元気寿司 (已搬遷) 新店位置

元氣下午茶平日食下午茶真係好抵 係元氣壽司啊好開心佢出左炙燒系列 照顧到唔食生野嘅人.炸周打蜆湯餅🥰幾驚喜喎外層ok脆 入面係忌廉湯 有蜆肉架.元氣必食嘅仲有蒸蛋 好滑又多料每個set先$50 加一都好平啊

行開九龍灣德福商場，去到下午茶街覺得好肚餓，於是就去元氣壽司食個下午茶。由於係星期日，所以冇得食佢個下午茶set，真係有啲可惜啊！不過呢一入到去，發現有新嘅嘢食，你明太子炙燒三文魚呀，仲有明太子薯條。作為明太子熱愛者，就梗係試吓啦！原來連太子醬同炙燒三文魚都好夾㗎，加埋明太子醬，令到成個壽司升華咗，好有驚喜！而個薯條嘅太子醬係分開另上嘅！食落真係好特別，因為好少人用明太子醬配薯條 ，估唔到咁夾！薯條炸到啱啱好！

成個3月都無去食過元氣 當心捻又食元氣有少少悶悶地既時間 今日去又發現有d新意 3月21- 4月17 期間限定 有冠軍級香港風味嘅避風塘吞拿魚、日本風味忌廉芝士醬油脆蒜吞拿魚同柬埔寨特色吞拿魚芝士春卷，肯定有一款啱你口味😆 又真係得一款岩我口味 個人排序會簡 1.日本風味 2.香港特色 3·柬埔寨只有日本風味會再食 其他兩個試下就算啦 先講避風塘呑拿魚 拎左兩碟同朋友一人一舊 兩碟既賣相都好有出入 一份件似餐牌圖片既 另一件係好似落少左野既hea版 一度懷疑自己拎錯左好濃蒜味 食落無左食壽司既感覺 一塊常溫既呑拿魚 配咁濃蒜味 比較似便當🍱 味道麻麻 無左魚既鮮味 日本風味 辣醬再有淡淡蒜味 相對好入口 仲有芝士醬油味 豐富既味道好夾 第三個春卷 太有創意了 賣相一般春卷包飯蟹柳同半熟呑拿魚 再配甜醬 呢個配搭 感覺去左酒樓 朋友咬左一啖 已經想要我幫佢食埋佢 == 個醬有d奇怪 同個春卷唔係好配 似腸粉醬整體呢個期間限定係都值得一試既 間中有d新鮮感都唔錯呀 試下唔同配搭另外仲有新野牛肉烏冬 $32碗 幾貴下 但都幾好食 似吉x家牛肉 湯底仲有陣陣油香

行完街，喺德福商場順便食埋個lunch，兜兜轉傳諗咗好耐，最後都係決定食元氣，因為元氣嘅炙燒黑椒三文魚一直都係我嘅至愛，所以要探一探呢間壽司店啊！唔知大家知唔知，可以下載過元氣Apps，又可以儲分，又可以排隊攞飛，一去到就可以入啦！我哋一入到去，已經有明確嘅目標，即刻揀咗我哋最心愛嘅壽司，當然，炙燒黑椒三文魚就係我哋個選擇啦！因為我哋三個都係三文魚發燒友，所以揀咗辣味三文魚軍艦仲有新鮮嘅三文魚，全部都好好味！仲有炸蝦壽司都係我哋嘅之外，就好建議大家下載過元氣Apps，又可以儲分又可以遙距拎飛！

yeah！身為忠實fans 緊係要支持下😋 今日除左有蛋糕送之外仲有20款新款壽司新登場😻 我試左 芝士燒帆立貝（$20） 同 明太子灸燒三文魚壽司（$14）個芝士燒帆立貝個味係勁濃勁濃芝士味但因為我個舊佢中間完全未熟 仲要係凍😭 所以得面頭燶左個塊芝士係食到有味 連絲都拉唔到 完全唔邪惡😢 之後就係個明太子灸燒三文魚 味道係唔錯既 但好似唔係幾食到明太子味 同埋我覺得黑椒灸燒三文好食d🐟總括而言 其實我個人覺得某幾間分店會比較好食d 例會葵芳新都會廣場 （次次係呢間食都有勁大塊左口魚！！） ， 油麻地九龍行 （少人而且好多軍艦塊紫菜都係脆😜！） 同樂富個間都ok!!! 呢三間都係高速線所以環境都好光猛同乾淨

每逢開心唔開心我都會走去食壽司， 去發洩、 同鼓勵自己！ 所以每當想食壽司的時候總會想起元氣！元氣給人的感覺多樣化， 它的點單程式亦非常之靈活， 就是因為這樣，我很多時候都會不期然的叫了很多壽司，當然我一定全部食下去！九龍灣這間元氣， 都甚為方便，喺地鐵站的商場！等位亦不是等得太久, 可能因為附近太多舖頭可以shopping， 所以唔為意等的時間！我最喜愛食就是蝦壽司， 它的刺身蝦真的非常鮮甜， 還有它是炙燒， 那種煙火的味道混合這個蝦刺身非常之配合，還有牛油的香，一流！炙燒帆立貝是我的致愛，它厚厚的、肥肥的带子把整个饭都抱圍着， 一口把他吞下，有著大滿足的感覺！烏冬麵就是小朋友最鍾意食， 彈牙的烏冬麵 配合幾片日本竹輪卷真的回味無窮！

因為有download元氣App，所以睇到元氣係今日8/3生日，仲話有驚喜送比客人，小編緊係唔執輸，點都要去睇下。原來係送禮物比所有客人，所有今日每枱客人都會收到朱古力蛋糕，有壽司食之餘仲有蛋糕食。----------今次同大家推薦小編每次食元氣必食嘅食品：😋炙燒黑椒三文魚 $14如果驚食生嘅三文魚，一定要試炙燒黑椒三文魚。雖然有燒過三文魚面，但唔會乾身，燒嘅時間岩岩好，三文魚嘅油脂分泌好好，即使燒過都可以入口即溶。面頭仲有沙律醬同黑椒，令壽司更好味。😋軟殼蟹手卷 $22軟殼蟹夠大舊，軟殼蟹同紫菜又夠脆，沙律醬同軟殼蟹又夾，手卷只係22蚊，比起壽司抵食好多架。不過記住手卷要盡快食，唔係就會變淋身。😋芝士薯條 $22今次係第一次食，但已經有驚喜，薯條夠長，乾身得黎冇燒過火，夠熱又夠脆。最加分嘅係個芝士醬，好濃芝士味，可以一試。----------🔎元氣分店

🔅🔅🔅對於我來說一個人的午餐可以好快好求其但有時都可以好豐富🔹要便得黎價錢又合理我選擇食元氣壽司而且好快就有位單獨食飯的好處🔸<三文魚籽軍艦>魚籽唔腥夠新鮮一咬滿口魚油😍超滿足呀！！🔹<芥末八爪魚>芥末味夠曬重八爪魚好新鮮好食唔錯喔～🔸<赤海蝦>每次都必叫🤤隻蝦勁大隻晶瑩剔透～又鮮甜彈牙🔹<三文魚湯>材料份量好多三文魚味好濃成個湯好鮮甜🔸<總結>又一個人食飯好去處😋🔅🔅🔅

一直都好鍾意食日本菜嘅我哋，最鍾意就係去元氣食壽司！但係唔係間間分店都咁好食，德福嗰間係我食過最好食嘅分店！服務態度亦都比較好！壽司方面，最鍾意嘅就係佢個赤燒黑椒三文魚壽司，三文魚燒到半熟，加埋個沙律醬同黑椒調味，真係好正架！我哋一家人最鍾意嘅都係佢嘅赤燒系列，因為佢個赤燒系列真係唔同！我哋仲帶咗隻燒帶子壽司，帶子都十分之新鮮所以好好食！除咗一赤燒系列之外，我哋仲叫咗新鮮嘅三文魚壽司，三文魚個味好濃郁，油脂分泌亦都非常之好，所以入口即溶，我建議大家去食！

上網見好多人都推介呢個迷你帶子魚生飯😋叫左碗黎試下。就咁睇圖都見到帶子份量好多，但飯既份量就偏小。不過叫得迷你Size都預左😂另外再叫左幾號壽司🍣有三文魚，油甘魚，北寄貝沙律同埋辣味三文魚壽司。最驚喜係油甘魚😍食落好香，油脂比例岩岩好🎉好耐無食過咁好味🥳最後叫左多碗湯烏冬食，暖暖個肚就埋單lu☺️

晏晝12點半去到德福廣場好多食店門口已經排晒長龍😅😅😅😅同媽咪去元氣壽司🍣，可以用微信book位有卡位坐😍睇晒全部午餐覺得套餐在抵食，散叫壽司冇咁抵叫了這個$90的午餐，質素唔差個魚生飯幾大碗，而且又5件壽司一般女仔係食唔晒的😄😄你有兩塊薯餅好好味午餐時間製作午餐10分鐘到廚房都算快如果大家得一個鐘頭午餐可以考慮去元氣壽司🍣唔駛等咁耐。本人推介午餐叫套餐比散叫壽司抵食🥰有機會會再幫襯

今日早左放工約左朋友去MCL德福睇戲 見仲有時間就行左去淘大個邊行下睇下有咩食😋行左一大輪都冇咩心水 見到好耐冇食既元氣竟然冇人排隊就沖左入去😂😂依間仲未比高速線送餐取代 仲係繼續用舊有既迴轉壽司帶 上面啲壽司望落都仲算新鮮😛😛食左陣先記得影不過都砌得返一碟碟🙈三文魚腩真係好好食！！夠肥夠靚！ 元氣卷都係必食之選 佢既精華之處在於入面舊三文魚皮 脆卜卜咁勁夾🤤🤤不得不提佢地個軟殼蟹手卷 真係100分推介 次次黎元氣都一定要食👍🏻👍🏻佢入面舊軟殼蟹勁大舊加埋啲沙律醬口感勁正！不過記得要一黎就即食 唔係塊紫菜就會淋架啦🤩最後係個芝士年糕$28得3舊黎講唔算平 不過個味道都唔錯 耐冇食食返粒都勁開心☺️記得都係要襯熱呀 唔係就會變硬架啦🤣

話說元旦當日唔知食咩好去左食元氣，食完當晚男友已經開始feel到唔舒服，當晚只係胃脹輕微不適，第二日開始全日胃痛，琴日胃痛不止仲嘔左好多次!今日我都唔舒服，今日痛到我要call白車入醫院！!醫生話懷疑食物唔乾淨搞到入院，呢幾日我同男友唯獨係黎元氣食生野，其他時間都係食住家飯，屋企其他人都無事，唯獨我同男友出事！之前都無係呢間元氣食過，第一次食就出事，以後都唔敢再試呢間😡😡😡唔怕死嘅可以再挑戰呢間啲野乾唔乾淨😂可能我係黑仔中招嘅，睇下各位有無我咁黑仔啦

做完野都十點，路經德福，見元氣少左好多人，衝入去食宵夜❤️一個人食唔到太多野，叫左四件三文魚壽司，一個凈烏冬，叫埋炸雞翼😋最鍾意哩度湯烏冬，湯夠清，烏冬份量少，加埋其他小食，剛剛好！

行完街，經過九龍灣⋯有d肚餓，入左元氣食野⋯宵夜最岩，因為d野食細細件！食少少醫下肚！叫左三文魚壽司兩件、兩件牛油果軟殻蟹卷、味道岩晒我口味！之後叫多一碗竹輪卷湯烏冬，鍾意個湯夠清淡，份量又夠迷您⋯食完岩岩夠飽！