傷心酸辣粉 (桂林街)

營業中

休息中

養左只貓貓陪朋友去深水埗附近買嘢 經過見到就心思思咁入左去食 酸辣粉更係朋友仔嘅最愛 不得不講鍾意食芫荽嘅小夥伴肯定會好鍾意呢間野 價錢方面同份量都好啱大家 抵食份量又足香酥軟骨🦴十分之推介香酥軟骨 軟骨好味脆口 加埋甜酸醬簡直一流 香噴噴熱辣辣 牛撈牛肚（bb辣）🌶牛肚爽口有韌度 我個人鍾意多汁嘅牛肚 （講左好多次重口味 ）香辣粉份量好適中 啱啱好搭配到牛肚嘅味道 酸辣貢菜bb辣貢菜清爽可口 呢道涼拌菜絲毫唔油膩或者熱氣 鍾意爽脆口感嘅朋友可以一試炸芝士豆腐一開始以為d豆腐會外脆內軟 意想不到嘅係佢裏面嘅豆腐竟然有啲彈牙 質地有啲似魚腐 唔會太油膩 整體黎講口感還好 小寬麵重慶湯底🍜肉醬和肉醋味道好出 搭配寬麵令我胃口大開酥香脆豬腩 （甜酸醬）🐖酥香脆豬腩係間店嘅重點推介 咁當然要一試啦 脆豬腩可以選擇香辣粉或甜酸醬 豬腩外皮脆口 一咬就會有香香嘅豬油盈滿口腔 少量就剛剛好 酸辣粉（bb 辣）薯粉煙煙韌韌 份量充足 裡面仲有肉醬 蔥菜和花生🥜 芫荽 如果唔係好鍾意食芫荽嘅朋友仔記得叫佢走啦。bb辣唔算太辣 食得辣嘅朋友可以挑戰下其他辣度白桃烏龍冷泡茶🍵唔會太甜 好香白桃味道 冷泡茶

深水埗 - 傷心酸辣粉最近三更半夜日日睇美食blogger原條食脆卜卜嘅豬腩肉，睇到流晒口水，肚仔都餓🤣🤣發現傷心酸辣粉推出新品竟然就係半夜心掛掛嘅脆豬腩肉，梗係即刻沖去試下啦🤣🤣酥香脆豬腩套餐（🌟89.99/100）💲68勁興奮終於可以試下🥰一嚟到梗係要即刻試下係咪真係咁正啦，醬汁可以選甜酸醬或辣粉，有四舊豬腩肉，係五花腩位置，旁邊沾上白芝麻先拎去炸，咬落去四周都係脆卜卜，微微白芝麻香味，外皮炸到酥脆，食到一層肥膏一層肉，油脂係口中爆發，係幸福嘅味道🥰酸辣粉叫咗小辣，湯底酸味重啲，少少辣輕微麻，配料有肉碎、花生、蔥、菜圃和芫茜，薯粉煙煙韌韌，有咬口，吾會一夾就斷👍🏻 以前食BB辣都覺得好辣，感覺依家食辣犀利咗，下次可以挑戰中辣😎白桃烏龍冷泡茶可以選擇烏龍茶或者四季春茶， 小編揀咗白桃烏龍冷泡茶，飲到烏龍茶清香帶出淡淡白桃甜味，可以解辣之餘，仲可以減低油膩感🤫靜靜雞話俾大家聽，飲完仲可以瘋狂加熱水，一直飲，加咗兩三次都好夠味👍🏻涼拌豆腐皮，小辣（🌟76.66/100）💲27有青瓜絲鋪底，豆腐皮好乾身，微微辣咬落有豆香，一大啖咁食好爽🤤海蜇脆耳，小辣（🌟85.89/100）💲38海蜇好爽

相信講到傷心酸辣粉，喺香港應該都冇乜人唔識。特別在於佢今次推出咗新嘅菜單，聽講食過嘅人都話好食。但係我個人真係信自己，等我一於試吓有冇伏先。其實講起又有一排無食，雖然我唔好辣但每隔一段時間都想食下少少辣野😆酥香脆豬腩肉 $68首先啲豬腩肉係新鮮油炸，送到上枱面嘅時候仲有熱騰騰嘅肉汁鬧緊出嚟。因為選用嘅部位係豬腩肉部位，油脂分布較多，所以食落有溶化嘅感覺。值得一讚嘅係外皮，我從來係米線鋪頭冇食過咁脆嘅豬腩肉。唔係只得上面個皮脆，係成個圍邊才都係脆，而且特別香！點上甜酸醬真係一流！白桃烏龍冷泡茶 （跟餐）烏龍茶身清香，帶一點淡淡嘅白桃味，好適合中和辣味。而且我係比較健康嘅嘢飲另外一杯我哋稍為加咗錢要💰12椰汁涼粉冰，都幾好味！先💰12蚊，而且有好多細細粒嘅涼粉😍口水雞套餐$75嘩，差唔多係半隻雞，真係好抵食上面灑上好多芝麻同埋花生，辣中帶香又帶麻，口水雞就好入味而且雞肉好嫩！食到流晒口水🤤呢個套餐係我平時食會叫開😄另外值得一提係佢地既小食，價錢為份量又多，我每次去都會另外加點小食，因為性價比高👇🏻炸水餃 $20夫妻肺片 $35紅油金展 $45水餃都係新鮮即炸，係唯一唔辣但又好好味另外2個當

又叫了傷心酸辣粉外賣，二人套餐都幾扺食平時食開要睇彩數，因為每次味道不一，睇下今次好唔好彩先叫咗炸豬軟骨+蒜泥白肉+涼拌土豆絲一碗要米線 一碗要酸辣粉結果味道都係一般都係冇依order去整明明叫咗多酸但係都冇多酸明明一碗叫咗BB辣 一碗係中辣，但係兩碗辣度係一模一樣雖然啲小食味道係OK，但碗粉真係唔得，唔係跟客人要求去做之前食過幾次都係同一問題，酸同辣度好似只係睇廚師心情去整，好求其，今次再食都係冇改善，唔會再幫襯了

今次叫外賣好失望呢明明一碗叫小辣 一碗叫BB辣但兩碗都勁勁勁辣明明兩碗都叫多酸但兩碗都無酸味，只得一個辣字廚師應該無跟order去調味好在啲餸尚算正常例牌都係叫酸辣土豆絲+蒜泥白肉呢兩樣不嬲都保持到總括黎講:食野最怕今次好好食，但下次啲味道就唔同曬如果有調味標準，保持到味道咁就好了食過幾次水準都唔得平穩，有時過辣，有時唔辣，有時唔酸傷心酸辣粉無咗酸點可以叫做傷心酸辣粉呢個價錢但咁既質素，出面有大把選擇

我一向都好中意係酸辣粉不過都好幾年無去食啦難得大小姐都開始中意食辣野我就同埋佢一齊去食啦！位於深水埗嘅傷心酸辣粉舖頭細細，座位唔算好多不過午餐時間去其實都有好多人 以前傷心酸辣粉仲有更加多門市㗎不過已經越開越少😭餐牌上面其實都有好多選擇花多眼亂我哋都揀咗好耐先知道食啲咩好我就揀咗傷心酸辣粉加百頁結同埋牛筋 小辣原來都幾辣不過對我嚟講都係小兒科 大小姐就想揀咗傷心酸辣粉再加芝士腸 其實份量都好多㗎 至於大爺就搞咗口水雞配酸辣粉另外我哋仲叫咗炸大腸沾上華鹽粒黎食更加滋味真係一個好豐富嘅午餐辣度嚟講我覺得都可以接受下次或者可以試下中辣不過一啲咁刺激嘅食物都係唔可以成日食間唔中食一次就可以啦食太多對腸胃都係唔係咁好

好日都唔叫外賣一叫就瀨晒嘢送漏咗唔緊要但係餐廳完全唔聽電話，外賣員好好人仲話幫我哋落去攞返之後走咗但係過咗一陣上嚟道歉，雖然你哋公司係收11點但係都唔係咁樣做嘢呀飲食呢個行業俾你地做臭晒呢間公司毫無責任感大家小心啲叫外賣 

睇過唔少食評講呢間嘅外賣烤魚，頗有興趣於是就趁消費券出左去買結果距唔收alipay…希望距open rice可以update下付款方法唔想空手而歸，所以最後都係買左中辣嘅重慶烤魚（169 外賣自取套餐），2包野飲+1盒火鍋料（含肥牛）+1盒魚+1盒額外嘅湯，成袋野都幾重下✓價錢平×條魚唔知係咩魚，應該係炸過，但0魚味兼好肥＝肥牛係好肥果種個辣唔係譚x/譚x三哥果種順喉嘅辣🤔中辣介乎譚x嘅中辣同大辣之間結論：可以一試但期望不要太高Ps.現場落order的話記得叫人來…因為收銀台好似長期冇人企齋企係度就算其他員工見到你，距都唔會有反應

傷心酸辣粉以我記憶係得一碗碗粉面食，行過見到餐廳人山人海，仲要個個食緊一鍋鍋，又有一串串咁，於是就睇下有咩咁吸引🍢。疫情關係都好耐冇食雞煲，好掛住個個味道，咁岩見到佢做緊外賣套餐優惠💁🏻‍♀️雞煲(重慶雞煲、胡椒豬肚雞煲)💁🏻‍♂️魚煲(酸菜魚煲、重慶麻辣魚煲)幻想到嗰個重慶辣味已經吞咗啖口水，所以就決定叫個重慶香辣烤魚🌶。🐒外賣重慶麻辣魚煲(二人份)💰$168連一盒火鍋配料及2盒紙包飲品👉🏻火鍋配料：肥牛，魚蛋，蟹柳，木耳，生菜同埋薯粉。番到屋企準備好哂邊爐鍋就準備起動，夾起條魚既時候以為得半條，一開二咁，點知原來係一整條，勁大條，我諗二人份量有多，預四人份量都得👨‍👩‍👧‍👦。佢外賣套餐都好細心，一個盒裝魚，一個盒裝配菜，一個盒裝火鍋配料辣度佢有BB辣小辣中辣同埋大辣，咁我叫咗小辣，都食到我㷫烚烚，大家可以衡量返個辣度。滾起既時候已經聞到勁香嘅重慶辣味，好似堂食咁。食落去勁好味，同出面食既味道一樣，本身以為外賣拎到返屋企個味道一定會打折扣，真係冇諗過同堂食既味道會係一模一樣抗疫期間真係好耐冇食過呢個味道所以大家都冇乜點講嘢密密食，條魚已經起左肉同埋佢有將條魚拉拉油，魚骨夾住小小肉好香口

近日氣溫捉摸不定，忽冷忽熱。個人都變得有少少懶洋洋，呢個天氣最鍾意就係打邊爐啦，不過唔想自己去買餸，所以今日叫咗老公幫我去買個外賣火鍋，因為聽過朋友講之前食過份量超多同埋勁抵😋，我哋叫咗個「胡椒豬肚雞湯」真係滿屋飄香，吃完還想吃，感覺超級補哦！豬肚和雞腿肉層層浸透胡椒的香氣，湯清潤香濃，鮮嫩雞腿肉和彈牙豬肚為底，佢仲有肥牛丸菜其他配料，真係搞到仲夠聽日煮麵食🤣🤣🤣

禁堂食呢排日日係屋企煮飯都煮到厭了～咁岩傷心酸辣粉推出呢個 外賣火鍋套餐 佢分別有四款套餐可以選擇1.重慶麻辣雞煲2.胡椒豬肚雞煲3.重慶香辣烤魚4.老壇酸菜烤魚而今次我就揀咗胡椒豬肚雞煲價錢親民仲好足料胡椒豬肚雞煲一打開蓋即刻聞到好香既胡椒味豬肚都好爽口 雞肉肉質鮮嫩 幾入味套餐包左火鍋配料：肥牛，花枝丸，腸仔，蟹柳， 雲耳，生菜，薯粉等 ，仲有紙包飲品肥牛質素合理 薯粉煙煙韌韌勁好食 生菜掛湯一流，索哂D 湯汁整體黎講， 我覺得物超所值 又方便～ 好扺啊！！！

📍傷心酸辣粉 (桂林街) (深水埗)深水埗桂林街149號地下無晚市既日子 又想食個熱啦啦香噴噴既烤魚 🐟🐟上網發現左傷心酸辣粉推出個外賣火鍋套餐啊✨✨ 🛍️ @sourspicynoodle 🛒🐟 老檀酸菜烤魚外賣自取火鍋套餐 🍴呢條魚一開始已經煎好了 👩🏻‍🍳👩🏻‍🍳只需加熱一陣就可以食得架啦！👅👅烤魚好大條之外～食落去好方便架，啖啖肉超滿足👏🏻👏🏻魚身仲煎到金黃色好靚 好吸睛👀 湯底亦有好多酸菜🥬煲耐啲會更加入味 越食就越濃味 越煮就越入味🤤而且除左條魚之外，仲包左火鍋配料架🔥🔥肥牛、花枝丸、蟹柳、牛丸、腸仔、生菜同薯粉等🥡🥡食完之後仲可以加湯打邊爐🍲薯粉十分足料，吸收哂湯底精華 飲落個湯好夠味 ，好正🥢牛丸 、花枝丸 咬落去仲有汁之餘仲十分彈牙🙌🏻🙌🏻最後想講呢條魚真係抵食架🔥 呢個餐可以3人食添啊👨‍👩‍👦真係食完想再食啊 超正🤤CP值勁高！ ✨大家快D去試下啦～～

💎總評分：8.0/10-鐘意食辣野嘅人應該對傷心酸辣粉唔陌生，港九新界暫時9間分店實有一間你去到！大家都知道品牌以酸辣粉起家🍜，不過最近晚市禁堂食，發現原來佢推出左「同心抗疫外賣火鍋套餐」🍲，分別有4個set，只限外賣:1️⃣ 重塵麻辣雞煲 $99 (細）$139 (大)2️⃣ 胡椒豬肚雞煲 $99 (細）$139 (大)3️⃣ 重塵香辣烤魚 $1694️⃣ 老檀酸菜魚 $169以上全部跟火鍋配料，而且包埋兩包紙包飲品🧃，性價比超高👍🏻！🚗 小編今次去深水埗分店，就停正喺門口極方便，落車拎個外賣嘅時間你double park都無問題。 🍽️ 老檀酸菜烤魚火鍋套餐 ＄169 🍽️同堂食一樣原條魚上🐟，火鍋配料包括肥牛、花枝丸、腸仔，蟹枊、牛丸、雲耳、生菜、薯粉，紙包飲品可以自選。因為怕反到屋企個煲唔夠大，一問之下原來可以同舖頭借爐具😻！只需按金$400就可以，無限幾時歸還無壓力👌🏻，成set野拎到反屋企，只要開著個爐等佢翻熱就食得🔥！質素媲美堂食，魚肉厚身，湯底濃郁，好多酸菜同芽菜，啱晒小編😋。火鍋配料都絕不hea場，肥牛份量好大方🐮，唔好睇佢油花唔多，食落唔鞋有肉味，仲要6耐左都唔韌呢樣好野！牛丸同花

最近晚市又禁堂食，適逢新年天氣漸凍，好想打邊爐🔥 傷心酸辣粉而加推出嘅呢個外賣邊爐烤魚就啱曬🍲慳左自己打邊爐最煩嘅步驟，唔使自己到處頻撲去買料之餘，百幾蚊就食到烤魚，抵食過自己買🤣🤣老檀酸菜烤魚 $169 🤍4.5/5🌩 套餐有: 酸菜魚原條+肥牛+丸類+菜+薯粉+2包飲品💁🏽‍♀️🌩 酸菜魚超大條，成個盤都裝唔曬成條🤩🤩🌩 魚本身有炸過好香口🔥魚肉結實而且無乜細骨食落啖啖肉🐟🌩 湯底方面有大量酸菜夠酸夠開胃😋試左少辣好惹味🌶(唔係好食得辣嘅朋友建議可叫bb辣/唔辣) 🌩 湯底再配上爽口豆芽一齊滾，唔會好鹹或過於油膩👍🏼🌩 配料方面亦好足:🍗有邊爐最愛嘅肥牛(好足2人份!)、花枝丸、牛丸、腸仔、蟹柳等肉類🥬菜方面有生菜同雲耳，份量都幾多，雲耳爽口生菜吸曬啲湯汁好入味🥔 薯粉煙韌彈牙同樣吸收矖啲湯汁好正💕整體嚟講成個餐真係好豐富，2人share飽肚有餘，3-4人嘅加少少配料都絕對夠食⭐️⭐️⭐️最細心嘅位係佢可以租借埋爐具($400按金)，店員喺外賣包裝上亦好方便細心，屋企平時無打開邊爐嘅朋友都唔使擔心

近來發現傷心酸辣粉做緊個抗疫優惠，超抵價錢就可以食到雞煲/烤魚外賣，加上天氣突然轉凍，緊係要烚吓烚吓🍲今次👧🏻就揀咗老檀酸菜烤魚攞返屋企同屋企人食🤪🌟 老檀酸菜烤魚 ($169)為咗更有出街食酸菜魚氣氛，事先就比咗$400按金， 租個烤魚爐返屋企，想幾時歸還爐具都得😜酸菜湯底偏酸一點😖，有唔少酸菜+大豆芽托底。烤魚係用上巴沙魚，同平時堂食一樣原條魚上，魚身略帶輕微泥味，唔似普通河魚咁多骨，連唔擅長吐骨嘅屋企人都不斷讚條魚多肉又冇咩細骨。魚有事先已炸熟，質感1️⃣厚實實肉2️⃣不鬆散👍🏻隨餐仲包咗唔少火鍋配料包括肥牛🐮、花枝丸、腸仔、蟹柳、牛丸、雲耳、生菜🥬、薯粉。肥牛雖然肥膏比例高，屋企食自己剪走冇咩所謂啦🤪，反正肥牛份量都好多+唔鞋口🤣薯粉煙靭滑嫩，盡吸酸菜湯底精華。隨餐仲附送2包紙包飲品🧃，$169食到好味酸菜魚火鍋真係好抵！以👧🏻呢個細食家庭👨‍👩‍👧嚟講，其實食完條魚🐟都已經都6-7成飽，加食多少少丸類+肉+薯粉都好飽，仲可以食淨薯粉留返下餐再煮過🤣 不過都係建議2人就share 一個餐，3-4人就另加小食/配料。