元朗冰室

營業中

休息中

今日放假，出了尖沙咀吃午飯。朋友在附近返工，提議到「元朗冰室」。我12點半到達，只坐滿七成。大把卡位我揀黎坐，非常好啊！朋友未到，我便慢慢看餐牌，發現選擇非常多。我吃：沙薑咸雞飯。賣相不錯。雞的件數少了點。沙薑醬很美味。配菜有：青瓜和花生，味道OK。朋友吃：厚豬🐷扒蓮藕飯。賣相同樣不錯。豉油汁是另上。厚🐷扒很大塊我試吃了一口豬🐷扒，味道相當不錯，值得推薦給大家呢！蓮藕餅有2塊，朋友只吃了1塊，他說不好吃。是日星期五，食物水準不差，價錢也很合理。但放飯時間，食客竟然唔滿。這裡是約朋友輕鬆傾偈，吃個「快閃午飯」的好地方。早到也沒有伙計催我落單。吃飽也沒有伙計催我走人。原因是在場食客只有七成。

今日嚟到尖沙咀搵食，男朋友想食肉醬意粉，所以我哋就搵吓有冇茶記，見到元朗冰室唔使等位，座位都幾舒服，就入咗去。睇下個餐牌先，除咗午市套餐之外，都仲有好多選擇，仲有all day breakfast 同拉麵添選擇困難症都一定可以揀到嘢食啊！我哋嗌左一個精選午餐焗芝士肉醬意粉🍝（$58），一個厚豬扒配辣肉醬飯（$52），再散嗌多一個炸雞比（$28）。首先上咗個豬扒辣肉醬飯，辣肉醬都幾辣，用嚟撈飯好刺激，招牌厚豬扒就覺得都幾好味，容易咬，但冇咩特別不過不失～之後呢個焗芝士肉醬意粉，我就覺得幾好味囉，芝士份量都好多夠晒撈晒成個意粉，幾入味最後用呢個新鮮熱辣嘅炸雞髀來做完結，雞髀炸得外脆內軟，切開皮下仲有肉汁別出嚟，出色！

行過諗住求其搵嘢醫肚，叫咗個雞脾多士辛辣麵中大伏，煮得勁求其，麵又好淋多士烘到燶晒，雞脾還可以，但其他兩樣已經令人極度失望另外叫咗個厚豬扒飯，聽講係王牌招牌食落好普通，係價錢唔貴，但絕對唔算好食豬扒好靭又鞋，汁係茄膏飯度仲有芝士，洋蔥，菠蘿，都算係typical中嘅typical, 味道普通自稱專做豬扒，哪來嘅自信蕃茄太大舊又酸，飯底底還可以，但如果更硬身會合乎標準整體嚟講，同出面茶餐廳分別不大，但樣樣嘢食都令人失望，切勿光顧，後果自負

成條街有好幾間冰室，由麼地道入去就見到元朗冰室，雖然門外無好似隔離舖頭咁大排長龍，但質素又唔錯喎見門口大大隻字寫住厚豬扒，就嗌咗個全日早餐食吓，入面都牛角色、炒蛋、腸仔，當然唔少得成個餐嘅靈魂所在招牌豬扒啦！都算係真材實料嘅，骨唔算多，咬落去啖啖肉充滿油香，以茶記質素來講確係唔錯。至於個拉麵都算係中上，無諗到茶記都可以咁多元化比一般餐室乾淨企理，店舖後方牆上面嘅設計都幾有心思創意，如果落單伙記態度再好啲就good喇！

元朗冰室除左出名厚切豬扒外還有其他選擇今次就試左日式系地獄湯底 x 頂級肥牛拉麵配料更附上糖心蛋添~蛋蛋流心正湯底都有啲料到 不過又無平時日本稱既地獄辣感覺愛食辣的新朋友想嘗試一下 完全適合試試頂級肥牛 望落樣子ok 食落都幾有牛味拉麵麵質爽口彈牙配埋海苔糖心蛋整體升華左~

厚切厚豬扒係呢間餐廳賣點!! 當然要試試啦點了厚豬扒配辛辣麵餐~上菜時間都快豬扒厚度約有一吋份量 比其他餐廳大塊豬扒炸到脆邊 肉質咬落唔硬 而且食落無想像中太油 食到有啲豉油味道辛辣麵都煮到麵質剛好 係平時食到農心味道不過建議唔太食得辛辣既人 可考慮餐廳另上辛辣粉多士係蒜蓉多 夠味餐價錢就不過不失啦~ 唔算貴既如果叫飯就會配埋特制豉油

作為屯天元人，第一次食掛住「元朗」名嘅元朗冰室係係尖沙咀。平時對豬扒嘅印象就係嚡口。所以就試試呢間最出名係嘅厚豬扒可唔可以打破呢個定律。叫咗港人最愛之一焗意式厚豬扒飯。配料正正常常，有蕃茄同菠蘿，最重要係蕃茄汁上面有芝士！蕃茄汁唔會太流質，味道唔會太酸，好岩餸飯。至於主角豬扒，都有一個指甲嘅厚度。厚得黎唔會嚡，亦都唔會好似坊間用鬆肉粉整到太淋，好味。值得一提嘅細心位係已經幫你切好曬豬扒，對女士黎講好重要架。跟餐有熱奶茶，不過唔夠奶導致唔滑。奶茶唔出色，早知轉飲紅豆冰。服務方面，明明唔係繁忙時間，店員都會有d趕人走。茶記一大缺點。

行完街街到晚上就到元朗冰室吃晚餐，真奇怪明明在尖沙咀為何店名用元朗？？其實是被那厚豬扒飯吸引而來我真係好鍾意食自己喔！！ 我們點了Double厚豬扒飯可加＄5配紅豆冰、而我則散點走甜凍檸檬茶＄20，檸檬夠酸香茶底亦挺濃走甜亦不會反茶收貨。 車爸爸的紅豆冰味道不過甜，紅豆份量不少而且煮得軟淋可口，質素相當不錯值得我喝一口。 我們也不算太肚餓只點了車爸爸愛吃的乳鴿和一客飯分享！禾味燒BB鴿＄39/隻即炸熱騰騰送上來不會難吃！外皮色澤較口感好內裡肉質算香嫩也不錯吧！ 原來這隻元朗肥豬在尖沙咀盪失路！可惜人間險惡被放上檯任人宰割了！！ 牠的犧牲成就了這客Double厚豬扒飯＄62，兩大件厚切豬扒煎得香口肉地夠淋夠滑很可口，配我覺得有點苦又太油的減分秘製豉油，可幸有加分不少蔬菜伴碟整體也算合格吧！吃飽飽後拍著拖回家幸福快樂便是這樣簡單。

咪睇相呢塊豬扒平平無奇，其實佢大塊到不得了，而且仲係厚切，一啲都無欺場！！！話說淨係金馬倫道都有2 間冰室1 間茶餐廳，一定要有啲人地無做既野而你又做得好出色既野令你突圍而出，呢間餐廳就係用厚切豬扒做到人人都要黎試下！呢塊豬扒煎得超香脆，側邊啲肥膏都煎透哂，但又唔會燶，超厲害！而且肉汁仲 keep 到， 好 juicy, 唔會嚡口或者乾淨淨。今次跟餐要薯條，明知係交貨黎都唔抱咩期望，不過炸得過火左，食落即刻覺得要喉嚨痛咁滯... 為左佢既豬扒係可以再黎既，最多下次叫飯或者意粉～

Lunch成日食元朗冰室最出名既厚切豬扒招牌賣點 去到都見到好多人食大大塊真係好抵食而且唔係厚粉既豬扒好多餐都可以加呢塊豬扒每次叫一個餐都食唔哂可以開心些牙下比朋友😂

依加個個星期五都同男友Happy Friday，銀包也乾了，有時只想食返餐想慳錢又飽肚嘅晚餐。於是男友推介呢間冰室，話豬扒話好好食，叫我一定要試下。入到去睇menu先知，原來豬扒餐都可以有好多選擇，仲有全日早餐可以配搭。由於我好中意食全日早餐，所以叫左個試下。估唔到塊豬扒超大塊，大過我個手掌，我諗應該都大過我塊面而且配菜都多，炒蛋、茄汁焗豆、火腿、腸仔、牛角包、沙律都有，無欺場 !切開塊扒見到都煮得剛剛好，好juicy，食落亦非常嫩滑，質素令人有驚喜!!炒蛋亦好香滑唔會老，牛角包外皮香脆，整體高質，CP值高

今日第一次去元朗冰室食lunch,因為感冒其實都冇乜胃口，之後就求其叫咗個口水雞飯，味道真係超乎我所料，d汁又辣又酸，越食越開胃,雞下面仲有青瓜，雞都好滑，48蚊包埋熱飲真係冇得輸！朋友就叫左個歐陸風情，炸魚柳配炒蛋，佢話有d食緊早餐咁，但份量同味道都可以，魚柳炸得非常鬆脆。其他都不過不失！下次一定會再幫襯！大家都不防去試試！

響尖沙咀買完野。想食個下午茶先再開工。曾經響元朗冰室食過一次厚豬排飯覺得個豬排好林好好味。所以行左去諗住食個tea想食飽d。所以叫左下午茶厚豬排+拉麵餐($55蚊)即磨咖啡ok good。冷啡就不是即磨。所以叫番熱囉豬骨湯拉麵。個蛋仲有少少流心。算係甘。個拉麵感覺係出前一丁果些拉麵包。好勁麻油味。煮得沒過林。Ok 的好慘上次我食的厚豬排超級林。一d都吾鞋。今次呢塊厚豬排。雖然都係外脆香口。但裡面7成範圍(尤其中心部份)係好鞋同un。得外圍同骨位有d肥係林好食的why??上次我晚上食52蚊的厚豬排+蓮藕餅飯。個厚豬排真好好食。上次仲嫌得1件吾夠喉埋單55蚊。我只能夠講今次自己吾好彩。希望如果再黎可以食番好味的厚林豬

食過咁多冰室。。呢間算最有主題。。就係豬扒。真心好味。。其實唔洗諗咁多。。係諗豬扒配咩既姐。。不過佢都正常茶餐廳有既野。。不過豬扒係走唔甩。。如果去到唔叫豬扒。。不如食第二間。。其實都真係冇乜野可以講。。附近有。。行過路過唔好錯過。。不過就唔洗特登去既。。普通開飯。。岩哂。不過約會傾計就搵第二D啦。。。。。環境：普通茶餐廳冰室不過靚仔既食物：二個字。。豬扒豬扒同豬扒總括：平日開飯一流。。又開得夜。

午餐時間來到這裡，反正未食過便試一試。我叫了招牌厚豬扒併司華力腸，凍檸茶。豬扒大大塊，算厚身的，原來司華力腸只得半小條，還有些栗米跟白菜。豬扒落了鬆肉粉的口感，可以接受的程度，但沒有什麼味道，司華力腸就是一條炸了的腸，也不會期望司華力腸有什麼味道。飯比較差，用了一種差的米，口感不行，鼓油很普通，我寧願佢比煲仔飯鼓油我。凍檸茶反而正常，不錯。$52+$3的價錢，可以接受在這個區域，只是不要期望會怎樣好味。反正有裝修，也算坐得舒服，當大熱天時的一個涼冷氣點也可以。