八月花 (又一城)

營業中

休息中

陪兩老去飲茶，我有事遲咗10分鐘到，藍色恤衫服務員串兩老，你哋唔學用QR code落單，冇得飲茶，就行開咗。一黎到兩老唔開心，但已叫咗野食。👵🧓老人家唔識用QR code落單好正常，如果佢哋咩都識，服務員冇工做啦？

去試左商務午餐❤️安格斯半熟牛沙律❣️牛好滑，成個沙律都好重牛味，好食😋海王雪燕燴蛋白羹❣️每一羹都有滿滿既雪燕😍成碗都好’傑’，啖啖都係貴婦級既精華❤️薑蔥雞件爆花膠❣️花膠超級超級大條😍雞件都唔鞋，好入味❤️瑤柱杞子上湯浸菜苗❣️滿滿既瑤柱杞子！！！！食菜都有貴婦級嘅享受慢烤脆香煙燻茶燻鴨❣️同片皮鴨唔同，唔係用皮包，係用包黎包🤣啖啖肉生磨蛋白杏仁茶❣️杏仁茶簡直係全餐最愛😎夠晒滑夠晒香仲有三個點心同伊麵，除返開每人二百蚊左右，性價比好高❤️

又一城有好多高級食府 今晚就嚟咗呢間八月花食中菜🥢餐廳舖面都幾大 需要檯與檯之間嘅距離感唔算好足夠 但係酒樓都放咗唔少隔板 間隔令到你唔會聽到隔離檯講咩之餘 防疫方面都好安心🤭椒鹽豆腐粒呢碟小食中規中矩 豆腐粒嘅炸炒唔算好厚 豆腐都炸得幾香脆🤤酥香鴨 半隻鴨香味好濃 但係又唔係非常之羶 略嫌份量有啲少🥺加拿大龍蝦肉炒鮮奶鮮奶有好香嘅牛油味 配埋鮮奶下面嘅炸粉絲 又有唔同嘅口感 但係其實唔係好食得出有龍蝦😂龍蝦汁泡鴛鴦岩米飯店員好好服務 幫我哋分好先上檯 龍蝦湯都幾濃 湯飯都幾有龍蝦味🤤呢一餐都算係幾滿足 如果下次嚟開又一城都會考慮吓😛

已經好耐好耐冇嚟過八月花， 由於中午要去又一城觀禮 ，之後就book咗八月花晚餐， 餐牌完全唔同曬 ～唯有點一啲總廚精選去食 ，個湯淡咗啲，但係啲嘢食都幾有特色， 都好夠食。 用料靚。 有興趣可以睇下啲相，我會將啲食物名擺埋上去。

琴晚飯聚，食6:00pm,八月花指定要7:45埋單，準7:45經理請我們埋單，但其實當時大把空枱，門外亦冇人等位，店鋪不懂變通，客人走左，更顯冷清。話說我們點了一個藕片炒山藥蘆筍，係Menu是整頁彩照，看來吸引，沒料到上桌的菜像未炒過的湯榨，得幾片，我們請經理重換一碟，第二碟多了幾片，但還是很勉強，沒想過大集團是如此離譜，$118價錢，加埋一成$130，真是超唔值，令人失望。不過值得一讚，係經理先生一值態度良好，抵讚。

平日的日子，早一星期預約了二人晩飯時段。二人點鐵觀音，茶壺餐具雅緻，多了一份好感，侍應送上前菜，咸酸菜，酸酸甜甜又爽脆，味道不錯，一個不錯的開始點餐:花雕醉乳鴿~$138鴿胸起骨切片，乳鴿擺盤精緻，像飛翔的乳鴿，鴿肉細嫩粉紅色，味道滲出花雕的芳香，特別的乳鴿做法。椒鹽豆腐粒~$55豆腐熱騰騰，切得大小是一口一粒，炸得外脆內嫩，灑上炸蒜，越食越想食。龍蝦汁配鴛鴦岩米飯，用熱騰騰的石鍋上桌，材料有蝦肉、蟹肉、粘米及岩米龍蝦汁另上，侍應細心幫忙注入濃郁鮮味的龍蝦汁，再分派在小碗裏，服務不錯份量約可分成四小碗第一次試岩味，煙煙韌韌，口感特別，配上龍蝦汁湯，一款菜式，兩種口感。埋單原價$452.1，減去上次美心集團食$600送$300優惠卷，埋單$152.1。是次用餐，食物、環境，服務水準以上，值得一試。

食得多西餐，朋友話想食返傳統中菜，原來中菜玩fusion 效果唔錯👍🏻🥢龍蝦炒蛋白：蛋白夠滑，加埋彈牙龍蝦肉、蝦油和酥脆炸米粉，感覺豐富。🥢慢煮茶鴨：鴨肉唔會太un，夾埋蝴蝶餅食剛剛好，可惜得4塊餅。🥢黑松露义燒：薄切义燒放在爐上燒，聞到炭燒香味。义燒同黑松露味道係夾，但义燒太肥，似食肥膏。🥢龍蝦🦞汁泡鴛鴦岩米飯：上枱時職員會將龍蝦汁倒入石碗，滾燙的龍蝦湯果然十分香濃，好好送飯！🌸茉莉花茶：食油脂重既食物配花茶可以清味蕾，仲可以開心share!味道：🔅🔅🔅🔅新鮮：🔅🔅🔅分量：🔅🔅🔅衛生：🔅🔅🔅速度：🔅🔅（5🔅為滿分）

20年前我係美心嘅擁躉，尤其是鍾意星光行嘅北京樓，佢嘅填鴨係最好。唔知係咪集團方向改變，而家覺得佢哋每一間店都好工廠流水作業咁。八月花以前去過一次覺得係高級粵菜。而家絕對唔可以用高級形容。上菜次序亂咁嚟，都唔係上咗涼菜先。第一味上來竟然下單尾炒飯。今次去純粹有人俾咗張$300禮券。食味係不過不失嘅。但真係頂唔順嗰種流水作業。龍蝦炒鮮奶係炒得幾好味龍蝦湯泡飯都幾好味個爐仔燒唔知乜嘢豚肉，其實係一片片叉燒放喺個爐再pat 一pat松露上去, 完全係懶惰嘅所謂高級粵菜扮高級整出嚟嘅gimmick

等咗個半鐘先排到位，安排混亂，見到有好多客人投訴。食物質素還ok，不過員工服務有待提高，由接待到點菜到傳菜再到埋單嘅員工全部都冇笑容，問多兩句又不耐煩，體驗勁差。知道餐廳唔愁做，不過都希望可以檢視一下做得好啲。

我地早一日book ，原本想book 7點，但已經full 咗，唯有食早啲，食5點嗰轉。我地五個人叫咗慢烤脆香茶燻鴨、龍蝦汁泡鴛鴦岩米飯、加拿大龍蝦肉炒鮮奶慢烤脆香茶燻鴨有半隻鴨同埋四個蝴蝶餅，仲有生菜、辣椒醬、豉油同埋蒜片，鴨嘅份量都唔算少，又唔會膩，感覺有啲似食緊北京片皮鴨。龍蝦汁泡鴛鴦岩米飯係用石鍋裝嘅，有濃郁嘅龍蝦味，仲有啲龍蝦肉，我地五個人，每人都可以有大半碗。加拿大龍蝦肉炒鮮奶龍蝦肉較少，有好多蛋白，最驚喜係底層有烤過嘅米粉，非常脆口。

早排幫媽媽慶祝生日,星期六日 ,周圍都係人!預早係八月花book定位!呢陣子做緊優惠,有張信用卡既set好抵食信用卡優惠嘅指定晚餐,四個人都唔使一千蚊! 有鮑魚有龍蝦 ,又有勁大塊花膠仲有魚 味道ok但係非常得體嘅菜式龍蝦海鮮羹!飲起嚟好似啲西湯既龍蝦湯咁,裏面有粒粒龍蝦肉燒腩仔下面放咗啲沙律菜減低油膩感 ,雖然得四片!但都好大塊令人滿足的 蠔油炆花膠!睇到都夠震撼!好大塊!後生仔鍾唔鍾意食一件事!老人家一定鐘意食完啲花膠嘅執千祈唔好浪費! 你可以叫店員幫你帶走拎返去撈麵,又或者用來再煮餸都好蟲草花 芽菜和豆苗顏色都夠好睇沙巴龍躉仔稍為失色 其實本身佢唔係咁細條,但係失敗之處就用咗個大碟龍蝦伊麵,都有一隻完整嘅龍蝦,份量都好大方!四個人都夠分!食完就真係好飽最後上咗個壽包畀我哋,個樣唔係幾夠好睇,不過唔緊要啦,呢餐呀媽佢好滿意呀

八月花超抵套餐🤩話說美心最近有匯豐卡優惠，滿600就送$300現金券，上次食完北京樓攞左張coupon，今次就攞住張coupon近近地去八月花食個dinner。（不過優惠只限一至四）人少少叫中菜好難叫，所以一般都係食套餐。見到呢個$238套餐有鴨掌蹄筋，燉湯，蒸龍蝦，桶仔飯，杏仁蛋白茶，一於就叫呢個啦！最緊要仲可以用呢張300蚊卷😝減左$300消費滿$600再送$300🤩整體味道都好好，燉湯鮮甜，龍蝦都好新鮮，個飯賣相就普普通通，不過越食越香唔知係咪落左豬油，杏仁茶就有驚喜，係生磨既，甜而不膩，好滋補不過個蛋白就唔夠滑。食完真係飽到上心口😓太肚餓原因淨係影左一張相🤪三個人埋單八百幾，為左要over $900再order多一份豬仔腳，味道都好不過唔夠諗。扣完$300 coupon，人均$210，再攞多張$300 coupon！超抵啊！

之前因為試過葵芳翠園的晚餐都唔錯，今次喺3星期已訂了(八月花)座；結果完全中伏🥵🥵🥵，吃完真係覺得比死更難受！食品差貨不對版不在話下，連服務態度都勁差，想點？🙁🙁🥺完全配合了貼錢買難受呢句說話😩😩今晚我們共5位，點了1) 龍蝦湯燴蛋白羹2)黑蒜豚肉燉烏雞3)椒鹽豆腐粒4)蒜子火腩扣大鳝5)蟲草花螺片6)真金白銀7)蘆筍山藥炒藕片8)香烤燴英國走地豬架9)極品醬油炒飯。結論係:1. 蛋白羹係湯唔係羹，湯唔夠熱，裡有酷似龍蝦膏的東西好假, 味道當然係…..差！😓😓😓2. 黑蒜湯裡面係普通蒜，有相為證； 跟門口廣告上的黑蒜係兩碼子事，完全違反商品說明條例！係欺騙！🤬🤬3. 蒜子火腩扣大鳝，用煲上，但一啲都唔熱！4. 真金白銀 - 只可以用嚟形容我今晚的付出; 呢度菜裡有酷似龍蝦膏的東西好假, 個茨汁好水。5. 香烤燴英國走地豬架 - 味道還可以個都係唔夠熱！6) 極品醬油炒飯- 本來係點了龍蝦汁泡鴛鴦岩米飯，但見到了龍蝦湯燴蛋白羹咁差，馬上轉軚。點知個醬油炒飯鹹到連盲人都開眼😓😓😓經理將個飯攞走話入去同㕑房反映，一去無回頭； 當然再無任何交代。😵‍💫😵‍💫😵‍💫我們一邊走時一邊談論從未試過吃

活動完了已經8點多，我們4人選擇到又一城八月花晚餐，主要因為有券可用。8點半到酒樓，知客告訴我們很多菜式都沽清，但我們也決定有什麼吃什麼。最後我們點了四道菜：醉鴨舌：酒香味不錯。燒鵝例牌：中規中矩。雜菌煲：這個特別，不是平時一般吃的菌類，味較濃，好餸飯。龍蝦炒蛋白：原本想試另一個什麼帶子腐，但已沽清，所以點了這個試試。有少許驚喜，雖然龍蝦肉少，但蛋白滑，反而驚喜的地方是墊底的米粉，烘成一餅挺好味的。我們用了不夠一小時便用膳完，上菜快，像吃中式快餐。用券後價錢尚算公道。

疫情略為好轉, 午餐都唔想挨飯盒, 於是約埋幾個老友去又一城八月花飲茶。美心屬下嘅點心一向都唔錯, 但係呢間有一城八月花似乎特別好。而家搬咗鋪之後地方比較寬敞, 抬與指中間分隔用咗透明膠板,望上去比較整齊企理。環境唔怕太迫, 坐得比較舒服。點心其實冇乜嘢可以評論, 當日食嘅都係一般蝦餃燒賣叉燒包腸粉馬拉糕之類。但係每一樣食起上嚟都唔錯, 個人覺得係水準之上。飲茶最麻煩嘅地方就係要等位, 入月花都唔例外, 當日我哋11:45分去到都要等咗20分鐘, 大家要心裏有個準備。