元気寿司 (已搬遷) 新店位置

在九龍灣shopping完之後見到時間都唔早了， 又唔係好肚餓， 入元氣求其食幾件壽司當晚餐吧！🍣🍣 其實我自己覺得元氣嘅水準一時時的， 但今次又幾新鮮喎， 一次過點了珍寶北海道帆立貝兩件$36， 海膽墨魚軍艦$17， 芥末榮螺軍艦$14， 吞拿魚壽司$19， 油甘魚壽司$10， 赤海蝦壽司$10， 珍寶皇帝蟹柳兩件$20， 加州小卷$22。以上咁多款壽司當中我最喜歡珍寶北海道帆立貝鮮甜新鮮，珍寶皇帝蟹柳用煙燻過特別香， 油甘魚好鮮味，其他幾款味道都好平均。

落班經過元気壽司，就順便入去食個晚飯啦。蟹肉蟹膏軍艦，好好味啊，滴蟹膏好正啊，搞到我食完一份又一份，芥辣八爪魚，同樣都系我噶最愛，滴芥辣好刺激啊，哈哈哈哈，八爪魚好有咬口，爽脆，好有口感，正啊！其他壽司都ok，都好好味，有機會再去多次食壽司。

The attraction of this place is the novelty of the conveyer belt of sushi. I'm not overly knowledgable on sushi, but I found this to be very average, and somewhat bland. It was always crowded, and I felt we were just funnelled in and out. We actually were seated with two other strangers in a booth. That was odd. There were very nice, but it certainly was unusual.

由唔知幾時開始，每個月都會食一次元氣，通常想食壽司嘅時候，第一樣野一定會諗到元氣。其實元氣喺德福開咗好耐，大概八年前，試過食三文魚壽司嘅時候，拎起塊三文魚，見到下面舊飯有橙色嘅痕跡，之後好耐都冇食過，係其他分店推出高速線同埋元氣大改革嘅時候先再試返，啲質素比以前高質咗好多，啲刺身非常新鮮，之後都忍唔住每個月會食一次，好多時候都會自己一個人嚟食添，或者買外賣返去屋企食，元氣有個app可以俾你喺嗰度訂外賣，非常方便。帆立貝刺身係新推出㗎，叫咗一碟嚟試下，都係鍾意叫$17一件嘅帆立貝壽司多啲。以前軟殼蟹手卷師傅都會加青瓜，唔知係咪餐牌轉左少少，今次冇青瓜喺入面，啱晒我呢啲唔鍾意食青瓜嘅人。肥牛烏冬都係新加入餐牌入面嘅，比起其他烏冬來講都算抵食，啲肥牛唔會話太多肥膏，啲肉味都好重，香過嚟打邊爐嗰啲。

一直都好渴望價元氣，渴望嘅原因係因為唔知點解全港每一間元氣去到晚市都係非常之爆滿，如果唔係會員訂位，都要等好多張飛先會有位。好彩今次好早，六點鐘就黎到了，鋪入面仍有相當多吉位，坐在迴旋帶座位仍有隔離吉位可以擺擺袋。果然，坐唔夠一陣，就開始有好多人黎，好快坐爆咗。呢一間元氣唔係新幹線，冇得自己用ipad點餐，每次都要叫staff過來，有少少唔方便，但起碼能感受到少少嘅人情味，(亦增加左出錯嘅機會)。食了好幾碟壽司，都是一貫的新鮮好味，特別推介炸蝦卷，好新鮮，好香口！

去開九龍灣食飯，諗唔到食咩，就去左呢間連鎖店食個lunch 呢個元氣裝修都仲係小編中意既迴轉壽司午餐set有4個款式，各有特式小編就選左午餐C, 有個刺身丼，小食同小編最愛既茶碗蒸茶碗蒸，又稱日式蒸蛋，因使用茶杯作為容器而得名蒸蛋蒸得好滑嫩且鮮味，入邊仲有好多菇同元貝，加埋堥魚過湯，怪不得咁鮮味炸雞就得2大粒，雞肉都幾嫩身且唔太雪味，不過炸得唔脆身，而且凍凍地刺身除左吞拿魚都好新鮮同肥美，尤其個帶子同牡丹蝦都好鮮甜個飯底較酸，配埋鮮甜既刺身，好配合總括黎講：係繁忙時間找個舒服地方食個lunch, 元氣都係幾好選擇

今日早左lunch，見元氣冇乜人就入左去啦。雖然依家都有幾個lunch set揀，但我都係偏向單點多啲！ 等緊單點既時候試左今期新出既海膽厚切魷魚，正呀～ 但當我叫既壽司黎到.. 就有好大落差啦。油甘魚同帶子都係爛既，但最誇張係隻蝦！當我點豉油既時候，當然仲有大大塊殼係度.. 其實人又未開始多，處理又咁求其.. 好似差左啲囉 所以食左幾件就收左手啦。

今日同友人一齊食lunch，諗咗好耐都唔知食乜好，朋友suggest 食四川野，但係我又唔想出汗同埋呢排天口熱，所以就suggest不如食日本野啦，但係今日食lunch嘅時間唔長所以最後就揀咗元氣。如果你平時食飯時間唔係好長，又趕時間又想食日本野嘅話，就要嚟呢度啦！平時嘅至愛係食三文魚，今日叫咗幾碟三文魚壽司同埋刺身，買單都唔使$200，真係又平又抵食呀！如果你係會員，逢星期三嚟仲有折扣優惠Tim 架！

#元氣壽司又有新驚喜 堂食即刻大滿足一件 係筋子呀 超滿足元氣成日都會有小surprise 比我地既#辛辣芝味海鮮卷 $22鍾意食辣嘅我梗係唔放過 上面有好多辣味三文魚又芝士又辣 都幾特別#汁燒特大沙甸魚 $17超長成條鰻魚咁 不過我本身唔太鍾意食沙甸魚 偶然試一次都OK

今日原本想去銀行，但因為佢地效率太”高”。。。都係揾個地方醫下個肚先啦～咁岩又差不多2點半，去到元氣拎票，先知要等8張枱🤢好彩20分鐘內都已經入到，感動下午茶1B + 芝士魚波 + 烏冬 ($50)首先講下壽司🍣相信另外幾舊大家都認識，最特別就係左二嗰舊，望落去唔太吸引🧐但意想不到地好食魚肉新鮮，而且上面係一啲炸蒜粒，脆卜卜的，而且都唔太辣，我唔食得辣都食到！芝士魚波 🐟個感覺就係食魚蛋入邊有小小芝士口，感有少少奇怪，都可以講特別🤩但個魚波唔夠熱，扣左不少分三文魚湯 (追加$12)今次有好多魚肉，足料🥳芝士蛋糕 (追加$12)大愛元氣嘅芝士蛋糕🍰芝士味好濃，必食！總結，元氣嘅下午茶真係好抵食加一後都係81.4, 但就捧住滿足嘅肚皮行返出嚟

為咗食好耐冇食嘅元氣今日專登去咗德福商場，因為提前喺元氣個app度攞咗飛，所以冇話等好耐就可以入座，店入面係滿人嘅，可能係因為正值午餐時段，相信如果冇提早攞飛應該要等好耐。食咗好多壽司同埋唔少熱食，其中值得一提嘅係個芝士鰻魚卷，甜甜嘅鰻魚配搭濃濃嘅芝士簡直係絕配，不過要小心鰻魚可能會有魚骨；炙燒皇帝蟹柳都唔錯，個蟹柳好多汁，甜甜地，配搭個酸酸地嘅沙律醬真係好正。佢個三文魚餃都唔錯，只係肉少咗d，不過好似日式料理店賣嘅三文魚一向都少肉，始終都係自己煮抵啲。

Love kenki sushi a lot which we always go to kenki to have lunch. 💏💏💏💏💏💏💏Got nothing to eat with college so we chose kenki to eat. Just order 呑拿魚蓉sushi which has some spicy chilli 🌶 on top. Definitely a super match combination 😘😘😘😘😘😘😘Cheese cake is my fav cake from kenki too which the texture is kind of smooth just like drinking milk in month

嘩嘩嘩，好耐冇食壽司啦！早排聽新聞講有好多刺身都有寄生蟲，搞到有啲唔係好敢食壽司，但係壽司癮又發作，於是就去咗元氣食壽司！因為唔係好敢食刺身，所以我哋要左好多炙燒系列嘅壽司！佢最近新出左一個明太子炙燒三文魚🍣，估唔到可以同我嘅至愛炙燒黑椒三文魚媲美！有少少可惜嘅係佢暫停左左口魚裙邊壽司嘅供應，都聽到有唔少食客問點解餐牌上冇咗呢一個選擇！有食過元氣嘅都知道佢嘅綠茶係可以任飲，我覺得元氣嘅綠茶粉好好香，唔似其他壽司店淨係比一個茶包咁樣沖茶！

平日想食壽司 元氣一定係不二之選因為有間在附近 水準唔算差今次想食少一點 唔叫好多野轉餐牌後無左根子 唯有叫其他普通野每次都會叫炸蝦卷 一份3件 炸蝦好脆 必食再來就是火炙三文魚 外熱內暖仲有沙律醬係上面 不錯食左冰冷野都想點熱野暖胃見到有烏冬 就試下竹輪卷湯烏冬細細份 份量剛剛好 湯帶點昆布味烏冬都彈牙 如果帶小孩子來食 必點見到隔離枱食海鮮燉蛋都想試吓哇 原來料都幾多下 有一粒完整元貝 同多條鳴門卷同蟹柳雖然食到底 蛋有點水汪汪但都可接受兩人埋單合共唔過$200有時食一餐細份量晚餐都幾好呀

老公果晚ot到好夜,見又唔想煮,就揀係佢公司附近食! 不過周圍都好多人,所以就去排元氣食sushi! um....不過當然啦,都預左要等3mins先有得食,就當等下個衰佬!好,終於入到去!有野食啦!當然即刻叫返最like既三文魚腩壽啦!今次好好彩件三文魚腩好肥美,口感幾正! 另外仲叫左蟹棒壽司,一樣咁好味!老公就要左腐皮壽司,基本佢次次都食既,話腐皮甜甜哋幾好食喎! 我就食左件燒蠔壽司,蠔肉好甜! 正....食完又想再加d其他野,所以就加左個我最like既三文魚子壽司勁甜啊,好好味! 另外又點左個厚燒玉子!滿滿既燒玉子包住d飯,真係好滿足啊!最後黎返個熱食-竹輪烏東，呢餐就prefect啦!