八方台式麵屋 (新都城中心二期)

營業中

休息中

呢間新都城八方其實唔差嘅，有鍋貼有麵線但係未試過佢啲湯麵。今次Openrice下午一點九提早落單輸入左預定2:30拎、好明顯你一落單佢就做 ⋯ 因為準時拎全部野凍曬而飲品已經出晒水！⬇️揀咗一個Openrice懷舊滷肉飯餐$59包滷肉飯+小食+珍珠奶茶、另一個麵線餐$48包麵線一碗+10隻原味鍋貼+冰紅茶。小食揀咗台式香腸、全部都好味嘅但凍曬不過入咗微波爐Heat一陣熱返就好好味。⬇️另外叫皮蛋豆腐$20都好好味、值得推介！下次臨Pick Up之前15分鐘落訂單最Perfect，切記唔好一早Order。⬇️

成年冇去過旅行，真係好想去台灣走走，唯有食住台灣野止止癮先啦。見完客去開寶琳行新都城見到個台灣便當排晒長龍，人排我有排，我又試試佢。叫咗一個套餐真係好抵，一個風味牛肉麵套餐，包三品牛肉麵一個，花枝丸小食同埋一杯冬瓜茶。牛肉麵麵質好煙韌，而且佢個牛丸爽口彈牙，咬落去仲要有汁，而且牛肉麵湯好濃郁，牛肉半根半腩肉肥瘦分明，而且煮得好淋，加埋個湯底真係超正。花枝丸又係一大驚喜，佢個丸質地好彈牙，而且好香，仲要炸得唔會好油膩，最後飲埋冬瓜茶解一解，真係填飽我個旅行嘅慾望

因為疫情嘅關係，已經唔知可以食乜嘢外賣，靈機一族自己好鍾意食台灣野，知道寶琳附近有一間食外賣台灣嘢好好食，就搭車去，地理位置10分方便地鐵站一出行6分鐘就到啦，我點左個台灣肉操麵， +5隻鍋貼，加一杯珍珠奶茶，先講個肉操面非常惹味而且味道好似真係去咗台灣咁，而份量亦都好多，唔會唔夠飽，鍋貼煎得好香口而且豬肉同埋餡料都好多，因為我呢個係套餐嚟嘅，我叫咗杯珍珠奶茶，珍珠好彈牙而且奶茶好適中唔會過甜，呢個餐來講價錢非常貼地如果再有機會嘅話我會是第二個餐，希望疫情快啲走到時就可以多啲人去食。

疫情期間大多時間都是自己煮，偶爾外賣頓然覺得好滿足今星期試下台灣菜啦7點酸辣湯麵已經賣完了，沒有機會一試都有d人龍，都好快...點餐到走得大約等10分鐘。點了水餃麵餐$54配韭菜鍋貼(+$2)，套餐沒有包飲品，我自行加黑糖珍珠鮮奶(+$20)麵質：彈牙有口感，唔會過林，湯底濃郁👍🏻👍🏻有2條菜🥬不錯！鍋貼：回到家食仲暖不過可能漏左比醬汁，幸好家裡有辣豆瓣醬～一流即刻味道昇華滿滿的韭菜和精華，餡料一d都唔乾黑糖珍珠鮮奶：響冇任何request情況下，不會過甜，幾好

親民價錢抵食套餐之選，放工後又要搵係搵食時間，見到呢間台式麵屋，門面裝修簡潔明亮，都好耐冇食過台式食物，便入去買回家慢慢食先得🤭湯麵套餐有4款主食選擇，小食同埋飲品.叫咗台式湯麵套餐-紅燒湯麵溫馨的將湯同麵分開裝，有半隻流心蛋，少許菜，麵質煙韌有咬口，配上濃郁的紅燒牛肉嘅湯底，非常正👍-原味鍋貼煎得靚靚金黃色的，肉餡飽滿夾多汁，配埋湯麵一併食yummy😂-台灣茱香綠茶（凍）輕微的甜，解渴又好飲！唔使$50有個套餐，真心抵食，咁我又多一間飯堂Lu👏☺️

搬往港島區已經有時間，這天若不是尋找朋友， 也不會前往將軍澳，全因為疫情的關係，還是有點擔心。前往朋友家之前，當然要買點東西吃，餐廳位於大型商場之內，鄰近附近地鐵站，地理上十分方便，餐廳主打的就是台式料理， 而我點選的，更是台灣十分著名的，牛肉麵。味道方面，還算不錯，充滿台灣的特色，也就是人情味，全因為吃得出店家的心思，小品製作，小店經營，味道當然一流。 但最喜愛的就是他的牛肉，經過長時間烹調，肉味十分濃郁。

同朋友去開新都城附近買完書，想搵台式既店舖， 近地鐵站有間八方台式麵屋， 就係食台式麵、小食、餃子就睇睇餐牌。. .有多款套餐選擇，有湯的也有乾拌麵見到台式乾拌麵套餐，不想吃辣就我就點了濃香台式麻醬乾拌麵，仲有一份原味鍋貼，再加珍珠奶茶一杯。麻香醬料密鎖住每一條粗身麵條，食落每條煙韌彈牙口感濃香而不膩。. 原味鍋貼即叫即煎，肉既餡料又熱辣辣又惹味。 .珍珠奶茶佢既珍珠煙煙韌韌，而奶茶既味只是一般未係太習慣這個味道。 八方台式麵屋 (將軍澳)寶琳站 將軍澳貿業路8號新都城中心2期1樓1146號舖營業時間:星期一至日11:00 - 22:00

行完街搵嘢食，兩囗子就一於堂食， 食完之後又可以再行過～這間“八方台式麵屋” 平日門口也很多人擠擁著買 台式飲品。 一於入去食吓台式麵。有多款套餐，我选了“紅燒湯麵配原味鍋貼五隻+ 阿薩姆紅茶”$49湯底唔錯， 惹味唔會太鹹，有大量酸菜，小棠菜和蒽更添美味。 另有糖心蛋。 麵條也很彈不過唔算煙韌。原味鍋貼，肉鹹鮮味而且外皮煎得香脆， 配紅燒面實在夾， 味道有點像另一間出名餃子鍋貼店， 是同一集團食店嗎？阿薩姆紅茶茶味也不俗， 甜度适中。屋企人想要台式珍珠奶茶， 絕對地道口味，偏甜。食物是沒有太大驚喜， 感覺麵食較飲品更美味。

已住葵涌區一段日子，終於在8月頭搬回熟悉的地區，就係將軍澳。日日忙於執拾，當然無時間和精力下廚，買外賣是最好的選擇。走到店外，已見有不少人正在等外賣中，原來大家都是「無飯」主婦，哈! 由於6:00PM後不設堂食，只供外帶，故未能走進店內看看四周，但從外觀察，環境光猛，乾淨企理。除門外擺放了多塊大餐牌外，下單處也放有一大疊點餐紙。細閱一翻，有五款套餐系列，包括基隆廟口麵線、豐味牛肉麵系列、台灣乾拌麵系列、台式湯麵餐和台灣小食豐味餐。***************************一想起台灣，好自然會想起牛肉麵，就在六款豐味牛肉麵系列中揀了半筋半肉麵轉新竹米粉($65)，再追加原味鍋貼5隻 ($15)和淡水酸梅湯 (+$10)。原味鍋貼5隻Pan-Fried Pork Dumpling 5pcs  ($15)煎得金黃，但由於外賣關係，當然並不香脆。皮薄饀靚，內有滿滿的半肥瘦肉碎和清爽的椰菜粒，蘸上所配備的醋和辣醬更好吃。半筋半肉跟新竹米粉 Braised Beef Noodles with Meat & Tendon($65)分開盛載，唔會浸到太耐而發脹，讚! 新竹米粉條條分明，沒有

近排因為疫情限聚令，冇得留低餐廳慢慢嘆!一定要外賣，行過路過將軍澳新都城二期，又想試下啲台式麵食，咁就八方來客牛肉半筋半肉嘅台式麵，再加一個手工醬台式餛飩，整杯梅子綠茶，匆匆歸家，睇住電視機慢慢歎。話說呢個半筋半肉嘅麵，真係有啲五香牛肉嘅感覺，食落台式地道感都唔錯 ，食落就當然同柱候醬唔同啦，佢有佢嘅特色，台灣味始終係偏甜嘅咁喇，咁嘅價錢食落都可以接受，再加埋個手工台式醬雲吞 ，大大粒味道又另有一番風味，加埋杯梅子綠茶，香港搵唔。麵餸分開裝。到，點都要試一試，食落都好好味，一餐一個人可以慢慢嘆啦。

下午去咗新都城買嘢， 經過這間『八方台式麵屋』， 位置唔太顯眼， 食店主要售賣台式麵食，小食和飲品。 買完嘢趕住返屋企順便買個台灣麵返去嘆吓先～😊😊主要係單點或各款套餐。最穩陣都係點 『紅燒三寶麵』，有牛丸，水餃，牛腩。湯和配料，麵分開， 基本的做法否則麵會浸腍。酸菜，芫茜 ，甚也是分开沒有浸在湯內👍材料很豐富， 也有紅蘿蔔白蘿蔔，牛腩粒， 夠腍夠入味， 牛丸爽滑彈牙！ 水餃餡料唔算豐富皮很厚。湯底味道唔錯 ， 唔会太濃太鹹且冇藥材味。 麵條比較厚， 質感唔算煙韌 還好沒有煑得太冧。表面有一層紅色嘅辣油帶出微微嘅辣。揀了『台式珍珠奶茶』， 一時忘記了台式飲品要少甜～ 這杯很有台式嘅奶茶味道，偏甜了一点， 珍珠煙韌。 所有飲品都是密封式封了口， 感覺較衛生～

將軍澳新都城二期其實都好多美食㗎！約了朋友交收完，便想找食了，聽說有間八方台式麵屋好有台風味，一於試下，叫個外賣回家慢慢食先。風味牛肉麵套餐~~風味三品牛肉麵$63湯和麵是分開用盒裝備的，保持麵嘅爽滑，湯好大碗，有兩粒牛丸，瓜菜和好幾舊牛肉，而且係好大舊㗎！牛肉食落口有啲似牛展味，入口好滑好淋，雖然係好多油浮喺面，這就是台式味道了。其實唔係好辣，味道濃沃。原味鍋貼(5只)$15可能回家時間耐左，所以有點凍咗 ，不過味道也不錯不太油膩。原味豆豆乳$10再配埋豆漿就啱啱好喇。

今日去寶琳站新都城添置新家品、順便買晚餐回家。發現了這間八方台式麵屋、有各款台式湯麵、牛肉麵、小食、乾拌麵和台式飲品等。台灣乾拌麵套餐有椒香乾拌麵、好吸引但有三隻辣椒、好像太辣不敢挑戰。退而求其次點了濃香麻醬麵。 回到家 麻醬更濃稠一些、麵質帶點煙韌、拌勻後味道不錯喔！韮菜鍋貼 皮薄餡多、外皮煎得金黃脆脆的。+ $12 可加配珍珠奶茶、用了三十分鐘回家 珍珠也沒有過份軟稔、奶茶味道不過不失 合乎期望。如果想簡簡單單買個外賣也不失為好選擇～

今日係將軍澳見完客，已經係食午飯既時間！超級肚餓既關係，而又超愛食台灣菜既我，就急不及待要叫個外賣返公司食牛肉麵套餐其實都好吸引，不過我而家要戒食牛咁就轉戰肉燥肉燥也是我最愛台灣小食豐味餐台灣肉燥新竹米粉+黃金炸雞腿雞腿係生炸架需時15-20分鐘！要食好野，等下又何況沿途拎返公司，炸髀既香味係咁湧入我個鼻度，好想偷食一啖返到公司，雖然隻髀熱度減退，但咬落去仍然好脆口的仲有雞油滲透出嚟，唔會炸到乾綁綁呢個肉燥拌新竹米粉就有啲乾！滷水汁唔太夠，所以食到底就無咩味不過肉燥肥瘦好均勻，適當既肥肉令口感更軟滑芋頭鮮奶 (走甜)哇呢杯芋頭鮮奶令我好有驚喜芋頭茸好豐富，而且仲會有粒粒既口感，唔會完全打爛哂我拎到返公司，啲冰都溶得七七八八，但味道完全沒有被稀釋，芋頭&鮮奶既味道仍然好濃郁完全係我既大愛飲品

平日經過這間舖都見好多人等位，今日唔知係咪疫情關係，沒有太多客，所以就入去一試。叫了個豐味牛肉麵套餐，包括一碗台灣牛肉麵+黑糖冬瓜茶。牛肉麵有好多餸，包括白蘿蔔、紅蘿蔔、小棠菜、糖心蛋和牛肉。牛肉麵湯底香濃，蘿蔔吸收了濃厚的湯底，非常入味，蘿蔔也沒有渣，非常嫩滑。牛肉分別有牛𦟌和牛腩兩個部位，軟硬情度剛剛好，淋得來有口感。糖心蛋好嫩滑，麵質夠彈牙。好好味！黑糖冬瓜茶好香黑糖味，不過飲唔出有冬瓜味，但夠冰凍及解渴。整體來說質素非常好，岩個人口味，下次會再試其他食物。