八月花 (皇室堡)

營業中

休息中

皇室堡啲酒樓一般好多人，但係一早八月花真係冇咩人，可能因為太貴，所以要到11.30am後，先至人多。可惜，美心集團做得太差，點心上枱沒有熱度，點心外面是冷的，粥品只係暖而唔係熱！可能由於唔夠員工，點心要半個鐘先到！一個字形容水準…..差！而且安排每枱用餐時間90分鐘，根本唔係嘆茶，呢個亦都係美心集團嘅失敗！點心嘅水準只不過係一般般，冇咩驚喜！腸粉都係凍㗎，蒸鯪魚球根本就唔熱，粥攞到落嚟只不過係暖嘅！

第一次黎皇室堡呢間八月花，晚上7:00去到，坐左3成客人左右，店內環境裝修屬中檔以上級別。一行3人安排左靠邊坐，地方環境闊落，乾淨整潔；去到7:30已經滿座。打開餐牌價錢亦合理，我地3個人叫左椒麻醬雞甫，味道微辣，開胃。茶燻鴨配荷葉餅-賣相擺設唔錯，半只份量亦足夠，跟左辣醬，鴨醬同埋子薑，夾住荷葉餅食，幾特別。豉汁帶子蒸豆腐-雖然普通，但清清地都唔錯。蟹籽蟹肉燴伊麵-味道適中，略嫌伊麵有點淋。三個人埋單$700左右，以出品環境及服務計，價錢非常合理，一啲都唔貴，可再幫襯。

一星期內試晒午市晚市茶介$17/位餐前小菜 $16 4個人食未叫野食都唔見$100先點心比較推介有：脆蝦腸粉👍🏻👍🏻👍🏻👍🏻👍🏻雪糕楊枝甘露👍🏻👍🏻👍🏻👍🏻👍🏻晚市則比較少人叫咗孖寶set $288 有南非鮑魚+ 鮮蝦👍🏻👍🏻👍🏻👍🏻其他價錢都比出門酒樓貴

今天晚上，和家人一行六人，在銅鑼灣皇室堡的八月花共享晚餐。 點了的餸菜包括：花雕醉乳鴿(酒味甚輕，差點吃不出有花雕)松子竹笙魚米(好味，但有少許油膩感)蒜子火腩扣大鱔(大鱔很入味，但火腩就少了些，只得兩塊)翡翠炒生班球(西蘭花味道偏鹹，班球還可以)鴛鴦豆腐會加拿大龍蝦肉( 原來鴛鴦豆腐是蒸豆腐及豆腐潤)生菜包乳鴿崧(乳鴿與生菜，味道很夾)安格斯半熟牛肉沙律 (牛肉竟然全熟，沙律汁偏濃)花膠絲瑤柱泡菜苗(是今晚唯一一樣比較清淡的餸)之後再點了以下的甜品: 蛋白杏仁茶，薑汁雙皮奶，龍鬚雞蛋散，蓮蓉西米焗布甸，雪糕楊枝甘露幾款熱食的甜品都不夠熱，蓮蓉西米焗布甸的蓮蓉少得吃了也不覺，蛋白杏仁茶偏甜，薑汁雙皮奶太硬....

門口接待阿姐態度不佳 用餐環境衛生舒適。樓面服務姐姐服務好 我點懷點心 干蒸牛肉 魚翅餃 好似急凍點心 。點心加一都40多元一籠 。以美心集團旗下一間走中上食市出品令人失望。

星期六飲個茶~三人行，九碟嘢蝦餃味道不過不失，好似有啲未發育嘅感覺，少少細粒，就好似某個牌子嘅乾蒸燒賣差唔多大墨魚餅幾好味嘅，入面幾多汁👍🏻流沙奶皇包幾流沙，好味👍🏻唔算太甜，仲有啲蛋黃咬下酥脆鮮蝦腸粉幾好味，夠脆，夠味鵝肝蟹籽脆春卷好難食。。。完兩條友蟹子兩條冇咁囉🤣🤣不過不失棉花雞懷舊糯米包🤓唔係應該有臘味嘅咩，入面係冇臘味嘅味道，亦得個一兩粒同米一樣size既臘味豬腳薑啲蛋，好年輕，無味😂😂

雖然下午茶時間平啲，因為需要搵到位，一點前飲茶。與外面知客溝通話老人家行唔到咁遠叫佢比出邊枱，佢俾咗之後，行到竟然係好入的，出d 外面只有一張路口枱及一張佢哋話「太大風老人家受唔住」嘅枱想轉為「路口枱」的時候，路口枱迅速俾人攞咗佢哋叫我哋坐「風口枱」。茶樓知客唔關心老人家…. 忽略老弱。我話俾男部長聽情況，部長話沒有枱，我話原本有枱，係之後做錯。佢之後有人埋單就幫我轉去第二張唔大風嘅枱。希望個知客可以進步一下，唔好要其他同事幫你兜….

成日聽啲麻雀腳講話週末家庭飯局好多時會約去皇室堡間「八月花」度聚，因為地點就腳之外，每次飯後以指定信用咭找數都會獲贈不少現金券；依招真係洗得架，明顯成功氹到不少食客返轉頭。遇著好客嘅蕃薯Uncle手持三張就快到期嘅$200現金券，嘻嘻，身為得寵細姪當然口福不淺！店名已經用咗個「八」字，仲要設於商場八樓，咁咪「發上加發」？！意頭真係好！並冇花巧之裝潢嘅中菜廳面積十分寬廣，故抗疫期間，用餐大堂可輕易分成B、C、D三區，排出多張二至十二人散枱以容納更多類型嘅客人。此外，餐桌有抗疫膠版間開，又隔得夠開，空間感足，且相當衛生。每位席上擺有齊備嘅自用及公用餐具。小肥早到，長輩即奬勵同佢一齊飲大大杯生啤，認真歡樂！餐廳不時都會推出套餐優惠。厚本餐牌中英對照，首頁先道出餐店嘅理念。接著嘅十八頁散點項目附上彩圖參考，簡單清晰。頁尾列出其他雜項收費，詳盡得很！服務生雖較年長，但均友善好客，除咗落單時會推薦招牌菜，中途亦有換碟加茶。七人被分派兩碟開胃前菜，每碟$16。沙薑豬手（$68）：大大舊豬手都幾硬吓，不易入口，沙薑調味亦偏咸。椒鹽豆腐粒（$55）：豆腐粒炸得未為最金黃，食落外層過於軟腍，毫不香脆，加上

此店燒鵝一向好味！係即日店內燒嗰隻！食咗幾年！今日又尊程嚟叫咗碟剩細燒鹅($88)，但就出事喇！半碟皮甘香肉嫩滑，半碟皮乾肉黴！於是再叫碟燒鵝湯生麵食($48)，點知又係一半食得一半唔食得！又係一半啲肉黴爛，一半鮮嫩甘香！佢同一碟一半用新鮮燒鵝一用隔夜！係好容易畀客人發覺！

位於銅鑼灣皇室堡既八月花，地方非常大，枱與枱之間距離遠。第一次黎食飯，叫左個4人餐，另外加多一個餸，超級超級飽！竹笙海皇燴燕窩：好味，不過燕窩得好少，哈哈龍蝦伊麵：好味，鍾意食龍蝦清蒸花尾龍躉斑：好味，魚肉滑陳皮蟲草花浸翡翠：唔好味，可能我唔識欣賞呢種菜...... 貴妃雞半隻：幾好食，雞一啲部位滑，但一啲部位唔太滑紅豆沙湯丸：好味另外加既係薑蔥海蔘爆花膠，呢個真係好好味。之前聽講過八月花既花膠扒出名好味，所以今次特別另加花膠食。果然真係好味，平時唔太喜歡食花膠既我，都要大讚佢啲花膠。下次再黎八月花一定會再叫花膠食！

Services: We came here for family meal because it seems to be a more expensive restaurant of the Maxim group. To our disappointment, although the food were ok and the place looked nice, this restaurant provided awful services and the staff are rude. Menu:They provide a discount menu for Peking duck which was good price. We tried to book and they said we cannot book that set. But when we arrived, sat, and ordered (as early as 6ish) , they said the Peking duck set was sold out so we were forced to

又係為咗美心Coupon又來。 妃子笑$65，酒味淡，茘枝酒甜，淺紅晶瑩，三腳精靈卷尾杯，可精緻，如加片薄荷葉點缀，更畫龍點睛。 銀絲乾炆廣島蠔$148,初初以為無蠔，8隻廣島蠔細隻放在煲底，但蠔味濃，粉絲爽身又爽滑，吸收蠔汁，加點黑椒，更香更惹味。 龍蝦炒鮮奶$198，頭髮絲般幼的粉絲，唔燶但脆香，與滑滑奶奶及龍蝦肉一切食，绵中有脆，口感層次味道達中上。 薑葱海參爆花膠$198,早2星期在翠園食過類似，太陽讚這裏花膠大好多，所以我堅持要食，有6塊手掌大，白色滑又彈爽，不像翠園透明，海參粗彈爽，多薑葱爆香，蠔油汁，味道又得宜，自然成為養顏補品之作，個多星期後又來過。 Honeymoon$65,無酒味的桃酒，㗳到芒果及橙味，有粒士多啤梨裝飾，但唔甜香，總結係一杯果汁。 赤燒松露黑豚肉$198，9片肉香，連碳火一齊上，焦香味特濃，腩肉，油香四溢，有5mm厚，多松露，聞香，食時加熱，味就消失大半， 縱然如此，也不失美味。 鴛鴦豆腐燴加拿大龍蝦$168，汁富龍蝦味，但龍蝦反而龍蝦味淡，加咗赤啡豆干，實感，還以某種菌，白滑實豆腐，吸收龍蝦汁，美味。 香烤燴英國豬架$198，肥廋雙間，肉爽腍，烤香

跟朋友於八月花食晚飯，餐廳人手不足，服務需要改善，點菜、加水及食物分配都要等好耐，要多次舉手搵待應先有人接待。食物價錢偏貴，餐牌上菜式選擇有限，八點左右花雕雞同香酥鴨已經售罄。另外食物質素欠佳，幾道菜都好鹹，當中以紅炆牛肋條最差，收費超過$200，但煮得太耐，啲牛肉好硬又乾，完全無肉汁，而且有牛筋而非全牛肋肉。多年前曾經到過其他八月花分店，印象中食物不錯的，但今次無論食物及服務方面，都實在令人大失所望。

今天中午飲完茶，諗住訂位星期五吃晚飯。由於家人六點半才放工，所以想訂七點鐘。接待處職員話只可以訂六點或八點，我說家人六點半才放工。但該職員很不客氣的說，那麼你就訂八點囉，態度很不耐煩。我最後唯有打消訂位的念頭。我一向有去美心皇官及翠園飲茶和吃晚飯，但從未見過這麼差的服務態度。太令人失望了！😡

前兩天和家人去吃飯，老婆生日，打算食好D, 叫了6餸1炒飯，點知大失所望，沒有一個菜滿意，燒鵝太咸，花膠生菜，D花膠腥到不能入口，炒菜D木耳都未泡發好，最後炒飯，一口鹽，一口炒糊的味道，真沒語，這個價錢，給這個水準，以後都不會到這間吃飯。太失望了。之前在東涌八月花吃飯，味道十分滿意，所以才會再去八月花，諗住大集團，間間一樣，點知會吟。