八月花 (又一城)

營業中

休息中

很久沒有過來八月花，今日啲出品尚算滿意。有我最鍾意嘅鹹水角，外脆內軟，沒有塌下來，餡料係我鍾意的，帶有少少甜味。蝦餃都OK嘅，蝦爽口彈牙，因為太肚餓啦，又係已經急不及待，先食咗個蝦餃。跟住個素菜包，夾鹹菜同埋花生，青豆加咗少少辣椒非常好食，包皮鬆軟，熱辣辣。另一樣我專程以來的就係甜薄撐，雖然口感係紮實皮係略嫌硬了少少，但係感覺都算可以接受，煎得就夠乾身不油膩，雙皮奶唔甜，都算滑，非常好食。 @八月花

食物一般，唯獨服務超級差，限時90分鐘，差不多75分鐘就叫我埋左單，然後最後一份食物埋完單先到，接待員一直用好無禮貌既眼神黎望望住我地食，到差不多90分鐘我起身去洗手間，接待員立刻去我張枱對住老人家講話要還枱，老人家話因為等最後一份食物所以耐左啲，店員態度惡劣地說：呢碟野駛唔駛等兩個鐘？第一，由入場到離場都冇兩個鐘。第二，對住老人家點解態度可以咁差？堂堂高級食肆，就算催客人還枱其實係咪可以禮貌啲？老人家有時手腳會慢少少，但係駛唔駛搭正90分鐘就過黎比氣客人受？仲要係趁年輕既行開左至過黎，攪到老人家明明慶祝生日都好掃興。

食物好一般，個粗齊好難食。個鴨超咸。咕嚕肉都可整到難食…難食過一般茶餐廳。其他野都仲入得口嘅。但價錢同味道唔成正比呀。服務態度…唔掂。 加左個餸唔夠一分鐘，我話想cut，因為驚叫得太多，佢哋話入左單無得cut，其實佢張單都未出到比我 😔今時今日咁嘅服務態度..我唔知係咪我out左。是旦，費事食得唔開心，佢哋話打包就打包啦。其他都唔掂，賣個單條友又eeoo,搞左成十分鐘。但成餐飯，我唔知食左啲咩，得個飽字。 😔😔又一城8月花，不了～～

一班姊妹好耐冇見諗起兩年前喺度食過一次覺得唔錯決定再encore 八個人叫咗八個餸，份量略嫌過多，但係有多啲種類選擇冇咁悶其中覺得蒸魚同埋芥辣蝦球最值得推介我個人就鍾意惹味，個芥辣蝦球甜甜地又辣辣地好特別，食完好開胃醒神條魚火候啱啱好，蒸出嚟熱辣辣嫩又滑，好快就已經俾我哋熄晒鬼馬牛肉就即係油炸鬼炒牛肉，脆卜卜幾得意個乳豬仔就略嫌唔夠熱，但係都OK咕嚕肉同炒咗兩碟菜就正正常常仲有個斑腩就略嫌太少，得四件魚甜品就正正常常

26 號晚在又一城八月花點了個四人新春餐，五餸一湯加每人一碗兩粒未煮熟的湯圓，承為$1080 ！先來個玫瑰雞，上碟時擺得七凌八落，見到已經冇乜胃口，食落肉質鞋兼凍，每人試咗一舊已經放棄！之後的仿翅也是凍的，預咗套餐會預先煮好但加熱有多難！鵝掌鮑魚，四隻鵝掌大而無當，硬到咬唔開，膠製品一樣！什麼翡翠帶子𧎚球，伴菜大多未煮熟，只能當是裝飾點綴品，𧎚球被過份的梳打粉醃過！唯一是條龍躉還算是即蒸上碟，可以入口。

參與家人請嘅兩枱生日晚飯，本身唔知食乜亦冇乜要求。當食完緊乳豬就已經上埋蝦、湯，我哋問吓待應生可以上慢少少嗎，我哋食唔切。有一位男待應生同我哋講“我要同你哋打定針，廚房已經出緊餸，如果要慢啲先上餸之後要等耐啲..”。我哋聽完之後雖然唔太開心但都同佢講”咁跟你啦”。之後，我哋發現另一枱嘅家人已經食緊另外三四度菜，而我哋食完蝦、湯之後差不多成10-15分鐘都一直未上過一樣菜。好自然會問吓嗰位男待應生，佢竟然話係我哋叫起慢啲，我哋當然否應而佢亦冇理會我哋行開去。因為今晚係有家人請食飯兼生日飯，我哋冇再進問落去，唯有等佢哋上乜就食乜。跟住陸續上菜，所有嘅菜除咗蟹鉗之外全都只係暖嘅唔熱、而喺蝦、湯上嘅竟然係糯米飯同埋麵，之後再上鷄、魚等。我哋相信佢哋上菜係有乜上乜而唔係跟隔離枱或者一般嘅次序。喺過年呢幾日食過幾次差唔多嘅過年餸，一般人都會懂得乜嘢菜係好同唔好。我同全枱嘅親人都絕對同意以上嘅評價。我相信「八月花」作為大集團嘅食肆理應提供較優質嘅服務、較好嘅食物質素，而個地方都幾舒適。今晚嘅經驗真係令我哋非常失望；尤其係呢餐飯係慶祝我哋一位老人家嘅生日。

好耐冇食過八月花，突然想食中餐，加上時間倉促，點了懶人套餐，包羅萬有，不用思考。$298一人套餐，六道菜另包一杯果汁先生橙汁，當中有點名貴食材，好似原隻花膠伴時蔬，半隻蒜蓉蒸龍蝦，雪蓮子豬輾鮑魚湯，味道不錯，美中不足係龍蝦瘦削，不過個套餐都幾抵食。其餘有BB豬伴沙律菜，珍珠雞和蛋散，惟乳豬不太脆。另外加咗甜品蛋白杏仁茶同咖啡糕，後者咖啡味濃。其實淨食個套餐已經好夠飽。總括嚟講，抵食，食物質素中規中矩。

晚上六時已經坐滿四成嘅枱， 今時今日一點也不出奇， 因為香港市民在疫情之下已經慣咗提早食晚餐。最先到的是脆脆BB豬沙律， 一隻碟上， 普通沙律菜加沙律汁墊底， 四件乳豬放面， 微暖， 不是熱的， 比起以前四格點分開上 熱辣辣的脆乳豬比較遜色了。 再嚟蟲草花涼拌鮑螺片小食， 普普通通不過夠曬凍。主菜到先嘅就係 鴛鴦豆腐燴加拿大龍蝦， 雖然豆腐又平， 龍蝦用碎粒， 加埋罐頭龍蝦湯， 不過整得好食， 可能個組合令到啲味好夾。 酥香鴨半隻 都還可以。 蘆筍山藥炒藕片 十分清淡， 算係素食推介。 菠蘿咕嚕肉 大汁咗啲， 但係個汁唔夠味。最後有啲驚喜嘅就係鐵板蔥香脆皮海參， 鐵板蔥油都幾重鹽味， 海參發好曬但係冇入味， 中間讓薯蓉之後再落漿炸脆， 有啲新意！ 如果釀蟹粉仲矜貴， 又可以收貴啲！壽包就普普通通， 但係最好就係唔使等20分鐘！ 十分鐘就有！

近來愛上星期日睇早場，今次到 Festival Grand Cinema看正義迴廊，137分鐘佈局緊密，冇冷場，精彩！睇完戲，約了媽媽吃午餐，八月花搬到LG2層(之前是翰騰閣)後，第１次來，環境挺好的，光線充足，感覺舒服！我們坐C52號枱，風囗位，店員說只可以調高溫度，不可以調低出風量(連我在內，我聽了３次，其他客人也７覺得風太大)，因為要keep住換氣量。是日午餐，點了以下的：#普洱茶：太濃，要對開水喝。#叉燒拼油雞飯：很喜歡美心的豉油雞，今天的叉燒也好吃！#百花釀魚肚：我媽媽最喜歡的點心，她表示滿意！#龍蝦湯鮮竹卷：足料，龍蝦湯有鮮味，好吃！#一口鮑魚撻：賣相吸引，可惜不夠熱，味道打了折扣。

平日晚上六點，已經坐咗八成客人，人手不足，只派機械人帶位😂因為唔係好肚餓，所以叫咗三樣嘢。茶味偏淡，肉質淋，但近鴨翼部位好鹹，就算用蝴蝶餅夾埋生菜一齊食都係好鹹，扣咗分。石鍋裏的湯飯熱辣辣，一鍋可分6-7碗。龍蝦湯味濃，每啖飯都有蝦肉好滿足。如果加啲脆米會更有口感！我哋好鍾意飲湯，食完龍蝦湯飯，再叫多個清淡嘅羹瑤柱上湯加蟹肉、豆腐蔬菜，有鮮味又唔太杰，唔會好似飲漿粉水。清清哋，健康啲。但係飲到一肚水😂

今晚同幾個朋友食晚飯，每人都點了一人套餐，有三樣食物都不錯，有燉湯，兩隻大蝦，花膠扒，其餘的菜色就一般；而服務態度就絕對麻麻，一間坐落又一城的食府，感覺侍應好似吾想應你，真心冇下次

行完街後突然想食中菜，就同屋企人食下餐廳環境唔夠冷氣，個人越食越熱叉燒雖然份量好少，但真係好肥美，加上有啲火焰，視覺效果滿足。半隻慢煮鴨，味道一般，始終覺得扁皮鴨比較好。杏汁豬肺湯10分好飲，仲有好多湯渣，一份可以大約有五至六碗。個時蔬真係普通到冇得再普通，完全冇菜味，感覺求其，十分可惜。睇相都睇唔出呢個係伊麵🤦‍♂️🤦‍♂️🤦‍♂️，本身以為會係乾身個款，點知一出到係濕炒，完全做唔到伊麵嘅效果。

今日黎八月花飲茶，野食不過不失，蝦餃啲蝦都彈牙。蘿蔔糕好味，唔容易散開，又有蘿蔔味。但包點同牛肉腸粉都一般般，檯與檯之間唔算好逼，距離尚可接受。但係嗰度啲冷氣勁凍，好似想快d趕人走甘，呢樣扣分。

各方面嘅水準都每況越下，本身收費已經唔係平，但如果你食物同服務到位，係絕對值得嘅⋯⋯ 好可惜，兩樣都越來越差⋯⋯首先，食物質素方面，所有蒸嘅點心都非常之咸😓炸嘅點心仲衰，全部有油益味嘅，食完個芋角同炸兩中間舊油炸鬼真係有啲反胃🤢👎🏼 乳豬凍冰冰，皮唔脆，肉好咸🥶服務方面，已經去到都冇咩服務可言嘅階段⋯⋯ 叫啲侍應係冇人會理你，明明見到你揮手叫佢，佢都可以擰轉頭當見你唔到走咗去😩 再咁樣做落去，遲早拜拜👋🏻

$700 for 2 for a weekday casual dinnerNot ordering any expensive dishesSweet and sour pork at $128Taste just like any maxim restaurant Lobster soup rice $168The taste is rather dull and lightNot thick enoughRice overcookedToo moistVege bowl at $138Adding the tea and appetizer and 10% it’s a total of $700 for 2I think you can find a lot more choices with this budget elsewhereService is really bad too Impolite and not welcoming