公和荳品廠

營業中

休息中

今次係裝修之後第一次嚟食，同屋企人一齊叫咗幾樣野食🙂🥛🥛🔸香滑腸粉🔸腸粉都滑嘅，食落唔會痴口，甜醬就自己加。🔸参拼🔸荳腐+荳朴+魚腐，呢個就好似無裝修之前咁好味，嚟嘅時候都唔熱嘅🥺🥺 所以食落就差少少，原本應該脆卜卜嘅荳卜就因為凍咗有啲硬😕🔸熱荳花🔸好彩荳花水準都仲係就嘅，好滑夜香豆味，加埋黃糖正啊！😋😋👍🏻🔸荳漿🔸水準質素都仲係高嘅，香濃嘅豆味，飲落好滑。不過就甜咗少少。最後買咗枝薏米水，無乜味，係有啲渣食吓咁。

去親深水埗，食到幾飽都一定要黎食碗豆腐花！🥣因爲實在太吸引！識食嘅一定係叫熱豆花，凍嘅絕對冇熱嘅咁滑！其實仲有煎釀豆腐、黃金魚腐、煎釀豆卜，都好野味架！今日食得太飽喇，冇食其他嘢！但豆花都夠滿足我！

每次黎深水埗，一定會諗起公和既豆腐花。係我心目中「公和」已經同「深水埗」掛鈎，每次黎到深水埗都一定會食碗豆腐花，因為咁多年都搵唔到邊間好食過佢。以前細個一定叫凍既豆腐花，特別係夏天時食完透心涼，爽YY~但人大左，食得多凍野對身體唔好，今次再光臨，叫左碗熱既細豆腐花。出奇地發現其實熱豆腐花更加滑，豆味更出，比起凍既更加好食。因為雪過既豆腐花，質感一定無熱豆花咁滑溜，豆味更加會降一大截! 公和豆腐花永遠無令人失望，一如以往咁滑，咁香豆味。細豆花份量夠女仔食，不過已經加到$10一碗，無計，依家咩都貴哂，加價在所難免，不過我都會照食。

公和荳品廠有百年歷史，沿用加拿大非基因改造黃豆，以古法製作的手工製作豆腐、豆卜等豆製品，口感又香又滑。而且交通方式，大家可以搭港鐵，到深水埗站下車，從B2出口出站，大約走兩三分鐘就到去到公和荳品廠真係幾多人，人氣不斷，食客不斷出出入入豆腐花 - $10豆腐花來到熱辣辣的，已聞到豆香，而客人可以自行使用桌上的黃糖加入豆腐花內，豆腐花都算嫩滑，口感不俗😊門口也有販售各種豆類製品，如豆腐，豆卜，腐皮，甜竹，素雞，素鴨等等（買番點番去打下邊爐都唔錯呀，即日製作，保證新鮮）而且還有豆漿，腐乳都是自家製作，而且味道更加係正添呀而且旁邊更開設了一個新舖位，可供食客入內慢慢進食，最緊要係店內加裝了冷氣，提供了一個舒適的環境給食客😋

未到五月就三十度，好難想像今個夏天係點樣過🥴🥴🥴天氣實在太熱啦，今日黎到深水埗買野，行多幾步路就出晒汗平時唔多食凍野嘅我，都忍唔住想食番啲凍野行到去公和荳品即刻勁開心呀因為可以嗌番碗凍冰冰既豆腐花食，消消暑其實平時我都係食開熱既，因為熱辣辣既豆腐花先有荳香味，所以今次真係第一次食凍既，不過原來凍嘅豆腐花比起熱嘅豆腐花又真係少咗份荳味啵不過凍豆腐花真係可以令我暫時降降溫🤪🤪🤪🤪係夏天消暑嘅佳品

今次叫咗凍豆腐花、煎魚餅、豆腐釀魚肉、同一支凍豆漿。今日比較晏先至食晚餐，選擇唔多，而且唔想食得太heavy，所以就揀咗公和豆品廠。點知一坐低嘅時候，發現牆身有兩隻細曱甴，好生猛緊爬來爬去，嚇到我地即刻彈起，但由於真係太攰，唔係好想郁同再諗食乜嘢，又覺得深水埗周圍都係咁上下㗎啦，爭在你睇唔睇到姐，所以就繼續坐低快快手食埋佢。佢個豆花係有啲淡，雖然加咗黃糖，但都好似係差啲咁，不過係夠滑的！煎魚餅味道都唔錯，可以個人覺得最好飲就係知道張好夠味，值得一試！如果可以改善埋個衛生環境，唔好見到曱甴其實係一個唔錯嘅選擇。

公和荳品廠屹立逾半世紀，一直深受街坊歡迎，是區內赫赫有名的荳品店。翻新後店內加裝了冷氣，環境得以改善，但仍保留了公和懷舊特色元素。門口也有販售各種豆類製品，如腐皮、腐竹、南乳等等。豆腐花 (細碗$10)客人可以隨便使用桌上的醬料及黃糖。豆腐花質地不是十分滑溜，味道中規中矩。即使再次打入《米芝蓮指南香港澳門2019》街頭小食推介榜及花了很多錢裝修店舖，也沒有因此而加價，一心繼續推廣平民美食，絕對值得讚揚！

公和豆品廠，係由我細細個開始嚟深水埗已經食過啲美食。之前經歷完食牌問題，而家攞正持牌食肆來做，過開來深水埗梗係要過嚟食嘢啦！帶寶寶嚟食，叫咗一個煎釀三拼（有豆腐、豆卜、魚腐各兩舊）、一碗豆腐花、一杯熱豆漿。先講咗三拼，自己落埋甜醬辣醬味覺TRIPLE UP！煎炸豆腐一如既往出色：多汁、滑、口感啱啱好🤩；豆卜趁熱食，外脆內軟，凍左就會偏硬；魚腐就最普通，只不過係普通魚同豆腐撈埋嘅魚餅，冇咩特別🧐。下次應該直接叫煎釀豆腐，開心啲～～🤤🤤食完小食再食豆腐花，唔知點解而家會用即棄餐碗，感覺就冇咗以前嘅風味。不過，豆腐花就一如既往咁有豆味、熱辣辣、滑Luen Luen，對得起個價錢有突！🤑-參拼 | $16豆腐花 | $12豆漿 | $10

話說每次經過深水埗都會食呢間公和荳品廠，因為貪佢又快又好味自從佢裝修咗之後成個環境都舒服同埋乾淨咗好多！今次試食呢個呢個参寶有煎釀豆腐豆卜同埋魚腐 仲食咗魚蛋粉果，最後食埋熱荳花大滿足

行完玩具街，已經好攰，一於搵個地方坐一坐，就去公和食吓野。我地叫左 一碗凍豆腐花，一碗熱豆腐花，一杯凍豆漿，三拼，煎蘿蔔糕。豆腐花都算滑，反而豆漿豆味唔重，如果再濃d豆味就更加好，但甜道適中。而三拼有魚腐炸豆腐卜煎釀豆腐。都抵食，試左3樣都只係$16。而煎蘿蔔糕一般，下次有機會試埋芋頭糕。

店子的外觀充滿著老店的感覺，人流真係好多，阿姐頻頻煎豆腐賣豆腐，店子都有不少豆類製品賣，好似腐皮、嚮鈴、枝竹，當然不少得豆腐豆漿豆卜等餐牌上的豆製品有豆漿、豆腐花、煎釀豆卜、黃金魚腐和煎釀豆腐 （三款煎釀都想試的可以來一客三拼）。我食豆腐花感覺熱食豆味會更重，不過大熱天時都係黎返碗凍既降降溫。黃糖自己落，通常我落少少就夠，怕佢蓋晒豆味。食落真係夠滑溜，豆味頗濃，好快食晒成碗。

😋味道 8/10 😍回頭指數 10/10 (有無得多過10架? 黎左都唔知幾多次啦wo XDD😆)深水埗出名平靚正，掃街一流，今次我地就想介紹返公和呢間由細食到大既百年老店豆品廠😎😎 講真咁多年黎，佢既豆朴，豆漿同豆花都真係無得輸，豆味香濃，豆漿同豆花都仲係咁滑😋😋唔試就真係走寶🤩除左品質無變都係咁正之外，家下翻新左一間變兩間(終於唔洗驚無位😀😀雖然仲係好多遊客😂😂) 衛生環境都好左值得一讚👍🔹細豆漿 ($6)🔸三拼 (煎釀豆腐，煎釀豆朴，黃金魚腐 各2) ($16)🔹細豆花 ($10)幾十蚊就可以食飽，抵食就唔洗講，味道仲要一流，佢真係豆腐既價燒鵝脾既享受😍😍，黎幾多次都會返Check，黎開掃街真係不妨一試😋😋

今曰點了 煎豆腐同 熱 豆花。 豆花仲係幾好，而想$10 仍然好抵食。煎豆腐就麻麻地，感覺唔太新鮮，似就變餿，一d都唔滑而且好油，冇諗過流量咁快都咁。下次都係只叫豆花。。

我既小學年代係成日食豆腐花，以前6蚊就有大大碗可以同阿媽share 黎食。宜家當然咩都貴晒，老店又愈來愈少，出開深水埗經過多數都忍唔住會食呢間一次。其實我少會堂食，因為唔可以慢慢享受，今次就試下，叫左豆花同炸豆卜。豆花豆味好濃，熱既更加有豆味香，又夠晒滑。我自己食咩都鍾意食左原味先，所以我食左幾啖先落黃糖。豆卜都好味，炸完當然係特別香口。不過因為太受歡迎又多人，同埋小店唔會話好多人手，服務一定係會冇咁好，環境又會逼D咁，所以要慢慢嘆一定要叫外賣! 但行到攰抖一抖既話呢度當然係好好既選擇啦!

Hearing how good this place's beancurd puddings are, I came to Sham Shui Po with the hopes of enjoying this dessert bowl. When I got to the stall, there was a huge open space where people dine-in.  It was a full house when I arrived. I'm not sure if this is how people normally wait to get seated around here but while I was queuing, there was a group who cut in front of me and took the vacant seats. How nice. I've been waiting for an open seat for 15 minutes and they just zip past me and got seat