影片
更多
2023-03-07
759 瀏覽
非一般既茶記竟然有好味川菜因為要去元州邨朋友屋企探BB, 探完就係附近搵食, 發現係元州有間幾新淨幾光猛既茶記, 所以就同友人入到去食入面卡位都幾多, 幾新幾大, 坐得幾舒服, 我地原本諗住求奇叫幾個小菜就算, 點知發現有川菜, 勁驚喜!炸雞翼+沙律-$38炸雞翼有三隻, 我地三個人岩岩好, 炸雞翼炸得好香脆, 但入面都仲保留到唔少肉汁, 好正既小食；而沙律係新鮮蘋果切粒, 再混入罐頭生果整成, 幾有誠意水煮魚-$188因為其中一個友人唔係好食得辣, 但佢都好想食水煮魚, 所以我地叫左小辣, 食落都幾好味, 辣得黎又唔會令人太辛苦果隻, 而且魚肉都幾多, 魚肉質地都幾滑, 食得出鮮辣爽口, 配白飯食一流蒜香蜜餞牛仔骨-$86牛仔骨入口脆嫩多汁, 牛味幾好, 蒜香和蜜餞味道相得益彰, 口感十分豐富, 而且幾有鑊氣豬扒米線SET配奶油豬-$53豬扒味道真係好好, 炸得好香脆, 米線香氣四溢，入口綿軟，口感十分豐富；火腿炒蛋和奶油豬都是經典美食，炒蛋夠滑, 豬油豬夠香脆, 味道鮮美可口，非常值得一試。特飲跟餐可以半價就叫到, 抵飲呀總結樣樣都幾好味, 而且多選擇, 服務好, 環境又唔差, 我
因為要去元州邨朋友屋企探BB, 探完就係附近搵食,
發現係元州有間幾新淨幾光猛既茶記,
所以就同友人入到去食
入面卡位都幾多, 幾新幾大, 坐得幾舒服,
我地原本諗住求奇叫幾個小菜就算, 點知發現有川菜, 勁驚喜!
炸雞翼+沙律-$38
炸雞翼有三隻, 我地三個人岩岩好, 炸雞翼炸得好香脆, 但入面都仲保留到唔少肉汁, 好正既小食；而沙律係新鮮蘋果切粒, 再混入罐頭生果整成, 幾有誠意
水煮魚-$188
因為其中一個友人唔係好食得辣, 但佢都好想食水煮魚, 所以我地叫左小辣, 食落都幾好味, 辣得黎又唔會令人太辛苦果隻, 而且魚肉都幾多, 魚肉質地都幾滑, 食得出鮮辣爽口, 配白飯食一流
蒜香蜜餞牛仔骨-$86
牛仔骨入口脆嫩多汁, 牛味幾好, 蒜香和蜜餞味道相得益彰, 口感十分豐富, 而且幾有鑊氣
豬扒米線SET配奶油豬-$53
豬扒味道真係好好, 炸得好香脆, 米線香氣四溢，入口綿軟，口感十分豐富；火腿炒蛋和奶油豬都是經典美食，炒蛋夠滑, 豬油豬夠香脆, 味道鮮美可口，非常值得一試。
特飲跟餐可以半價就叫到, 抵飲呀
總結樣樣都幾好味, 而且多選擇, 服務好, 環境又唔差, 我估我會心思思想黎下一次
張貼
