來多碗車仔麵 (民裕街)

營業中

休息中

中午黎到來多碗車仔麵，一入鋪頭左邊就係叫送，行多兩步就係收銀機比錢，再去搵位坐。成個流程好smooth好快, 岩哂想快靚正搞掂既人。今次叫左兩碗5送既車仔麵，兩碗既麵底都要左出前一丁（因為平時屋企唔會買出前一丁黎食，出街就放肆下啦😛），再要多2罐coke zero。我好少可食車仔麵，不過我都幾滿意佢既送，冬菇好入味，好厚身好有口感，咖哩魚蛋都好正，唔會太粉，辣度岩岩好。老水蛋亦都好入味👍🏻貢丸亦都比其他連鎖店好食。

又到星期日周圍搵嘢食的時候，在門口見到個名幾吸引，便來食碗車仔麵。呢間麵檔裝修簡單但十分乾淨，入門口先點嘢食後比錢才搵位坐低，佢哋會將食物及飲品送過嚟，服務態度好，此類小店比較少見。我先來一碗三餸麵（豬紅、墨魚丸及菜肉餃）配紅薯粉，一般其他麵店紅薯粉都要加錢，呢度唔使加錢，墨魚丸幾彈牙，份量亦唔細。阿仔便來碗四餸河粉（牛腩、豬紅、豬腸及牛肚），豬腸好淋入味，牛腩亦高質素，加佢哋嘅辣醬，十分開胃。另外試了一個特別的飲品，冰啡樂（咖啡+可樂），好少地方有供應，飲落好特別，有層次，苦中有甜，咖啡帶氣，好配搭。

食得車仔麵一般都預左環境細小及迫，但呢間車仔麵地方闊落，坐得舒服，燈光仲好光猛添收左工六點半到入座，唔駛同人迫好正一食車仔麵就會忍唔住想食好多餸，最後叫左雞翼魚皮餃牛腩墨魚丸瀨粉雞翼同牛腩都好入味，秘製辣醬啱晒無辣不歡既我。瀨粉唔係間間都食到，呢間有當然要點，一直認為瀨粉係最襯食車仔麵😅加$8有一小碟生菜，加左當健康左😂整體味道環境都算唔錯，可以再去食既車仔麵店

近家維村有條美食街！唔係紅磡人應該唔知😅哩度其實有三、四間麵舖係我飯堂😂如果想食車仔麵的話就會嚟哩度今朝起身一路懶出門口結果要冒住黃雨出嚟😅心癮想食我嗌咗菠菜麵+通菜底嗌咗雞翼、春卷、蘿蔔、牛栢葉同墨魚丸雞翼好入味 春卷係佢地招牌 彈牙得嚟又好味蘿蔔好甜 索晒啲湯朋友嗰碗係油麵牛腩、魷魚、魚蛋、貢丸牛腩個汁好濃 做腩汁一流魷魚辣得好過癮 不愧係招牌哩度比起一般車仔麵舖係乾淨企理得多麵底選擇有成十款餸菜有幾十款唔係麻辣嗰種 食落好刺激！哩道啲料真係入味又大件抵食其實車仔麵檔可以整到咁嘅食物水準真係好難得哩度走年輕路線 食物質素高未食過嘅街坊一試肯定會再試！

食車仔麵最緊要就係車仔餸選擇夠多，令人花多眼亂。見到上面呢堆必食推介，再加上望到一大堆車仔餸，真係唔知點樣揀。最後我呢碗車仔麵就有以下呢幾款餸：雞翼、滷水蛋、魷魚、牛腩、油菜配米粉呢度有兩款辣醬，分別係魔鬼辣醬同秘製辣醬，採用自取形式，我攞咗少少秘製辣醬，味道香而不太辣，同車仔餸非常夾。至於其他幾款車仔餸，個人認為雞翼同魷魚比較出色，其次就係牛腩同滷水蛋。魷魚彈牙入味，雞翼亦然；牛腩有柱侯香，味道都唔錯。

今日繼續跟媽媽揾食，媽媽今天想吃車仔麵，想吃回兒時味道。我立時想到「來多碗」這個經歷數十載的老字號。這個曾經在官塘乞立多年的車仔麵檔，飄到紅磡，所以今天決定陪媽媽重臨舊地。餐廳內外當我步行附近，被店內的功夫熊貓的插畫吸引著，而且內裡明亮光猛，空間感不俗，更設沙發雅座，比其他車仔麵檔更舒適。餐牌設計車仔麵有的它都有，包羅萬有，更加添了不少菜式。食物方面先後點了兩個車仔麵，配以豆漿。先來了老媽子的那一碗，配菜有魷魚、牛肚、豬腸、雞翼和餃子。吃車仔麵一定要吃湯底，豬骨湯湯底濃，配合辣汁魷魚、瑞士雞翼(肉雖厚，但瑞士汁融入每啖雞肉)、餃子(啖啖豬肉)等，完完全全滿足我味蕾。另一方面，讀者一定要嘗試秘製辣醬，一吃下去意猶未盡，磨豉醬突出，沙茶香氣緩緩發出，不致過辣。另一碗是油麵，配菜有牛楠，菜心，墨魚丸。牛楠牛味香濃，新鮮菜心，墨魚丸彈牙！而且每份份量也相當足夠！小編覺得秘製辣醬是最好吃的！如果店主將它推出零售市場，我相信一定會大買的。

咁岩經開紅磡，見到呢間車仔麵有少少懷舊裝修就入咗去，唔知道係以前牛頭角出名車仔麵檔。叫咗大腸蘿蔔滷水雞翼，蘿蔔夠淋，無根也有甜味，大腸滷得好正，好有舊式車仔麵檔感覺，唔錯下次有機會再嚟食！

以前係附近番工，果時未有呢間車仔面。事隔年幾再番黎呢邊上珠寶course，舊同事介紹食呢間車仔面，雖然份量少啲，但幾好味。反正冇咩時間食野，於是就試下啦！一見到門面就覺得幾干淨，六點幾鐘黎到冇咩人，咁當然啦，工商業區啲人都放晒工🤭一入門口就可以叫餸，本身食量唔多，叫左漱粉，依家香港唔係咁多地方有得食啦！叫左三個餸，份量岩岩好！通菜新鮮青脆，牛肚厚實，豬大腸够肥干淨又入味，配埋罐凍可樂都唔使$50 ，咁抵食邊度揾！下次上堂都要再食，好味得黎又坐得舒服，真似面如其名，要「來多碗」！

呢間喺我Office附近嘅車仔麵舖長期都好多人排隊，佢應該開咗就嚟一年，但人氣仍然冇減。但多數等一陣都會入到去食嘅～啲侍應都會幫你搵位同埋幫你送碗麵過去！一入位排隊嗌咗嘢食先，佢最平可以一麵兩餸，啱細食嘅人。我自己叫左魚蛋，咖哩魷魚，蘿蔔配瀨粉。朋友就叫牛肚，咖哩魷魚，蘿蔔配菠菜麵(+3)。証明咗咖喱魷魚同蘿蔔係係好受歡迎，蘿蔔真係好入味👍🏻份量唔算大，但啲粉同餸都好味，個湯都幾好，而你見到個匙羹上面嘅黑色醬，其實係辣醬，仲係超級超級超級辣，所以佢問你加唔加辣嘅時候，如果你只係食到少少，你一定要叫佢加少少好喇，如果唔係就會辣到食唔到麵。🌶🌶🌶但加小小係好食嘅！價錢唔算貴啊，我覺得佢係我食過Top 5好食嘅車仔麵！🤤🤤

早上無食到早餐所以諗住下午食得飽D，就簡左食呢間車仔麵。呢間舖嘅店面好整齊，牆上嘅畫亦都好有香港地道色彩。我叫左五餸車仔麵配凍奶茶，選左公仔麵底，五個餸就簡左呢度嘅辣魷魚、魚蛋、貢丸、魚餅同滷水豆卜。收錢檯就係廚房隔離，所以落單比錢後，即刻好快就出到食物。佢會問埋你要唔要佢嘅秘制辣醬，我就簡左小辣。湯底味道唔算太濃，所以食完唔會覺得好口渴，加埋個秘制辣醬，令到個湯有微微辣味，更加惹味。公仔麵個質感都唔錯，浸左係個湯好耐都仍然保持到個韌度，唔會完全淋曬。五個餸之中比較鐘意係滷水豆卜同魚餅。滷水豆卜好入味，一咬啲滷水汁流曬出來，而且個滷水汁又唔太鹹。魚餅個味道甜甜地，幾好食。至於辣魷魚就好彈牙，味道無想像中咁辣，但都唔錯。

細個最鐘意就係食車仔麵，夠多餸又平又夠飽，今次喺紅磡搵到呢間環境望落唔錯嘅車仔麵～食物選擇非常多，我揀左蘿蔔、雞翼、牛腩、菜心、冬菇同埋溏心蛋，再配埋佢地自家製嘅辣醬。辣醬味道就唔算好辣，但係就令配麵昇華左🤣平時車仔麵好少會見到有得揀溏心蛋，唔好見佢賣相好似麻麻地咁，但令我十分之驚喜！外層浸住應該醃左有一段日子嘅醬油，非常入味；溏心蛋做到有流心嘅效果，配埋熱辣辣嘅湯，好好食啊！至於麵方面，我就揀左菠菜麵，好特別，我都係第一次食呢😝菠菜味唔算話好濃，但係就幾彈牙，同埋食落都好似健康啲丫嗎🤣🤣呢間車仔麵真係幾抵食，平時想慳下錢又唔想煮嘅話，我都會食佢的🤭🤘🏽👍🏼

今晚去紅磡搵朋友食飯，突然車仔麵癮起朋友就帶我去食呢間，佢話呢間好出名歷史悠久，不過見佢裝修咁新淨我就覺得好出奇🤔朋友叫咗豬皮，蘿蔔，魷魚，金錢肚，生菜幼麵加辣我叫左豬紅，豬皮，魚餅，墨魚丸油麵，偷咗朋友少少辣😂豬紅好滑👍 魚餅彈牙平時食車仔麵好少叫墨魚丸，今次食係因為用陳記墨魚丸好彈牙，我不嬲覺得陳記呢個品牌係唔錯， 果然冇令我失望👏 呢間車仔麵店用靚料👍朋友話一定要試佢個魷魚，魷魚用咗秘製辣醬整好惹味，的確好食😋 又爽口朋友冇介紹錯， 下次會再去食👏

當日同舅父阿叔佢哋一齊去hunghom買嘢,玩完電腦好攰於是想搵啲又平又實惠嘅食。於是見到這間賣車仔麵。頭先門面都幾吸引而且哩邊比較整潔,裝修整齊格局。令人煥然一新。我同舅父都分別叫左兩碗。嗰碗油豬紅蘿蔔，鳳爪,韭菜,配上他們的地道油面,舅父要了米粉。整體感覺唔錯。佢哋有辣椒，以及紅醋。整個配搭非常飽肚，加上環境乾淨衛生一流。食落覺得很過癮。由地鐵站走過嚟唔到15mins, 真係唔錯。值得一提佢哋凍檸茶好飲。希望下次再同媽媽嚟。

這天需要加班，但又不想太夜才吃飯，所以決定放工後吃碗麵才回家。本身在家維邨附近，見商場比較多快餐店，所以去了斜對面的來多碗車仔麵。進內後發現它的裝修與一般車仔麵店很不一樣，牆身的3D畫很吸睛，適合影相打卡。一個麵可以選最多五種餸，餸菜亦有不少選擇。選了通菜、秘汁雞翼、鳳爪、魷魚和章魚燒（是章魚丸來的）。通菜新鮮嫩綠，平時吃車仔麵不太吃菜的我也把它吃光。魷魚一直是招牌菜，入口微辣，咬落爽口彈牙，讚！最喜歡的是章魚燒，裏面藏有不少章魚粒。雞翼啖啖肉，而且很入味。湯底則沒有落味精，喝了大半碗都不覺口渴。

紅磡紅磡廣場附近一條小巷入面有幾間麵食，成日行經一直都覺得呢間好吸引，同男人晚上決定一試，點知有驚喜！食物好多選擇，應有盡有！呢個秘製辣醬超惹味，加左落去個麵到超香，成個湯底多左小小既辣香，忍唔住加多一匙！坐底後，我地都係跟大字標題去點菜，一定穩陣！二人都選了一麵五送($46)河粉麵底:牛肚、通菜、魷魚、牛腩、蠔皇花菇牛肚、魷魚好爽口入味牛腩都好香!!重點:個湯底好正，有五香牛肉麵的感覺而且清租甜，不油!食完唔會口乾!!正!米線麵底: 生菜、蘿蔔、蠔皇花菇、豬紅、牛丸蠔皇花菇好入味蘿蔔好清甜!食完個都好舒服，正!!而且環境舒適，幾乾淨!!又唔會好大陣油煙味!!可ENCORE!!