元気寿司 (已搬遷) 新店位置

今天來到德福行街，順道食埋午餐，好耐無食元氣，見無乜人等位，撳完飛，等咗一陣就有位😃🥢牛油果蟹柳沙律，沙律夠凍，份量比之前少咗，蟹肉蟹膏茶碗蒸，蒸蛋比較老，味道還可以。厚燒玉子，熱辣辣其他食物，正正常常，不過不失地板黐立立，衛生有待改善😅

每次食都覺得呢間服務質素唔多好，最近有優惠所以黎食，仲有食壽司唔使點等。夠快。今次專攻熟食，叫多左炙燒壽司、有三文魚、海老、炸墨魚鬚、原味厚燒玉子、牛油果卷、豪快三色海鮮卷、赤海蝦蟹膏軍艦、蟹肉蟹膏軍艦，埋單$130.7。豪快三色海鮮卷、赤海蝦蟹膏軍艦、蟹肉蟹膏軍艦，有啲腥，食唔慣 最好唔好order 啦!其他壽司正常味道，原味厚燒玉子有驚喜。而家疫情調控，已經冇板隔住，但係中間都會有個空位，保障客人安全。食物由食物（車）送到時，侍應會請客人取回，但由於佢哋 崔 客人的頻密次數 多 和 時間太趕，作為一位食客 食得（好唔舒服），同埋覺得 啲侍應 好得閒，所以成日崔。之後仲見到有兩位侍應 企corner 傾偈，評論緊食客，話覺得 位 「食客扮晒嘢！」依間元氣1開業，我已經覺得佢會結業。因為啲服務質素，開業以來都係一直咁差。仲一直更加差。

-有時肚餓入去食幾碟過下口癮魚生好新鮮，夠晒冰凍款式種類又多定期仲有新口味推出平民價錢食到性價比高壽司🍣唔怪得之成日都咁多人/做咗會員可以遙控拎飛減少等位嘅時間👍🏻

今日嚟到九龍灣又想食壽司，見呢間都好耐無食了，因為依家壽司鋪真係周街都係，咁就入去懷舊下食下佢😂入到去叫咗幾碟上嘅速度都好快😯普遍都幾好食，可能因為我太耐無食啦。

諗住打風可以去食餐好嘅，所以去咗九龍灣元氣壽司食中午飯，三文魚完全冇油脂，而且是冰凍，換咗之後同樣都係冇油脂，點了凍清酒，來的是常溫，反映之後，推說是剛到貨，之後便退了，氣沖沖食完一餐，我相信不會有下一次。

🔖 今次嚟元氣主要試熟食同甜品類，有驚喜！ 💬 鮮烏冬呢個烏冬雖然冇任何配料，但係竟然喜出望外，烏冬嘅湯調得非常濃郁入味，配搭埋蔥花，帶出清湯嘅鮮甜美味，烏冬份量適中，口感清爽滑口，簡簡單單一碗烏冬就可以好滿足💬 自家製芝士蛋糕除咗熟食壽司之外，元氣仲有其他甜品可以叫，今次試咗佢哋唯一一個自家製嘅芝士蛋糕，芝士蛋糕唔會話好凍咁，唔會硬骨骨，入口即溶，好似溶咗嘅牛油咁正，下邊有一層餅底，又軟又硬嘅質感互相交替，正！✨ 我仲食左其他壽司，全部水準都ok，下次再去其他分店食

元氣嘅壽司都多款式，通常我哋都會睇menu 再叫新鮮做起的，好少食迴轉帶上的。魚子壽司好正，一大串的鋪在壽司飯上，紅紅的，食落口一陣鮮味，仲有鹹鹹嘅餘韻。帶子好大粒好厚，都係必點之選。

德福元氣壽司，依家搬咗對面新鋪，由迴轉壽司變咗設有火車高速線送餐系統，座位闊落，感覺比之前簡潔及舒服。 呢期松葉蟹祭，推出幾款新品，特盛雙味松葉蟹丼$32，食落鮮美可口，值得一試。 另外，三文魚、赤海蝦剌身，鮮味好濃郁，油脂分泌亦都非常之好。元氣水準最平均，必食推介：軟殼蟹手卷、甜蝦三文魚籽花卷、燒玉子、燒三文魚鮫、三文魚籽軍艦。價錢合理，服務態度好，平時想簡簡單單食下壽司，呢度真係一個好選擇，兩個人食到飽，超抵。

今日試咗啲新嘅食物，一個豪快海老二點，其實喺生蝦，味道比較淡，軟殼蝦手卷就比軟殼蟹手卷口感更好，白鳥貝比較淡而無味，池魚就比較腥，本身鍾意食魚嘅朋友可以接送，唔鍾意食魚嘅朋友就可能唔好叫啦，柚子油甘蓉軍艦唔錯，芥辣八爪魚都係一般咁好，龍蝦味噌軍艦味道都幾特別，都值得試，而中拖羅同二段大拖羅超級好食，必叫！

最近好忯食 忍唔住 光顧 因為感覺上香港無嘜壽司店 壽司郎要等好耐 唯有食元氣 原來見有新野 好似好忯 食 但 正實情況 30％中伏。北寄貝壽司👍但其中1件北寄貝 😖變色～ 紅轉橙 視覺上扣分 雖然口感 味道還可以，蜆湯烏冬👍蜆肉有口感 烏冬彈牙 成餐入面最好食辛辣長鰭吞拿魚👍好食 壽司面上 配辣醬 沙律醬 同 吞拿魚 好夾 。長鰭吞拿魚壽司 比較瘦 差少少 期間限定 🤢炙燒金目鯛壽司 🤮 勁失敗 🥶 0分 未放入口 已經頂唔順 魚腥味。有諗過用 washibi 蓋過魚腥味。完全呃唔到自己。呢個價錢 87蚊 成餐 其實俾多50蚊 食爭鮮 已經好豐富 不過1丁友 食唔落 138蚊 争鮮 餐盒。如果2丁友 我會 揀選 爭鮮。外賣啲侍應 勁鐘意 大叫 手提號碼 俾全世界人知， 10分無禮貌 唔識咩叫私隱， 雖然新開店 但建議 其他人轉食另一間啦。期望有新壽司店 開幕啦！

德福呢間元氣壽司，最近搬咗新鋪，搬咗去原本舖位嘅對面，已經由迴轉壽司變咗設有火車高速線送餐系統，座位闊落咗，比之前舒服d帆立貝壽司，帆立貝超大粒呀，一啖都食唔曬，新鮮好creamy木鮪大拖羅壽司，$27一件幾抵食，個樣都幾靚，食落冇根，都幾肥美肥多少少會更好海膽墨魚軍艦，呢個每次必食紫菜超脆，蝦好新鮮，好味辣味三文魚軍艦，三文魚好肥美每次必叫平時想簡簡單單食下壽司，呢間真係一個唔錯嘅選擇，兩個人食到好飽，都唔使$300，超抵

唔會失望嘅壽司💛💛元氣壽司推介指數: 💛💛💛💛💛💛今日男朋友突然之間話好想食壽司，所以就預先喺元氣嘅app嗌定外賣！💛可以返屋企慢慢嘆！！💛火炙牛油特大帆立貝呢個煩呀杯好正，而且加埋牛油嘅未笑完之後好香好鮮甜！💛元氣卷呢個元氣卷嘅三文魚都好新鮮，而且入面嘅材料好豐富，好滿足！💛海鹽赤海蝦！呢個赤海蝦大大隻，而且好抵食，仲要好新鮮，好彈牙！

好耐冇食壽司啦，今日特意去元氣吃餐好嘎雖然是周日，但是都唔使點排隊，好快就到我地我最鍾意食三文魚🍣壽司，吉列生蠔🦪壽司（一隻肯定唔夠，來多幾打就差唔多），天婦羅🍤壽司，三文魚卵⋯⋯等等等等，真是好好食。兩個人，食左差唔多300幾蚊就已經好飽啦。（可能是我特別食得）

2020年就嚟完喇今日要好好食一餐安慰自己終於捱過咗這非一般的2020年，仲要為21年打吓氣叫自己唔好氣餒，去咗元氣壽司食下午茶。不嬲都覺得元氣下午茶餐十分抵，五件壽司配一份小食還有前菜，都只是60蚊。我叫了一份冇生野的火焰壽司餐，有玉子、燒牛肉、燒三文魚、鰻魚、燒蟹柳壽司。本來想叫我的最愛蒸蛋， 可惜賣曬， 很失望的叫了吞拿魚沙律冷麵再加多薯條。吞拿魚沙律冷麵是新出的，勢估唔到除咗蒸蛋之外呢個都唔錯喎，大大份好飽肚，沙律有很多菜伴碟，好清新，加埋吞拿魚沙律醬撈得啱啱，冇令我失望喎 壽司同薯條都保持水準。食飽飽之後行一陣影下相，總算係過咗一個平平安安無驚無險的元旦。

經過元氣見冇乜人排隊，又有少少肚餓，所以入左去食。新試左佢個軟殼蟹手卷，覺得味道唔錯，佢啲軟殼蟹仲係熱，出面仲係脆，入面好好食，加埋啲醬，配搭一流，紫菜都仲係脆，唔會軟左痴住啲飯，值得一試