元朗冰室

營業中

休息中

在附近上堂，所以選了這裡食晏。選了厚豬排配蓮藕餅飯，跟熱檸水。本來是有點趕時間的，但估唔到一落單，轉下眼就上枱了，變了可以慢慢食。 蓮藕餅主要是煎豬肉餅，有兩塊，蓮藕份量不是很多。但是也不錯，好餸飯。到厚豬排，是否我的期望過高？ 我心目中的厚豬排不是這樣子的。這跟我平時食的豬排厚了幾多？不過，豬排算大塊，肉好淋，是否加了梳打？ 我好似食到梳打味。這塊厚豬排是有幾失望，但性價比可以啦！由於食物已夠味，所以碟豉油沒有點過。一個快飯，ok啦！

食lunch去食，叫左個午餐，意式焗厚豬排飯，出到黎個樣有d似某快餐店的焗豬扒飯，呢到個飯底較濕，醬汁較多，食到尾有d咸，份量好大份，最後都唔係好食得曬。塊豬排勁大塊同埋係厚切，好多肉，冇乜筋位。

呢間元朗冰室就係紅磡冰室附近，本身想去紅冰，但人太多🤣，所以就去試下呢間野。是日pizza 同薯條今日既pizza係夏威夷味，係我最愛嘅味😍，不過佢d料就唔多，仲加咗葱🤔，第一次見pizza有葱，不過望落去又真係靚d既。不過我個人就覺得佢餅底偏硬，如果d材料多翻少少，可能會好食d，不過佢今次都算合格既。佢d薯條本身就有味，似m 記薯角d味🤗，冇得輸。呢d茶餐簡唔中食一次就ok，下次都係食返紅冰常餐😍。

今晚又要上堂，來到尖沙咀附近搵食，這間元朗冰室，賣點係厚豬扒，平日午飯時段好多人，也有旅客拖住喼喺門外大排長龍。今日趁早早地唔多人，入內坐低，原來未夠六點，仲有下午茶添，店內環境闊落，裝修主要是香港特色。呢一餐都算是一個晚餐，叫咗焗鮮茄豬扒飯，餐飲加三蚊凍奶茶。等咗一陣間，熱辣辣焗豬扒飯送到，香噴噴，肚餓好心急，剛剛焗起非常燙口，要小心！表面鋪滿芝士，溶咗好香好可口， 配料包括菠蘿、蕃茄及洋蔥，豬扒雖然厚切，但夠淋，也夠味，有口感得嚟不會韌。杯凍奶茶較為失色，唔夠茶味。餐廳仲有好多其他選擇。

今日同朋友去尖沙咀行街食飯，又吾知食乜好，佢話帶我去佢既飯堂。因為佢係尖沙咀做野，成日去食，話好好食。原來佢帶我泥呢間元朗冰室，出名係豬扒🐷🐷我地7點半到，見到餐廳好大但都全Full!!好好彩，甘岩有人走，吾洗等。入面有好多卡位，坐得舒服！餐牌都以豬扒為主！一場泥到，就緊係點豬扒啦！豬扒拼沙律🥗:豬扒好大塊，炸得好香！雖然望落去有啲油😬但都好吸引。。一切落去係好容易切開，吾un咖！係淋既。。。肉質帶點粉紅色，吾會煮左好耐，應該係熟既🤣🤣豬扒吾算好厚切，但都吾會薄到得一片甘。。同埋醃料好入味，個人覺得帶少小咸。。但整體上係好好食！反而個沙律係普通既雜果沙律，就好普通啦。。豬扒腸仔飯：呢都豬扒緊加大件！一樣都係好好食。。呢個配腸仔，但得半條，但腸仔太咸，一般。。反而我覺得個飯好好食，係硬既飯，粒粒分明，岩哂吾中意食軟飯既我另外個豉油碟係心形🧡，好得意薯條🍟:我地額外點一份薯條，吾係普通薯條。。你地睇下加左醃料。。所以吾洗點茄汁都有味。。而且炸起即上，熱辣辣，好味！紅豆冰:每次去冰室茶記我都中意飲紅豆冰。呢杯紅豆冰係加左椰汁🥥！通常飲開都係得花奶，加左椰汁係好少飲到。。同埋紅豆夠淋，又吾算太

今次我就試下個常餐呀，咁我就試咗個火腿米粉， 個米粉就中規中矩啦唔算太突出 ，咁我覺得個常餐最好食嘅呢就係嗰個蒜蓉包，佢整得又香又趣，咁另外呢我覺得值得讚嘅就係嗰炒嫩蛋呀，真係又香又滑呀， 另外個餐包埋杯熱奶茶，價錢都係45蚊， 尖沙咀區嚟講算又抵食，又水準

冰室以主打豬扒為主 一入到餐廳坐底睇下個menu就知道皇牌必定喺厚切豬扒 所以特登order 咗個厚切豬扒配意粉一試 想試探下有幾咁吸引 但去到食落去個豬排感覺上食落只喺好普通 未至於令人驚喜 不過都夠哂大份 大概有手掌咁大嘅size 都算喺幾抵食 相反雞排就有surprise俾到我 份量夠大之餘 炸度啱啱好 唔太濃唔太過火 上碟嘅時候仲喺熱烚烚 睇落似喺啱啱炸好 即炸即整算喺相當新鮮 冰室黎講衛生方面都算做得幾好 就咁都睇落都幾整潔 可以放心食用

星期一新年後開工食好D, 要精精神神返工，我就去左公司附近嘅元朗冰室，地方寬敞，卡位勁多，不個人坐個大卡位勁正，坐得舒舒服服。我叫左個＜雪菜肉絲轉公仔麵配＋炒滑蛋＋熱咖啡＞雪菜肉絲比出面算多見到厚多士同炒蛋真係心心眼，多士夠厚，炒蛋夠滑咖啡仲係即磨啡，飲落新鮮唔係酸嘅，有時你去茶記飲到酸啡，都唔係好野。唔係呢嘅區早餐大約都廿到尾，份量少啲，尖沙咀區食呢個份量，飽到食左晚飯咁，呢個價位都差唔多，不過希望keep到水準同唔再加價就好。

星期日係附近做嘢，先食個大早餐，未黎過呢間。裝修新，都幾乾淨。係多選擇，偏偏無我想要嘅五香肉丁😭叫咗沙嗲牛，普通啦，都可以嘅。蒜蓉多士好夠味（好驚口臭），蛋炒得滑，唔錯。芝士咸牛肉，朋友話正常。茶走，可以，第一啖唔係苦澀味，唔錯，好香，頂到一日。整體唔錯，價錢尚可接受，係鬧市茶餐廳價差唔多。

今晚遊走尖沙咀街頭，毫無頭緒食咩好🐻熊大人一眼就俾門口“厚豬扒”三隻大字吸引左入去 👍環境比一般茶記光猛整潔，但座位未算舒適好坐，可能刻意唔想人坐得太耐😂見檯檯都食既厚豬扒，應該係呢間餐廳招牌作。叫左個特餐再+$10轉豬扒厚豬扒確實夠厚，尚算有肉汁，質地亦唔靭，可惜炸得略為油膩，而且鬆肉粉亦重手左，肉質稍為鬆散左少少😪至於特餐的炒蛋唔錯，有蛋香，但多士唔夠鬆軟不過蒜味幾足，茶記黎講都係合格呢個特餐，味道中規中距，勝在平得黎作為晚餐都夠飽肚

服務態度差 又要搶人單睇漏乜走開就當左催單 咁好既態度 真係叫佢唔好做又有個待應是但應一兩句 就當應左條問題睇佢地個樣個個都唔關佢事咁叫個焗豬扒飯 都要等半個鐘仲要明明個焗飯係先叫 都可以俾其他台

元朗冰室以「厚切豬扒」及「豬扒」嘅菜式為招牌菜, 咁理論上, 佢嘅豬扒應該係: 用料靚、製作出色。但豬扒有幾明顯醃肉分嘅味道。呢篇食評好難寫。佢地價錢公道, 抵食; 烹調手法亦唔錯, 廚師煮得好好味; 服務亦唔錯, 侍應經理都招呼周到、有禮貌(除了收銀員外)。宵夜時段我哋嗌咗兩個都有豬扒嘅菜色: <厚切豬扒飯拌蓮藕餅> 及 <厚切豬扒飯配司華力腸> 飯ok、蓮藕餅ok、司華力腸ok、 配菜都ok。兩塊豬扒外型都ok, 睇落炸得好好味。 與其中一塊感覺比較薄啲, 薄啲呢一塊就出事喇: 肉質好淋、好霉, 非常重醃肉粉嘅味道(重度有啲苦)。無法進食, 所以叫服務員玩過一份。佢哋好好, 了解過情況後, 幫我哋製作過一塊出嚟, 叫好好多: 厚、炸得靚、肉實, 但仍然食得出有醃肉粉味道。總括嚟講三塊豬扒, 都有醃肉粉嘅味道。以我所知, 比較好及健康嘅做法, 係應該係用蔬菜去處理豬扒嘅醃製。<紅豆冰> 好好飲, 好香椰奶味, 紅豆大粒, 時間啱啱好, 軟硬適中。<熱奶茶> 香滑可口, 茶味適中。

同朋友下午茶時間去到尖沙咀肚餓到決定唔到食咩好經過見到呢間某餐廳大大隻字寫住「有件厚豬扒等緊你」就被吸引左入去見到呢到個個台面都係豬扒就知呢個主角一定唔野少一於試試個DOUBLE厚豬飯見到塊豬扒真係嚇親 好大塊而且都真係貨真價實既厚豬我目測都有這2-3cm厚淨係食豬扒都飽了個飯仲可以加$5加一碗辣肉醬無淨撈豉油咁dry 不過都真係幾辣不適合怕辣人士試左厚豬就試埋隻大雞脾雞脾個餐有碗埋一碗辛辣麵同蒜蓉多士相比起雞脾就較普通 亦唔係相像中咁大味道較濃 配埋個淨麵食就岩岩好 套餐加5蚊可以要紅豆冰紅豆都幾多同大粒 仲算粒粒分明但椰奶好淡同稀 較失色

要係尖沙咀揾一間平靚正既茶記真係唔容易今日係尖東揾食俾餐廳門口既招牌吸引到「厚豬排專門店」😍令我二話不說就入左去試下🙈叫左個下午茶餐鮮茄焗厚切豬排飯 $52🍛一上菜果下嚇到我塊豬排有我手掌咁大2隻手指咁厚心入面當堂叫左出黎😱而且咬落去都幾鮮嫩多汁飯底又炒得夠熱真係一個驚喜👍👍 元朗冰室地址: 尖沙咀金馬倫道48號中國保險大廈地下A2號舖電話: 26032686小編介紹：我叫亞坤新手食評家鍾意煮好野 食好野如果你都係愛吃之人可以follow我既IG同Facebook會有更多既飲食資訊IG: marquezkitchenFacebook: Marquez Au Yeung 亞坤廚房

位於金馬倫道嘅元朗冰室，主打厚切豬扒，食肉獸可能都會感興趣，行下行下唔知食乜好，就決定入去會一會傳說中嘅厚豬扒。2人同行，一人叫左一個餐。分別係Double厚豬扒飯同大雞脾配辛辣麵+蒜蓉多士。講番塊招牌厚豬扒先，的確係夠晒厚而且肉質又軟腍得黎唔會太淋或太韌，煎得又幾香口，確實唔錯嘅。不過配菜就hea d咁，同埋冇諗過係配鼓油汁，雖然都唔差嘅，但總覺得配番蒜蓉汁呀黑椒汁之類好食d。至於辛辣麵就普通辛辣麵，多士係淋嘅，而雞脾亦炸得唔乾身非常油，所以我成個皮起左冇食。價錢都係一般冰室價中規中矩，唔會因為開喺尖沙咀就貴左好多。不過真係除左塊招牌厚豬扒外，冇咩可取之處咁。