八月茶室 (元州街)

營業中

休息中

黎到長沙灣一帶搵野食，呢頭都有啲茶記冰室等等可以揀黎食下，今日就揀左呢間食啦 八月。點了肉燥雞扒飯，凍檸檬茶，有中湯。肉燥雞扒飯，肉燥都算多，味道正常，飯既份量都ok，而雞扒就有一塊又唔算細塊既，因為有肉燥既關係可以同飯一齊食所以都唔會太乾，整體可以接受既。凍檸檬茶，正常味道沒有特別。呢度都算寬敞茶記黎講算坐得鬆動既，唔會太迫。總括黎講，長沙灣呢邊都有茶記，餐廳可以揀，呢間算係正常而且坐得算鬆動既茶記了

今日經開長沙灣做野，係元州商場對面的「八月冰室」食個午餐門面光潔明亮，內裡寬敞衛生餐點選擇豐富，有每日午餐提供點選牛扒醬油湯拉麵配溫泉蛋$58，奉送例湯及熱飲，凍飲+$3例湯足料清甜又唔油膩，值得一讚份量不多，牛扒薄薄一塊，牛香及調味欠奉，肉質正常溫泉蛋不帶蛋香，拉麵用最普通的包裝拉麵，沒有驚喜，只可果腹；湯底同樣非常普通凍奶茶茶比例偏重，質感不"鞋"口，甜度不高整體食物質素平平，價錢偏高，未必會再黎！

前兩天下班收工後，食過晚餐後回家。和Foo叫了幾個小菜，有例湯送，加杯凍飲，一天疲勞便放鬆。人均消費$176左右。川味水煮魚 $99一大盤鮮紅色的水煮魚，未食已經聞到辣椒味，香辣辣，熱騰騰。魚片無骨而且好滑，食不到魚腥味。芽菜等其他配料好入味，開胃又餸飯。惹味川辣滑雞煲$86雞煲調味惹味開胃，雞件份量都正常，肉質嫩滑可口，餸飯一流。椒鹽鮮魷$89表皮脆香可口，裡面的鮮魷彈牙軟身，開胃小菜，夾完一件又一件。西蘭花炒雞柳$72這個份量頗多，西蘭花翠綠，微硬，有咬口。雞柳切到一條條的，清炒感覺健康有營養。

上星期某平日上午11:40 到，不多人但卡位滿了，便坐中央6位枱，落單前見有卡位客走，便轉過去，年長短髮女服務員見到就大聲E一聲，放回我坐過的椅時，大力挫落地😡😡😡 只叫一個餐，佢轉頭來問又我係咪另一個餐，再問我飲咩！🍜 叉燒炒公仔麵：叮熱 (預咗) ，叉燒唔新鮮，只係唔多油 👌🍲 例湯：一陣怪味，飲少少後唔敢再飲 👎👎👎☕️ 奶茶：有苦澀味，唔夠熱 👎付款時，長髮女收銀木無表情，眼望枱、用口形講多謝，無聲的，好變態😬上次約在幾星期前，食常餐，加$3由多士轉牛油豬，靱到要咬住個包同時用手扯開👎👎。服務員👌的，但同一個收銀亦是木無表情，落單唔回應轉身就走 🙄決定來試是因為俾裝修吸引，加上呢度似乎只有正評，但當我再來睇過所有70幾篇食評後，發覺原來有4編係負平。食物差、服務勁差，平幾蚊又如何！一定一定一定唔會再去😡 同區其他同樣以靚裝修吸引的茶餐廳，只俾多幾蚊，好食好多又唔駛咁樣受氣！

今晚我哋要登上月球食飯😂月球上中西餐都有得食，連川菜都有👍．呢味 - 川味肥腸炆滑雞煲 少少辣，連小朋友都啱食👍爆炒過嘅雞件，焦香又入味肥腸煙靭彈牙，再加上少少辣，送飯一流🍚·鑊氣小炒 - 瑞士汁乾炒牛河超有鑊氣超好味，每一條河粉都沾滿瑞士汁，超正·日式 - 石鍋和風牛肉飯配溫泉蛋呢個天氣最適合食熱辣辣香噴噴嘅石鍋飯飯有焦香，牛有牛香😂·西式 - 炸雞髀 🍗 配薯角大大隻炸雞脾，炸得雞皮香脆，內質嫩滑，咬落去啖啖肉，超滿足·流心西多 配 雞中翼香炸黃金留心奶黃西多士即叫即做夠晒熱辣辣🔥一刀切落去，留心奶黃擁晒出嚟，再加上邪惡的牛油🧈 可以想像出佢有幾咁好味😋．中式小食- 炸小饅頭 黃金炸饅頭配煉奶，堪稱一絕中式小食必食之選此次月球美食一餐遊圓滿結束👏👏👏

#八月荼室 系間連鎖式茶記，其分店坐落於大眾街坊居住地區，而價錢亦都好親民!!餐廳裝潢利用木質、光猛燈光營造簡潔，不乏現代感既空間。不過亮點都系以月亮為主。有別於一般普通茶記。「川味水煮魚」咁鍾意四川菜，味道一味死辣，而係有層次。湯入面D魚入口都幾辣下，相信應該都煮左一段時間。魚肉數量好多同又夠嫩，大量大豆芽菜做底，吸收哂水煮魚精華，夠哂飽肚又惹味。「枝竹羊腩煲」(配唐生菜)羊腩略點帶肥，沒有羊膻味，肉質彈牙。沾點腐乳，提升羊腩鹹香，味道配搭得宜，而綠油油既唐生菜，放進湯底滾，吸走左D濃郁羊腩味，清爽減膩。「炸饅頭」(6件)外皮脆口夠乾身，沾少少練奶，邪惡之最！「雜果賓冶及招牌紅豆冰」 (跟餐)+15

八月茶室嘅下午茶性價比唔錯🥢乾炒牛河🥢西多士配雞翼🥤兩杯凍檸茶首先下午茶嘅份量唔細乾炒牛河嘅份量，只係比正常細少少都係40幾蚊我覺得性價比唔錯西多士就正常味道但係雞翼就炸得幾出色凍檸茶嘅茶味好出非常之唔錯因為下午茶嘅關係都唔係太多人食所以兩個人去食都可以要坐到張大啲嘅枱環境上都坐得舒服

有時放工太累，就會想在家附近吃個晚餐，然後回家休息，省卻買餸、煮飯、洗碗的工夫。見這間八月茶室有不少小菜選擇，價錢算合理，而且食客甚多，就決定一試。餐廳的空内光猛，空間足，兩人也獲安排坐卡位，坐得舒服。衛生情況也令人滿意，不會出現枱面、地下痴笠笠的情況。餐廳的小菜選擇多，除了一般小炒外，也有煲仔小菜和川菜系列等，頗有特色。香煎西檸雞 （$73）雞肉炸得皮脆肉嫩，上枱時仍十分熱辣辣，炸衣的厚薄適中，十分香口。西檸汁的調味酸酸甜甜的，吃到檸檬汁的鮮味，醬汁也不會過於濃稠，令雞肉能掛滿西檸汁。蒜香蜜餞牛仔骨 （$83）牛仔骨的份量頗多，火候控制剛好，炒得不會過韌。調味的蜜餞味很香甜，配合三色椒和洋蔥等配菜，提升牛仔骨的美味度。招牌酸菜魚 （$188）這個酸菜魚頗有驚喜，酸辣味的平衡很好，加上淡淡的炸蒜作調味，一個湯可吃到不同層次的味道。魚肉份量多，也非常嫩滑，再加上大量配菜、雜菇、冬粉，整個菜式非常豐富。

八月茶室．川港美食共聚又去長沙灣探朋友食一家好多街坊推介的餐廳說是茶室，裝修非常可愛有月亮的吸引力更有不同港式、川菜小菜選擇多，口味好，而且夠晒鑊氣！每款小菜加HKD10都可以包白飯、例湯份量一D都唔隨便是夜的例湯是蘿蔔老黃瓜，老火湯夠去濕而白飯真的裝得很滿，生怕客人不夠吃似的好實在的餐廳！啫啫豬潤滑雞煲非常熱辣辣的上台香氣撲鼻，而且份量好多滑雞入晒味好好食豬潤以醬汁包圍，食埋洋蔥又甜又有味，特別下飯八月小炒皇鑊氣好足！韭菜、蝦乾、腰果、魷魚條、大蝦仁非常惹味，加上甜甜微辣的辣椒們好味好味好好味！芝麻黑糖醋骨這是川菜之一，香甜脆身有獨特的糖醋香氣吃起來很脆身，亦吃到肉香所以做的很好！蜜椒薯仔牛柳粒牛柳粒香軟可口牛味香濃，使人一口接一口薯仔非常香甜好食不可以錯過呢炸小饅頭這道甜品好可愛細細粒配以煉奶吃香脆香甜又不油作為飯後甜品好正呀！此店食物有水準店員都很親切上菜快手又夠熱辣辣難怪咁多熟客八月茶室 (元洲街)長沙灣元州街342-356號家壹地下1-3號舖電話號碼  23101129#dessert#長沙灣探店#steak#川菜#yummy#香港美食#wine #coffee#food #

優點- 幾乾淨，睇到廚房洗碗機，碗碟都系暖- 上菜速度快。-茶餐廳夥計算有禮貌- 裝修簡單舒服牛根腩飯午餐（$54）4分- 睇落應該吾系牛根腩，系普通牛腩，好在無黐牙，都算有牛味。- 份量正常，- 咖啡都吾錯- 因為系餐，性價比高小小，所以高分咕魯肉飯（$59）3分- 哩個吾系餐，所以性價比吾高-配料例如菠蘿洋蔥都幾夠- 咕魯肉系肥小小。-份量正常廈門炒米($56)3分。- 哩個都吾系餐- 份量夠曬大- 米粉屬於幼- 個人覺得比較淡，因為好少五柳配菜味，

今個星期打風不成，天氣翳熱不想下廚，今晚飯堂在元州街的「八月茶室」。川式小食：炸饅頭蘸練奶，香香甜甜的味道打開沉睡胃口。椒鹽鮮魷~是香香脆脆、漿脆肉爽，隨之而來脆卜卜的咀嚼聲，此起彼落。西檸煎軟雞~香噴噴的煎軟雞，舖排得齊齊整整，晶瑩金黃的檸檬汁，除了即時送上亮麗視覺，隨即品嚐到外酥肉嫩的香煎軟雞！石鍋上級封門柳飯配溫泉蛋~熱騰騰的石鍋飯，即使在夏天品嚐也是很好的選擇，白飯能飽肚也養胃，配上級封門牛柳肉、溫泉蛋及紫菜，味道與營養都雙贏。 鐵板和風豚肉炒烏冬~腩肉片很有肉鮮，炒烏冬不油膩，我們非常喜歡炒烏冬的醬汁，濃香而不鹹，味道適中。我們的特飲熱杏仁霜、紅豆冰和凍檸蜜，跟餐或小菜有半價優惠，那麼，沒有理由不飲呵！

行經長沙灣，見這餐廳裝修新穎，於是便入內一試。餐廳近地鐵站，地點方便，而且內裏裝修特別，以月亮為主題，加上餐廳樓底特別高，給人一種開陽舒服的感覺。酸菜魚它晚餐時段有套餐可以選擇，有一飯一餸一飲品，性價比高。但我和朋友分開叫了一個細酸菜魚。雖然是細size，但份量出奇地多，魚片裝得滿滿的，加上底層還有寬粉，酸菜也很多，足足有二至三人的份量。魚片很滑，而且新鮮，薑味很夠，好味，配上白飯一流。時菜煲時菜是菜心，味道清甜，浸泡了上湯味道，清甜可口。加上有蛋花，皮蛋和肉粒煮過，所以時菜很清甜，老人家一定喜歡。炸饅頭最後叫了一份炸饅頭，饅頭不算太大個，作為前菜或甜品非常不錯，外層脆香，內層軟熟，點上煉奶，非常好味。

長沙灣近元州街這間「八月茶室」茶餐廳同時提供四川菜式，非常特別。想食酸菜魚更簡單方便，任何時候都可以單點或者有套餐供應。店內樓底高，有幾個有圓又大嘅月亮作裝飾，在舊區來說比較注目有特色。招牌酸菜魚$188份量好大，足夠2至3人份量。魚湯鮮味有蒜香，點選了小辣，酸度唔算話太濃郁，啱我口味～魚肉份量足，嫩滑冇骨。配料仲有大量酸菜，水晶粉萵筍等配料，非常豐富！單點加$10 可配例湯及白飯一碗👍🏻例湯是粉葛排骨湯，味道唔錯，唔會好鹹，有住家feel❣️乾炒牛河炒河乾身有鑊氣，牛肉厚切，唔會醃得太腍，保持口感。有醬油香，味道唔會偏鹹。單點或套餐加配特飲半價。見到有懷舊嘅菠蘿冰，一於試吓😍唔似用罐頭菠蘿，冇咩罐頭菠蘿味😆不過可以食到鮮菠蘿肉唔錯！另一杯紅豆冰，奶嘅比例較多。推介小菜「芝麻黑糖醋骨」。放上枱黑醋蒜香撲鼻而來，超有鑊氣！糖醋骨肉排酥香，外脆內軟，骨肉均勻，最後鎖上嘅醬汁味道調校出色，配上白飯真係冇得頂！

今晚收工後，和同事於長沙灣一間茶室食晚餐。餐廳以八月為主題，有很多不同形態的月亮🌙。裝修光猛新潮，座位舒適。肥牛煲🥩 香濃的沙嗲，配上金菇和粉絲，香味和口感十足。主角有肥牛，更加了芽菜、菠蘿🍍、三色椒🫑等，色彩繽紛，口感多元。青衣柳🐟青衣柳金黃色，啖啖肉，配脆綠的西蘭花🥦，健康又美味。湖南小炒肉 🐷 豬柳很稔，配上紅色和青色的辣椒🌶️，少少辣，很惹味，配白飯一流。廈門炒米炒米粉材料豐富，有蝦仁🍤、韮黃、芽菜、火腿、叉燒、雞蛋等，鑊氣十足。

收工唔想煮所以同屋企人去左茶記食, 入到去見到咁爆就覺得有D奇怪, 心諗唔通好食到咁?睇到餐牌先知原來係勁多選擇, 竟然連川菜都有入面既卡位其實幾多, 如果坐到卡位其實幾舒服, 但今次只能坐到中間位, 有少少逼, 但為左試下好野都冇計既炸雞腿+沙律-$42炸雞腿個皮好脆, 但入面既肉汁唔少, 啖啖肉食得好爽, 而且個沙律混有新鮮水果, 所以味道幾好豬排芝士撈丁SET-$49轉奶油豬加左三蚊, 但加係值既, 因為奶油豬真係好好味, 豬排炸得好香口, 唔會過咸, 而個撈丁既面質都做得幾爽口水煮牛肉-$168食得出佢既味道材料都幾正宗, 有係大陸食到既味道, 但唔會過辣, 有為返香港人既口味調一調, 而牛肉都幾淋滑, 但係正身既質地係咁而唔係用左鬆肉粉, 整體黎講幾好味椒鹽鮮魷-$86炸得夠晒香口, 送飯一流, 而且個粉漿都幾薄下, 食完一舊係會令人唔識停口咁另外跟SET去叫飲品都係半價, 例如我叫左龍鳳可樂都只係需要加$8D間茶記真心幾好味, 而且選擇夠多, 同家人朋友就算好唔同口味都會揀到自己想食既野, 唔怪得有咁多街坊支持。