八月花 (又一城)

營業中

休息中

除左長輩，宜家都愈來愈多後生鍾意飲茶😌無限時之餘又可以慢慢嘆一盅兩件，點心細細件又可以食多啲唔同款！😚😚▪️蜜汁叉燒腸 $39 🌕🌕🌕🌕🌗▫️花膠瑤柱灌湯餃 $52 🌕🌕🌕🌕🌑▪️鮑魚汁炆鳳爪 $50 🌕🌕🌕🌕🌑▫️蜜汁叉燒包 $38 🌕🌕🌕🌕🌑▪️古法馬拉糕 $38 🌕🌕🌕🌕🌕▫️甫魚滑燒賣 $42 🌕🌕🌕🌕🌗▪️銀湖百花釀魚肚 $42 🌕🌕🌕🌕🌘

9/3/2021星期二，放工嚟到又一城，想食中式晚餐，在地下一層見到 八月花，記得之前食過，印象都唔錯，咁今晚就揀呢間開餐啦！雖然佢哋有二人優惠套餐，不過款式唔啱口味，所以我哋散叫。慢烤茶燻鴨半隻，份量好多，皮脆肉嫩，唔肥膩，配以生菜或者蝴蝶餅食。以生菜包著燻鴨肉食，夠清爽。以蝴蝶餅夾燻鴨肉食，好似食北京填鴨。露筍山藥炒藕片，清甜夠爽，好食。龍蝦汁泡鴛鴦岩米飯，用石鍋存熱力足夠，濃濃龍蝦汁，仲有龍蝦肉，鴛鴦岩米，煙煙靭靭，超好味。飯店設計令人客坐得舒服，侍應服務友善，給予滿意的晚餐。

我非常明白大家都要賺錢，來貨價加咗，我唔知，人工加咗，我都唔知，品質好咗，我肯定話俾你聽係「bad」，對不起，其實我都唔知係咪bad，今晚食咗個套餐，裏面有一條龍躉，值$398 散叫，是由着黑色衫嘅靚姐姐講嘅，但是在我張枱上嘅龍躉，似是一條大的「金古」，再大多條邊，我就不明白為什麼係價值$398 ，本來想問一問點解呢條係值$398 「散叫」？大家食兩食吹開水望到張單後，發現食緊上湯龍蝦伊麵，點解係橙色嘅汁？美心集團八月花就搵咗個高大威猛又靚仔過嚟解釋説呢碟真係上湯焗龍蝦嘅，個態度有少少稀奇，咁我哋就唯有不再請教套餐中在我們抬上個條龍躉啦！希望看到我食評嘅人指出沙巴龍躉係點樣計㗎，是不是沙巴龍躉是超級勁貴呀？SIZE細過一條套餐中嘅中或小型東星班，而個套餐$1000樓下，多謝🙏。相片…，我想一想，同大家分享吓我覺得係中咗招嘅套餐姐！套餐最突出嘅就係分別係龍躉「大小及微温」啦，同埋澳龍，即是上湯龍蝦伊麵「微溫」，再者就係合時甜品係薑茶湯圓，其實我都未確認，第一我就無食到「蓋都無打開」，第二我聽我阿媽講係非常之多薑非常之甜姐！套餐裏嗰碟蟲草花就幾好食，我🈯️碟菜。

疫情下禁堂食, 都會周圍試下餐廳外賣優惠套餐。美心中菜最近推出嘅超值外賣自取四人餐, 只需$398。整體份量充足, 性價比高, 絕對值得一試!海鮮粟米羹味道較清淡, 重蛋花味, 有少量魚塊上湯焗龍蝦伊麵龍蝦鮮甜, 伊麵吸盡龍蝦精華! 如果餐廳幫忙輕輕壓裂龍蝦殼, 會更方便食客鮮茄蛋牛肉普通家常小菜, 即使外賣, 滑蛋水準無變, 酸甜開胃! 鹹魚雞粒豆腐雖然鹹魚味唔重, 但調味足, 雞粒同豆腐份量唔吝嗇極品醬油炒飯有驚喜, 外貌一啲都唔討好, 又冇任何配料, 但意料之外地好食, 送飯一流!

中午去到又一城食午餐，首選越南餐，但排隊人太多，咁轉去皇后餐廳，點知一樣係咁多人排隊, 咁唔想排隊可以點？最後搵左一間冇咁多人排隊㗎啦見八月花冇乜人排及門口印有特價午市套餐，見今日係平安夜，晚上就冇得堂食，所以午餐就食豐富小小啦⋯⋯叫左個二人套餐，睇落去幾豐富幾吸引，價錢又算合理首先上場嘅係BB豬，每人有一片咁多😓味道都算唔錯，豬件係脆皮，算有水準，但最唔中意嘅係佢地唔使問就監硬放底啲麻棘味鹹酸菜俾你，我最唔中意呢個味道，其實呢間集團有幾間去過的中菜都係咁做，令人好厭惡😡失哂印象分呢個係鮑汁扣原隻花膠，花膠夠淋，又算大件及算入味，有水準，唔錯😍再上枱係原隻瑤柱菜膽花菇湯，湯好淡味，未見出色😔呢味上湯焗原隻大花蝦，睇落D汁杰撻撻咁，賣相欠佳，食落鮮味欠奉，其實就算用急凍蝦都可以搵D新鮮D嘅😤呢隻除了上碟前已經甩頭外，食落D肉仲有D霉😠迷你桶仔飯，不過不失。蛋白杏仁茶，比較稀身，蛋白好少，普普通通，有D行貨總括來講大集團嘅食物質素唔應該係咁，監管一定要嚴謹，咁嘅水準頗令人失落☹️

因疫情關係無得堂食，我係whatsapp落左單，訂了外賣6人晚餐，6:30pm自取。我7:00到達八月花，等了超過半小時都無得拎食物。因為我個餐同其他客人既餐吊轉左。等既期間其他客人的訂單錯漏百出，真係好無系統好混亂。

疫情以來好耐無飲茶，難得有機會去又一城，就熱鬧下啦！先來一客花膠灌湯餃！湯味清甜，餃餡美味。花膠薄點，不過此價錢就合理！下次一定再叫！百花釀魚肚一樣鮮甜，魚肚軟綿綿，飲親茶都會叫佢！乾炒牛河比我想像中有鑊氣，牛肉味香濃！一定要試！奶皇包相對就比較失色啦，普普通通啦，下次都係叫蛋散好啲！環境方便佢用好高身嘅膠板格住每一台，所以乘客可以食得放心。呢個鋪位原本係另一間酒樓，不過宜家裝修咗，八月花搬咗落嚟呢度。

裝修高雅的八月花最近做緊信用卡優惠, 套餐更可同其他晚市優惠一齊享用, 就同家人相約一聚。鮮茄蛋牛肉本身純粹想食一啲有汁的小菜而點, 點知這款跟餐小菜令我喜出望外。茄味濃郁, 牛肉鮮嫩, 非常開胃。金陵片皮鴨鴨皮鬆脆, 一咬皮下脂肪完全融化, 油香豐富但又唔覺很肥膩。呢到嘅片皮鴨以皮為主, 而鴨肉則用作熬製二食嘅時菜鴨骨湯。福洲炒麵線主菜牌單點, 賣相雖然普通, 但食落有驚喜! 蟹肉並唔係幼細無咬口嗰種, 加入XO醬炒, 特別惹味。

又一城Sopping Day，行咗一日，終於都餓，食飯時候，間間都好多人等位，去到八月花，等2-3張就攞飛，大約10-15分鐘有位。佢哋有promotion, 主餐牌八折, 我地揀左2樣嘢都埋晒, 唔想再諗啦，就叫咗個超值二人餐。套餐樣樣都有啲，但份量唔多，如果唔係太餓都OK嘅。脆脆BB豬伴沙律，份量太少，好孤寒，每人一塊，去飲都唔止啦，仲要細塊，不如直接沙律就算啦。原粒瑤柱菜膽燉花菇湯 - 只有一粒瑤柱，少少菜，小粒菇，湯的味道還可以。包汁扣原隻花膠 - 終於嚟咗個滿意嘅菜式，味道ok，但唔特別好食。上湯焗原隻大花蝦 - 上湯味濃郁，蝦肉地新鮮嘅迷你桶仔飯 - 好食，加左粟米，芋頭，熱辣辣，份量較少。生磨蛋白杏仁茶 - 味道ok，蛋白好老，仲要等好耐，已經吹左好多次，都冇人理我哋。整體，除咗坐得舒服之外，其他一般，食物唔夠熱，上碟求其，衰過茶餐廳，而且啲碗碟都有嘣嘅，我印象中八月花，係高質餐廳，今次真係好失望，冇以前咁好，雖然好似好抵食，但係唔好食，短期內都唔會去。

仍然在限聚令四人一枱之下，美心推出阿拉斯加蟹宴套餐，急不及待去訂座試吓！入座後先會給你看活蟹的大細，在等蒸蟹時先上砂鍋雲吞雞，之後再拆大蟹，套餐八人份量，蟹腳多多肉好鮮甜，蟹蓋亦多羔！之後就一輪的小菜有咕嚕肉、鮑魚生菜！有一碟叫豉蒜煙紅炒花枝，煙紅是煙鴨胸肉，呢碟喜出望外，再來沙巴花尾躉，由於限聚四人，所以小菜皆分兩碟上菜，魚也是兩條分上的！臨尾的伊麵是用蟹汁煮的，好好味，不過有啲不夠熱，吃埋個紅豆沙！完美飽飽回家了！這間八月花新搬才個多月，裝修新又乾淨！

當一個單點菜牌七五折，而套餐係七折，兩個人食套餐又可以食多啲野嘅時候，好自然就會揀個套餐。脆脆BB豬半沙律菜，乳豬唔係真係好趣，沙律一般，醬汁幾好元粒瑤柱菜膽湯，都係冇乜特別鮑汁扣原隻花膠用嘅係一整隻說魚膠，質感唔錯反而係個鮑魚汁好行上湯焗原隻大花蝦，蝦夠大隻啲肉亦都好爽，上湯汁好濃郁，應該係用咗好多蝦殼之類去做出來，有少少似西餐大蝦濃湯嘅感覺。迷你筒仔飯竟然係一個驚喜，除咗白米，仲用咗粟米同喜馬拉雅山區嘅岩米。岩米其實唔係米，係一啲果實嘅種子，比較難見到同小人用嘅食材，食落去嘅口感煙煙銀銀，而且飯加咗薑、斑蘭同其他香料，所以唔家任何野味道都好好食。蛋白杏仁茶係正常水準，唔記得影相囉。餐廳嘅裝修擺盤各樣都幾好唔錯，唯獨是係侍應比較阿嬸，好似去咗美心皇宮咁。

放假輕輕鬆鬆飲個茶！🥰八月花係又一城開左好耐架啦！但近期就搬左鋪，搬大間左。今次就係搬鋪後第一次黎試下🥳感覺入面幾新淨，有圓形梳發位限聚令下，一張枱四個人，張枱唔算大張 放多幾樣野食都有啲迫。叫左個棉花雞，好熱辣辣，但個底都好油下 唔算好味。黑糖馬拉糕，好大舊，唔算好甜，好鬆軟最好味係炸蝦腸粉，大大碟，個炸蝦好香脆🥳豉油係分開上既鵝肝蟹子炸春卷，配一個wasabi既沙律醬，佢炸到個豬肉同個春卷皮分開左，唔掂。無下次🙅🏻‍♀️

又一城店，終於開返，華麗裝潢、別緻雅座，新張特設抗疫二人餐，$196 / 位，味道保持水準、份量也夠飽，有食就襯口，優惠不知道做到幾時～套餐包括：原粒瑤柱菜膽燉花茹湯、鮑汁扣原隻花膠、上湯焗原隻大花蝦、脆皮 BB 豬，迷你桶仔飯、蛋白杏仁茶，個人認為，當中蝦、及杏仁茶味道較為遜色，然而，其他菜色是相當出色～

之前一直都想試吓八月花，難得而家外賣自取咁平終於有機會試吓，諗咗好耐就叫番啲中式啲嘅嘢食，今晚揀咗燒鵝飯 $7x 加埋個優惠$60埋單，仲有一個湯送由於歸家路程都比較遙遠，拎到返屋企so far 嘢食質素都OK~ 燒鵝數量大約有六舊左右,遺憾地我食到最尾先見到包燒鵝醬係個底，因為個外賣盒係透明所以食到最尾就見到🤣🤣最後果兩舊先有得點醬🤣🤣, 個人認為下次擺番上面可能會比較好燒鵝味道都不錯，加埋個湯其實都好飽下😂，下次再試吓佢個叉燒飯因為太肚餓嘅關係唔記得咗影相😭