傷心酸辣粉 (桂林街)

營業中

休息中

講起傷心酸辣粉，佢都算係中學嘅回憶，記得以前成日去食！貪佢大件夾抵食😂🔻#重慶麻辣雞煲 二人套餐 - 半隻 $199BB辣雞煲好入味，真係好好送飯！😂😂佢地既辣永遠都唔會失望，除左辣仲好有麻香！勁惹味😋😋😋另外，二人套餐可以跟3款唔同既配料，我地就揀左芝士豆腐、土豆片、豆卜🤗🤗最後仲可以揀配薯粉、米線定係白飯🍚🍚真係好抵！🔻#重慶酸辣粉 $30因為二人套餐揀咗白飯😂但係又好掛住佢啲薯粉😂😂於是就又嗌多咗碗酸辣粉嚟食💕佢啲薯粉依然非常彈牙，好煙韌🤤🤤辣度就揀左小辣，酸辣粉仲加左花生、肉碎、芫荽、葱花等等配料😋🔻#傷心辣椒油 $29唔知道大家知唔知傷心酸辣粉有自家秘製嘅辣椒油買🤩😂平時喺屋企煮麵/撈麵嘅時候都可以落，可以食到舖頭食到嘅辣味🤗同埋佢係冇添加任何防腐劑，大家有興趣都可以買返樽返屋企試😉

《傷心酸辣粉》最記得讀書嗰時一唔開心就會想去食！怕辣既我一邊食一邊流鼻水😂好似傷心到喊咁～唔知個名係咪咁樣得嚟😆除左聯想到個名之外，佢啲價格仲好岩學生哥，真正做到平靚正💓佢仲緊貼潮流，不斷推陳出新，依家有埋水煮魚、酸菜魚、雞煲等熱門菜式❣️🐟酸菜烤魚（$178）因為唔係好食得辣所以點左呢款店員問小辣定唔辣我直接話唔辣🙈不過相信辣係更加惹味！估唔到烤魚咁大條！一邊烤一邊食❣️新鮮滾熱辣😋魚係煎封過，好香好滑😋重點係多肉冇咩骨！佢啲配菜都好足料～包括酸菜、蓮藕片、豆卜、金菇、芽菜、木耳等～食完都已經好夠飽😂🍢黃金花枝丸（$18）純粹個人喜好😆同埋想叫個唔辣既小食食～幾經挑選終於揀左佢（因為佢真係好多小食種類🙈）味道正正常常，好彈牙～我自己幾滿意～依家佢仲有自家既傷心辣椒油（$29）都幾大樽！可以自己返屋企整傷心酸辣粉過下口癮😍

有冇朋友都同我一樣無辣不歡呢🥳今次又帶大家去食辣啦！✅傷心酸辣粉酸到流口水 辣到流眼淚 麻到無感覺對於我呢個麻辣控黎講已經免左役🤣酸辣粉以前成日食 估唔到而家仲有得食雞煲同烤魚所以今次就同屋企人去試下烤魚啦😍🔆香酥軟骨 酸辣粉 $52黎到點可以唔食酸辣粉呢🤣 最鐘意食呢到既軟骨 香脆又唔會太厚粉好耐冇食到 都keep到酸辣粉個種酸酸麻麻既質素！食完個口仲有少少麻麻地既感覺🤣薯粉唔會太腍幾好👍🏻味道: 3/5賣相: 3.2/5🔆重慶香辣烤魚 $178屋企人鐘意食魚 所以就叫左個烤魚試下啦😆呢個係巴沙魚 一條份量都幾多食落個魚既質感都唔錯 唔會太實個湯底好香麻辣味 唔會太咸 仲有好多配料 例如蓮藕，雲耳，大豆芽，豆卜，腐竹仲有金菇就好似打邊爐咁 好豐富😍我地仲加左薯粉 放埋入去 好掛湯好好食😋叫左小辣 但愈食愈辣🤣愈黎愈過癮食完好滿足 好飽肚🥳味道: 3.4/5賣相: 3.2/5🔆秘製辣椒油 $29麻辣控又點可以唔試下佢地既辣椒油呢辣椒油反而要想像中咁辣😂同堂食既辣度完全唔同😂感覺就好似bb辣咁嗜辣既我就覺得唔夠啦😂辣啲會更加好😝😋地址: 深水埗桂林街149號地下🐻Follow

~ 傷心酸辣粉 ~呢日因為實在太想食辣啦🙈🙈所以拉埋朋友一齊去左呢間係深水埗嘅傷心酸辣粉食翻餐辣辣嘅lunch❤️真心超級滿足重慶香辣烤魚($238)呢個其實係二人套餐黎，除左烤魚之外，仲可以另外揀多四個餸㗎👍🏻真心都幾抵食🙈kk同yy就揀左薯粉、土豆片、腐皮同墨魚丸呢幾樣野，加上佢一盤大大嘅烤魚👍🏻真心好滿足好夠飽👍🏻佢烤魚嘅味道真心好正㗎🙈食落真心係滿滿嘅鹹香味同香辣味❤️超級惹味👍🏻尤其係烤魚，薯粉同蓮藕片真心入曬味❤️❤️食落超正超香口❤️而值得一讚嘅係佢嘅烤魚有炸過，所以食落會再香口左傷心辣椒油($29)原來宜家佢哋仲有賣自家製嘅辣椒油， KK同yy忍唔住都買埋黎試👍🏻👍🏻佢真心都幾大樽，而且味道都好唔錯，食落味道都好香辣下，所以想食辣椒醬嘅都可以試吓佢㗎

野食唔係差，但單點既配菜可以一直都唔上係咩玩法？落單到食完，成一個鐘都未到，當你唔記得，我都問左兩次，仲係一直唔上。到第三次了，火都黎了，你同我講佢新黎？我問既都係唔同既人，個個都新黎？咩玩法？？？

傷心酸辣粉❤️😱原來「酸到流口水，辣到流眼淚」既🥲傷心酸辣粉有雞煲同烤魚食。其實佢地仲有抵食既任飲任食🐔雞煲添，價錢仲超親民，平日都係$128/人咋～除左食野佢地仲有特製的🌶辣椒油，價錢唔貴買番屋企調味仲可以喺屋企都食到呢度既味道添‼️🌶重慶麻辣雞煲 二人套餐 - 半隻 $199中辣“雞煲煮得好入味 佢地既辣永遠都唔會令我失望 除左辣仲有麻香 二人套餐仲可以跟4款唔同既火鍋配料～"💡如果大食既你地，建議嗌2小時雞煲放題～都抵食

呢間鋪我真係成日食，超鐘意食呢度嘅烤魚，亦介紹過比好多朋友過來食。今次就唔食烤魚住啦，試下雞煲先~.🌸胡椒豬肚雞煲 細 $139廣東省傳統的客家菜之一。呢度嘅味道都算正宗，湯裡濃中帶清，有雞湯嘅濃郁亦有胡椒的香氣。雞煲上菜後需要再加熱，煮至沸騰，飲一碗熱辣辣嘅豬肚雞湯，下火又滋補，超暖胃。豬肚煲得淋而入味，雞肉亦新鮮好味，重要嘅係個湯，濃郁美味。.🌸手撕雞冷麵 $55呢個套餐加送一罐可樂。手撕雞嫩滑入味，冷麵清爽光滑有彈性，有芫茜，蔥，青瓜同花生做配料，口感一流。特別係花生，係間鋪頭自製，鐘意食嘅話可以買一盒當零食都好正，只需要十蚊咋~.🌸生菜 $18新鮮爽口。.🌸自製辣椒醬 $29放d落去冷麵度 特別好味，辣得來又香口。

之前一直都有聽過傷心酸辣粉呢間餐廳，但咁耐都未親身試過，今日終於有機會一試。.放工剛好趕得及食佢地個滋味粉面套餐，價錢真喺幾抵，$29就有一碗麵、小食同埋紙包飲品，宜家物價高企既時期真喺少見。✨鹽焗手撕雞薯粉薯粉爽滑彈牙，係我幾鍾意的口感。薯粉同手撕雞嘅份量都唔算少，對得住價錢，食完都夠飽。湯底就係比較單調嘅清湯，無咩特別同埋偏鹹左啲。✨炸墨魚餅小食我哋就叫咗炸墨魚餅，一份有三件，口感都幾彈牙！跟餐仲送一盒紙包飲品。反而同行朋友叫左碗傷心酸辣粉配口水雞就比較失色，湯底酸味太勁，變咗成碗粉得個酸字又唔夠鹹唔夠辣，有啲失望，而且價錢仲要比滋味套餐貴。口水雞份量亦都好少，部位仲要喺頭頭尾尾位，唔太抵食。下次再去都會叫返滋味套餐，真喺最抵食！

傷心酸辣粉可以話係香港食酸辣粉既始祖細細個已經跟屋企人去食🤣今次黎食返個lunch 麻辣肥腸係我必選之一配埋彈牙十足既薯粉 辣度我揀左小辣酸辣粉已經加左花生🥜 肉碎🐷 芫荽 葱花等等配料🍲湯底酸酸辣辣 好惹味 薯粉既軟硬度亦剛好海蜇脆耳好爽口 最岩就係依家熱熱地既天氣食～❤️紅油味較香 無乜辣的麻辣肥腸好惹味 浸埋落湯一齊食更正🤤.另外傷心酸辣粉仲有水煮魚/牛肉 烤魚 酸菜魚 雞煲食😍忍唔住叫左一盤水煮魚 無睇錯 係一盤🤣因為真係好大盤魚肉用上龍脷魚 啖啖肉 完全無骨～有得揀辣度架小辣就剛剛好 帶點麻 魚既份量唔少 建議2～3人食👫🏻.另外店舖仲有得賣獨家既辣椒油 好足料😋買返屋企平時整嘢食都可以加落去 尤其係我最愛既蘿蔔糕～只售ʜᴋᴅ 29💜未試過既一定要試下‼️

一直以來聽個鋪名都以為得啲辣嘢，所以從來都冇入過嚟食嘢。咁岩屋企人話呢度有酸菜魚先第一次入嚟，酸菜魚有香辣同酸菜兩款，我地唔太食辣擇酸菜就算。酸菜烤魚 條魚幾大條，魚身有煎過，配菜份量多，有大量酸菜、木耳碎、蓮藕片、金菇等，足夠四個人食，但可惜酸味欠奉，食落相當淡味，令魚肉唔夠入味。

“水煮美國雪花肥牛”($129)“蒜泥白肉午市套餐”($54)“酸辣土豆絲”(跟餐+$18)“傷心辣椒油”($29)最近食開辣嘢就有條癮🤣上網睇睇下發現原來傷心酸辣粉除咗酸辣粉原來仲有雞煲,烤魚同水煮系列🌶醒起自己已經好幾年冇食傷心酸辣粉所以一於決定去食下😋我地單點咗一份小辣嘅水煮美國雪花肥牛🐮水煮牛份量都幾多,食落都幾腍滑☺配料仲有芽菜同寬粉😍小辣辣度岩岩好,唔好辣得好辛苦🤣咁嚟到冇理由唔叫返碗酸辣粉嘅😆叫咗個蒜泥白肉嘅午市套餐🐷再加多個酸辣土豆絲🥔土豆絲份量夠哂多😝2個人都好夠食唔講都唔知原來傷心酸辣粉有自家嘅辣椒油買🤩想喺屋企都食到舖頭嘅風味就要買返樽啦🤣

生日週放假難得平日放假一定要book我個忙碌嘅髮型師去整個頭點知髮型師佢遲到，所以我唯有自己一個人去搵下嘢食先😆本身係諗住買個麥當勞去佢嗰度開餐依家有機會比我搵吓餐廳一個人食飯難得一個人，梗係去啲成日想試但老公又唔想食嘅地方啦突然間經過呢間傷心酸辣粉即刻衝入去😛老公就麻麻哋啲酸辣嘅嘢，所以每次我經過想食老公都拒絕今次一個人就可以試吓啦其實我成日都唔明點解啲薯粉咬極都咬唔難不過個味道係我喜歡的😁另外我加咗口水雞，冇話好驚喜好好食亦都冇話唔好食，我只嫌佢啲配菜少咗啲反而啲花生我覺得幾好食，而D雞都好嫩👍🏻順帶提一提，服務員姐姐好細心講解啲餐俾我聽👏🏻👏🏻

買完電腦野，食咩好？想食辣野，搵間平平地，$128任食，有肥牛，試下先，2個人，一條烤魚。拎飛等位，真心耐，我由6：50pm，到7 ：25先有位，足足半個鐘烤魚條魚預先炸好，肉質都幾鞋，唔好有期望，個煲幾咸，唔使醬汁都ok肥牛肥d，但有牛味，唔差喎，無咩選擇下，我食左好多丸+菜類丸選擇不多，5樣左右，菜都係2,3款，不過有寬薯粉，口感幾好味，夠飽肚個人評語我未必會食第二次，因為除左平，無咩可取既地方。

出街天氣咁熱，搵個地方食個下午茶休息吓係必須嘅🥳。尤其喺深水埗，行完黃金買完game，更加要搵地方坐低休息吓睇吓戰利品🤣。以為天氣咁熱冇乜人食酸辣野，點知都座無虛席，當然計埋疫情封咗嗰啲位啦。不過好好彩等咗5分鐘就有位。叫左個酸辣粉套餐，一個酸辣粉加一個小食👍🏻。🔻傷心酸辣粉🔻傷心酸辣粉嘅精粹係唔需要加任何餸，淨係一碗粉都好好食😋，叫咗少少辣🌶，紅薯粉既煙韌配上偏酸嘅湯底好開胃，小小肉末調下味👍🏻🔻海蜇豬耳🔻麻辣味好香但唔夠味，豬耳切得幼細，海蜇夠爽口👍🏻

放假出黃金買野。咁就係附近搵食。行過傷心酸辣粉見到有位。二話不說就入左去。眼見都有一兩張枱未執好。其他就要搭枱坐。於是選擇坐埋一角。打開餐牌睇左1round.都有好多野想食。最後嗌左個麻辣肚絲配酸辣粉加多杯凍奶茶。成個送餐過程都算正常時間。唔使等太耐就有得食。凍奶茶茶味夠濃。唔會奶多過茶。麻辣肚絲唔會太辣或者太麻。岩曬啲可以試小小辣既人。酸辣粉既味道香辣適中。酸爽開胃。份量都算足夠填飽個肚。但係唔知點解隻匙羹有陣漂白水既味道。唔知係咪想比啲客人知道佢哋有用漂白水做清潔呢。環境方面認真一般。食完都係那那聲走人。酸辣粉麻辣肚絲凍奶茶