影片
營業時間
今日營業
06:30 - 03:00
星期一至日
06:30 - 03:00
以上資料只供參考, 請與餐廳確認詳情
附近路過時見到元朗冰室既馳名厚豬扒就同班朋友入去食個tea先，好期待既厚豬扒～入到餐廳環境明亮，裝修簡約，地方寬闊，坐得舒服。餐廳主打港式茶餐廳，侍應招待友善，服務一流。美式餐招牌厚豬扒 $66依個係美式餐，包括招牌厚豬扒、薯蓉、火腿嫩滑炒蛋、蒜蓉厚多士及餐飲。一上枱見到豬扒已經覺得好厚，好鬆軟，有肉汁，而且調味唔會太過重，果然好味道 ; 配搭火腿炒蛋，蛋味濃且嫩滑，薯蓉口感creamy，以及都幾厚既蒜蓉多士，香脆可口。奶油脆豬 $32必點名物 ~ 奶油豬！超大個既奶油脆豬，麵包鬆軟，牛油和煉奶既比例啱啱好，口感帶點煙韌，好脆口。金牌沙嗲牛肉即食麵 $45沙嗲牛肉麵係去港式茶記必食既，我都唔例外。揀左雙拼沙嗲牛肉同腸仔，牛肉都幾大片，軟腍唔韌，肉質嫩滑多汁，沙嗲醬汁香濃，揀咗出前一丁(+$3)，配備獨立包裝麻油，即食麵唔會煮得過淋，麵質彈牙有咬口，至於湯底係選用海鮮地魚熬製而成，清香鮮甜，啲湯差唔多飲晒，確係好味既沙嗲牛肉麵。DOUBLE 厚豬扒飯 $74呢碟飯既厚豬扒有兩大塊，真係好足料，件件豬扒都好大塊，而且好厚身，入口啖啖肉，米飯粒粒分明，配埋秘製豉油，撈飯一流。厚豬扒配蓮藕餅飯 $62好友就點咗厚猪扒配蓮藕餅飯，厚豬扒食落口感十足，肉質嫩滑，配蓮藕餅好夾，蓮藕爽口，中間夾住豬肉餡，煎得香脆唔油膩，呢兩款餸配飯唔錯，個個都讚厚豬扒好食。焗意式厚豬扒意粉 $62焗厚豬扒意粉好有驚喜，厚豬扒肉質鮮嫩多汁，面層放上蕃茄、菠蘿、洋蔥，加上芝士同醬汁，好出色既焗豬扒飯，食返原身既味道，連洋蔥都食出有陣甜味，意粉彈性有嚼口，醬汁夠多可以每條都沾上，出色既焗意式厚豬扒意粉。炸雞髀 $38雞髀炸至外皮金黃酥脆，肉質嫩滑，裡面有肉汁唔會乾，調味都好入味，唔錯。金牌沙嗲牛肉包 $34沙嗲牛肉包已經唔多餐廳會有，所以都想試一試味道。首先沙嗲醬汁好香濃，唔會搶咗牛肉本身味道，牛肉新鮮嫩滑，食落冇渣，麵包鬆軟，口感味道佳。紅豆冰 (+$5)講到懷舊風味，紅豆冰當然唔少得啦！紅豆煮到起沙，甜度剛剛好，好香濃既椰汁味， 好冰涼，爽呀！檸檬利賓納 (+$5)依杯味道酸酸甜甜，食完飯飲番杯，既解膩又消滯。凍檸檬茶(+$3) 色澤對辦，飲起黎茶味芳郁。凍檸檬水 (+$3) 甜到啱啱好，口感fresh。
繼續閱讀
喺尖沙咀見到以元朗為名既冰室，實在好有趣，仲寫到明係厚豬扒專門店添招牌厚豬扒 $38果然係厚豬扒專門店，豬扒雖然係厚身，但都好易切開，肉質軟淋，仲保留到肉汁，一些都唔柴奶油脆豬 $32奶油脆豬比想像中長，麵包體烘到香脆，表面淋滿甜奶油金牌沙嗲牛肉即食麵 $43又係一個必食名物，沙爹醬香氣濃，隱約聞到花生醬香味，牛肉薄切易入口，公仔麵口感彈牙，整體配搭冇得輸炒蛋厚多士 $35厚多士上面加咗炒蛋，炒蛋應該係落咗牛油落去炒，所以食到牛油香和風雞肉披薩 $75呢個披薩表面鋪滿咗彩椒、雞肉粒、芝士、紫菜，望落去色彩繽紛，入口都充滿層次同口感一口西多士 $37雖然叫做一口西多士，但係其實都幾大舊，一共有六舊，表面用蛋漿浸過，炸到金黃酥脆，淋上楓糖漿，食落好邪惡焗意式厚豬扒飯 $68豬扒飯係套餐，叫咗熱檸水，豬扒基本上冇得輸，本身完整嘅厚豬扒切成件方便食用，再加埋惹味嘅意式醬汁同埋配菜，好有港式嘅風味奇味火辣烤雞 $102火辣烤雞套餐，除咗烤雞本體，仲有順滑焗薯、香濃牛肝菌湯和脆口既蒜香法包，另外嘢飲仲有熱檸茶。本身烤雞應該醃過，有少少花椒香？原隻雞上枱好吸引，切開雞肉仲有肉汁流出，雞肉食落嫩滑，點埋佢附上嘅奇味醬汁，甜辣口感好正籠仔荷葉北菇蒸雞飯 $68居然見到有蒸雞飯，點都要叫嚟試下，上枱真係用隻竹籠裝住，大大嘅荷葉包裹住北菇蒸雞飯，仲有醬油伴碟，方便食客淋上食用，雞肉嫩滑，飯有明顯嘅雞油香，淋上醬油食更香口
繼續閱讀
元朗冰室．魔鬼豬扒包撞邪級好味！呢間係「邪惡度爆燈」嘅茶記——元朗冰室！雖然個名有「元朗」兩字，但佢其實藏身喺尖沙咀橫街，唔少街坊已經當咗佢做「飯堂」。飲品篇：紅豆冰混凍咖啡，飲出江湖智慧首先，一定要讚佢哋嘅紅豆冰——多料到癲！ 一啖飲落去，紅豆多過奶，粒粒起沙又綿密，甜度剛好唔會「漏喉」，仲要夠晒冰凍，夏天飲真係「救命級」。至於熱奶茶，茶底濃到似「絲襪奶茶」嘅升級版，入口順滑帶微微澀香，係正宗港式風味。但全場最驚喜係凍咖啡！我自己搞左一個「秘飲」：將紅豆冰同凍咖啡撈勻飲！一試之下……嘩！ 咖啡嘅苦香撞上紅豆嘅甜，竟然夾到似「鴛鴦2.0」，仲有豆蓉增加口感，呢個配搭真係要試！我已經將「秘技」教左店員，下次寫上MENU！WKAKKA！主菜篇：魔鬼豬扒包，厚到犯規！1. 魔鬼醬厚豬扒包見到實物真係嚇親——塊豬扒長過部手機，厚度超過1cm！ 麵包烘到微脆，豬扒煎得外層焦香，咬落去juicy到爆汁，仲要塗滿秘製「魔鬼醬」酸甜帶微辣，食完成個包真係要「抖大氣」！「邪惡度：★★★★★」2. 厚豬扒配辣肉醬飯如果話豬扒包係「輕量級」，咁呢個飯就係「重量級挑戰」！豬扒同樣厚切，但配咗一灘自家製辣肉醬，肉碎炒得香辣惹味，撈飯食簡直「停唔到口」。重點係豬扒醃得入味，肉質鬆化唔柴，正！ 3. 炸雞髀呢度嘅炸雞髀絕對有資格叫板「髀王」！雞皮炸到金黃脆卜卜，咬開仲有肉汁滲出，最正係佢哋嘅秘製醃料——帶少少五香粉同蒜香，唔會死鹹，食完連手指都要啜乾淨！4. 沙薑雞飯（雞有雞味！）茶記整雞飯通常「伏多過食」，但呢度嘅沙薑雞竟然夠晒「雞味」！雞肉滑溜唔「鞋」，沙薑醬油香而不鹹，滑到難以置信，以為係專賣雞店！甜品篇：一口西多士，甜魔必點食到飽晒都忍唔住叫份一口西多士！上枱時淋滿煉奶同朱朱力醬，炸得外脆內軟，一啖一粒剛剛好。最過癮係佢哋玩「黑白雙喜」——煉奶+朱古力醬，甜而唔膩，「飯後血糖飆升」都值得！元朗冰室嘅食物，份量、味道、價錢全部平衡得剛剛好，尤其係佢哋對「厚切肉」嘅執著，真係食得出誠意。減肥……well 係咩來的？「食完要減肥」囉！餐廳：元朗冰室地址：尖沙咀金馬倫道48號中國保險大廈地下A2號舖
繼續閱讀
元朗冰室豬扒必食🐖以厚豬扒為賣點的港式茶餐廳，厚豬扒的受歡迎程度非常之高！下午茶嘅小食也非常之吸引！魔鬼醬厚豬扒包 $51豬扒的size非常之大！豬扒的口感非常軟腍！配上魔鬼醬，小小辣的感覺，非常惹味！厚豬扒配辣肉醬飯 $62厚豬扒飯系列有多款配搭，這款配辣肉醬的，還是第一次見，非常適合喜歡吃辣的朋友。炸雞髀 $38港式茶餐廳必吃的下午茶小食！雞髀外脆內嫩！一口西多士 $37港式茶餐廳，必吃的西多士！居然加了朱古力醬！很特別！紅豆冰熱奶茶 飲品當然一定要飲港式特飲紅豆冰和奶茶啦！手拍青瓜 $28餐廳居然仲有這款小食，非常適合皮膚吃辣的朋友啦！
繼續閱讀
元朗冰室（尖沙咀店）裝修新穎地方寬敞，以港式茶餐廳風格為主，主打不同款式的港式懷舊美食！招牌「魔鬼醬厚豬扒包」HKD51，份量超大有驚喜！麵包新鮮鬆脆，配上大大塊厚實多汁的香炸豬排，加上餐廳特製魔鬼醬汁及新鮮蕃茄生菜，十分開胃，一口接一口十分滿足！「厚豬扒面配辣肉醬飯」HKD62，厚豬扒外酥內嫩，肉質彈牙；辣肉醬香辣濃郁有辣勁，配米飯份量十足，飽足感滿分！「炸雞髀」HKD38，金黄酥脆咬下咔滋响，肉嫩多汁醃得够入味！秘制香料裹著薄脆外皮，熱騰騰的雞腿掰開還滴肉汁，好味又健康，根本停不下来～🍗✨「一口西多士」HKD37，炸得金黃酥脆，內裡軟綿綿，配上煉奶及朱古力醬的香甜，是完美的懷舊甜點！推薦！紅豆冰跟餐僅5元，味道可口夠冰凍，性價比超高。奶茶都很經典！妥妥的港式風味啊！整體上菜速度快，服務態度親切，地方寬敞，人均消費約100-150元，適合快速解決一餐或下午茶小聚。
繼續閱讀