係會食唔晒架..... 好大碗, 2人食一碗就差唔多。人真係太多, 迫爆, 無人收野咁滯.... 百年老店, 張就下。荳花依然咁滑咁香, 抵讚~!!!!!!

食懷舊食回憶的公和雖然出面都好多荳品店/糖水鋪可以食到豆腐花但是公和的荳腐花的確係滑d平時少黎深水埗，甘岩黎開雖然唔順路，但是都係忍唔住去食番碗滑滑荳腐花隔離鋪裝修，相對位置少左食物種類主要都是圍繞荳製品但仍有少量小食可供選擇，例如瑞士雞翅，炒粉，燒賣魚蛋等可以當輕盈午餐/下午茶一坐低叫碗大荳腐花，轉個頭即上滑流流，豆味香濃，價錢相宜原本已落糖水，自己可以隨心添加黃糖由坐低到離開十分鐘都唔洗，快靚正是解纔好選擇

今天我到了深水埗玩具街選購聖誕禮物給寶貝兒子，買完聖誕禮物後，走到「公和荳品廠」醫一醫肚！「公和」是深水埗的老字號，你可以選擇堂食，或叫外賣。細小的店舖，雖然座位不多，但依然吸引無數食客遠道而來光顧。公和叁寶（有炸魚腐、豆腐、豆卜各兩件）$16豆腐和魚腐是新鮮煎起的，而豆卜則是新鮮炸起的，店員送上桌子時，三叁還是熱呼呼的，豆卜炸的很脆很鬆化，煎豆腐更值得一讚，嫩滑而有濃濃的黃豆香！凍豆腐花 $10我點了細豆花，大的好像是$12/碗。豆花很滑，很有豆香，小妹喜歡微甜，所以亦沒有特別加紅糖！如果您不喜歡甜，直接可叫店員為你走糖漿。店內還有很多小食，價錢又不貴，下次再來要試！