八方台式麵屋 (新都城中心二期)

營業中

休息中

將軍澳新都城二期其實都好多美食㗎！約了朋友交收完，便想找食了，聽說有間八方台式麵屋好有台風味，一於試下，叫個外賣回家慢慢食先。風味牛肉麵套餐~~風味三品牛肉麵$63湯和麵是分開用盒裝備的，保持麵嘅爽滑，湯好大碗，有兩粒牛丸，瓜菜和好幾舊牛肉，而且係好大舊㗎！牛肉食落口有啲似牛展味，入口好滑好淋，雖然係好多油浮喺面，這就是台式味道了。其實唔係好辣，味道濃沃。原味鍋貼(5只)$15可能回家時間耐左，所以有點凍咗 ，不過味道也不錯不太油膩。原味豆豆乳$10再配埋豆漿就啱啱好喇。