傷心酸辣粉 (金百利廣場)

營業中

休息中

傷心酸辣粉開左咁耐我印象中好似只係食過一次，難得今日同朋友係銅鑼灣睇戲，由於有選擇困難症，諗左好耐都未諗到食咩？係金百利附近向上望見到有傷心酸辣粉招牌，而朋友仔話未食過，我地就即刻二話不說上去開餐女仔都係三心兩意好多野都想試，所以我地決定叫幾樣share一齊食，咁就每樣都可以試D...^^上菜速度好快，岩曬趕時間的香港人（我地趕時間睇戲，哈）先黎一碗口水雞薯粉(bb辣)，薯粉好彈牙，配埋bb辣，我覺得辣度剛剛好，真係好好味！因為朋友仔唔太食得辣，店舖亦好貼心，另上口水雞可以選擇唔辣，於是我地叫左唔辣！我每日都要食菜，所以每餐習慣必會叫一碟！但可惜只有生菜一種選擇！另叫左碟海蜇，海蜇有好香既麻油味，加上青瓜絲，增加左口感，食落口非常爽口彈牙，好惹味，食唔停口，絕對是必食推介！本身我都鍾意食丸，所以就叫左黃金花枝丸，花枝丸即炸即上枱，好香好脆，配上泰式辣醬真係好夾，好開胃！ 我仲記得呢度以前只有酸辣粉食，但原來現在唔單止有粉食，仲有好似小菜咁既食物係餐牌上，咁我地就叫左干撈牛肚(小辣)試下，牛肚好爽口夠乾身，但小辣都好已經好辣！哈！食到我邊食邊飲野解辣！整體今日叫既食物都好好味，下次可以再

今晚銅鑼灣地舗人很多，同朋友又想坐低食抽野傾計，於是見金百利廣場有大家鍾意食的傷心酸辣粉便上去食~ 幸好，不用排隊即可入座，店員是團隊有禮的打招呼，其他分店通常是個別的，還以為自己入左日本餐廳我們當然點了好味到流口水的口水雞，賣相吸引，肉質嫩滑的口水雞，沾滿帶麻酸微辣的醬油，同時吃到芫茜獨有香味，加上香脆芝麻花生及蔥花，口感層次豐富， 第二碟是手撕雞冷麵，麵富彈性，同口水雞一樣美味。第三碟是同是該店推介的夫妻肺片，片大而薄易咀嚼，麻辣鮮香，香口惹味，第四碟是鹵水拼盤，份量十足，二人SHARE可多試其他菜式又飽肚。最後點了平靚正的芝士豆腐，微熱的豆腐柔滑，內醸入口即溶的芝心，吃完口中仍充滿了豆香及芝士香，很窩心，為這餐劃上完美的句號。總結，味道+態度VERY GOOD，見到員工有客即打招呼，餐廳經理更是雙手拿賬單給我們，價錢亦比同區食店便宜得多，真是滿意足的晚餐～

自從我住的地方沒有傷心後，就只剩下南記和譚仔可以讓我吃辣。 今晚在銅鑼灣約了朋友，突然又想吃辣，做到了金百利上的傷心酸辣粉。 打開餐牌，發現了每日一星，是每天一款食物特價。當日是星期三，優惠小食包括了黃金花枝丸（$32），其他日子還有麻香雞翼、熗炒土豆絲、水煮龍脷魚等等！ 點了幾個不同的套餐大家share 來吃！ 皇牌口水雞套餐（$65） 口水雞肉質夠嫩滑，醬汁夠香，辣味適中。 酸辣粉夠大碗，配上肉碎、花生、芫茜、蔥等非常香口，還可自選辣度，粉條圓圓的口感煙韌彈牙，非常好吃！ 蒜泥白肉套餐（$65） 對傷心的蒜泥白肉念念不忘，一直拎不到比它好吃的。那蒜泥的香味甜甜地，帶蒜蓉香，配在嫩滑可口的白肉上簡直是最佳配搭。 麻辣脆耳肚絲套餐（$65） 麻辣口味的脆耳爽脆可口，肚絲腍香入味，底下還帶青瓜絲，吸收麻辣汁味道，非常惹味！ 麻辣肥腸套餐（$65） 麻辣肥腸之前也沒有吃過，今次倒是第一次吃，肥腸肥瘦分明，肥膏不見，爽口嫩滑，還很入味。 套餐可轉涼拌炸醬晶絲薯粉加$7，晶絲薯粉比酸辣粉粉條幼細，吃落比酸辣粉更為煙韌，作為涼拌一流

朋友特別推介傷心酸辣粉，口水雞套餐（粉小辣，雞中辣）。係自己冇睇清楚，轉左金牌酸辣粉要加7蚊，但是認真不知道金牌有什麼分別。味道普通，不過不失，對酸不大興趣既我都okay。只是中辣既雞不辣、雞很少、粉很少、湯很多，完。

好久不來，今天來吃發現徹底換了廚房，東西超級難吃，醋也換了！以前的醋有層次，不是直接的酸，肚絲也很難吃，很軟很腥⋯⋯真的是太傷心了⋯⋯能不能注意一下，吃了那麼多年放棄又不捨得

傷心酸辣粉是一間連鎖店，但唔好以為每一間的味道都一樣，因為食過不同地區的分店，每間都有些不同，而銅鑼灣這間牛奶姝是最喜歡的去Sogo 行完街就去旁邊的金百利廣場"傷心"下了，上到去門口企左一群人已心知不妙，好彩等左十五分鐘左右就有位了小店薄利多銷座位與座位之間的空間不多，感覺都幾逼，不過幸好坐低左枱面的空間尚算正常，不用看餐牌都可以下單了，因為牛奶豬每次都係叫酸辣粉小辣，配料是雞翼，雞脾菇，魯蛋。無論何種配料，牛奶豬覺得酸辣粉面食的靈魂始終是湯底和酸辣粉的口感，酸辣粉要煮得剛剛好，晶瑩剔透，柔軟但咬下仍保持爽彈不糊，但又要能吸收湯汁的味道，才可以只食酸辣粉都已經好好味。這餐廳的酸辣粉食了數次，都可以做到柔軟但不糊。湯底未食嗅都嗅到酸酸辣辣的味道，但不會刺鼻令你嗅都辣到想咳(當然可能係叫小辣的關係),有肉碎和炸菜令湯底味道更豐富，將酸辣粉伴少許湯汁放入口，酸辣度剛剛好，而酸辣粉亦成功吸收了湯的的味道，食了第一啖已很開胃配料方面雞翼都入味的，表現正常; 雞脾菇基本上係沒有味道的，要靠放在最後等吸收左湯的味道食才有味道，魯蛋很好味，整個蛋白都有魯水味，蛋黃很香。兩個人來食埋單合共$144連罐

lunch time諗唔到食咩，最後都係行左去我最愛的傷心酸辣粉！今次食套餐，有一碗酸辣粉、一碟麻辣大腸、加多杯椰汁。酸辣粉都係慣性叫小辣，不過今次好似比想像中更辣，而且唔小心食左粒花椒勁麻，好彩有椰汁幫手減輕下。粉就同之前一樣，又滑又綿又軟，質素keep到。大腸第一次食，睇落又肥又粗，入口大滿足，可能係因為辣汁的關係，入口唔會覺得油膩，啖啖肥腸好好味。

同朋友放工行街，去到銅鑼灣既傷心酸辣粉到食，叫咗個套餐～口水雞再加酸辣粉～聽朋友講佢個小辣都已經好辣，所以麵就要bb辣，雞就要小辣～啲麵唔覺辣都話哎，連口水雞都唔覺得辣～～～係朋友到笠咗隻雞翼黎食，個侍應話有麻味無辣味～但我同我朋友都覺得佢只係魯水囉～啲麵雖然彈牙～但覺得佢粗咗啲～～雞唔夠辣，但都算滑～～不過侍應態度都好好～我地問長問短佢都唔嫌煩～仲解釋啲麵既分別～

第二次食，感覺無變，仍然都係覺得麻麻地。好油，湯底淡口。米線有點硬。同埋我一早講走蔥，但反而仲落多左。唉。反而朋友食嗰碗唔要辣味，要酸味多既就正常d。但白蘿蔔係未稔的。

係太古睇完戲都10點幾，好多餐廳都關門。所以專登搭車出去銅鑼灣食野，咁放諗住食麵算啦，突然諗起好耐都冇去食傷心酸辣粉啦，就決定去食。酸辣粉BB辣，今次既BB辣送到嚟已經發現個湯一D紅色都無，同清湯無分別，估唔到飲左食啖湯真係同唔辣無分別呀, 平時食既BB辣個湯都係紅既，仲要有辣味……而今次真係要自己加辣椒油先得。薯粉一樣係咁彈牙蒜泥白肉，好多蒜泥超足料，夠香夠濃味，肉又大塊。雞軟骨，外層炸得香脆，一定要沾泰式酸辣醬就最好食啦~

係銅鑼灣見到大大個傷心酸辣粉招牌，對於我地呢兩個有選擇困難症gar人，於是決定去試下~搭lift上到五樓，門口比較細，入到去d位竟然係意想不到咁窄，so環境分一定唔會高。由於我地兩個女仔唔係太肚餓，就點咗個小辣酸辣粉 夫妻肺片套餐。食物款式都算多，而且有酸辣魚，水煮牛肉等等。不過餐廳冇茶水供應，姐係要客人點飲品啦~食物味道辣的刺激，食落嘴巴會有麻辣感覺。而夫妻肺片辣度適中，分量以套餐的價錢都算ok。最後問我個fd意見，佢話間間酸辣粉都差唔多味又真係wor，哈哈

【退步的傷心酸辣粉】酸辣嘢一向喺我心目中有好重要席位，過一段時間就要頂一頂我呢鋪酸辣上癮，傷心酸辣粉都算係我常去嘅地方。今次我同以往一樣，要咗兩個一人套餐， 分別係口水雞套餐 + 夫妻肺片套餐。 套餐我揀咗配酸辣薯粉，薯粉同埋餸菜分 bb 辣、小辣、中辣同大辣。 我多數揀小辣，如果好唔食得辣嘅人，最好揀 bb 辣。 如果你係完全唔食得辣，咁我勸你唔好去食算啦。 唔食辣，咁食咩鬼嘢四川菜呀！酸辣粉湯底係豬骨湯，加上香料、榨菜、花生、肉燥同辣油調配。 我鍾意薯粉彈呀口感，有「趙頭」。口水雞夠滑，即使係冰鮮雞都唔覺有雪味。 直情想食埋啲雞皮！ 不過怕肥，都係放棄咗！夫妻肺片夠入味，夠爽口，但就咁食會有啲咸，建議浸一浸湯，或者送飯食。如果你係鬼仔/鬼妹性格，唔食內臟，咁就唔好叫啦，夫妻肺片裡面有內臟架！ （因為有人唔知夫妻肺片係咩）特別介紹，我地額外叫咗個酸菜煮龍俐魚。龍俐魚夠滑，切的厚厚地，有口感。 唔會話煮得太老令到一夾散。 底下仲有薯粉，不過形狀唔同酸辣粉嗰種薯粉，而係似韓國炒粉絲嗰種質地，吸晒啲酸湯精華，一定要試試啲粉。雖然唔係唔好食，但feel 到佢退步咗， 希望下次去佢會有改善。價

今晚落班就過去銅鑼灣食酸辣粉，因為最近朋友去食過后強烈推薦我去試下，話系佢食過最正宗嘅酸辣粉，店面唔大，我地去得比較早，仲有兩張臺，但感覺幾干凈，一入店就聞到好香嘅酸辣味，就想流口水喇。呢間店都主要系做辣嘅菜品為主，品種唔算好多，但都唔少，都系有辣嘅。口水雞唔算好辣，分量都算多，但味道唔錯，雞好新鮮，雞肉煮得好嫩，中意辣嘅朋友可以叫老板加辣。嚟呢度主要都系為左呢個酸辣粉，我唔算好食得辣，所以點左個BB辣，有好多配料，有榨菜，瘦肉碎，花生等，但感覺都算D辣，不過覺得辣幾過癮，D醋又酸，但又酸得剛剛好，D紅薯粉好韌，口感好好，覺得真系幾正宗，如果食得好辣嘅朋友會覺得更好食。

一開始完全係沖著傷心酸辣粉嘅名氣來的，係金佰利廣場嘅五樓，一出電梯就係，座位比較窄，滿屋都係酸辣嘅味。我要嘅係微辣嘅酸辣粉，大大一碗，口水一邊分泌又一邊怕怕地，我食辣都係一般般，覺得酸辣粉都几好味，不算辣，粉很韌，湯酸辣適中，很開胃啊。口水雞望起身很恐怖，紅紅的油，雞皮很脆，雞肉好嫩，唔係好熟比較甜，混著花生芝麻很香。水煮魚望落很恐怖，食住更恐怖，好辣，對我來講比較頂唔順，不過味道好好，都停唔倒口，一邊食一邊擦汗，都流曬鼻涕了，鼻子堵紅紅的，比我朋友笑死喇，不過好爽，很酣暢淋漓，值得一試

我平時真係一個超級無敵鐘意食辣噶人，基本上喺無辣不歡嘎，有時仲會覺得無辣椒送飯會好寡。所以我就好鐘意嚟傷心酸辣粉食野啦，真係啱曬我口味吖口水雞，有分上例同下例，我就鐘意食雞胸肉多啲，而且呢邊啲野食噶味道聽講喺好正宗酸辣粉，辣都喺有分級別噶，我食噶喺中辣，真喺辣得我好爽，而且湯底酸辣度好夠喉！酸辣魚，唔單只可以保持酸辣噶味道，而且魚噶鮮味都無流失。而且啲魚肉好嫩，好易入口，又無咩骨，拿嚟送白飯啱曬泡椒牛蛙，即係田雞，真係辣得好過癮