影片
更多
2016-03-04
825 瀏覽
【退步的傷心酸辣粉】酸辣嘢一向喺我心目中有好重要席位，過一段時間就要頂一頂我呢鋪酸辣上癮，傷心酸辣粉都算係我常去嘅地方。今次我同以往一樣，要咗兩個一人套餐， 分別係口水雞套餐 + 夫妻肺片套餐。 套餐我揀咗配酸辣薯粉，薯粉同埋餸菜分 bb 辣、小辣、中辣同大辣。 我多數揀小辣，如果好唔食得辣嘅人，最好揀 bb 辣。 如果你係完全唔食得辣，咁我勸你唔好去食算啦。 唔食辣，咁食咩鬼嘢四川菜呀！酸辣粉湯底係豬骨湯，加上香料、榨菜、花生、肉燥同辣油調配。 我鍾意薯粉彈呀口感，有「趙頭」。口水雞夠滑，即使係冰鮮雞都唔覺有雪味。 直情想食埋啲雞皮！ 不過怕肥，都係放棄咗！夫妻肺片夠入味，夠爽口，但就咁食會有啲咸，建議浸一浸湯，或者送飯食。如果你係鬼仔/鬼妹性格，唔食內臟，咁就唔好叫啦，夫妻肺片裡面有內臟架！ （因為有人唔知夫妻肺片係咩）特別介紹，我地額外叫咗個酸菜煮龍俐魚。龍俐魚夠滑，切的厚厚地，有口感。 唔會話煮得太老令到一夾散。 底下仲有薯粉，不過形狀唔同酸辣粉嗰種薯粉，而係似韓國炒粉絲嗰種質地，吸晒啲酸湯精華，一定要試試啲粉。雖然唔係唔好食，但feel 到佢退步咗， 希望下次去佢會有改善。價
酸辣嘢一向喺我心目中有好重要席位，過一段時間就要頂一頂我呢鋪酸辣上癮，傷心酸辣粉都算係我常去嘅地方。
今次我同以往一樣，要咗兩個一人套餐， 分別係口水雞套餐 + 夫妻肺片套餐。 套餐我揀咗配酸辣薯粉，薯粉同埋餸菜分 bb 辣、小辣、中辣同大辣。 我多數揀小辣，如果好唔食得辣嘅人，最好揀 bb 辣。 如果你係完全唔食得辣，咁我勸你唔好去食算啦。 唔食辣，咁食咩鬼嘢四川菜呀！
酸辣粉湯底係豬骨湯，加上香料、榨菜、花生、肉燥同辣油調配。 我鍾意薯粉彈呀口感，有「趙頭」。
口水雞夠滑，即使係冰鮮雞都唔覺有雪味。 直情想食埋啲雞皮！ 不過怕肥，都係放棄咗！夫妻肺片夠入味，夠爽口，但就咁食會有啲咸，建議浸一浸湯，或者送飯食。如果你係鬼仔/鬼妹性格，唔食內臟，咁就唔好叫啦，夫妻肺片裡面有內臟架！ （因為有人唔知夫妻肺片係咩）
特別介紹，我地額外叫咗個酸菜煮龍俐魚。龍俐魚夠滑，切的厚厚地，有口感。 唔會話煮得太老令到一夾散。 底下仲有薯粉，不過形狀唔同酸辣粉嗰種薯粉，而係似韓國炒粉絲嗰種質地，吸晒啲酸湯精華，一定要試試啲粉。雖然唔係唔好食，但feel 到佢退步咗， 希望下次去佢會有改善。
價錢：算抵食，銅鑼灣兩個人有食咁多嘢連嘢飲埋單 $200 頭
環境：坐得有啲逼，但算啦，租金貴嘛.. 地板有啲油，行路要小心。
服務：侍應有少少惡，落單前要諗清楚要咩，叫餸要快，否則伙計會唔耐煩。
張貼
