元気寿司 (已搬遷) 新店位置

正值炎夏，對生冷食物熱情隨之減少。今天適逢會員八折優惠，提早搖控取票，最後人齊等了半小時順利入座。今期的期間限定有我至愛的抹茶。濃郁的抹茶沙冰配上煉奶，糖漿和紅豆；賣相雖然不太精緻，但味道卻讓人驚喜。沙冰，有陣陣抹茶香味，口感帶一點點苦，絕對沒有偷工減料，以純抹茶製成。奶度和甜度可按個人口味作出調較，混合煉奶和紅豆，又甜又滑；只吃沙冰又有一絲苦。這種一點甜一點苦的感覺，震撼了味蕾。食物製作應以食家口味為依據，一樣米養百樣人，人人口味也各有不同。這款期間限定至勝之道在於你可按自己的口味作出適當的混合和攪拌。

元氣壽司，同板長相比既話，性價比的確係高好多既☺️元氣既下午茶餐一直都係受歡迎既👏而我再一次黎到元氣壽司，由於比較早既關係所以係唔洗等位既👍我覺得元氣既三文魚麻麻地不過勝在夠平，不過個人認為加幾蚊雞食三文魚腩好過，因為真係好大分別架，三文魚腩個脂肪好好味，所以要叫就叫三文魚腩啦而炸蝦卷都必食既，只不過有時係炸左好耐既，所以就無咁好味。而其他鰻魚壽司等等都係出色既。個人都偏愛炙燒系列既壽司，想食既朋友可以試試，味道不錯😊

成日行商場唔知食乜既時候就會食元氣～因為元氣就差唔多好似7-11咁，總有一間係左近(⁎⁍̴̛ᴗ⁍̴̛⁎)而德福呢間元氣成日一到飯點出面就推滿人，所以我地次次去食都會派一個人去攞定位先哈哈哈差唔多每次去叫既嘢食都差唔多😂我地全部人都好鍾意食三文魚，特別係三文魚腩，好好食另外佢既三文魚頭湯都好好飲，每次都會一人一碗，補下omega3哈哈哈哈我家姐唔係好鍾意食生嘢，佢每次都會叫2份燒三文魚腩骨（唔記得個名係咪咁叫😂）我都好鍾意食

元氣一直都係壽司界既連鎖餐廳，隨住多間分店不斷改裝，大把分既元氣都已經變晒用tab落單，由“火車”送餐，難得德福依間仲未變身，仍然係迴轉壽司！撞正平日下午茶時間黎到，除左唔洗等位之外，呢間分店仲有做下午茶做，最平50蚊再加1已經可以食到飽，order左1個餐，包含左5件壽司，1碗烏冬（或日式燉蛋/朱古力迷你蛋糕），4件粟米天婦羅 （或蟹柳粟米沙律/炸多春魚）壽司5件分別係炙燒黑椒蠔/黑椒三文魚/牛油熱帶子/熟蝦/玉子壽司，水準保持湯烏冬+粟米天婦羅烏冬味道正常不過不失，反而粟米天婦羅就有點失望，乾得黎味道好平淡，要配係烏冬度食先會好d50蚊加1可以食到咁多，我就滿意啦，難怪平日3點鐘都會7成full

今日同屋企人到九龍灣行街食飯,去到九龍灣德福商場行左一陣屋企人話肚餓想食野,甘我地就選擇去德福商場元氣壽司食返一個豐富晚餐,因我是元氣的會員,就利用元氣會員app去遙距取票非常方便,可能當天是平日所以人客不算太多,職員很快就安排我地入座,入座係即時ORDER 食物,我地ORDER左一D去到元氣必定會ORDER 的食物,例如炸蝦卷'元氣卷'三文魚同手卷,炸蝦卷剛剛炸起非常香口,三文魚非常肥美,最後ORDER左一個芝士蛋糕做甜品,真係一餐好滿足的晚餐

九龍灣同埋觀塘區放工時間真係好多人，呢一日去左德福，好多人好多人好多人🙉😂所以就求其搵咗間元氣去食下壽司算啦， 大概七點幾 等咗十分鐘左右先至有位可以入座，都可以接受。坐底左先發現，德福嘅元氣竟然冇得用tablet落order ，慣左電子落單，突然變成 要舉手叫啲侍應過黎，有啲麻煩，唔太習慣😭其他嘢食都ok啦， 不過呢試咗個炸軟殼蟹， 好似炸過龍， 雖然價錢唔平，竟然又唔香脆啦，又多油，淋淋哋咁樣，好失望

上次同伴娘食唔到元大哥，所以我地再接再厲，今日食到喇😆😆😆壽司刺身仍然新鮮，我同伴娘都最鍾意佢哋嘅玻璃蝦同埋帶子壽司三文魚腩仍然係好鮮甜，其他魚嘅刺身都不錯而且佢哋出咗好多唔同嘅配料同啲魚嘅壽司配搭都幾唔錯，我就非常欣賞佢嘅油甘魚有辣椒又有沙律醬一齊配搭，加埋油甘魚嘅鮮味，like 👍🏻👍🏻👍🏻另外伴娘推介嘅牛肉薯餅值得推介，將啲牛肉碎同啲薯蓉撈埋一齊，雖然係好似好熱氣，不過其實一啖咬落去你唔覺得好多炸面喺口嘅，另外我同伴娘食咗個有個米字嘅雪糕，感覺好正，真係有一粒一粒嘅米係杯雪糕入邊

Friday night want to have a sushi night. Happen to be nearby and no other sushi restaurant as a choice. Even 9pm still a lot of people waiting. Turn out this dinner costs 3xxhkd. Not worth the price. Not fresh enough. But still ok to put it into the mouth type.

元氣已經在香港好多年，而我一直鍾愛德福店，因為方便我🤭星期五六日通常會遙距拎位，到差唔多到先落去拎位，唔係就要呆呆地等大半個鐘！雖然已經開左唔短時間，但服務同食物水準都仲keep到！出黎食野，最怕係冇水，呢度自助式，鐘意飲就飲，唔駛等店員，我最鍾意！三文魚刺身，厚切，好新鮮蛋壽司，蛋好甜，好食沙律，唔夠沙律醬，失望新出的雪場蟹壽司，雪場蟹夠鮮，有點鹹鹹的，還可以黑椒沙律醬蝦，好香黑椒味，配上沙律醬味道很配，唔錯三文魚壽司🍣新出的烏冬，鹹左少少，但味道還可以

放lunch都會嚟呢度食雖然都要排一陣隊不過朋友嚟咗先所以總共我哋等咗大概15分鐘左右每次都會食佢嘅元氣卷佢嘅軟殼蟹手卷都好好味軟殼蟹唔只份量大而且上枱嘅時候都熱辣辣另外叫咗幾個小食炸雞同埋炸墨魚咀一定要試香脆而且炸粉唔會好厚而且味道好有日本風味

呢間壽司店除左愈開愈多外, 現有嘅亦都似有趨勢轉去"高速線", 個人黎講係贊成嘅, 除左落單送餐快左外, 有D食物仲係高速線限定版, 又睇下呢間分店幾時會變為"高速線"!雖然叫迴轉壽司, 但習慣會係落柯單, 保證新鮮即製, 見天氣無咁凍, 就黎個壽司之夜落柯單好處係好多時係整單送上, 見到呢盤上枱就有莫名興奮, 賣相不俗喜歡佢嘅螺片壽司 ($10/件), 口感爽脆, 亦食到佢既獨突螺味!軍艦就例點粟米及蟹籽沙律, 紫菜夠脆身, 配合香甜粟米粒/蟹籽沙律, 醬汁既微濕中和左紫菜既乾度!呢個貌似"紙巾盒"嘅燒玉子壽司, 甜美玉子食落軟綿綿, 飯粒多返一D會仲好D!前菜喜歡食螺肉, 凍感夠, 醬汁調味得幾好, 螺肉爽口!再飲埋呢碗熱辣辣嘅三文魚頭湯, 一碗入面有少量魚頭及蘿蔔, 味道鮮甜, 但今次D蘿蔔煮得未夠腍身囉!

一口芝士波外脆內軟，入口鬆化。翠綠枝豆一碗枝豆青翠嫩甜，黃豆豆香清新。螺肉一碟螺肉爽口彈牙。適合當前菜，當涼伴菜蠻開胃。螺肉的獻汁有別於平價壽司店的味道。冬菇蟹柳燉蛋此款是我隻豬的心頭肉。每次都元氣必點之選。燉蛋滑溜，彷彿入口即融。冬菇香味滲透到燉蛋當中。只略嫌份量較少。蛋嘛……多少少份量都唔怕啦。海膽軍艦壽司海膽鮮甜味美，但與廣告版圖相比明顯份量少多了有點兒失望脆炸鮮甜軟殼蟹軟殼蟹肉經高温炸後內裡的蟹肉仍鮮甜嫩滑軟殼蟹夠香夠脆蘇炸吉蠔炸蠔的面包糠很蘇脆裡面的珍珠炸蠔也滑溜碟碟都好好味。唯獨我不太喜歡飲用綠茶粉

今晚爸爸媽媽約左朋友食飯, 今晚都要自已搵食。好彩有同事肯陪我去行街食飯, 為就大家方便, 我地揀左九龍灣德福商場。乘搭港鐵只要係九龍灣站, 不論在A,B,C 出口也可以到德福商場。我地一早已經揀左食 壽司], 由於我係會員, 可以利用APP 遙距取票, 甚至到你的票號前5個, 會致電給你作提示。我地行到差不多, 收到電話通知就行去準備拎位, 果然不到10分鐘就有位了。坐低後我地已經ORDER 食物及係迴轉盤上拎野食啦 ! 上次食過的蒜味牛油蜆湯烏冬好滋味, 今次再叫先。不過當日我就有少少失望, 除左個成碗及個碗細左外, 連烏冬的牌子感覺都唔同, 彈性都咁彈。湯底依然好重蒜味及牛油, 蜆肉充滿鮮味 !去到元氣我好中意食元氣卷, 一啖一大口, 真係唔錯。還有左口魚壽司, 充滿魚脂味, 真係必必必推介呀 ! 元氣能夠保持水準, 就算平日都有不少人等位, 就知道食物質素一流, 另外服務亦不錯, 我地都有叫其他壽司, 各款都係保持水準。真係唔錯呀 !!

通常去"元氣"開餐都係假日或晚餐時段才光顧，剛好今天因工作關係，原定嘅午餐時間變咗下午茶時間，正因為咁...我終於可以一嘗"元氣"嘅午餐/下午茶餐優惠啦！我揀咗個$50嘅餐，真係好抵，一般食一餐壽司，任何一間，平均消費都超過$100，今餐唔到你唔羨慕我啦！可能係下午茶關係，德福"元氣"嘅壽司就一般般啦，無新開果D"元氣高速線"嘅壽司咁新鮮，幸好我至愛嘅"日式蒸蛋"依然有水準，又滑又熱又鮮甜，整體嚟講，咁嘅價錢，咁嘅質素，都算唔錯啦！

講到食sushi，最出名一定系元氣啦，食品質素真系好好，又新鮮，食落真系好好味，特別系d軍艦，真系冇得頂，仲有個個炸八爪魚，炸得黎又夠味，好香口，最估吾到系d烏冬都咁好食，真系一大享受