八月花 (皇室堡)

營業中

休息中

[ 八月花 ]放假同閨蜜喺銅鑼灣行街，午飯時間去咗粵菜食府「八月花」飲茶。餐廳係傳統中菜注入新元素，提供多款時尚、精緻嘅粵式點心🥢。茶品☕️✿ 八月茉莉花茶 $45/壺餐廳有多種茶款選擇，除咗傳統茗茶，亦有西式茶及冷泡茶。茉莉茶茶味回甘，有花香襯托，茶香撲鼻，份外小清新。「煎.炸.焗」點心✿ 脆皮麻辣燒賣 $40有別於傳統蒸燒賣，呢款創意新派點心每碟有5粒。燒賣外皮炸至金黃色，脆卜卜帶麻辣味🌶，餡料有豬肉及蝦肉，口感豐富有層次，擺設都好精緻。✿ 龍蝦湯蔥花餅 $42金黃香脆嘅酥皮配上熱辣辣龍蝦湯，濃郁鹹鮮，湯料有爽彈蝦肉及洋蔥。蔥花餅外形特別，🍭一圈圈繞著，口感酥脆。「蒸」點心✿ 黑松露冬菇包 $36另一款創意新派點心！1籠3個蒸包外型似冬菇🍄，口感鬆軟。餡料係菇碎與黑松露醬，配搭不錯，提升菇包香味。✿ 銀湖百花釀魚肚 $45呢個係茶樓經典點心。將蝦膠🍤釀入魚肚🐟，再以蟹籽點綴，蒸熟後蝦膠啖啖肉，飽滿入味，而魚肚吸收哂蝦膠嘅海鮮甜味。「必食」點心✿ 花膠瑤柱灌湯餃 $58黃色餃皮🥟薄而煙韌，一咬裏面有冬菇及豬肉香味，餡汁十足。配以一大片花膠及鮮甜帶彈性嘅原粒瑤柱，食材矜貴，加埋清甜湯頭🥣

其實我好中意嘆茶架🫖襯放假要飲下茶、食下點心先開心～等我私心推介呢間 #八月花 比大家啦！餐廳位於銅鑼灣皇室堡8樓，好方便㖿～☀️地方大又有自然採光，坐得好舒服～最鍾意係用料講究，點心賣相又精緻一啖一件，令男女都可以食得斯文啲～所以無論環境同食物質素都高分～依次試咗好多款新出嘅點心🧆用料都幾高級，例如花膠瑤柱灌湯餃、龍蝦湯蔥花餅、一口南非鮑魚撻etc~真係無得輸！仲有創意新派點心，例如脆皮麻辣燒賣、黑松露冬菇包etc~ 飲茶一啲都唔會悶！🌸除咗一般嘅茶銘，仲有花茶！我就首先嗌咗壺《 八月花茉莉花茶 💲45 》清清哋清香優雅～🥟《 花膠瑤柱灌湯餃 💲58 》有花膠同原粒瑤柱灌夠矜貴～湯餃肉餡仲夠飽滿，令湯汁都特別鮮甜～🦞《 龍蝦湯蔥花餅 💲42 》西式湯配上中式包呢個fusion又幾好味～酥皮金黃香脆，入口有熱烘烘嘅香濃龍蝦湯～蔥花餅外脆內軟，蘸上濃湯更有口感又惹味～ 🥧《 一口南非鮑魚撻 💲60 》 鮑魚稔嫩又不失彈牙口感～配撻皮多份酥香～🍥《 銀湖百花釀魚肚 💲45 》彈牙鮮味嘅蝦膠配爽甜嘅魚肚～入口多汁又有蝦嘅鮮甜味～🥠《 脆皮麻辣燒賣 💲40 》呢個好特別，完全估唔到係燒賣！炸得好

今日同閨蜜去到位於銅鑼灣皇室堡的”八月花”飲茶，環境非常開揚闊落，坐得舒適，仲有大海景。歎咗多款創意粵式點心，精緻又高質，係我嘅私心口袋清單，先打卡📸後進食🥢！鵝肝蟹子脆春卷金黃嘅春卷外脆內軟，加埋旁邊嘅芥末醬，輕鬆解膩，好食到停唔到。一口鮑魚撻賣相精緻，鮑魚本身非常入味，撻皮鬆脆，一啖一口，雙重滋味。脆皮麻辣燒賣燒賣創意食法！未食已經聞到濃濃麻辣香氣，但食落唔會好辛辣，底部會有大量綠色炸脆，睇得出擺盤花過心思。鮑汁炆鳳爪醬汁比較濃稠，非常入味，鳳爪有咬口，不會煮得太爛。黑松露冬菇包黑松露味道唔會太搶，同時又食到濃濃嘅冬菇香，兩者配合得剛剛好。酥脆鮮蝦腸粉熱辣辣嘅粉皮包住脆蝦，我食到最後一件，都keep到脆度，有驚艷到我! 柚子煎堆菠蘿芭菲煎堆配搭少量柚子，可以解除油膩感，再配埋冰凍帶酸菠蘿芭菲，作為今餐嘅甜品簡直係完美。花果奇緣打卡No.1! 好似一個大果園，包含十款水果配上茉莉花茶，炎夏必點，消暑解渴。

Authentic Chinese restaurant that focuses on bringing healthy food options to diners using fresh ingredients.Yum Cha is our go-to option for spending some quality time with our family. On top of the traditional Dim Sums, Jasmine brings in some creative ideas to differentiate. For example, the mushroom buns are decorated with cocoa powder, making it looks like Chinese mushrooms. Baked BBQ pork pastries are best enjoyed when warm, and the marinated duck meat is so tender. Fresh lobsters are used f

有事出開銅鑼灣，順便去飲餐早茶，記得皇室堡有間八月花，好耐冇去，一於去試下。兩個人等左15分鐘，都ok可以接受，話飲茶限時90分鐘，由於之後有節目，90分鐘內都要走，當然冇問題啦！叫左盅飯，腸粉，蘿蔔糕同馬拉糕，都係基本野，就睇下有冇驚喜！鳳爪排骨飯 個飯係好食既，不過略嫌d餸唔夠多，食哂d餸都重有好多白飯。韮黃鮮蝦腸粉個樣幾靚，皮夠薄，蝦又多，重大大隻，咬落口都好爽！煎蘿蔔糕分量都唔少，食落幾有蘿蔔味，唔錯，重要只係$30，性價比高。古法馬拉糕熱辣辣，睇得出係啱啱蒸好，咬落口幾鬆軟，有d甜，當甜品食不錯！雖然裝修不算豪華，但坐位與坐位之間有足夠空間，食物質素唔錯，人均$109，係銅鑼灣，一d都唔貴！

呢間係一間比較精緻嘅酒樓，非常之乾淨，食物質素正常，少貴😗又係銅鑼灣一定搵到位嘅選擇⭐️ 茶茶葉係有唔同嘅選擇揀，有部份係加錢嘅茶葉，會用玻璃壺同玻璃杯，玻璃杯係隔熱，所以第一下飲落去原來係好熱😂至於茶方面，飲落去幾順口，不錯 (不專業品評中茶)🫖⭐️前菜呢個前菜都幾惹味，係酸菜、雲耳同花生，加咗花椒油，麻麻的👍🏻⭐️ 叉燒味道唔錯，叉燒好淋，不過略嫌唔太瘦，覺得叉燒有少少肥肉先好食⭐️豉汁帶子蒸豆腐豆腐好滑，味道正常，適合送飯，如果帶子大粒少少會再滿足啲🤓⭐️椒鹽焗豬扒覺得呢個味道唔錯，椒鹽味幾香，可惜可能因為係焗，豬扒好濕，所以怪怪地，炸應該會好食好多😂

都係朋友話我知用信用卡有優惠帶我嚟試。八月花都開咗好多年亦都有好多分店，不過價位偏高，以中式酒樓亦都有好多選擇，如果想同朋友家人坐得舒服，的確可以嚟試吓。第一次食佢嘅叉燒，真係食完想再返嚟再試，叉燒嘅味道調校得剛剛好，不會太甜，亦都不會烤得太乾，保留叉燒肥瘦一字的口感，肉質偏軟，廣東叉燒一般較爽口。酥香鴨份量很足夠，表皮烤得非常香脆，肉質油味偏重，鴨肉亦非常柔軟。老火湯用料足，去酒樓兩餸一湯，的確是叫餸食飯的基本，香港人始終都鍾意飲碗湯，暖一暖胃。蟹肉伊麵，不過不失，醬汁過多，伊麵與醬汁混合在一起，味道略嫌不足，而蟹肉本身沒有什麼味道，單靠醬汁混合粉漿做出的效果沒有想像中這麼好吃。菜式口感尚算平均，總括價錢銅鑼灣區也可以有更好的選擇。

要搵個好地方去聚餐價錢適中同埋合理呢度都係一個唔錯嘅選擇員工服務態度好地方舒適同埋闊落，企理乾淨食物質素方面保持穩定冇乜嘢可以投訴樣樣嘢都中規中矩推介安格斯牛肉沙律同埋雪糕涼粉

今日親戚擺壽宴，揀咗呢間喺皇室堡嘅八月花，今次係我第一次嚟呢度食，交通方便適合唔同親戚響不同地區過嚟。睇到餐牌非常豐富，總共有11個餸包括左：乳豬全體，玉帶珊瑚蚌，百花釀蟹鉗配鮮果沙律，金華火腿拚雙蔬，螺頭花膠土雞燉湯，鮑魚拼冬菇、清蒸花尾班，炸子雞，荷葉飯，蟹籽蟹肉會伊麵，甜品仲有紅豆沙同埋壽桃。呢度嘅餸菜份量都好夠大，珊瑚蚌、百花釀蟹鉗，花膠螺頭燉湯同埋鮑魚拼冬菇都非常之好味！個個親戚都食得好開心！

八月花在皇室堡8樓，店舖裝修非常普通，酒樓格局沒有什麼特色。朋友介紹這間酒樓聚餐吃晚飯，於是大家試一試，晚飯時間人流不多，是傾計的好地方。我們點了一些傳統的餸菜和特色餸菜試試。傳統餸菜有：竹笙羅漢上素花茹紅燒豆腐一口南非鮑魚伴翡不過鮑魚體積實在太少，形狀似罐頭鮑南乳炆粗齋感覺用油多了些，有些肥膩炸生蠔🦪鮮蝦🦐瑤柱炒飯🍚用料足夠，飯🍚身炒得很乾爽翡翠蟹肉🦀瑤柱羹多蟹肉🦀，好味😋特色餸菜：一隻茶燻鴨🦆跟荷葉餅最好食是茶燻鴨🦆，我們叫了一隻，皮脆肉嫩多juicy，而且份量不少，配上荷葉餅、生菜、子薑、鴨醬一起吃不肥膩幾特別香茅炆原條海班🐟海班🐟表面炸得香脆，肉質嫩滑，配上香茅一齊炆，沒有腥味安格斯半熟牛肉🐂沙律安格斯牛肉一般，但配青瓜🥒紅蘿蔔絲🥕沙律都幾清爽龍蝦汁🦞泡鴛鴦岩米飯🍚這個飯🍚幾特別，米飯🍚索曬龍蝦汁🦞的味道

星期六，我們仨人 到八月花飲茶，門口個知客給位我們時只說了句 「入去直行最入，用餐時間個半鐘」。好啦，我哋搵到位坐低，叫咗好耐先搵到個侍應幫我哋開壺茶，問佢攞張點心紙最後用咗10分鐘。跟住同我講得一張。這個態度真係好難接受。 我夠知用QR code可以點餐啦，但唔識用智能電話電話嘅老人家 係唔係唔應該選擇依間餐廳？淨係點餐唔好在加單？點完餐..啲嘢食好快就不停上黎 ，我哋叫咗好耐都無侍應執枱… 佢咁嘅價錢係可以搵到更加多服務質素好，食物品質好嘅餐廳選囉PS .流沙奶黃飽 - 唔流心 蝦餃 - 細粒 牛雜 - 有舊好大嘅薑墊底 其他一般水平。

好耐冇飲茶，終於解放了，約返舊朋友去皇室堡八月花嘆吓茶先，裝修唔錯，不過啲位有少少迫，自己小心啲啦。🫖嘩，原來茶錢每位要$17 ，銅鑼灣唔算貴掛？🥢柚皮蒸鳳爪：柚皮比我預期差，唔係我知佢係柚皮根本食唔出，無味嘅🥢欖菜豆豉蒸排骨：好大件，廚師唔得閒斬，欖菜可能太少…無味🥢麻蓉包：好扁，都唔多似包嘅🤔🥢鹹水角：呢個新鮮炸，好脆🥢煎馬蹄糕：唔太甜，唔錯，如果煎耐點仲好食🥢鮮蝦瑤柱炒飯：炒飯最好食，蝦都幾多，仲要係爽口喎，不過瑤柱就唔多覺😓環境舒服，待應加水速度快，都算飲茶聊天好地方。

每次飲茶送來的腸粉不祇是暖而是十分冰凍，似乎在冰箱取出來給人客食那種感覺，反映給經理後還發脾氣說我們不明白，廚房出點心不是即時奉上給客人，這個我明白，但也不可能放置在廚房等到被冷氣吹到冰凍到腸粉變成硬到僵晒才給客人吧！ 另外很多有肉類的點心或蒸飯，無論豬肉還是雞肉的口感都不像肉類，若非你看見還以為自己在食豆腐一樣，像棉花雞、蒸排骨、肉片蒸飯等。這也反映過給經理，但之後一點改善都沒有，難道八月花是專門為牙齒不好的客人服務？

今日中午兩個人吃午餐，叫 蝦腸、鵝肝春卷、素粉果、雞包仔、柚皮鳳爪。鵝肝春卷先來，咁快到當然炸定，不脆又無鵝肝味道。蝦腸來到大家都諗：腸粉唔好攤凍食，點知一放入口，一丁點暖都無，蝦就彈牙但一丁點味道都沒有，豉油就更加差，只有甜味沒有豉油味道，我又不是叫甜品，點解豉油只有甜味？唔係睇住隻蝦，一定以為食緊像膠。柚皮鳳爪又係只有甜味道，柚皮就更恐，放入口中以為咬著 洗碗的海棉，唔‘淋’唔入味！最正常就是素粉果及雞包仔。原本還想叫個肉絲炒麵，諗吓不如出去食其它食物好過！這家以往都有食開，水準一向好過 美心皇宮、翠園。但今次之後真係唔想再到美心集團食飯。

八月花一向性價比高，食材及味道也不錯。來了很多次，今次飲茶吃點心、吃小菜。年尾時節有特別點心推出：臘腸卷，味道尚可，但臘腸比較肥。酥炸鯪魚球：酒樓有蒸鯪魚球及炸鯪魚球，個人覺得炸比較好味，外邊香口惹味，內裏魚肉香滑。炸沙律香茜餃子：近日才推出的菜式，外皮香脆，內裏帶點芫茜的香味，配上沙律醬， 幾好味。叉燒酥：一貫的味道，但稍嫌油了一點。海參蹄筋炆鵝掌：海參是味道爽脆的一種，蹄筋很有彈牙，但個人較喜歡煮焾一點，鵝掌正常的味道，芡汁香濃。