八方台式麵屋 (新都城中心二期)

營業中

休息中

新都城商場又多一間餐廳選擇😋台灣菜一向都係我嘅心水 岩晒我-餐牌選擇好多Dinner Menu 有好多set每頁跟顏色睇 主食加小食/餃子加飲品 50-60蚊👍🏻-或者散叫都可-天氣熱想食乾拌麵 又唔想飲野 一於散叫叫左個肉燥鹽酥雞乾拌麵(轉新竹米粉) $54肉燥份量唔少呀 仲有蛋同菜好欣賞佢鹽酥雞另上 而且鹽酥雞 好酥脆好大件好入味-友人叫左台灣小食豐味餐$6010件原味鍋貼加台式鹽酥雞👍🏻雞嘅份量同樓上一樣 而鍋貼就好似平時八方雲集鍋貼一樣高質底部脆脆 鍋貼皮薄餡料多👏🏻兩人合計$126 抵食呀😋

想食點餃子.....選了哩間台式店！晚上20:45，門口仍是有人等位.....門口有Gulu可拎飛......但店員有點混亂.....有店員叫客拎飛.....另一店員又唔駛.....做法不一......差不多9點....年長店員居然說：邊個未有位埋來......當時應該仲有4-5台客.....我即叫佢繼續跟Gulu 號碼叫，唔好亂！心諗一直都係Gulu叫號，咁樣嘛會遲來先上岸.......我估佢唔識按果部機.....叫了個豐味牛肉麵套餐.....有一碗牛肉麵+5隻鍋貼.....牛肉麵顏色好吸引.....牛肉分別有牛𦟌及牛腩位....超軟腍.....而牛𦟌就最好味......紅蘿蔔同白蘿蔔都好腍冇渣.....最驚喜係配唐心蛋，唔係鹵水蛋.....原味鍋貼.....應該係白菜鍋貼.....個底脆卜卜.....也不錯......

想睇將軍澳有咩食 上openrice search左幾間 最終都搵左新都城這間八方麵店 原因係有刈包 去到等左一陣就有位 叫了一個牛肉麵加辣 再另加鍋貼5隻 另外叫了滷肉飯 另加師大豬扒 再另加小食鹽酥雞 飲品點了凍東瓜茶 同埋凍紅茶 先上滷肉飯 超大碗 我兩個人都食唔完 鍋貼好味脆口多汁 豬扒好香口同juicy 鹽酥雞好脆口 juicy同豬扒一樣咁好味 冬瓜茶好消暑唔太甜 凍紅茶都ok 整體來講 抵食夾大件 所以食唔到最初想食既刈包 另外職員服務真係麻麻 凍紅茶食完碗麵都未有 叫左好耐職員先理 鹽酥雞又漏左單 等左好耐先有囉😭😭😭

中午經過寶林，係Openrice 見到依間食評冇負皮好似幾好甘，出面又有人等位。所以就入左去叫左個牛肉麵和麻椒乾伴麵加左份雲吞和一份鍋貼，再加一杯芝士奶蓋茉莉綠茶………全部係豆漿大王的水準，冇台灣味既港式小店only。個芝士奶蓋超咸記得大家千奇唔好試😵😵個麻椒乾伴面完全係辣味花生醬撈面，食左兩啖即放低，成餐最正常係個鍋貼，但都係普通都冇得再普通果隻。最伏係個芝士奶蓋。如果大家要試千奇唔好有期望，檔佢係豆漿大王就岩了。

今日端午節，我哋大概7:00到，冇咩人等位，基本上唔駛等就直接入得，餐廳冇提供小童高椅或餐具，疫情期間枱月台中間都有膠板相隔。我哋帶咗一個套餐，之後散嗌左三樣食物。我哋叫咗個滷肉飯加炸雞翼三隻加多杯台式奶茶，個滷肉飯好入味，隻炸雞翼係即炸嘅，都好Juice，杯奶茶有台灣嘅水準。散嗌左一個基隆米線，裏面有台式丸同豬大腸，我自己幾鍾意，不過其實有少少鹹。之後幫BB叫咗個雲吞新竹米粉，佢好鍾意食雲吞，細細粒，份量都好多，之後叫咗我最鍾意食嘅小食-古早味台式香腸，外皮好脆，裏面有好入味。

八方台式麵屋 (將軍澳) • 麻辣椒香乾拌麵套餐 $49🍜麵質屬於粗身，口感煙韌彈牙🥰每一條麵條都沾有滿滿嘅麻醬+辣醬，味道非常香濃突出👍🏻溏心蛋嘅蛋黃呈半熟流心，撈埋麵條入口更加順滑❤️🧆套餐小食叫咗份皮蛋豆腐，醬汁酸酸甜甜❤️用木魚做配搭真喺意外地夾🤩豆腐唔喺滑身果種，亦略嫌唔夠凍(｡ì _ í｡)不過食辣拌麵用嚟解辣都喺唔錯嘅選擇👍🏻🥤凍茉香綠茶味道正常，唔會太甜。解漏一流❤️🇭🇰將軍澳貿業路8號新都城中心2期1樓1146號舖#hongkong #hkfood #hkfoodie #hkgirl #hkig #hkeat #kissyfood #香港 #香港美食 #宅女 #吃貨 #吃貨宅女 #台灣 #台灣美食 #八方雲集 #八方台式麵屋

晚上跑到新都城內，見有一台式麵頗有好評，也不妨一試。已好久沒遊台灣了，不知異地還是一如既往？台式飲品，但我一向不好。其他菜式大路，套餐也是從中搭配再便宜一點。紅燒三寶麵，轉新竹米粉。湯底其實幾好，稍微有點蕃茄味，牛骨湯細膩，少許味精。牛腩但比的是牛𦟌厚切，火喉不錯，稍有咬口又不難斷，滷水汁稍淡。牛丸貨靚，有汁有牛味。香酥豬扒配滷肉飯。豬扒鬆脆，五香粉味重，鹽酥味，第二件已口乾，味精頗重。滷肉飯，本來想說未免太孤寒，滷肉四五粒。但一吃滷水出色，濃厚，八角香，汁香甜不膩，滷蛋一般，入味不足。有別一般港式滷肉，多用肉碎，這裡是用上腩肉，台灣叫爌肉飯。追加的小食手工醬台式雲吞。雲吞一般皮稍厚，淋上醬汁，甜酸麻油味，煮過的乾蔥，別有風味。整體而言，賣單141元，相當划算，質素又不錯，比不少台灣店都要好，假如在附近，值得一試。唯獨店員服務稍差，始終人手不足吧。

自從吃過一次這裏的水餃新竹米粉後，便愛上了 ，然後每次來這裏都是叫這個水餃新竹米粉套餐。 真的百吃不厭😄。水餃有四隻， 水餃皮厚薄適中，肉餡份量也適中，肉汁不多，味道不錯，不會太淡，也不會太鹹。最喜歡這店有新竹米粉，因為很少食肆提供新竹米粉。 所以每次來叫台式麵餐都會轉新竹米粉，到現在仍未試過他的麵。新竹米粉份量充足👍。肉燥青菜是小棠菜，放上少量肉燥加醬汁。 肉燥有瘦的也有肥的。 醬汁份量適中，夠味!平日午餐還包一杯紅茶或綠茶。 我多數叫熱阿薩姆紅茶，濃度適中，挺好喝!試過一次淡水酸梅湯，顏色比一般的酸梅湯淺色，味道又酸又甜，跟我平時喝的較甜，其實很難形容😅，總之有點不慣😅。 或許淡水酸梅湯跟一般中式酸梅湯是不同的🤔😅?!星期一至五套餐比星期六日的便宜幾塊錢😀。這店的外賣速度呢，你要預多些時間等候😅，或者可以預先電話落單，就不用到時等到頸都長😆😆。

元旦日，我本來是想在晚上外出，在香港島食晚飯。怎料最後都因為遇上其他事而被迫放棄，要坐交通工具返回將軍澳。結果我放棄在香港島食晚飯，一個人坐港鐵返回將軍澳「寶琳」。結果我來到將軍澳「新都城中心」二期之後，找到位於一樓的台灣牛肉麵食店「八方台式麵屋」，打算食得台灣牛肉麵當晚餐，然後坐專綫小巴，直接返回西貢墟算數。但是我始終戒不了，平日晚餐裡面必食米飯的習慣，所以我在「八方台式麵屋」裡面點了一客「豐味牛肉麵套餐」之後，還是想另外再點一碗白飯，有沒有雞食對我來說，反而變成了次要。至於「八方台式麵屋」「豐味牛肉麵套餐」裡面的飲品，其實食客無論選擇什麼飲品，都避免不了要另外加錢的命運。於是我選擇了享用「黑糖冬瓜茶」，「黑糖冬瓜茶」的跟餐價錢，也需要港幣八元。至於我另外選購的「白飯」，每碗「白飯」則需要收價錢港幣十二元一碗。結果我的「豐味牛肉麵套餐」，包括一碗「豐盛三品牛肉麵」加「黑糖冬瓜茶」加白飯，總價錢需要港幣八十三元。由於「八方台式麵屋」裡面的食品飲品，都沒有另外徵收加一服務費的關係，所以我覺得我的「豐味牛肉麵套餐」加一碗白飯，「八方台式麵屋」價錢在香港台灣菜餐廳裡面，已經未算是最昂貴了。我

屋企樓下商場有開咗新餐廳,係我最鍾意嘅台灣野梗係要試吓啦,望吓價錢仲要好抵食，一於同小朋友一齊嚟食。小朋友不嬲都好鍾意食台灣嘅蔥油撈麵，呢度嘅撈麵肉燥醬汁香濃，麵條有咬口，味道好惹味小朋友食到停唔到口而我就試吓佢嘅台灣牛肉麵，除咗牛肉之外仲有牛丸同其他配料，有少少辣辣地但係味道好出色，食落口唔會好油，湯底好好味，白蘿蔔有曬湯味但入口依然食到好甜，牛肉麵價錢仲比連鎖店平添，我下次一定要再試其他。另外就試咗兩款小食，炸雲吞小朋友非常鍾意，即炸夠新鮮，而我最鍾意一定係台灣最出名嘅鹽酥雞啦，鹽酥雞唔會剩係得炸粉，見到都好多肉好大嚿，配埋珍珠奶茶，成餐飯真係好有台灣風味。

呢間台式餐廳有d似八方雲集但當然裝修,服務同食物質素當然好好多啦❗️呢度有齊台灣必食既野任你揀👍-基隆廟口麵線 $22麵線尚算大碗有基本既貢丸大腸🤣但味道當然唔係台灣正宗既味道個湯略嫌唔夠重口味但係香港算係可以接受既🤣-招牌豬腩刈包 $32呢個必食❗️豬腩半肥瘦唔會得肥膏咁膩🤣除左腩肉有其他配料例如炸菜/蒜/砂糖🤨個包食落甜甜地之後咸咸地幾特別👍-三品牛肉麵 $63牛肉麵有得揀辣定唔辣湯底好味👍三品即係有牛丸牛碾牛腩食落冇蘇味煮得夠軟身唔錯👍麵條軟硬適中🍜-夜市花枝丸 $15炸丸呢D夜市必食一定要叫啦🤣有5粒新鮮炸起唔錯❗️-梅子綠茶 $8 / 黑糖珍珠奶茶 $20梅子特別酸酸甜甜解渴👍黑糖個個就正常唔會太糖但唔算特別好飲個人推介梅子🤣

屋企附近開咗間台灣野，外表睇落去乾乾淨淨，似係速食餐廳嘅格調，定價中位！視乎食量，一般都唔洗一百蚊一個人。。。不過作為台式餐廳食品選擇夠多，有飯，湯麵，麵線，拌麵，各式小食，推介紅燒三寶，首先湯底香甜，就係紅蘿蔔同牛嘅香甜，牛丸勁香牛味兼彈牙，牛腩亦夠香多淋，但亦有𡁻口，超級推介，其次係花枝丸，椒鹽加即炸一定冇得輸，加上花枝丸本身都夠香夠彈牙，至於鹽酥雞都好味不過就差啲雞味，而肉燥就差少少，較乾不過飲品有酸梅湯👍🏻唔錯！

八方台式麵屋 🍽-呢間台式餐廳有d似八方雲集但當然裝修,服務同食物質素當然好好多啦❗呢度有齊台灣必食既野任你揀👍-基隆廟口麵線 $22麵線尚算大碗有基本既貢丸大腸🤣但味道當然唔係台灣正宗既味道個湯略嫌唔夠重口味但係香港算係可以接受既🤣-招牌豬腩刈包 $32呢個必食❗豬腩半肥瘦唔會得肥膏咁膩🤣除左腩肉有其他配料例如炸菜/蒜/砂糖🤨個包食落甜甜地之後咸咸地幾特別👍-三品牛肉麵 $63牛肉麵有得揀辣定唔辣湯底好味👍三品即係有牛丸牛碾牛腩食落冇蘇味煮得夠軟身唔錯👍麵條軟硬適中🍜-夜市花枝丸 $15炸丸呢D夜市必食一定要叫啦🤣有5粒新鮮炸起唔錯❗-梅子綠茶 $8梅子特別酸酸甜甜解渴👍-🌟評分:🏅🏅🏅🏅📍地址: 將軍澳貿業路8號新都城中心2期1樓1146號舖-#foodieluveat#foodisluveat_hk#foodieluveat_寶琳#foodieluveat_台灣菜#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers

經過呢間餐廳好多次都無入黎食，每次都見到好多人。今次晏小小3點幾又平日人少D就同朋友仔黎試下我叫左午餐半筋半肉麵+鍋貼+黑糖珍珠鮮奶牛肉麵同平時食嘅一樣，有小小味辣湯底好味食牛肉麵湯底係最緊要肉林，D筋最正真係一定要食肉同筋份量都好多由於唔知碗麵嘅餸份量咁多，所以加左鍋貼。鍋貼還好，所有食物佢叫做無乜特別朋友叫左鹽酥雞，我食左2，3舊我真係好想推薦佢！皮超脆，入面肉唔乾，保持到入面肉夠滑黑糖珍珠鮮奶呢個好味，飲過好多黑糖鮮奶/奶茶都麻麻，但呢個d黑糖好味加左小食其實好飽但大食朋友叫滷肉飯話唔夠食，要加錢買飯(下面張單未update，飯$12)

香港是個美食天堂，你不用走出香港就可以吃盡天下美食。今天我們又出動，來到新都城的八方台式麵屋，講到明是麵屋，就當然要試下他們的麵了。 酸辣湯麵$34～對於愛酸和辣的我來說，酸辣湯麵絕對是首選。酸辣湯底料都算好足，有木耳、甘筍、豆腐、蘆筍、冬菇等，食落不會覺得辣，味道有點偏淡，麵就好滑。份量看似不大的一碗但是食落都極飽。懷舊紅燒三寶新竹米粉$65～三寶包括餃子x2隻、牛丸x2粒和牛腩。餃子應該是自己包的，因為餃子是椰菜豬肉的，餃子皮好煙韌，較厚，有別與外面吃的餃子。要特別說一下牛丸，丸子入口好彈，而且好多汁、好香口，我看到丸子裡包有 jelly 狀的晶體，應該是特別製造，包進丸子裡的，可見師傅極其用心的去做出美味的丸子給大家享用。牛腩也有好多塊，還有青菜，紅蘿蔔，蔥花絕對是對得起這個價錢。👍台式鹽酥雞$28～外皮酥脆到好似薯片，咬落索索聲， 裡面的雞肉則好鮮嫩，味道不咸不淡恰到好處，$28滿滿一碟絕對抵食。夜市花枝丸$15～一碟有5粒，入口都極彈，細細品嚐，你會發覺越嚼越鮮甜，以這個價錢來說，不是每間餐廳都可以食到的，這麼平靚正的