八月茶室 (元州街)

營業中

休息中

原本想叫個雞扒米線餐，但因為個餐係寫住有麻辣/酸辣米線，所以我同侍應講要求走辣，但個侍應竟然話走辣要加2⃣️蚊！幫我轉左個同樣係雞扒米線餐🙄 侍應態度亦很差！我其實唔係要求加野，點解走辣用清湯反而要加錢？感覺好似有啲搵笨😡正如 如果你叫杯凍檸茶小冰，佢話小冰就要加2⃣️蚊你覺得合唔合理🙄

八月茶室係我中意嘅樓下茶記，大間乾淨得嚟啲員工有幾好，本身開張個陣見到fb群組話呢間麻麻一直無試，直到某日行過見到佢有酸菜魚食決定試吓，發現都唔係咁差姐🦥雞扒醬油湯烏冬配温泉蛋 $57 食咗個每日精選午市套餐，烏冬口感都幾唔錯，不過塊雞扒就乾咗小小，溫泉蛋撈醬油湯烏冬都幾好味😋另外跟餐有例湯同熱飲送，例湯無乜味精，係淡咗啲啲平時中意食常餐加丹麥多士，不過今次無食到，建議可以試吓😌🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 八月茶室 （元洲街） (長沙灣)長沙灣元州街342-356號家壹地下1-3號舖

一間裝修得挺特別的冰室，裡面還真的放了很多月亮的裝飾，而且燈光非常光猛，令到整體給人的感覺很舒服，而且食物的質素和量都不錯！湖南小炒肉（71元）份量挺不錯，豬腩片跟辣椒一起炒完，帶點焦香，吃起來又辣又香，十分惹味，肉質爽滑，而且就算單吃辣椒也很入味！啫啫豬潤滑雞煲（72元）挺有鍋氣的煲，來到熱辣辣，吃起來鹹香中帶點甜，挺惹味。雞件嫩滑吸汗，豬肝綿香！咕嚕肉（69元）肉的份量挺多，全是肉，而且有炸香，吃起來還帶點脆，配上酸甜的醬汁，吃起來又脆又嫩又惹味，配飯一流！吉列豬扒煎蛋飯（66元）這裡用上的豬扒不是平常餐廳那種，吃起來比較爽滑彈牙的，肉味較濃，有種日式豬肉的感覺！炸得表面香脆，內裡多汁！醬汁的就選了黑椒汁，味道香濃，帶點黑胡椒香和辣。乾炒豬扒一丁（56元）一丁被炒得帶點焦香，吃起來質感爽滑，醬油香味濃，感語比豬扒更好吃！ 豬扒肉質滑嫩，而且醃得夠味！流心西多配雞中翼（2隻）（40元）西多肯定不會錯的，這裡間是放上奶黃流沙，所以吃起來挺香的，外面被炸外，內裡軟滑流心，再配上牛油和蜜糖，真的非常邪惡！雞中翼亦炸得外脆內嫩！紅豆冰跟餐半價12元）這個喝起來不會太甜，紅豆綿香！

去完政府合署攞國際車牌，行完深水埗，跟住悠悠閑閑行咗落長沙灣，見到八月茶室竟然有酸菜魚食，唔理咁多一於入去試吓裝修都幾特別，樓底寬闊，有好多個月球🌕🌖🌗打開餐牌琳琅滿目，好多嘢都想食，好多嘢都想試，但係得兩條友招牌酸菜魚，魚肉超滑，鹹酸菜夠嘢味，仲要有好多薯粉墊底，吸晒啲湯汁勁正，份量都幾足蒜泥白肉，夠哂薄片，加埋青瓜連埋啲汁一齊食原本想食豬耳仔，可惜賣晒瑞士汁乾炒牛河，夠晒鑊氣黃金脆皮蝦球，雖然隻蝦唔係好大隻，但係剛剛炸起，再加上黃金脆皮，熱辣辣博博脆鹹檸七，雜果賓治成罐汽水上，一啲都唔孤寒，食辣嘢必備

非一般既茶記竟然有好味川菜因為要去元州邨朋友屋企探BB, 探完就係附近搵食, 發現係元州有間幾新淨幾光猛既茶記, 所以就同友人入到去食入面卡位都幾多, 幾新幾大, 坐得幾舒服, 我地原本諗住求奇叫幾個小菜就算, 點知發現有川菜, 勁驚喜!炸雞翼+沙律-$38炸雞翼有三隻, 我地三個人岩岩好, 炸雞翼炸得好香脆, 但入面都仲保留到唔少肉汁, 好正既小食；而沙律係新鮮蘋果切粒, 再混入罐頭生果整成, 幾有誠意水煮魚-$188因為其中一個友人唔係好食得辣, 但佢都好想食水煮魚, 所以我地叫左小辣, 食落都幾好味, 辣得黎又唔會令人太辛苦果隻, 而且魚肉都幾多, 魚肉質地都幾滑, 食得出鮮辣爽口, 配白飯食一流蒜香蜜餞牛仔骨-$86牛仔骨入口脆嫩多汁, 牛味幾好, 蒜香和蜜餞味道相得益彰, 口感十分豐富, 而且幾有鑊氣豬扒米線SET配奶油豬-$53豬扒味道真係好好, 炸得好香脆, 米線香氣四溢，入口綿軟，口感十分豐富；火腿炒蛋和奶油豬都是經典美食，炒蛋夠滑, 豬油豬夠香脆, 味道鮮美可口，非常值得一試。特飲跟餐可以半價就叫到, 抵飲呀總結樣樣都幾好味, 而且多選擇, 服務好, 環境又唔差, 我

招牌酸菜魚酸菜魚近年深受我哋喜愛，我家住附近，就要來八月茶室食他們的酸菜魚鍋，食過第一次之後，就一直都好中意食，今次黎到當然唔例外！湯頭酸辣香濃，魚片滑溜，沒有腥味，相當開胃！湯內有份量十足的萵筍，萵筍口感爽口，令魚鍋更有層次，加上適量酸菜，仲有芝麻香味，惹味非常！水晶粉既彈牙又充滿酸辣香味，一流 ！紅燒豆腐斑腩每一件頭腐也大大件，豆腐煎到呈現漂亮的金黃色，外脆內嫩滑，醬汁的吸收在豆腐，十分入味。這是我最喜歡班腩，魚味濃厚，而且有豐富的骨膠原，正重慶雞煲出面餐廳不是容易食到好味雞煲，而這裏的是非常出名，所以就點了一份重𪊴雞煲，一上桌時，整個大鍋充滿着蒜頭，紅紅辣椒，心想一定是十分惹味，嚐一口已經濃味強勁。這份雞煲的份量十足，雞件經炒過肉質仍保持鮮嫩。

在長沙灣工作嘅朋友，話最近發現咗一間餐廳，好快就成為佢嘅飯堂，今日約佢食飯，一於去佢個“飯堂”茶室光猛寬敞，坐得挺舒服；位置雖處老區，但座上客人多為年青斯文一族，也有帶上老人家的孝順仔女；環境頗為清靜！難怪朋友話就算日日嚟，都可以食到唔同嘅嘢；打開餐牌，選擇真的好多，都唔知點咩食好，所以全權交俾朋友發辦！估唔到佢嘅首選係酸菜魚，更估唔到係呢盤酸菜魚真係好好味道、仲好地道！湯頭十分鮮甜，但又有酸菜的酸，同指天椒的辣，及蒜的香，實在非常之夾，呷啖之後唔捨得停口！魚片切得大塊又夠厚的，大廚的刀功實在抵讚，生熟程度又控製得好好，超級嫩滑彈牙，食完一片又一片唔停得！不枉冠上“招牌”兩個字碟咕嚕肉其貌不揚，但咬落便知龍與鳳！外皮炸得酥脆、肉質嫩滑入味，掛上酸酸甜甜嘅汁，係我食過最好味嘅咕嚕肉之一！家常小菜土魷馬蹄蒸肉餅，絕對做到阿媽嘅味道，肉鮮馬蹄脆土魷香，有家的感覺！用超級足料嘅XO醬炒河粉，惹味非常，河粉炒得乾身唔油，條條都沾上XO醬，切條嘅豬頸肉脆口又甜又惹味，配合得相當出色！心中決定，以後凡到長沙灣食飯，無論咩月份都好，八月都係首選！，

今日同朋友到長沙灣食飯，到達餐廳不需要等位就可以入座。我們叫了一個招牌酸菜魚，一份手拍青瓜，一個炒時菜蒜蓉西蘭花和流心西多士加雞中翼，另外一杯菜蜜和一杯雜果賓治。首先上的炒蒜蓉西蘭花，蒜蓉炒得香而且西蘭花不會太軟身。之後上的是青瓜，麻油香而且量比我想像中多，青瓜新鮮又爽口。再來的是酸菜魚，我們叫了小辣，辣度適中而魚沒有骨之餘又滑，入口即化。另外鹹度適中，就算沒有伴飯都可以入口。入面還有菇、萵荀和粉條，非常之多料。最後流心西多士，西多士中間有流心鹹蛋黃，而且還有牛油係面，非常之奸惡但又非常之好食。鹹中帶甜而且整份西多士都炸得香口。整體而言，味道很好，而且價錢合理。

同朋友嚟長沙灣食飯，見到呢間「八月茶室」裝修得幾靚，晚飯小菜價錢合理，而且選擇不少，提議試下。餐廳以月亮做主題，場內掛有 full moon 造型天花燈，環境闊落，佈置時尚，令人耳目一新。翻閱餐牌，菜式選項不少，除咗煲仔小菜、海鮮、蒸餸和小炒等之外，仲有川辣系列同小食，啱曬心多樣樣都想試嘅朋友。點咗個例牌重慶雞煲 ($98)，+$10 可以跟配白飯及例湯，點飲品更可享半價優惠，非常經濟。雞煲可以自選辣度，揀咗小辣，雞件都幾厚肉，份量十足，肉質唔嚡，嫩滑又掛汁。醬汁味道亦啱啱好，麻香而不過辣，用嚟配飯食，超級惹味！另外仲點咗蕃茄炆倉魚 ($89) 同 黃金脆皮蝦球 ($90)，倉魚非常大條，魚肉新鮮嫩滑，魚味鮮甜，沾點酸咪咪嘅蕃茄汁吃，十分醒胃。蝦球大大隻，肉質爽彈，外層被起沙嘅咸蛋黃蓉緊緊包裹住，食落甘香脆口，齒頰留香。食完飯叫咗個流心西多配雞中翼 ($40)  做甜品，西多即點即炸，外層金黃酥脆，一切開入面嘅奶黃餡便徐徐流出，入口濃郁順滑，帶淡淡牛油香。雞翼外層脆卜卜，入面保持到肉汁，食完再嘆埋杯紅豆冰 (+$12)，超滿足！

同細妹去探細叔細嬸，順便一齊晚飯當做節，長沙灣食店多，但搵到間地方大及乾淨🥰店員後生有活力，食品都多品種👍🏻手拍青瓜-份量多，青瓜鮮甜，味道岩岩好，開胃小菜👍🏻黃金脆皮蝦球-蝦球大大粒，啖啖肉，彈牙，外脆再加上又濃又香鹹蛋黃😍😍香脆無比，一碟份量足，見到細嬸都吃了幾舊，証明不錯黑椒牛仔骨-黑椒超濃，牛仔骨大份，送飯一流，舔舔脷🥰🥰重慶雞煲-好有川菜場味道👍🏻👍🏻簡直一流，雞好入味，香口，配料十足，連同蒜頭，芹菜超香口，入味非常😊薑汁芥蘭炒臘肉-芥蘭炒不老，臘腸，臘肉超多，細叔都超讚👍🏻整體感覺不錯，做節晚飯可試試😍😋

餐廳好多菜式可以選擇日本、韓國、東南亞再到川菜，完全可以滿足唔同口味嘅顧客石鍋牛肉飯，有粒生蛋係中間，調味啱啱好，汁撈飯好香醬油烏冬跟炸雞🍗 烏冬煙煙韌韌，🍗炸的啱啱好，表皮有層孜然味，超級惹味，附送例湯

天氣凍凍地，就會想食辣嘢。呢間餐廳有招牌川菜，就嚟食下暖下身環境闊落舒適新淨，好多月球裝飾睇下餐牌先酸菜系列招牌酸菜魚$188一人晚餐都有招牌酸菜魚，不過我哋今晚肚餓，決定食大份d的招牌賣相靚，好多魚，肉質滑溜。 還有萵筍，菇，材料豐富。酸菜味夠酸夠濃， 所以配菜都好入味入面仲有薯粉，煙韌又吸收哂酸菜的精華土魷馬蹄蒸肉餅$70肉餅彈牙，土魷不少蒜蓉白菜仔$62白菜仔份量多，新鮮，蒜蓉味夠石鍋和風牛肉飯$69甜甜地的牛肉飯，配新鮮蛋滿滿的牛肉

今晚和友人行去長沙灣打算近近地屋企附近搵下餐廳落腳。見到元州商場對面有一間超級光猛整潔企理嘅餐廳，加上友人興起想食川菜，就揀左八月茶室。見到餐牌川菜選擇超級多，但係麻婆豆腐真係必選！ 豆腐香滑，加上辣度適中而且豆腐沾滿醬汁非常香濃辣，餸飯一流！ 搞到我和友人都忍唔住要點碗飯扒多兩啖飯。川辣水煮牛份量都適中，可以話係超級足料，食極都仲有牛肉片，而且水煮效果令到牛肉片入味香濃而且夠辣！加上都有蔬菜墊底，辣得黎食幾條蔬菜香脆可口！再黎一個重慶雞煲，雞肉滑嫩香口，而且食上口啖啖肉，冇太多碎骨，真係非常滋味。最爽就係最後連甜品都可以係餐廳食埋！ 揀左流心西多配沙律，邪惡嘅流心西多切落去流曬餡，食上口軟糯香外脆，係心目中一百分嘅西多，配埋沙律中和口感，成餐飯食得超滿意！

今晚在長沙灣辦完事，順道和太太在附近吃晚飯，剛好發現這家八月茶室有羊腩煲，於是來試試水準。餐廳裝潢光潔明亮，位置空間感足夠，有大量卡座，可以舒舒服服邊吃邊傾。晚市有各種港式小炒、川式小菜、常餐、鐵板餐等，還有不同的鑊氣炒粉麵飯。例湯今晚例湯是粉葛豬骨湯，天氣開始涼正好合時，生津止渴，真材實料絕無味精。雙冬枝竹黑草羊腩煲 $118以$118價錢來說份量十足，一咬帶皮羊腩，有軟滑中而帶柔韌的口感，輕輕的羊羶味更是畫龍點睛，醬香馥郁，南乳、柱侯、腐乳味道融和，香氣四溢，而配搭的冬菇、冬荀、枝竹等同樣炆煮入味。重慶雞煲 $98一上枱一股麻辣香氣撲鼻而來，一嚐雞件，辣得舌尖發麻，味道令人上癮，個人喜歡這種重慶風味的乾雞煲，味濃醬香而不過膩。薑汁芥蘭炒臘味 $76薑汁芥蘭熱辣辣上枱，鑊氣風味十足，重本加入大量臘腸及臘肉，而芥蘭清香脆嫩，熱力透發出的奇香，味珍香濃，嫩滑可口，正好下飯。流心西多。雞中翼 $40最後點了一客流心西多當作甜品，西多外層香脆而內裡餡料蛋黃味香濃，但不蓋過牛油糖漿的香甜，十分邪惡。凍奶茶 +$10最後跟餐的飲品點了凍奶茶，奶茶真材實料製作，能品嚐到香濃茶香及幼滑奶味，十分不錯

我屋企樓下有間茶餐廳-八月茶室我鍾意佢好食之餘又多選擇，既有粵式小菜、又有川菜、又有咖喱系列、又有石鍋飯系列、而且特色小食都唔少其中我特別喜歡流心西多士及炸饅頭！熱辣辣流心西多士軟綿綿塊包流出香甜的奶醬但有少少喊喊哋我覺得應該加咗鹹蛋黃，好食不是死甜那種再配埋新鮮蘋果沙律，真係好好食！炸饅頭脆卜卜keep到水準！近來天氣凍，最啱食羊腩煲，羊肉多夠腍又入味！滑蛋炒蝦仁啲蝦好大隻食極都有☺️大大碟四川回鍋肉火候足好惹味！我朋友是大肥佬都覺得份量足味道又好，飽飽滿意👍👍仲有其他川菜下次再來點選😃